好好肥牛雞煲店

营业中

休息中

酒逢知己千杯少呢句話真的永不過時,這夜我跟車爸爸一同摸著酒杯底跟新知舊雨同聚暢飲今晚夜^0^先嗚謝Kan & Nelson無私奉獻美酒共嚐本來想帶酒到的我因怕飲不完被叫停了OKOK下次到我帶啦~麻煩晒Kan安排了我們到好好肥牛雞煲店打邊爐,先話比大家知此家火鍋店性價比超高用料夠新鮮而且招呼超貼心呢^0^火鍋配料價位由二十多元已有交易,其它食物全部都係開心價呢^0^指定動作混咗醬先要多D辣椒多D辣椒正呀~辣媽姿態哼~湯底係{瑤柱海味大芥菜鍋}$108煲蓋一開那芥菜香便衝入鼻子,湯底清甜充滿海味鮮甜簡單又好味~飲酒梗係要食D香口嘢啦{汕頭魚片頭}$42,份量不少的魚片頭質感頗彈沒腥味送酒好物^0^{極品手切本地新鮮肥牛}$288(大),牛肉嫣紅富光澤聽車爸爸評它肉質不錯牛味頗香濃,吃得他很滿足喔!!{日本黑豚肉片}$88豚肉色澤粉嫩肥瘦均稱,肉香不算超香濃但肉質頗軟滑~{蘇格蘭蟶子皇}$98一客有足足8隻每隻也肥美肉厚而且無沙,輕輕灼熟鮮甜彈牙好鬼C正呢~{沙白蜆}$68

朋友介紹，必吃牛肉（特別牛格胳底），響鈴，而且海鲜特別新鮮。如有特別想食海鮮最好一早預定。點樣人情味呢？首先老闆好細心，會關心我們對食物口味滿不滿意，又教我們打邊爐技巧，而我們差不多食完，想壤給下一枱客，老闆亦客氣地叫我們慢慢不用急著走，再坐一會無妨。因其他食市地方一定想客人快速埋單，再做另一批客。 牛格胳底，好正。入口即溶。 另一推介：花鵰牛，口感軟滑 無骨鳝片 菜肉餃子 蝦滑 聖旨及蝴蝶蛤爽脆饗鈴，即食亦可並有自制醬汁配上 桂花糕 老闆即制豆沙煱餅

我們一行9人，同幾位北京同澳門來的朋友正想找本地特別火鍋店，找到了一家叫「好好火鍋店」。係九龍公園見到童軍中心過對面，見到大家樂行前2步就見到。有得食雞煲，火鍋，仲有海鮮sashimi，雞煲可能太多地方有得食，個人覺得味道一般還好，不過火鍋食材同海鮮sashimi係無得頂！牛腩心肉超正，肉質感強，半生熟一入口爽到呢~雞煲叫左2個、一個辣一個吾辣，個人喜歡辣，因為較野味。之後加湯打邊爐，食材好新鮮，基本上全部都好正。另外推薦的有呢四款海鮮sashimi，忘記咩名打咩名，終之有叫錯無食錯就岩，鮮蝦頭還可以拎去椒鹽炸，正呢。打完邊爐老闆仲送埋自家桂花糕，大滿足，決定要帶朋友再去。

難得落雨，喺炎夏中增添涼意~莫非已不知不覺間進入秋天?見涼涼地，我地5個美女呢日就黎到佐敦既呢間'好好火鍋店'~地方一啲都唔難搵--喺警署轉彎，見到童軍中心過對面，就大家樂條街行多2步就到。話說呢度真係5星級服務既打邊爐店!!點解咁講？食到咁上下有人幫你換碟雖然而家逐漸有店家做到，但係幫你用隔油網去埋油又有冇試過？？呢間火鍋店好有'麻雀雖少五臟俱全'既感覺，全店大約有8張枱，我諗應該都有50人既~首先人手起碼都有8個，差唔多真係一抬頭一舉手就有人招呼，第二就係，由門口招牌睇到，有得食雞煲，火鍋，仲有海鮮sashimi哈哈呢日食既野又係不得了既~首先係邊爐前既開胃菜~話說原來老闆除左火鍋店, 仲有間老字號既上海店0係附近!!!所以我地有肯可以有正宗上海酸青木瓜做前菜!!!真係好夠爽口好開胃!既然見到招牌上面寫出名海鮮SASHIMI, 我地梗係要試試佢喇~: 叫左一條老闆推介既魚同埋大蝦SASHIMI~~哇真係好耐冇試過中式既鮮魚片!唔單止甜, 仲好滑添~個蝦又係超鮮超彈牙~配埋呢間店特製既汁就冇得頂!好喇話說秒速就清左D刺身, 咁條魚未好浪費??唔使驚!魚頭同魚鰭轉頭就拎左去用椒鹽炸!!