如

聽說今年大閘蟹當造，幸得朋友發局，一行八人，浩浩蕩蕩前往荃灣如心酒店中菜廳「如」，品嚐[珍饌秋蟹饗宴]，每位$888，每人另加$200，多吃一隻5.5両重的公蟹。本無特別期望的六道菜套餐，卻有意外驚喜；尤其欣賞花雕熟醉大閘蟹，因為湯汁出色；大家一致稱讚的蟹粉脆皮釀日本遼參，膠質豐富，口感一流；如皋蟹黃包也有驚喜。花雕熟醉大閘蟹(半隻)、脆藕香芒乳豬件、桂花鮮冬菇第一次食花雕煮的大閘蟹，竟然一試難忘，花雕汁調得非常出色，洋溢著花雕酒香，同時帶甜，成功提升食味，而大閘蟹本身蟹膏豐富，相得益彰！脆藕香芒乳豬件組合有新意，脆藕增加乳豬皮的脆口感，而新鮮芒果的果酸，略微衝擊味蕾，正好平衡膩感。桂花鮮冬菇酥脆帶甜，有其特色，好吃。新會三寶扎螺頭老鴨湯這個老火湯，湯清味醇厚，十分討好。蟹粉脆皮釀日本遼參水準之上，首先外型吸引，色澤橙黃亮麗，豐富蟹膏鋪滿碟，面頭放了兩支蘆筍，用意隔著脆皮遼參，免得弄濕。脆皮遼參果然保持酥脆，內心黏稠結實，烹調時間恰到好處，膠質融化，不硬不棉，最理想的口感；配合鮮美的蟹粉同吃，啖啖佳餚，好吃至停不了口，我把碟子全清了！大閘蟹公 5.5両朋友陽澄湖內的私家蟹，蟹膏豐富，香軟豐腴。鼓汁尖椒大蒜爆妙宮崎和牛粒和牛優質無得輸，炒得香，味道很好。如皋蟹黃包當眾人以為是小籠包的時候，卻來了一個巨型蟹黃包，大家又驚又喜！以為包子其貌不揚，為什麼有些黃色點點在皮，看清楚方知蟹粉汁豐富至透出，一口之，並不熱燙爆汁，但蟹粉豐富，非常鮮美，實在太美味！薑茶水中花、酥皮蛋撻仔、壽包把豆腐切成水中花一樣，展示刀功，稍嫌薑茶不夠辣，甜度適中。酥皮蛋撻仔水準沒有令人失望。蓮蓉蛋黃壽包是額外送的，因為發局的朋友近月生日。佳餚不能缺酒，感謝朋友賜酒，這一支十年的古越龍山，才百多元一支，抵飲。另一支 Moscato 非常有果香，如果汁般的味道，真是不喝酒的人也會喜歡。五星級酒店內的中菜廳，雅緻裝潢，服務周到，設置多間私人房，六道菜套餐，物有所值，很有水準；不過另加的5.5両大閘蟹公，取價$200略為進取。 #如 #荃灣 #粵菜 #廣東…查看更多

