好運小食麵店

听日同阿妈去大围行吓买𩠌，揾咗间小店见到有我钟意食嘅特色蕃茄汤底或者当归 仲有猪润牛肉 可以补一补血 上网讲到好正人世小店所以就好好奇上嚟食本身以为会好多人或者排队但系又唔会㖞 一开头唔使搭枱有张大枱舒服就要搭枱啦阿妈好似冇乜特别嘢啱㖞 就嗌咗个炸猪扒上海面 本身佢想试冬菇虾米汤，不过我见当归汤同蕃茄汤系招牌就叫佢试当归，我食蕃茄汤佢拣上海粗面人多嘅时候比较快上枱，因为其实佢得一个人 上海面好好味好有口感，其实同我阿妈煮嘅差唔多🤣🤣碗$44 不过猪扒普普通通唔算太厚，亦都冇乜调味 阿妈就麻麻哋钟意我自己都觉得佢好似两种汤底都实在太咸落得好多盐 虽然好浓 亦都好强当归味不过饮得太多，可能会对个肾唔好🙈🙈我听到隔离讲多车我即刻嗌多车要猪膶牛肉双拼 好似加$12 ，不过其实好啲，因为其实佢会减少本身嘅材料比多一款你，最后变成猪润得三$4细细嘅，牛肉都系好细嘅 虽然好好味牛肉好香 口感亦都一流 但系好快食晒通粉嚟讲，都唔大碗 其实呢间嘢偏贵服务态度嚟讲当然同上网嘅一样都系好有性格比较恶 落过单都要俾人话等下等佢得闲先🙈🐒问题系佢已经唔系好忙我先嗌🤣🤣整体而言OK啦， 不过我自己就觉得试一次就OK 性价比就普通计埋所有嘢系呀，唔记得咗讲佢啲菜谱好鬼辣🤣🤣本身好期待但系食咗一粒碎已经觉得辣到飞天我自己唔食得辣，钟意食辣嘅应该好钟意…查看更多

住左系大围三年、一直觉得大围无乜特别好食既小店。 特色cafe 又贵，茶餐厅都系一两个招牌。 偶然发现社交平台 介绍好运小食，就捉左老公黎食。 第一次去系星期六日午饭时间都要等位。舖头细细等半个钟差唔多啦。入座后店员见我地谂好耐都有简单介绍下招牌面。 我地试左当归汤蚝仔上海面。汤底浓烈几好饮👍🏻 蚝仔新鲜又肥嘟嘟，份量好多。女仔应该食唔晒😛茄蓉牛肉通心粉比出面茶餐厅出色！ 冻奶茶又系比想像中好饮！最开心系舖头有自己炒既辣菜圃任加😋 都几辣！建议初时落少啲。之后再帮衬都特登拣下午茶时间贪无咁多客人，发现舖头细细有时得老板两公婆系到，一个整饮品一个煮面。老板娘仲几好记性，记得啲熟客食咩！ 希望呢啲小店可以长做长有！大围居民或系到做野既人都继续有口福！…查看更多

今日放假专登入大围食当归猪润面！睇地图以为好远，点知原来地铁站一出过马路第一个路口右转就到！我叫左当归猪润蚝仔米线。个当归汤真系好香当归味，个猪润好正好嫩滑，啱啱熟，下次叫2份猪润先够喉！蚝仔我较喜欢全熟！我见到隔离枱叫西多士好正我下次都叫！可能系小店十一半到已经坐左九成客，我一坐低唔够一分钟D客人陆续黎接近十二点要喺门口等位！想提提小店个个服务态度都好友善亲切！…查看更多

之前已经嚟过三次，但系都冇写食评。 今次带朋友再嚟食。 水准都keep到， 扚起心肝写个食评今次叫咗两样嘢， 蚝仔虾米肉碎猪润银针粉&当归鸭片银针粉。今次呢个当归汤系我第一次食， 一饮啖汤好浓嘅当归味，好足料 ！ 鸭片相当多我同朋友share食，每人起码食到7-8 片。跟住就系我次次都会叫嘅蚝仔肉碎虾米银针粉，今次仲要加埋猪润好浓嘅冬菇虾米味， 蚝仔新鲜。我一个咁怕腥味嘅人都觉得好好食 ， 猪润有点过熟。银针粉份量好足够感觉上呢碗比当归𠮶碗更加饱肚。今次埋单连饮品$139 ，价钱正常 。呢间小店值得再嚟 🥰…查看更多

中午时候，地方大窄，坐著背对背、手踭对手踭啊，真系坐得唔舒服，宁愿买外卖返公司食。嗯嗯，话完全冇味精，又唔觉都有口渴。 其实，等于蚝仔肉碎粥转为面。可能自己口味唔适合一次就算。…查看更多