大热沙嗲牛肉面嘅其中一间，入到去果然所有人都系食紧沙嗲牛肉面。👌🏼澳牛沙嗲牛肉面餐厅话因为澳牛供应短缺，而家只会喺星期六供应。汤底：比起其他沙嗲牛肉面嘅汤底，呢个好明显系比较甜，似系落咗好多炒洋葱。另外花生酱嘅味道都比较突出。汤底味道都浓郁，比较明显嘅甜味同花生酱味。面：叫咗蒜油黑蒜公仔面，但系食落觉得较为软身。送上咗一包黑蒜油，加咗少少，唔系几夹。觉得普通公仔面好过呢个蒜油黑蒜公仔面。牛肉： 中式牛肉嘅口感。因为同时嗌咗另外一碗普通嘅沙嗲牛肉面，呢个牛肉确系比较软身。👌🏼沙嗲牛肉面评论大致同上面一样，汤底嘅味道一样。用咗传统一般茶餐厅嘅公仔面，感觉更为配个面。牛肉相对于澳牛就冇咁软身。客观而言，都系好味而浓郁嘅沙嗲牛肉面。但系相对我自己嘅口味，会觉得太甜左一d ，如果再食，会prefer 另外一两间。…查看更多
