如

荃灣中餐，環境算唔錯，有海景睇，位置寬躺。東亞信用卡做緊九折，埋單前可以問下有冇做緊信用卡優惠。午餐：1）蟹肉金魚🐠餃，蟹肉霖，金魚眼一大一小🤦🏻‍♀️🤦🏻‍♀️🤦🏻‍♀️蒸蛋係底幾得意。由於金魚🐠對眼一大一小，唔推介。2）焗南非鮑魚酥，👍🏼👍🏼👍🏼👍🏼雖然本人麻麻地酥，但鮑魚霖，值得推介👍🏼👍🏼👍🏼3）香檸鳳梨叉燒酥，似菠蘿生炒骨，好怪🤦🏻‍♀️唔推介。4）脆皮紅米腸，正常5）蛋白杏仁茶，正常6）小食，小辣腰果，唔好食

荃灣超值美食中餐，讓味蕾沉醉！性價比超高超值的美食體驗，荃灣如心酒店的晚餐套餐絕對不容錯過！每位僅需$628，並且有四個人一起用餐可享受“送一個”的優惠，再加上一瓶紅酒，真是超值之選。前菜薈萃套餐開始於精緻的前菜，包含了至尊蜜汁叉燒、素鵝千層和香梨桂花脆鱔，每一口都是味蕾的享受，特別係脆鱔，好厚嘅鱔肉，豐富嘅口感，而且一點腥味都冇，令人忍不住想要再來一份！主菜接下來的天籽蘭鮮黃耳燉遼參，湯的鮮美讓人陶醉。蔥燒百花釀南極鱈魚，外脆內嫩，魚肉裏面釀咗蝦膠，切開係雙重貼住嘅，手工精緻，口感絕佳。蠔皇六頭南非鮑魚扣鵝掌，肉質鮮美，鮑魚味濃，鵝掌又入味，讓人回味無窮。番茄魚湯浸菜苗，則以清新的口感平衡了整體的豐腴。澳洲和牛鬆鵝肝炒飯，每一粒飯都入味分明，更是將豪華和美味結合，香氣四溢，夠熱，口感同層次感都非常豐富，充滿着和牛同鵝肝嘅香味。特別加一碟蓮藕片炸子雞，蓮藕皮鬆化又脆，好似食薯片一樣，炸子雞外脆內軟，一上枱就已經聞到香噴噴嘅炸子雞味道，簡直係回味無窮齒頰留香。甜品最後的蝶豆花豆腐凍和黑白芝麻卷，色香味俱全，蝶豆花嘅藍色實在太吸引，黑白芝麻卷，蒸得非常之淋同軟身，而且充滿着黑芝麻嘅香味。完

如果要喺荃灣搵間靚靚嘅中菜宴客，‘’如‘’真係一個好好嘅選擇。餐廳裝修簡潔得黎又有啲時尚，樓底算高，枱同枱之間有令人舒適嘅距離，坐喺度食飯真係非常舒服。酒店中菜食物水準確實有一定嘅保證，每道菜都好好味。 非常推介佢哋嘅拆魚羹，呢道菜需要師傅好多工夫將食材切成幼絲，真係啖啖都係心機，再配上濃濃嘅鮮魚高湯，🐟味道鮮美到不得了！另外，仲有炸子雞🐓，外脆內嫩，咬落去仲好juicy！炸子雞嘅拌碟係炸蓮藕，咬下去脆脆卜又有啲淮鹽味，好食得停唔到口。 甜點方面最令我印象深刻係薑汁豆腐花，賣相靚到爆，好似一朵菊花咁，食落去又滑又香，薑汁味道適中，唔會太甜，真係完美嘅結尾😋總結來講，如中菜餐廳無論係環境、服務定係食物都非常出色，值得一試！如果你喺荃灣附近，真係唔好錯過呢間餐廳！

當日與好久不見的嬸嬸相約五人到荃灣如心酒店7樓的Ru餐廳飲茶。從電梯出來就被華麗的聖誕花裝飾的走廊吸引，氣氛十足！餐廳左邊是接待處，右邊有日式竹簾和杏色梳化，簡約而時尚。內部環境用圓形雲石桌和杏色皮梳化，還有落地玻璃透入陽光，感覺溫暖高尚。總結來說，每道菜都精心製作，味道與賣相俱佳，服務親切唯獨服務員有點催促我們點餐，我爸爸話啲點心微暖，如果再熱一點就應該係好Perfect了！😜必試菜式包括： 蟹肉金魚餃：外型精緻，魚形蒸點顏值高，魚肉鮮甜。 櫻花蝦楊州炒飯：香噴噴，一口接一口。 香檸鳳梨叉燒酥：鬆化外皮，鹹甜適口，帶香檸味。 蘋果鹹水角：Q彈可愛，蘋果餡清甜。蟹肉金魚餃（4件） （$176.0）韮黃鮮蝦腸粉 （$78.0）雪山叉燒包 （$68.0）蘋果鹹水角 （$58.0）香檸鳳梨叉燒酥 （$68.0）筍尖鮮蝦餃 （$88.0）蟹籽鮮蝦燒寶 （$88.0）XO醬脆煎腸粉 （$78.0）櫻花蝦揚州炒飯 （$238.0）小食 （$28.0）（茶位 $125/5 person） 📌 Ru （荃灣如心酒店）📍 地址：荃灣楊屋道8號荃灣西如心酒店7樓 🚇 交通：港鐵荃灣西站 C3 出

