好運小食麵店

聽日同阿媽去大圍行吓買餸，搵咗間小店見到有我鍾意食嘅特色蕃茄湯底或者當歸 仲有豬潤牛肉 可以補一補血 上網講到好正人世小店所以就好好奇上嚟食本身以為會好多人或者排隊但係又唔會喎 一開頭唔使搭枱有張大枱舒服就要搭枱啦阿媽好似冇乜特別嘢啱喎 就嗌咗個炸豬扒上海麵 本身佢想試冬菇蝦米湯，不過我見當歸湯同蕃茄湯係招牌就叫佢試當歸，我食蕃茄湯佢揀上海粗麵人多嘅時候比較快上枱，因為其實佢得一個人 上海麵好好味好有口感，其實同我阿媽煮嘅差唔多🤣🤣碗$44 不過豬扒普普通通唔算太厚，亦都冇乜調味 阿媽就麻麻哋鍾意我自己都覺得佢好似兩種湯底都實在太鹹落得好多鹽 雖然好濃 亦都好強當歸味不過飲得太多，可能會對個腎唔好🙈🙈我聽到隔離講多車我即刻嗌多車要豬膶牛肉雙拼 好似加$12 ，不過其實好啲，因為其實佢會減少本身嘅材料比多一款你，最後變成豬潤得三$4細細嘅，牛肉都係好細嘅 雖然好好味牛肉好香 口感亦都一流 但係好快食晒通粉嚟講，都唔大碗 其實呢間嘢偏貴服務態度嚟講當然同上網嘅一樣都係好有性格比較惡 落過單都要俾人話等下等佢得閒先🙈🐒問題係佢已經唔係好忙我先嗌🤣🤣整體而言OK啦， 不過我自己就覺得試一次就OK 性價比就普通計埋所有嘢係呀，唔記得咗講佢啲菜譜好鬼辣🤣🤣本身好期待但係食咗一粒碎已經覺得辣到飛天我自己唔食得辣，鍾意食辣嘅應該好鍾意…查看更多

住左係大圍三年、一直覺得大圍無乜特別好食既小店。 特色cafe 又貴，茶餐廳都係一兩個招牌。 偶然發現社交平台 介紹好運小食，就捉左老公黎食。 第一次去係星期六日午飯時間都要等位。舖頭細細等半個鐘差唔多啦。入座後店員見我地諗好耐都有簡單介紹下招牌面。 我地試左當歸湯蠔仔上海面。湯底濃烈幾好飲👍🏻 蠔仔新鮮又肥嘟嘟，份量好多。女仔應該食唔曬😛茄蓉牛肉通心粉比出面茶餐廳出色！ 凍奶茶又係比想像中好飲！最開心係舖頭有自己炒既辣菜圃任加😋 都幾辣！建議初時落少啲。之後再幫襯都特登揀下午茶時間貪無咁多客人，發現舖頭細細有時得老闆兩公婆係到，一個整飲品一個煮麵。老闆娘仲幾好記性，記得啲熟客食咩！ 希望呢啲小店可以長做長有！大圍居民或係到做野既人都繼續有口福！…查看更多

今日放假專登入大圍食當歸豬潤麵！睇地圖以為好遠，點知原來地鐵站一出過馬路第一個路口右轉就到！我叫左當歸豬潤蠔仔米線。個當歸湯真係好香當歸味，個豬潤好正好嫩滑，啱啱熟，下次叫2份豬潤先夠喉！蠔仔我較喜歡全熟！我見到隔離枱叫西多士好正我下次都叫！可能係小店十一半到已經坐左九成客，我一坐低唔夠一分鐘D客人陸續黎接近十二點要喺門口等位！想提提小店個個服務態度都好友善親切！…查看更多

之前已經嚟過三次，但係都冇寫食評。 今次帶朋友再嚟食。 水準都keep到， 扚起心肝寫個食評今次叫咗兩樣嘢， 蠔仔蝦米肉碎豬潤銀針粉&當歸鴨片銀針粉。今次呢個當歸湯係我第一次食， 一飲啖湯好濃嘅當歸味，好足料 ！ 鴨片相當多我同朋友share食，每人起碼食到7-8 片。跟住就係我次次都會叫嘅蠔仔肉碎蝦米銀針粉，今次仲要加埋豬潤好濃嘅冬菇蝦米味， 蠔仔新鮮。我一個咁怕腥味嘅人都覺得好好食 ， 豬潤有點過熟。銀針粉份量好足夠感覺上呢碗比當歸嗰碗更加飽肚。今次埋單連飲品$139 ，價錢正常 。呢間小店值得再嚟 🥰…查看更多