最近去咗荃灣如心酒店嘅「如」中菜廳試咗大師傳黃偉成師傅嘅嚐味菜單。餐廳經重新裝修後環境更舒服，大玻璃窗望出去視野開揚，座位都相當闊落。主廚黃師傅有近四十年經驗，之前仲喺米芝蓮中菜廳做過，今次試黃師傅精心準備既菜單，要提早一日預訂，因為菜單唔少手工菜真係要花時間提前準備。.先嚟嘅炭燒蜜汁叉燒確實相當唔錯，外層帶濃郁炭火香氣，肉質鬆化，蜜汁唔會太甜，水準拍得住星級中菜廳。跟住嘅順德家鄉拆魚羹鮮甜，魚肉拆得夠細滑。.松露蜜糖燕窩釀雞翼係功夫菜，雞翼去骨後釀入燕窩，外皮超薄燒得香脆，餡料飽滿。脆皮釀關東遼參個炸皮做得好薄，裡面嘅蝦仁豬肉餡幾彈牙，配海鮮汁幾夾。.蔥香岩鹽蒸星斑柳火候控制得幾好，魚肉保持到嫩滑。摩利菌夜光杯個賣相幾精緻，薄冬瓜入面有珍貴既摩利菌、菠菜同幾種菇菌。砂鍋梅菜帶子脆香苗幾有鑊氣，啲飯係紅色，因為用咗紅菜頭。梅菜同帶子嘅鹹鮮味同脆米幾夾。.最後嘅蝶豆花豆腐凍同棗皇千層酥都唔會太甜，棗皇一向係我的最愛，作為結尾幾舒服。成個菜單每位💲988，以酒店中菜廳嚟講算合理，以精緻菜方式，特別係個叉燒同釀雞翼都幾有驚喜。.黃偉成總廚臻至饗宴  $988Chef Simon Wong's Signature Tasting Menu.✿ 炭燒至尊蜜汁叉燒✿ 順德家鄉拆魚羹✿ 松露蜜糖燕窩釀雞翼✿ 海鮮汁脆皮釀關東遼參✿ 蔥香岩鹽蒸星斑柳✿ 摩利菌夜光杯✿ 砂鍋梅菜帶子脆香苗✿ 蝶豆花豆腐凍、棗皇千層酥…查看更多

與閨蜜到荃灣閒逛，作為九龍東人，平日甚少踏足荃灣。閨蜜與我都喜愛飲茶吃點心，難得到來便選擇了到酒店的中餐廳品嚐其出品。餐廳在疫情期間重新裝修，佈置明亮雅緻，間距寬敞，窗邊的座位更可觀望藍巴勒海峽的景色。餐廳提供電子餐牌，但卻不能用於點餐，有點費解。前菜的琥珀合桃質素不錯，但仍不及三色辣醬有看頭，黃色的辣椒醬尤為猛烈，嗜辣之人不可錯過。新鮮松茸是貴價食材，平常只嘗試過以鹽燒烹調，而鹽燒的確比蒸煮更能突顯松茸的清香，因此感覺未能最佳地發揮此食材的特點。燒餅焗得金黃，連帶鋪在餅面的芝麻也變得色澤誘人，餡料的和牛粒油潤不膩，混入京蔥和燒汁大大提升了燒餅的味道。灌湯餃湯底充滿肉和瑤柱的甜香，花膠非常有看頭，瑤柱也是好貨色，兩者均巨型且完整，感覺像是喝了一碗老火湯。但凡餐廳有供應，柚皮是近乎必點的美食，這裏的柚皮質素不錯，口感尤如海綿一樣，不但柔軟也吸滿了蝦籽和鮑汁的濃郁鹹香味道。鳳爪燘得軟糯入味，輕輕一抿便骨肉分離，囗感雖然有點肥膩，但整體還是上佳的。腸粉十分有溫度，想必是出爐便立即上桌，因此入囗感覺特別溫暖軟滑，蝦仁非常巨型，爽口彈牙。…查看更多