讚-菜式傳統但做用料幾足 金蠔真係大份到呢 咬落好柔軟 唯然唔係傳統金蠔果種煙韌同勁重蠔味 但係食落都香口 花膠湯都發得入味 海參好夠身 腍滑 醬汁夠味 大部份嘢食都好味-環境闊落 海景唔錯彈-龍蝦肉有啲削

難得panda想去如心化石公園，帶佢去最近火熱餐廳parksidenina，門口多人等位，食品類型煎魚柳通粉 pizza，類似 simplylife，不是我杯茶不值去等，都係揀回飲茶，記起如心酒店有此店。餐廳裝修走簡潔年青風，雲石枱，皮椅，空間感濶，电子餐牌，以酒店水準，價錢不貴。雪山叉燒包$68， 不過不失，皮脆包軟，餡豐，合乎酒店水平。黑松露雞絲粉皮$88，點點黑松露， 唔好以為少，咁已經攻鼻， 香氣雜人，粉片爽又滑，晶瑩通透，雞絲有雞味，二者夾埋好好味。紅菜頭素花餃$62，外表晶瑩，掐四角花形，小圓片紅菜頭置頂，似花蕊，什菌翠玉瓜餡，爽鲜，有層次，雖然紅菜頭小片，舌尖嚐其甜美。牛肝菌素海參腸粉$78，皮薄軟而爽滑，捲着濃香菇菌，錯過素海參，滿足對腸粉要求。蛋白杏仁茶$58，杏香，份量較少，蛋白滑度香度可改進，抵食及好味，還選大圍潮庭。嘆完優雅環境，精美點心，遊園去。如住荃灣，屯門帶老人家嘆好嘢，不用走出尖沙咀。

「如」位於荃灣西如心酒店，以美味的粵菜佳餚見稱，裝潢融入時尚的元素，寬敞的用餐區，營造出絕對優雅氣氛。這次選了「如．享菜單 (HKD628/位)」，晚市菜單，包含了六道高級粵菜和一款甜品，各款菜餚都是極具心思，用上了矜貴食材，價錢不離地，物超所值。最驚艷的有：竹笙螺頭燉花膠筒湯、脆釀焗鮮蟹蓋、六頭南非鮑魚扣鵝掌等。以前菜脆皮燒腩仔配XO醬蔥油海蜇花打開味蕾，燒腩仔皮很脆，肉脂比例完美！竹笙螺頭燉花膠筒湯簡直是太神太好喝！花膠筒是原條上，滿滿膠原蛋白，入口很滑很順，每一口都是精華。脆釀焗鮮蟹蓋外層香脆可口，內裏的蟹肉量很足，鮮甜的蟹肉亦可沾喼汁吃，實在是佳品。第四道菜是六頭南非鮑魚扣鵝掌，鮑魚肉質柔嫩細滑，味道鮮美又入味，光是這四道菜已經是值回票價了！下一道菜是上湯蒜子浸時蔬，用來清清味蕾就最好不過，不得不讚他們只用上菠菜葉的部分，把莖和根都切走了。最後以薑蔥鮑汁蝦籽撈麵、蝶豆花豆腐凍配如心蝴蝶酥作結。這間不論服務、食物質素、勝價比等都很好，讓人有一試難忘的感覺，真心推薦大家去試看看！

新裝修部環境，非常之優雅，而且開陽，座位又唔係好多，對住個海景食飯特別覺得好味嘅。交通都非常方便，附近就有西鐵站同巴士站站等等。喺如心酒店裏便嘅中餐。我欣賞如心嘅中餐，每一次嚟都好有驚喜，特別係佢嘅點心，我都好鍾意，佢個甜品都好出色，而家仲有蝴蝶酥，聽講係一個好出名嘅廚師做出嚟嘅，而家佢嘅中餐非常之精緻，而且仲好有水準，但價錢就偏貴，不過佢有雪菊飲，未試過嘅朋友都可以試吓雪菊。食完之後，仲可以行吓附近嘅公園同海旁

