影片
港铁大围站 A 出口, 步行约4分钟
继续阅读
电话号码
84905246
营业时间
今日营业
11:00 - 17:00
星期二至日
11:00 - 17:00
*星期一休息 (如遇公众假期顺延翌日休)
以上资料只供参考，请与餐厅确认详情
听日同阿妈去大围行吓买𩠌，揾咗间小店见到有我钟意食嘅特色蕃茄汤底或者当归 仲有猪润牛肉 可以补一补血 上网讲到好正人世小店所以就好好奇上嚟食本身以为会好多人或者排队但系又唔会㖞 一开头唔使搭枱有张大枱舒服就要搭枱啦阿妈好似冇乜特别嘢啱㖞 就嗌咗个炸猪扒上海面 本身佢想试冬菇虾米汤，不过我见当归汤同蕃茄汤系招牌就叫佢试当归，我食蕃茄汤佢拣上海粗面人多嘅时候比较快上枱，因为其实佢得一个人 上海面好好味好有口感，其实同我阿妈煮嘅差唔多🤣🤣碗$44 不过猪扒普普通通唔算太厚，亦都冇乜调味 阿妈就麻麻哋钟意我自己都觉得佢好似两种汤底都实在太咸落得好多盐 虽然好浓 亦都好强当归味不过饮得太多，可能会对个肾唔好🙈🙈我听到隔离讲多车我即刻嗌多车要猪膶牛肉双拼 好似加$12 ，不过其实好啲，因为其实佢会减少本身嘅材料比多一款你，最后变成猪润得三$4细细嘅，牛肉都系好细嘅 虽然好好味牛肉好香 口感亦都一流 但系好快食晒通粉嚟讲，都唔大碗 其实呢间嘢偏贵服务态度嚟讲当然同上网嘅一样都系好有性格比较恶 落过单都要俾人话等下等佢得闲先🙈🐒问题系佢已经唔系好忙我先嗌🤣🤣整体而言OK啦， 不过我自己就觉得试一次就OK 性价比就普通计埋所有嘢系呀，唔记得咗讲佢啲菜谱好鬼辣🤣🤣本身好期待但系食咗一粒碎已经觉得辣到飞天我自己唔食得辣，钟意食辣嘅应该好钟意
继续阅读
今日放假专登入大围食当归猪润面！睇地图以为好远，点知原来地铁站一出过马路第一个路口右转就到！我叫左当归猪润蚝仔米线。个当归汤真系好香当归味，个猪润好正好嫩滑，啱啱熟，下次叫2份猪润先够喉！蚝仔我较喜欢全熟！我见到隔离枱叫西多士好正我下次都叫！可能系小店十一半到已经坐左九成客，我一坐低唔够一分钟D客人陆续黎接近十二点要喺门口等位！想提提小店个个服务态度都好友善亲切！
继续阅读
之前已经嚟过三次，但系都冇写食评。 今次带朋友再嚟食。 水准都keep到， 扚起心肝写个食评今次叫咗两样嘢， 蚝仔虾米肉碎猪润银针粉&当归鸭片银针粉。今次呢个当归汤系我第一次食， 一饮啖汤好浓嘅当归味，好足料 ！ 鸭片相当多我同朋友share食，每人起码食到7-8 片。跟住就系我次次都会叫嘅蚝仔肉碎虾米银针粉，今次仲要加埋猪润好浓嘅冬菇虾米味， 蚝仔新鲜。我一个咁怕腥味嘅人都觉得好好食 ， 猪润有点过熟。银针粉份量好足够感觉上呢碗比当归𠮶碗更加饱肚。今次埋单连饮品$139 ，价钱正常 。呢间小店值得再嚟 🥰
继续阅读
中午时候，地方大窄，坐著背对背、手踭对手踭啊，真系坐得唔舒服，宁愿买外卖返公司食。嗯嗯，话完全冇味精，又唔觉都有口渴。 其实，等于蚝仔肉碎粥转为面。可能自己口味唔适合一次就算。
继续阅读
今日去咗大围踩单车还车之后见到呢间舖头出面劲多人所以都谂住试吓等咗半个钟，终于入到去都有几多嘢食我拣咗个蕃茄蚝仔银针粉加猪润佢舖头好细做堂食又做外卖所以都等咗一阵嘢食先到个蕃茄汤底都几浓郁好有屋企嘅感觉蚝仔都算多几新鲜猪润唔会太熟质地都仲几好而家好少地方有得食银针粉呢度仲有狗仔粉可以食下次要嚟试吓我见有人食萝卜糕又有人食西多士好多街坊嚟食唔同嘅嘢所以质素都应该有返咁上下不过如果嚟食要记住舖头入边都几迫基本上一定要搭枱
继续阅读