Continuing the birthday week feasts, we came to Nina Hotel Tsuen Wan West, to try their Cantonese restaurant Ru. The restaurant is located on 7/F of the hotel.Seated at a table on the window side, looking out to the Tsuen Wan waterfront and Tsing Yi in the distance, the décor of the restaurant is modern and neat, offering a comfortable dining environment.We picked Chef Simon Wong’s Tasting Menu ($888 each), and a bottle of Clos de L’Oratoire des Papes CDP Blanc 2008. Unfortunately, the bottle was corked. After trying another bottle, it has the same problem, so I decided to change to Champagne Coessens Largillier Brut Blanc de Noirs ($1,180) instead. It has ripe and concentrated fruity notes plus some saline minerality. An elegant champagne versatile to pair with food.The first course features three small bites. Chiu Chow Style Chilled Marinated Threadfin Fillet 潮式凍馬友, Crispy Eel with Shrimp Paste in Bean Curd Sheet 錦衣百花脆鱔, and Foie Gras infused with Champagne and Apple 香檳蘋果鵝肝. The threadfin showcases its original flavours to the full extent, while the meaty eel is delicious, with the minced shrimp paste having a wonderful bouncy texture, good in taste as well. The foie gras is a specialty, wrapped inside a jelly membrane, adding refreshing acidity to balance the richness.The second course is Double-boiled Fish Maw Soup with Melon, Sea Whelk, and Dried Scallop 蜜瓜螺頭瑤柱燉花膠. The clear broth is steaming hot and very delicious, with intense umami sweetness from the essence of the different ingredients. The prized fish maw is also of a good size. Very nice overall.The third course is Baked American Lobster with Whisky and Preserved Radish 威士忌老菜脯焗美國龍蝦. The meaty lobster tail is baked perfectly, with the flesh keeping a nice texture and not overly dried. The chef has stir-fried some finely diced mushrooms and added with the preserved radish to provide a good bite, additional aromas and savoury flavours. It is my favourite dish in the evening.The fourth course is Stir-fried Grain-fed Wagyu with Termite Mushroom, Bell Pepper, and Lily Bulb 油雞蹤菌彩椒百合炒穀飼和牛肉. The beef cubes are not too fatty, flavourful, marinated and seasoned well. Together with the different vegetables of various textures and taste, serving on a crisp made from deep-fried whitebait to hold the beef and vegetables, which further adds nice savoury to the taste.The fifth course is Fried Rice with Abalone and Scallop in a Claypot 窩燒鮑魚帶子飯. Served in a sizzling hot stone pot, the fried rice is very delicious, as it is dry but not hard, having some nice rice crisps at the bottom. The seasoning is spot on too, so even though the portion is not small I devour the whole in no time.The sixth course is the dessert, with three components, including Almond Bean Curd Pudding 杏汁豆腐凍, Red Date Mille-feuille 棗皇千層酥, Black and White Sesame Roll 黑白芝麻卷. Each is good in taste, and I like the fluffy red date mille-feuille for its texture, and the fillings also appropriate in sweetness. The sesame roll is also memorable with the chef taking the extra effort to prepare the different layers.Service is good, and while there is a hiccup on the wine it is not the fault of the staff. The food is delicious overall, and I also like the portion is just right, making us feel full but not bloating. The bill on the night is $3,337 and considering the overall experience it is of good value. A good place to enjoy nice Cantonese dining in Tsuen Wan.…查看更多

今日同同事去咗荃灣西如心酒店「如」中菜廳食晏，7樓全落地玻璃望住藍巴勒海峽，陽光曬入嚟好舒服☀️ 木系裝修配水墨畫，仲有專人沖茶好貼心！琥珀合桃前菜送嘅合桃蜜糖脆脆哋，甜度啱啱好唔黐牙，仲有少少芝麻香，等上菜時啱晒送茶𠱁牙👏松茸燒賣師傅特登用鹽燒方法處理松茸，咬落去爆出陣陣木香，上面鋪咗金華火腿碎，個皮仲薄到透光，一啖一件超滿足😋黑豚肉叉燒腸粉即拉腸粉熱辣辣上枱，粉皮滑到好似絲綢咁！黑豚肉肥瘦層次分明，蜜汁滲透晒入粉皮度，仲要加咗脆米增加口感，真心驚喜💯芝麻和牛燒餅見到個金黃色餅皮已經流口水，咬落去芝麻香爆炸，入面和牛粒混咗京蔥同燒汁，肉汁多到要用匙羹接住，個底仲焗到脆卜卜，邪惡但值得啊😈柚子蝦籽鮑汁柚皮平時怕柚皮苦澀嘅我都清晒！吸滿鮑汁嘅柚皮淋過海綿，蝦籽鹹香加埋柚子清新，完全冇渣，阿姐仲話每日限量㗎🎯最後嘆多杯陳皮紅豆沙，成粒陳皮喺底要撈勻飲，暖胃又唔會太甜，完美作結✨ 埋單人均$300左右，酒店中菜嚟講抵食！…查看更多

