好好運快餐店

火紅到爆燈~ 被吹捧為神級沙嗲牛~本想過咗熱潮後先試，但突然消息傳出店鋪會搬舖，但又怕搬咗舖後味道有所不同，所以都想臨搬舖前試一試當日早上七點半已到舖經排隊，目測大約有二三十人，大約等咗一個鐘頭就可以入內進餐。點了紅腸煎蛋沙爹牛麵 早餐上枱後即時呷一口湯，滿滿的沙嗲味，配上大光麵，掛湯十足 但略嫌欠缺花生味。牛肉大件嫩滑不柴，紅腸係煎的，加埋厚切值得加分 太陽蛋煎到金邊底，非常香脆雖然味道不是心中所想般神級， 但的確係比一般茶記的沙爹牛出色，茶記的沙爹牛以此作標準就啱喇…查看更多

香港沙爹牛肉麵關注組最人氣食店很肯定係好好運，群組加持後每日大概中午時份沽清沙爹牛肉，近日公佈2月11日光榮結業（後來在訪問中稱租約期滿，將選址重開）更提早致九點十點完售！為趕上尾班車，加上我班好同事們又肯陪我顛，昨晨七點就去排隊！當時已經人龍大概有廿多人，快餐店室內只有三張枱，室外有四張枱，所以等第二輪翻枱先有位坐，大概排左50分鐘！（輪候時排我後面的直接打電話叫外賣，後來見職員拎起電話唔接單了...）百搭早餐 $35 可選三餸麵，配凍飲加$1，價錢超值，性價比高！沙爹牛肉當然必食！沙爹醬花生味濃，少少辣幾惹味，撈麵一流！而麵質係爽麵，有少少咬口，可以嗒多陣沙爹味。牛肉嫩滑夠腍，份量又多，仲有洋蔥添，正！第二個餸點了好多網民力推的紅腸，其實我都鍾意食紅腸，但平時茶仔又薄又無味，所以好少叫，呢度紅腸外皮少少脆，重點係厚切！好滿足，正！最後一餸煎太陽蛋，半熟蛋白蛋黃，我最愛啜！正！另加$7有份多士，奶醬多烘底，奶醬剛剛好，每啖都食到醬，但唔會覺得膩。食完飽到唔想食午餐。.坐在室外旁邊就是人龍，個個望住真係有啲壓力，嗱嗱臨食完就讓座比其他食客（其實就我自己都趕返工...）離開時人龍更長，見到有電視台採訪，播出後應該更多人慕名潮聖！雖然返工前特登搭車去食個沙牛麵早餐好瘋狂，但我覺得值得一試，始終間間餐廳沙爹牛肉都唔同，好好運堅係好食，我唔識形容有幾獨特，但我覺得性價比係高過元朗永順同慈雲山榮記。不過要排一個鐘我就未必會二刷。.*最新消息，因店方多次遭發告票，所以即日起不設室外堂食，即係得返室內三張枱！關注組報告今晨已有超過三十人排隊等開門......（好彩已經食左，唔係真係可以放棄）…查看更多

呢排興沙嗲牛～ 朋友見到好好運就快要結業！ 決定返工前去食一次！好好運開7點～ 而我05分到 前面已經排左接近有20個人🥱 排左9個字左右終於入到去食！ 8點仲聽到收銀講已經唔再接沙嗲牛外賣！ 如果想食真係要早啲去～太陽蛋火腿沙嗲牛麵 $35太陽蛋同火腿都係茶記水準～ 重點都係係沙嗲牛到！ 個湯底咸同偏辣 但不自覺咁會飲好多啖湯～ 牛肉份量有好多 甜味都好出～不過略嫌個麵唔夠淋～ 偏硬身！！ 見到有人叫通粉 我諗通粉應該仲入味仲濃郁！見到關注組講原來吉列豬都好出色！ 有機會一定會去試下！！…查看更多