冰山野紅菊 (每位$48) 聽聞是3000米海拔的菊花, 第一次見是紅色的菊花, 入口味道同普通菊花茶差不多但整晚有侍應不斷幫忙斟水, 呢方面體驗好好松露蜜糖燕窩釀雞翼 (每隻$138)一隻需要預訂既雞翼, 人生第一次食haha 原來係釀左燕窩係入邊!成隻雞翼已經拆左骨, 外皮炸到脆, 香口, 一咬滿滿的黑松露味的燕窩但可惜入邊比較乾, 燕窩偏爽身爽口, 唔太感覺食緊" 燕窩"~宮廷海皇酸辣湯($每碗$138)個人必飲酸辣湯, 味道偏重醋味, 太搶至尊蜜汁叉燒($298)樟茶鴨($168)嗌左半份, 經理話呢種鴨係比較細隻的肉身偏紅 味道似煙燻過的港式薑蔥花膠煲($388)上枱個下係滾緊既, 味道非常香爆過既蔥味花膠軟熟, 亦入味, 唔錯喔瓦罉鮑魚滑雞煲($428) 上枱個下都係滾緊既, 味道普通唔太突出但鮑魚都好軟熟金沙軟殼蝦($268)呢個無嗌錯~! 成隻蝦都包滿哂金莎非常香口! 成隻都可以食, 但食得多會膩遠年陳皮意大利黑醋骨($288)比較新意的菜式屬於成年人的味道, 味道好濃烈如果鐘意陳皮味的可以一試~田園時蔬($168)

午餐時段去吃，前一天還預訂了一客香熏醬油雞，上菜打開的時候嚇一跳，超級精緻地會有一道香薰煙霧散開，味道很吸引! 配上醬油鹹味適中，也有雞味୯(⁠*⁠´⁠ω⁠｀⁠*⁠)୬值得一提的是這裏的酥點很值得吃，外皮熱辣辣而且好酥脆，叉燒酥一試難忘。特別菜品秘製柚皮也不是所有菜館都能夠品嚐，很值得一試，柚皮吸滿瑤柱醬汁，一絲一絲，超好味!

❝價錢平易近人!✌🏻環境優雅的酒店級中菜廳🌼週六晚市爆滿座😳推介脆皮乳鴿 炭燒叉燒😋❞位於荃灣如心酒店內的中菜廳 環境雅致景色開場有海景🌃價位平易近人 以酒店級中菜館黎講都幾唔錯！我星期六晚去爆滿場 一定要訂位😚當日唔少菜式賣相精緻 廚師盡顯刀功💖值得一提佢地星期一至四既dinner set係超抵食‼️$628/位有8道菜 更有齊花膠,鮑魚,蟹蓋!😳如果有機會想黎 好建議平日黎食佢個dinner set!!叉燒連埋炭燒住上枱 出晒煙炭香滿滿 沾完蜜糖好軟腍 兩大舊超滿足!😚另外乳鴿都係必食 我地一人一隻😌好脆皮超多汁 肉質嫩滑😋花膠鮑汁飯既花膠炆到好軟透輕輕一切就分開 膠質滿滿😚最後薑汁豆腐花超靚 真係成朵花咁🌼盡顯刀功!꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍如荃灣楊屋道8號荃灣西如心酒店7樓🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_荃灣🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_中菜

之前同朋友食過呢度嘅點心... 覺得唔錯! 今日再嚟見到有套餐... 即管試試... 又唔錯wor🤪 商務午市套餐... 每位$668✨極品廚師拼盤 - 黑松露大蝦多士好香脆又彈牙、蜜汁叉燒有種入口即化嘅感覺、話梅蕃茄好開胃!✨九年百合杏汁燉花膠 - 有滿滿嘅骨膠原、湯味香濃!✨焗南非鮑魚酥 - 香酥鬆化、鮑魚濃郁有嚼勁!✨松露野菌炒蘆筍 - 清甜爽口✨蟹肉桂花炒米粉 - 口感清新、唔會過鹹✨甜品三重奏 - 蝶豆花豆腐凍香濃得嚟甜度適中、好似菲林卷嘅芝麻卷煙韌彈牙、桂花糕清甜!食物質素、環境、服務都唔錯... 推介畀有品味、對食有要求嘅人士!