.荃灣·「如」粵滋味饗宴如·RÚ📍荃灣楊屋道8號荃灣西如心酒店7樓.➰今日到訪「如」位於荃灣如心酒店的中菜廳，酒店最近翻新裝潢過後，整個中菜廳裝潢風格雅緻，氣派落落大方，餐枱間隔寬敞，用餐氛圍舒適。.餐廳最新呈獻「總廚臻至饗宴」，由擁近四十年深厚廚藝底蕴的主廚黃偉成師傅帶領，推出八道匠心菜式，融匯傳統粵菜精髓與創新理念，團隊更致力將傳統受歡迎粵菜揉合可持續發展的飲食概念，選用上乘食材及正宗烹調手法，重新定義各式簡約精緻粵菜滋味，呈現非凡魅力，深受老饕追棒。.➿✥總廚臻至饗宴 💲988/1 (2位起) ✿ 炭燒至尊蜜汁叉燒 ❀ 順德家鄉拆魚羹 ✿ 松露蜜糖燕窩釀雞翼 ❀ 海鮮汁脆皮釀關東遼參 ✿ 蔥香岩鹽蒸星斑柳 ❀ 摩利菌夜光杯 ✿ 砂鍋梅菜帶子脆香苗 ❀ 蝶豆花豆腐凍、棗皇千層酥.頭盤先以經典炭燒至尊蜜汁叉燒揭開序幕，選用「第一刀」部位，經炭火慢燒至外焦內嫩，色澤油亮，入口蜜汁甘香，外層惹味炭香口感與內裹細膩肉質層次分明，非常惹味出色。.湯品是順德家鄉拆魚羹，是經典的手工菜，亦是黃師傅拿手好戲，以精湛刀工將食材分拆，配以濃郁鮮魚高湯，步驟繁複，入口滑嫩順喉濃郁，匠心之作 ; 接下來的松露蜜糖燕窩釀雞翼非常有驚喜，先將雞翼去骨，然後釀入燕窩，佐以松露與蜜糖調味，入口啖啖燕窩滋味。.主菜部分，黃師傅多年來創作了不少佳餚，其中招牌之一便是這道海鮮汁脆皮釀關東遼參，選用日本關東遼參釀入蝦仁豬肉餡料，製作酥脆外皮，佐以海鮮汁，完美解決海參單調無味的刻版印象; 另一道蔥香岩鹽蒸星斑柳則選用新鮮星斑，用岩鹽吊出魚肉鮮味 ; 摩利菌夜光杯用料繁多，口感層次爽脆，同時解膩。.主食部分，以砂鍋上枱的梅菜帶子脆香苗亦是驚艷十足，用上紅菜頭令顏色更為鮮艷，配以脆米提升口感，而且鑊氣十足，粒粒分明，非常完美。最後甜品則是蝶豆花豆腐凍配以奇亞籽，以及棗皇千層酥，入口甜而不膩，為整場匠心粵式饗宴作結。➰總結餐廳今期主打的「總廚臻至饗宴」，由主廚黃偉成師傅匠心鑽研，每款菜式心思細膩，配搭想法除了保持傳統粵菜文化亦兼具創新想法，恰如其份的融洽滋味，加上套餐定價甚具性價比，而且餐廳裝潢優雅，服務水平亦是酒店級水準，絕對值得與親朋好友到訪。…查看更多