📍全港第一沙爹牛麵 · 排晒長龍都要食‼️ -- 好好運快餐店🍜🥇===========================由於有香港沙爹牛麵關注組加持，近排一開社交平台都比呢間荔枝角人氣小店洗版🤣🤣見到有啲谷友晨咁早就去排隊，為嘅就係食呢碗堪稱全港最好食嘅沙爹牛肉麵‼️‼️早幾日小店突然宣布會係2月11號光榮結業，小編琴日就約埋@neverfullhk 一齊去試下🤩我讀者8:45去到舖頭已經見到長長嘅人龍，目測都有接近30人～去到大約9:30突然聽到店員話沙爹牛賣晒啦！😹（好彩原來佢係講緊外賣嘅沙爹牛賣晒🤫🤫）最後我哋10:00入座，仲好好彩坐到室內嘅位！🤤------------------------------⭐️沙爹牛肉+紅腸+煎蛋米粉（$35）湯底飲落惹味，仲有少少辣勁好正‼️🤩🤩米粉食落爽身，掛湯力唔錯，啖啖都有沙爹湯嘅精華🤤睇張相沙爹牛肉好似得好少，但其實有勁多塊沉咗喺底，數數都有10塊㗎，好足料😋沙爹牛肉上面嘅沙爹醬惹味濃稠，仲有花生碎‼️🤩牛肉肉質超腍，完全無筋，肉味濃郁😍我哋兩個一路食都忍唔住一路話好正😹紅腸同樣有驚喜，好厚身，食落頗有油脂香😚------------------------------整體嚟講沙爹牛真係無得頂🤩排咗咁耐都值得吖！🤤💖我哋食嘅時候見到出面條隊越排越長，亦都不斷聽到有人打電話嚟叫外賣，但都比店員告知賣晒😂嚟緊人潮應該會越嚟越多，想食嘅朋友可能真係要早啲排定啦😎------------------------------賣相：7/10味道：9/10性價比：8/10回頭度：7/10…查看更多

朋友介紹近期至hit 嘅沙爹牛麵，上星期一就去會一會佢啦。。去到已經十一點幾，門外有7,8個人等外賣，非常好運入面有位，呢d 時間沙牛當然已經售罄啦除左沙牛，最想試嘅係佢。。"酸辣吉列豬扒米線"酸辣湯底頗多料，蕃茄，酸菜，雞腳，芽菜，蔥花，湯味道帶酸相信酸味來自酸菜，帶點辣。。湯頭較清。。這個酸辣湯底不太特出。奶茶有茶味帶滑吉列豬扒同想像一樣，一上枱，急不及待咬一口，新鮮熱辣，剛炸起（雖然有點熱氣，但顧不了😆）皮脆肉嫩有肉汁，吉列皮部分薄薄。。讚！鐘意佢無落鬆肉粉醃製，仍能保持肉嘅鬆軟口感，無太多調味料，無花巧野。。實實在在，簡單嘅味道，卻給味蕾帶來滿足感買了個黑椒牛扒意粉外賣，到家試一口，港式黑椒汁，有黑椒香帶微辣，濃味，意粉軟硬剛好，吾林，牛扒就無試了值得再去的一間誠意小店🤗…查看更多

近排網上，雜誌，社交平台 關注群組和 YouTuber 都介紹過這間好好運快餐店既沙嗲牛肉好好味，每朝都大排長龍，早上十點幾或11點前已買晒，還聽聞這店營業到二月十一號就結業，所以今朝晨早6點幾便起身和老公去潮聖，要一嚐這間馳名既沙嗲牛肉。我地7點半到達已有人龍，排隊等左約30分鐘便有位，2人一張枱，我地坐室外，好彩這幾天唔凍；我叫了沙嗲牛肉，紅腸，腸仔麵加凍檸茶走甜，老公叫了沙嗲牛肉，午餐肉，炒蛋麵加茶走，另外叫多一份吉列豬扒。等了5分鐘食物終於上枱，沙嗲牛肉好淋好入味，完全沒有鬆肉粉味，湯底好香濃沙嗲花生醬味，少許甜微辣；紅腸厚切味道正常，腸仔唔咸，麵質適中，唔淋唔硬；吉列豬扒一份有2塊，外脆內軟，好香口，不油膩，點埋沙律醬一齊食十分美味；凍檸茶好濃茶味，檸檬好新鮮不苦澀。 總結整體食物好好味；環境不可以太奢求，因為在工廠區，性價比高；服務比我想像中好，以為工廠區既茶餐廳(快餐店) 員工會粗粗魯魯，大大聲聲，點知又幾好禮貌，可惜只營業到二月十一號, 想潮聖既朋友要快 d去喇！ 營業時間只有星期一至五早上7:00 - 下午5:00, 星期六，日及公眾假期休息，要注意哦！…查看更多