中午時候，地方大窄，坐著背對背、手踭對手踭啊，真係坐得唔舒服，寧願買外賣返公司食。嗯嗯，話完全冇味精，又唔覺都有口渴。 其實，等於蠔仔肉碎粥轉為麵。可能自己口味唔適合一次就算。…查看更多

今日去咗大圍踩單車還車之後見到呢間舖頭出面勁多人所以都諗住試吓等咗半個鐘，終於入到去都有幾多嘢食我揀咗個蕃茄蠔仔銀針粉加豬潤佢舖頭好細做堂食又做外賣所以都等咗一陣嘢食先到個蕃茄湯底都幾濃郁好有屋企嘅感覺蠔仔都算多幾新鮮豬潤唔會太熟質地都仲幾好而家好少地方有得食銀針粉呢度仲有狗仔粉可以食下次要嚟試吓我見有人食蘿蔔糕又有人食西多士好多街坊嚟食唔同嘅嘢所以質素都應該有返咁上下不過如果嚟食要記住舖頭入邊都幾迫基本上一定要搭枱…查看更多

今日過來大圍, 上網見到依間小店, 對佢有d興趣, 想試一下, 因為地方好細, 亦唔多位置, 所以都拿飛等左一陣😅 叫左一個當歸湯底🐽豬潤上海麵, 另外加蠔仔🦪, 再加$要左一杯熱紅棗杞子桂圓茶🥰, 等左一會兒, 杯特飲送到, 熱辣辣, 飲落幾滋潤😋, 再等多一陣, 碗麵送到, 一陣藥材味傳上來😆, 但飲一啖先, 又唔係好濃的味道, 飲落都幾香幾清😊, 上海麵份量都ok, 我叫佢做中麵, 浸左d湯又幾好😁, 食粒蠔仔🦪, 都比得幾多😚😍, 食落唔腥, 粒粒都好飽滿又好肥🤩, 再食舊豬潤🐽, 爽脆彈牙, 食落唔粉, 都有驚喜, 整體味道唔錯, 食完唔算好口渴👍👍, 下次再來, 可以再食🥳🤩😍🥰😘…查看更多

大圍出名多嘢食，今日又揾到間新嘅小店試，位置都幾隱蔽，唔喺馬路大街，喺個公園仔入邊，kinda華輝小食對面早一日上openrice揾食就被佢個menu吸引咗，貼地得黎唔係咁常見，又唔算好遠 就決定try try首先叫咗個自家製瑤柱XO醬手撕雞撈上海麵，個湯好味 無味精，手絲雞份量都夠，唔會太幼有啲口感，又唔會鞋，佢XO醬係放面，唔係融落湯度，蝦米同瑤柱都好香當歸鹵鴨肉湯麵係朋友叫，當歸味好出夠濃，受唔到當歸如我試咗啖湯就放棄做點綴嘅杞子有驚喜，第一下放入口仲覺得好硬（食開煲湯嗰啲）但咬落去甜到不得了鴨有啲鞋，但份量好多我哋被隔離枱引到 叫多咗個小食 即炸嘅五香炸豬扒，好香又唔會炸過火，好juicy唔會dry唔鞋不過呢度湯麵份量略小，女士還好，男士好餓的話應該唔夠食。另外佢只有上海麵，可以揀粗麵/幼麵，我哋鴨嗰碗就係粗麵…查看更多

叫咗🩵當歸湯豬膶麵🩵薑湯蠔仔肉碎銀針粉當歸湯清甜好飲😗 配咗個油麵 超級掛湯～ 豬膶個口感爽脆 冇渣 同 冇過熟既問題～ 湯仲有少少杞子有補身感🤣豬膶都有5、6嚿左右 非常抵食😚同行朋友叫咗個薑湯銀針粉～ 薑湯聞落去好薑 但落唔覺 飲完當場行氣活血 因為真係飲到出汗呀～ 蠔仔新鮮冇沙 鮮甜海水味😛 但銀針粉有啲過腍～下次想試吓茄牛湯…查看更多