最近有甸生日月，特意嚟到如心酒店中菜廳同佢開展吃貨月生。呢到雖然開咗一段時間，但一入到去即刻被佢嘅環境吸引——地方新淨企理，燈光柔和，座位舒適，仲有種低調奢華嘅感覺，完全唔似一般酒店中菜廳咁「老派」。原本只係抱住「試下啫」嘅心態，點知食物質素超出預期，點心精緻，每款都做得頗出色。今次試咗幾款點心：🥢至尊蜜汁叉燒（例牌）
叉燒色澤紅潤，肥瘦均勻，入口即化，蜜汁甜而不膩，帶淡淡煙燻香。切開後見到層次分明，係有心思水準，但未超越天龍軒皇牌🤡🥢京蔥和牛黃橋燒餅
外皮酥脆，內裡和牛粒嫩滑多汁，京蔥提香，油香撲鼻。呢款燒餅做得好精緻，唔油膩。🥢巴馬火腿銀蘿千層酥
千層酥做得層次分明，入口即碎，巴馬火腿鹹香突出，配上銀杏果同蘿蔔絲，口感豐富又有驚喜。🥢大澳馬友鹹魚茸煎肉餅
呢款係招牌！鹹魚香氣濃郁但不搶味，肉餅外脆內嫩，煎得金黃香口，仲帶住淡淡蝦醬風味。地道廣東風味，但做法更精細，食完回味。🥢金磚豆腐
豆腐炸得外金黃內雪白，入口軟滑如布丁，配上特製醬汁，簡單但香口。🥢櫻花蝦煎腸
腸粉皮薄透光，櫻花蝦鮮甜彈牙，煎得微焦香口，醬汁調得剛好。傳統腸粉升級版，食落去好有驚喜！🥢楊枝甘露
甜品完美收尾！正常發揮！整體而言，如心酒店中菜廳無論環境、服務定食物質素都好有水準，價錢雖然唔算平民，但性價比高，尤其啲點心精細，絕對值得專程嚟食。…查看更多

👀早排參加咗法國國際美食協會🇫🇷同「如」中餐館👨🏻‍🍳合作舉辦嘅晚宴🍽️當晚有十二道精緻菜式✨仲有美酒相伴🍷現場匯聚咗世界各地嘅美食愛好者🌏一齊鑑賞美食🥢氣氛一流❤️‍🔥—「如」餐廳以現代手法重新演繹粵菜，結合時尚與傳統精髓🌟選用本地優質食材，秉持可持續發展理念🌱簡約設計營造溫馨氛圍，讓客人在優雅環境中享受文化與美食的交融💞—🔸貴腐甜酒蘋果鵝肝🔸冰煙鮮沙薑蟶子皇🔸松露蜜糖燕窩釀雞翼🍷JL Vergnon Conversation Brut Blanc de Blancs Grand Cru🔸濃湯花膠雞絲羹 | 南乳薄脆🔸威士忌陳年菜甫焗美國龍蝦🔸蟹粉脆皮關東釀遼參🔸油雞蹤菌彩椒百合炒穀飼和牛肉🔸摩利菌夜光杯🍷Chateau Malescot-St-Exupery 2014 Margaux 3eme🔸石窩蟹肉海膽飯🍷黔醬一品 • 十二作坊貴州茅台鎮醬香白酒🔸香芋鮮奶燉蛋白 | 棗皇千層酥 | 黑白芝麻卷…查看更多