真係3個字講晒 「無得輸」是日早做野咁岩07:40 經開呢頭～終於有緣可以試到之餘又唔洗等位！👍🏻$35 一碗麵包杯熱飲 呢碗麵真係不得了 已經榮升心目中既no.1沙牛麵!!-湯底沙嗲味香 有花生味 偏小小甜味夠味得來唔會濃到漏-牛肉好淋又有牛味(唔係出鬆肉粉那出黎果種淋)-好多塊牛肉 足料夠晒份量！-麵底係用大光麵 爽身d (個人麻麻一丁)食完其實真係無野投訴 100分！大家要留意 如果想試只能平日抽時間來因為weekend唔開架～同埋早少少食～據聞好快賣晒🤭 …查看更多

小編朋友係沙嗲牛肉麵忠實fans🥳之前佢貪得意入咗沙嗲牛肉麵關注組😂見到好多網民都推介呢間嘅沙嗲牛肉麵，於是就決定同朋友去試吓！自從佢係關注組出咗名之後，每朝都大排長龍🤪有時十點幾已經賣晒，超級誇張！當日我哋等咗大約半個鐘，終於食到🥳 真係超抵食！百搭早餐（沙嗲牛肉+腸仔+太陽蛋 $35）呢間嘅沙嗲汁真係整得相當出色！花生味極之濃郁🥜🤤 個醬質感濃稠，食落有微微嘅辣味，撈埋麵食真係無敵🥰 牛肉份量都唔少！咬落都幾軟腍，麵嘅軟硬度適中，絕對係水準之上👍💯 難怪咁多人介紹😚凍奶茶（+$1）呢到嘅奶茶又係一定要試🤩 奶茶入口香濃順滑，味道醇厚，絕對係香港數一數二好飲嘅奶茶！😋多士（+$7）我地試左奶醬多，啲醬汁都幾多下😍味道就正正常常啦！-好好運快餐店 (荔枝角)📍荔枝角醫局西街1035號匯華大廈地下4-5號舖抵食指數：😚😚😚😚😚😚😚😚😚😚/10舔舔脷指數：😚😚😚😚😚😚😚😚😚😚/10…查看更多

最近網上瘋傳呢間好好運嘅沙嗲牛係超級無敵好食😹😹😹仲會每日差唔多10點咁上下就截龍🙀啲人講到咁好食，緊係要自己試過至知😆👇🏻呢日9點嚟到，條龍已經長到嚇死你😹👇🏻排到9點半😹成功在望，越黎越近👇🏻9點45！終於到我地排頭位🥰等入去，非常之期待😹好好運啊～呢次真係好好運😹可以坐餐廳入面😆唔洗比人望住咁食😹不過餐廳唔大，只有幾張檯，坐唔坐到睇你好唔好運😎👆🏻唔同時間會供應唔同嘅餐👇🏻分早餐、午餐、下午茶時段🍴👆🏻亦都會供應淨粉麵、小食、飲品👇🏻佢個百搭早餐35蚊，三餸麵🍜加杯熱飲☕(凍飲加1蚊) 而呢次嚟食早餐嘅目的就係為咗沙嗲牛！！所以叫咗沙嗲牛🐮、紅腸、炒蛋公仔麵🥰沙嗲牛份量比其他茶記都多，而且好重沙茶味，又有少少辣辣地，仲食到啲啲洋蔥添，不過會比其他茶記沙牛鹹少少😹🐮而牛肉一啲都唔un，淋得嚟又唔會一pat pat，係高分嘅沙嗲牛肉👍🏻炒蛋亦唔會太乾，紅腸都有兩大舊～係足料嘅三餸麵🍜不過真係山長水遠去試嘅朋友，記住要早啲，費事失望而回～呢日佢地10點已經出去截龍，但都係個句啦，唔好預咁蚊啊～希望大家食完都會好好運啦🍜…查看更多