［真心推薦］如果你正在增肌減脂，但係又想食車仔麵，我相信好運小食麵店幫到你。佢啲餸嘅選擇絕對係高蛋白低脂肪，新鮮蠔仔，豬膶，滑牛，滷鴨肉，香菇蝦米肉碎，煎蛋，湯底又唔油，配個米粉或者通粉，甚至上海麵（扣底），成件事飽肚好味又滿足。唯一嘅不滿係…收6點… …查看更多

小編每隔一段時間一定會到訪大圍呢間極低調嘅小店😻佢主打秘製湯底粉麵，每款都各有特色兼有捧場客！ 而且每次一定成碗湯飲晒兼唔會口渴！ ——————————————-🍄‍🟫香菇肉碎蝦米蠔仔銀針粉 $51香菇肉碎蝦米再加埋蠔仔煮落嘅湯底又鮮甜又香，每次食親佢哋啲蠔仔都係脹卜卜加大大隻，係會想追住咁飲晒成碗湯. 🐔紅蔥醬手撕雞湯麵 $ 45 鮮甜湯底加埋佢哋嘅秘製紅蔥醬勁惹味，有啲似蔥油撈麵嘅湯麵版本. 手撕雞就正常發揮冇乜特別.麵質夠爽滑👍秘製勁辣菜脯一定要提一提佢哋嘅秘製辣菜譜，食得辣建議一定要加👍🌶️脆炸豬油渣 $7 今次另加咗一份炸豬油渣，炸得勁香脆兼唔會有油益味。索左啲湯又有另一番風味，正🙌…查看更多

以小店黎講，都好少會有一試難忘既體驗，可能係岩我既口味，食碗麵都好少可連湯都飲埋，而呢間小店就做到，除左冷氣唔多夠同擠迫之外，都冇乜嘢投訴，100蚊唔洗已經比到滿足感我， 推薦當歸湯，蠔仔…查看更多

今日天氣炎熱🥵晏晝都冇乜胃口，黎到大圍決定揀一間特色小店食碗靚湯麵先🍜！{ 當歸湯鴨肉雞絲配粗麵🍜當歸湯係重點，真材實料，飲哂個湯都唔會覺得口渴👍🏼鴨肉同雞絲勁索湯，肉質唔會柴🥰！{ 香菇蝦米湯鮮蠔仔肉碎豬潤配上海麵加底🍜份量十足👍🏻湯味濃厚🤤蠔仔大粒又新鮮，豬潤爽脆冇腥味，加底男士們都一定夠哂飽肚呀🤭{ 自家製瑤柱XO醬炒蘿蔔糕瑤柱XO醬遍布每一舊蘿蔔糕，香脆可口，美中不足係蘿蔔糕質地就係較粉口感受影響…查看更多

經過好多次, 但因為太早關門,  店家唔做晚市, 但LUNCH TIME又真係多人, 所以一直都未食過。今次外賣買左兩個粉麵： 1. 當歸湯牛肉米粉拼鮮蠔仔$612. 當歸湯即炸雞翼配米線$47未打開外賣盒已經聞到好香當歸湯味,  湯同麵有分開裝, 麵既份量唔算多，但餸既份量絕對算多👍🏻先講湯, 個湯唔係HEA野, 飲落勁真材實料, 唔係味精湯, 飲完會想再飲果種!! 不過飲落當歸味唔算好濃, 但以一個湯麵既價錢, 算係物超所值! 👍🏻👍🏻餸方面, 牛肉🐮同鮮蠔仔🦪, 牛肉都大塊同厚身,  鮮牛咁, 肉質嫩滑, 但牛味唔重。鮮蠔仔就不得了啦, 雖然話係蠔仔, 但啲蠔有兩節手指咁大隻, 而且隻隻都脹卜卜, 勁鮮甜肥美, 而且份量真係唔少, 唔係得幾隻咁, 絕對值得加$14加拼!!!而且煮得啱啱好, 唔會OVERCOOK, 就算外賣, 都會唔話焗到啲蠔仔縮晒咁😋😋😋至於雞翼, 都有4隻, 正常SIZE, 唔算大又唔算細咁, 但真係有即炸既脆同香, 肉質唔會老, 仲好嫩滑, 值得一食👍🏻…查看更多

今日試試地道美食，叫左一碗鮮蠔仔肉碎茄蓉湯麵，湯濃，蠔亦都好大隻，鍾意食𧐢嘅朋友一定要試試，另外叫左一碗當歸湯牛肉米粉，雖然牛肉唔係多，但係都足夠而當歸湯味道濃厚，可惜冷氣不夠，大約20個位…查看更多