今晚同朋友去咗荃灣如心酒店7樓嘅中餐廳「如」食晚飯，環境真係正，木質裝潢配柔和燈光，加上落地窗可以睇到藍巴勒海峽靚靚海景，好有氣氛，坐得好舒服🥰服務又專業，掃碼點餐方便又快捷。乳豬皮脆到不得了，脆到似雪，肉質嫩滑多汁，配埋甜甜醬汁，入口即化，真係停唔到口！不過皮有時會太脆，肉汁稍嫌少啲，整體係今晚嘅亮點，絕對推薦👍燒餅和牛粒燒餅焗到金黃香脆，芝麻色澤誘人，和牛粒油潤唔膩，混合京蔥同燒汁，味道層次豐富，口感豐滿，係餐廳嘅招牌之一，值得一試🐂灌湯餃湯底充滿肉味同瑤柱嘅甜香，好似飲緊老火湯咁滋味，花膠同瑤柱份量十足又完整，餃子皮薄肉嫩，湯汁鮮甜，暖胃又滿足🍲整體嚟講，食物新鮮精緻，環境優雅舒服，服務貼心，但價錢偏高，適合特別日子嚟享受。下次想試佢嘅招牌乳豬同其他創新粵菜，感覺好正！…查看更多

荃灣西如心酒店「如」中菜廳，位於7樓，環境優雅簡約，木質裝潢配柔和燈光，落地窗外可眺望藍巴勒海峽海景，營造時尚粵菜氛圍，適合家庭慶祝或商務聚餐。餐廳設5間私人貴賓廳，我哋今次就係坐其中一間私人貴賓廳，寬敞靈活，服務員態度專業親切，掃碼落單方便，晚市人多但等位唔長，酒店級衛生一流。今次同家人嚟食晚飯，特別點咗招牌乳豬，皮脆如雪，肉質嫩滑多汁，配甜醬入口即化，香脆惹味，絕對係全枱亮點，一人一塊都停唔到口！另一個試咗花雕醉鮑魚，前菜開胃，鮑魚軟嫩入味，酒香撲鼻；主菜有松茸螺頭瑤柱燉花膠，湯清甜滋補，花膠膠質豐富，暖胃養顏。海鮮汁脆皮釀日本遼參，遼參彈牙，內餡鮮美，創新粵菜風格一流。湯品如蟹鉗湯，蟹肉濃郁解膩。飲品選普洱茶，配菜一流。整體食物新鮮精緻，份量適中，食完身心滿足，係新界西中菜首選。不過，負評係價錢偏貴，一人晚市約$400-800，乳豬單點過$1000，性價比一般，尤其無套餐優惠時感覺貴過質素。菜式雖精但選擇唔多，重覆食易悶。乳豬雖好味，但皮有時過脆，肉汁略少。…查看更多

媽媽生日，想係荃灣搵間靚靚餐廳，咁啱係openrice 見到正價有8折優惠，一行5人去食飯，餐廳好好已經安排靚景位置，就隨意叫左幾樣菜。餐廳食物樣樣都唔錯，最好食係义燒，好林好入味，即叫即整，個菜心好似好簡單，但都好好食，反而個和牛就唔係想像咁出色，仲有個豆腐用左菇一齊炒，好爽脆，好食，主菜每樣大約2-3百左右，酒店餐廳價錢，不過有8折，埋單都係千6左右，平均3百左右一個，服務員服務很好，下次會再去食。…查看更多

早前食母親節飯，book咗如心呢間中菜餐廳食晚飯。佢嘅前菜主食都好好味。再加上窗邊既坐位，有個靚海景望住，值得推介同屋企人嚟🥢當日大概六點幾去到可以望到日落嘅南巴勒海峽🌅叉燒真係做到少少燶邊，再配好柔嫩嘅肉，然後出面既甜度岩岩好（旁邊嘅梅漬蕃茄都超開胃，好食到研究點樣喺屋企整🤣）呢個咕嚕肉又係做得到外脆內嫩，仲要佢嘅脆係酥脆，少少似冰鎮咕嚕肉嘅feel，不過佢係熱辣辣好好食。呢個紅米炒飯，原來係紅色嘅米，顏色好特別，同埋啲配料好豐富👍🏻…查看更多

