2025年7月16日 星期三呢日咁岩出咗去湾仔拎野，之后就想买外卖返屋企食见到骆克道呢间小店装修得几有特色，感觉似系台湾传统老店既装修咁门口周围都贴左餐牌，餐厅主要推介土茯苓陈皮老鸭汤，声称可以去湿解毒，舒缓皮肤痕痒，仲可以润喉益肺添，咁岩呢排把声沙沙地，就积管试下除此之外仲有唔少食物选择，价钱都唔算太贵，于是除咗汤，我仲要左个饭同甜品，另外再要咗一杯饮品一边返屋企一边饮呢杯系芒果沙冰，卖相非常吸引，胶杯盛载住鲜黄芒果沙冰，店家仲用心设计咗个粉红色杯柄，方便拎住周街行，沙冰芒果味香浓自然，绝非一般芒果香精，饮落去好似真系食紧新鲜芒果蓉咁，清甜而不腻，而且沙冰口感细腻，冇雪粒感，唔会越饮越苦或越水，饮落真系透心凉，系炎热天气嘅最佳拍档返到屋企已经急不及待想尝试个土茯苓陈皮老鸭汤，仲系热辣辣，汤色深棕、闻落好香，好有传统药膳汤嘅味道，老鸭汤底浓郁，入口甘香土茯苓有清热解毒、祛湿健脾功效，而陈皮则有理气健胃嘅作用，呢碗汤真系养身之选鸭肉煮到够腍，啖啖肉滑，不过唔会烂到冇口感，啱晒钟意食肉又想养生嘅人味道方面汤味浓而不腻，草药香气自然流露，冇𠮶种过份苦涩或者太重药味饮落之后，真系有种由内至外嘅放松感，好似身体排咗啲湿气咁！！呢个系咖喱牛腩饭，牛腩炆得够腍，入口香浓，脂肪分布得宜，冇柴口，而咖喱微辣带甜，唔系印度那种劲香料型，反而更适合大众口味配菜方面，卤蛋入味、腌萝卜爽口、白饭烟韧，整体配搭唔油腻又够丰富最后甜品有杨枝甘露，如果话芒果沙冰系「消暑神物」，咁杨枝甘露就一定系「港式甜品女神」！主角有芒果蓉 + 西米 + 柚子肉，再加椰奶混合，口感层次非常丰富芒果香味突出，而且唔太甜，有种自然果香，唔似坊间加过多糖浆𠮶种，而且柚子果肉带少少酸，啱啱好可以中和芒果蓉嘅甜腻，成个味道超balance！！再加埋西米烟韧唔冧身，有冻冻哋嘅口感，真系一啖接一啖停唔到埋单大约二百几蚊，份量十足，食到好饱…查看更多