知道最近呢間餐廳因為沙爹牛而好hit，但係今次時間上唔容許我同朋友早餐時段去食，而朋友話都想試下佢既酸辣米通 (十一點後供應)，所以我地最黎都黎左～平日十二點幾左右去到，等室內位等咗大約20分鐘 (因為得三張檯)， 好彩附近多寫字樓啲人都係買外賣多～我叫咗紫菜四寶酸辣米線，朋友叫咗豬扒酸辣米通 扣底(辣度固定左)我嘅四寶有墨魚丸，牛丸，魚蛋同貢丸，整體嚟講都幾彈牙質素幾高，個人認為湯底辣度大概係微辣，酸味勁啲，配料都幾豐富，米線份量唔多～朋友嘅豬扒米通一上豬扒已經切開咗，都有七至八件，塊豬扒本身應該都幾大塊，夠淋唔韌👍試咗一啖朋友嘅米通粉，軟硬適中都幾好食 (畢竟so far唔多餐廳有)食果陣真係好好食，但係食完都勁口渴咗好一陣子 (雖然話食得鹹魚抵得渴，不過仲口渴過食完鹹魚🙈)但有機會依然會嚟試下佢嘅沙爹牛水準如何～～…查看更多

Youtuber Kiki&May 美食 KOL 都推介呢間小店今朝終於忍唔住搭車去荔枝試吓9:00am到 店前已有人龍 等左15分鐘有位叫左沙爹牛麵早餐/奶醬多/凍奶茶牛肉雖然唔係用上新鲜牛肉 份量相當大方 塊上而且有成10塊8塊沙爹汁 甜 香 微辣 帶花生碎 相當惹味個汁同筲箕灣印尼沙嗲屋個汁驚人地相似麵用上頂好大光麵 麵質挺身 個人較喜歡一丁火腿太陽蛋 奶醬多 質素唔錯凍奶茶香滑順喉 出奇地好飲 中上之作埋單 $43 感覺相當超值 絕對會再光顧…查看更多

好好運快餐店の沙牛🐮早呀～ 😗本身10點尖東返工，為食關係，忍不住來荔枝角親測😅😋沙牛味濃，有濃香沙嗲花生味道，湯勝在本來就不多，有撈麵感覺，麵硬道適中，辣椒油也是我喜歡的那種。只能說，沒後悔專登過來荔枝角一趟，吃過再返尖東返工。💫之後的一天還不禁再去朝聖一次，又食又拎，最後買多3份沙牛早餐從荔枝角帶回尖東請同事一起開心share,如果right now你問我香港最好食嘅沙牛茶記係邊間，我未必答到你，但肯定會先推薦這間 荔枝角的好好運快餐💫為免一早沙牛沽清，真心建議正正常常早上去食一個早餐，在中午斷貨前便可輕鬆吃到囉💫備註一下： 王牌 同 紅茶 之前都有食過，相比起這間好好運， 好好運的沙牛比較有驚喜（有種食完下次會想再來feel😅）オススメです🤗Howard…查看更多

“百搭早餐：沙嗲牛肉,煎蛋,餐肉”($35)呢排成日比沙牛關注組洗版😂日日都講呢間hhw搞到我終於忍唔住要去試🤣為咗食到晨咁早爬起身9點幾已經到😂去到即刻落單唔洗5分鐘有得食😛早餐時段有百搭早餐揀要咗沙牛🐮煎蛋🍳同餐肉🐷配公仔麵果然不失所望😍沙嗲味比起其他地方香濃🤤食到有啲洋蔥同花生不過食食下會覺得有啲偏鹹😂牛肉比得十分之慷慨而且夠腍🤤餐肉煎蛋就屬正常水準(其實可唔可以要3份沙牛?🤣)飲品要咗杯熱奶茶茶味都幾香濃☺️不枉我咁早起身嚟朝聖🤣…查看更多

有heart酸辣米通•我相信唔係好多人會食過米通粉，個酸辣湯底真係好有誠意，真材實料，肉眼見到有蕃茄，酸菜，薑，豬骨，雞腳，冬菇，用呢啲材料熬湯真係勁甜，酸度辣到啱啱好，唔會過酸又唔會過辣，一定要食墨魚丸同紅腸，四粒墨丸好豐富，夠晒彈口，兩片厚切大紅腸冇得頂，真係會食上癮！…查看更多

之前經常見同事食酸辣米通，覺得好特別，唔多見出面有米通食，原來呢間食店甘出名，由於牙痛，今日只試食佢既米線。第一啖飲佢既湯，睇落去覺得比較清，但食落又有酸辣味，同埋有一股薑味（我見有好多薑片），味道不錯。我食雞翼米線，雞翼炸得香口，有四隻雞翼，數量算合理了，而且雞翼另外用紙袋裝，唔會淋晒。在等外賣期間見到其他人食快餐，貌似不錯，下次可以一試，而且外賣速度快，等咗一陣就有，幾好！呢間店可在再幫趁！有機會要食米通…查看更多