荃灣中餐，環境算唔錯，有海景睇，位置寬躺。東亞信用卡做緊九折，埋單前可以問下有冇做緊信用卡優惠。午餐：1）蟹肉金魚🐠餃，蟹肉霖，金魚眼一大一小🤦🏻‍♀️🤦🏻‍♀️🤦🏻‍♀️蒸蛋係底幾得意。由於金魚🐠對眼一大一小，唔推介。2）焗南非鮑魚酥，👍🏼👍🏼👍🏼👍🏼雖然本人麻麻地酥，但鮑魚霖，值得推介👍🏼👍🏼👍🏼3）香檸鳳梨叉燒酥，似菠蘿生炒骨，好怪🤦🏻‍♀️唔推介。4）脆皮紅米腸，正常5）蛋白杏仁茶，正常6）小食，小辣腰果，唔好食…查看更多

荃灣超值美食中餐，讓味蕾沉醉！性價比超高超值的美食體驗，荃灣如心酒店的晚餐套餐絕對不容錯過！每位僅需$628，並且有四個人一起用餐可享受“送一個”的優惠，再加上一瓶紅酒，真是超值之選。前菜薈萃套餐開始於精緻的前菜，包含了至尊蜜汁叉燒、素鵝千層和香梨桂花脆鱔，每一口都是味蕾的享受，特別係脆鱔，好厚嘅鱔肉，豐富嘅口感，而且一點腥味都冇，令人忍不住想要再來一份！主菜接下來的天籽蘭鮮黃耳燉遼參，湯的鮮美讓人陶醉。蔥燒百花釀南極鱈魚，外脆內嫩，魚肉裏面釀咗蝦膠，切開係雙重貼住嘅，手工精緻，口感絕佳。蠔皇六頭南非鮑魚扣鵝掌，肉質鮮美，鮑魚味濃，鵝掌又入味，讓人回味無窮。番茄魚湯浸菜苗，則以清新的口感平衡了整體的豐腴。澳洲和牛鬆鵝肝炒飯，每一粒飯都入味分明，更是將豪華和美味結合，香氣四溢，夠熱，口感同層次感都非常豐富，充滿着和牛同鵝肝嘅香味。特別加一碟蓮藕片炸子雞，蓮藕皮鬆化又脆，好似食薯片一樣，炸子雞外脆內軟，一上枱就已經聞到香噴噴嘅炸子雞味道，簡直係回味無窮齒頰留香。甜品最後的蝶豆花豆腐凍和黑白芝麻卷，色香味俱全，蝶豆花嘅藍色實在太吸引，黑白芝麻卷，蒸得非常之淋同軟身，而且充滿着黑芝麻嘅香味。完美結束了這頓豐盛的晚餐，清新又不失風味。總結在如粵，除了美味的食物，服務更是無可挑剔，私人包廂的環境讓你倍感舒適，無論是家庭聚會還是商務宴請，都是一個理想的選擇。如此高性價比的套餐，實在不容錯過！交通亦都非常之方便。…查看更多

如果要喺荃灣搵間靚靚嘅中菜宴客，‘’如‘’真係一個好好嘅選擇。餐廳裝修簡潔得黎又有啲時尚，樓底算高，枱同枱之間有令人舒適嘅距離，坐喺度食飯真係非常舒服。酒店中菜食物水準確實有一定嘅保證，每道菜都好好味。 非常推介佢哋嘅拆魚羹，呢道菜需要師傅好多工夫將食材切成幼絲，真係啖啖都係心機，再配上濃濃嘅鮮魚高湯，🐟味道鮮美到不得了！另外，仲有炸子雞🐓，外脆內嫩，咬落去仲好juicy！炸子雞嘅拌碟係炸蓮藕，咬下去脆脆卜又有啲淮鹽味，好食得停唔到口。 甜點方面最令我印象深刻係薑汁豆腐花，賣相靚到爆，好似一朵菊花咁，食落去又滑又香，薑汁味道適中，唔會太甜，真係完美嘅結尾😋總結來講，如中菜餐廳無論係環境、服務定係食物都非常出色，值得一試！如果你喺荃灣附近，真係唔好錯過呢間餐廳！…查看更多