裝修過後... 再去到如心酒店嘅中菜廳【如】... 感覺煥然一新... 型格咗好多!菜式keep住有水準... 尤其係招牌叉燒同埋焗南非鮑魚酥... 心水推介!🩷✨商務午市套餐✨ $668/位🔹極品廚師拼盤🔹九年百合杏汁燉花膠🔹焗南非鮑魚酥🔹松露野菌炒蘆筍🔹蟹肉桂花炒米粉🔹甜品三重奏先講極品廚師拼盤... 〈黑松露大蝦多士〉大蝦鮮味彈牙不在話下... 多士炸出嚟超級香脆... 食落去唔會啖啖油... 加埋黑松露味道更加昇華!〈至尊蜜汁叉燒〉肥瘦適中... 口感鬆化... 完全唔會又硬又嚡!〈話梅蕃茄〉凍冰冰、酸酸甜甜... 係非常開胃嘅小食!燉花膠呢個湯水勁正... 骨膠原豐富之外... 仲優惠加咗百合同杏汁特別潤肺!  個湯飲落去好濃郁... 唔係嗰種落重味精嘅鹹香... 飲得出係真材實料!鮑魚酥勁掂! 係6頭鮑... 本身煮得好入味... 而千層酥皮做得好出色... 口感香酥鬆化... 跟配自家調制嘅醬汁... 好濃稠... 啱曬鍾意偏重口味嘅客人!松露野菌炒蘆筍看似普通... 但係蘆筍炒出嚟保持到爽脆嘅口感、味道清甜... 而菇菌香氣馥郁、 Q彈有嚼勁!蟹肉桂花炒米粉... 真係

約咗我朋友，佢請我食飯 呢度係佢嚟過幾次，質素唔錯，估唔到荃灣有間環境咁好嘅中菜呢啲大餐廳尤其是酒店餐廳，想佢官網就會有餐單睇風景唔錯，天氣又好！因為怕油膩唔想嗌炒粉麵飯，朋友比較大食，所以嗌兩碗麵其實一碗都好大！米粉質素好好半透明，雖然我自己鍾意食麵多啲 本身鍾意食蛋麵咁醋好好味好夾 不過蝦球同帶子就落太多油煎蝦腸入面粒蝦非常大粒，而且質素唔錯，雖然唔係新鮮蝦，但係呢隻急凍蝦比平日嘅有味道有口感牛肉球就咸咗啲啦！個湯本身可以飲，但係太鹹太鹹 牛肉球馬蹄唔多，但係配上適當份量嘅蔥 10分夾 不過都應該撈左少許油、唔算太瘦灌湯餃OK啦，好就好在入面有蟹肉真係食到好鮮味，其餘就混混雜雜有少少油 想捱過菜補充吓纖維，侍應就介紹咗呢個花膠浸時菜，菠菜非常鮮嫩，腐竹都好香好好味 因為想食啲肉就算飽飽地都嗌多個叉燒包，正常發揮包皮幾好味 入面嘅叉燒同醬料就比例唔係咁啱，叉燒醬太多肉唔算太多呢度好想食嘅水中豆腐花 侍應師傅切咗成100度，非常厲害😍不過味道就正常，好啊好有豆味，帶少少日本豆腐嘅香味，不過份量唔係好多見到縱切面個薑汁非常有薑味，不過甜咗少少，所以我都冇飲晒🤪

約定老人家喺父親節前一日的周六飲茶，第一時間book咗呢度。之前嚟過2次，一次飲茶，一次晚飯，兩次的用餐體驗都唔錯，尤其包房晚飯果次，有1位侍應全程招待，服務周到，上菜前先再次確認菜式同預計用餐時間，印象正面而深刻。電話訂檯後搵番之前聯絡開的經理，讓佢幫忙安排坐窗口位，佢亦馬上辦妥。父親節前一日的午市都多客，埋單時見到好似full house。4個人，點咗幾款點心（如果點心的件數唔夠分，可額外單點1件，靈活性高）、1個前菜同1款燒味。琥珀合桃：餐前小食；夠脆，又甜甜哋，好味豬手：去咗骨，炆得夠「林」，我試咗個汁，酒味幾香燒賣：賣相一般牛肉球：唔係茶樓食開的山竹牛肉，佢細粒啲，有湯底叉燒腸：用的係招牌叉燒，勁「林」，呢個比較抵食，因為例牌叉燒要$298牛肝菌腸粉：素腸粉；味淡，要落多少少豉油食蘿蔔絲酥餅：上次飲茶時食過驚為天人，唔油膩，夠鬆脆；今次雖然都好食，但勁熱，唔小心咬落去係會「辣」親個咀燒腩仔：皮脆，好食；上檯後要儘快食我只係食咗琥珀合桃、牛肝菌腸粉同蘿蔔絲酥餅，肉食評價係嚟自其他人架整體嚟講，餐廳環境好，窗口位的景觀開揚，有海景；侍應服務唔錯，不過可能父親節茶市人多，唔係每次有