好好甜品

营业中

休息中

前排同朋友去咗大埔踩單車，夜晚食完飯之後想直落甜品🍧經過見到呢間街坊甜品舖，選擇好多、價錢又好平，就入去試吓🫢芒果西米撈($37）我就好鍾意食芒果類嘅甜品🥭叫咗個芒果西米撈，一上枱就睇得出係用好稀嘅芒果汁撈糖水做底，食落同睇落一樣咁甜，冇乜特別，但對得住價錢💰椰皇燉蛋白($56)我朋友就突然間想食熱嘅甜品♨️，個蛋白唔算好甜，成個椰皇上嚟講幾足料🥥上枱嗰刻個甜品都幾熱♨️但係都係冇乜特別出色😮‍💨如果大家經過大埔想平價食個街坊甜品，佢會係你嘅一個選擇，不過就只係對得住性價比喇🤣評分：⭐️⭐️⭐️/5人均：$35-$50📍 好好甜品 (太和)太和美新里5號美菱居地下B號舖

食完附近雞煲之後行到呢間甜品店，見門口有好多人等緊，入面又滿座，我同朋友都買咗外賣試吓啦，點知一返屋企一開碗芒果珍珠撈，賣相已經唔係幾好，全碗剰係得3嚿芒果，而令我最唔滿意嘅係個汁底，個汁底稀到似水，水溝糖漿，食落得個甜味，完全唔好食，完全唔覺係食緊芒果嘅甜品。。。同平時個啲完全唔似我同朋友都覺得完全唔好味，但係唔好食都要收你一碗39蚊如果好食其實我唔介意收呢個價錢，然後俾錢個店員又無咩禮貌，令我哋嘅感覺更加差，總體都係完全失望同伏。

6月30日夜晚11點左右去食左兩個甜品都唔錯，幾滿足。但去櫃檯埋單時，有位紫色短髮後生女員工收錢時態度非常差，我哋以為埋單尾數有1蚊，想俾1蚊等佢唔洗找咁多散銀俾我地，點知佢反晒白眼大大聲話：78！我地即刻呆左，其實洗唔洗咁惡？完全係趕客。。。

食完晚餐，行過見這間甜品店好似好多選擇，就試下啦。🥢點了個鲜芒果蛋白椰皇凍 $66📝食落好甜(配合店名)，係一種很假及怪怪的甜味，個味道絕對不討好，都幾難食🤨忍不住問店員是否加了糖水？答案係，落咗芒果Syrup 🫢其實啲芒果本身已經夠甜，落少少鮮芒果汁咪仲好囉🫢

最近中意食完正餐，再食個甜品作結。屋企人比較中意中式甜品，而自己就中意食芋圓加豆類嘅甜品，所以搵左大埔呢間小店，有齊大家想要嘅野。芋圓丸子紅豆沙(熱) $33由於暖食，所以芋圓口感軟糯，非Q彈。蕃薯圓無蕃薯味，不過芋圓有少許芋味，算係好過唔少糖水舖嘅無味芋圓😅。紅豆沙蓮子唔多，陳皮味好濃，稀杰適中，但太甜、太甜啦….🤢芋圓丸子走椰紫米露(熱) $33阿妹唔中意椰奶，所以走椰。個人覺得呢個比紅豆沙好，起碼唔甜，食落清爽D、無咁痰上頸先。香芒紅豆撈 $37 & 楊枝甘露 $41楊枝甘露賣相真心唔OK😥，同個香芒撈對比就知有幾淺黃，唔係全碗芒果蓉，唔知係咪溝左花奶定淡奶，本身見佢門口個櫃放左好多芒果，仲以為芒果最出色，但芒果味一般，而且碗已經細啦，柚子又少，呢個收費會唔會太進取？!🙄甜品選擇好多，價錢未到好貴，但唔啱我口味，我地就唔會有下次。

今晚同朋友係太和附近食完🍚🍚，口痕想食下糖水😝😝😝😝😝咁緊係上openrice search 一下啦，揾到晚係晚飯附近既糖水店，好彩我哋早左入去，入座時店中唔算多人，但食食下就開始多人啦🤭🤭🤭雪糕鮮雜果香蕉船🥰🥰（$6️⃣1️⃣）Um還好啦，雪糕得一球無咁開心⋯不過整體西瓜好食既，但份量就如果用呢個價錢計就少左啲⋯既🫢🫢🫢🫢🫢🫢🫢🫢🫢我哋食左一陣，小店已經多人啦😝

第一次喺 Openrice 寫食評，冇諗過係為失望而寫🫠 星期六同男友食完晚飯見到呢間甜品舖，見多人、似開咗好幾年都滿懷期待咁入去 Menu 糖水款式其實寫得幾好，多配搭、易揀、款式吸引，無論係芒果 L、涼粉 L 或者榴槤 L 都會揀到心水 尤其係當眼位寫住招牌芒果撈🥭，仲要仲喺大埔有另一間賣芒果嘅舖頭，令食開楊枝甘露嘅我都轉咗軚，兩個人分別嗌咗「芒果西米撈」$37 ，同「芒果迷你小丸子撈」$41 上到枱飲咗啖就知中伏🥲雖然有芒果蓉嘅色澤，但係飲落去只有非常淡嘅芒果味同超甜糖水味，就好似芒果乾溝水開稀然後機打出嚟咁 如果合埋眼飲，會連剩餘嘅芒果味都食唔出，所以所謂嘅芒果味可能都係受視覺影響嘅幻覺😵 有相為證👇🏻 真係好稀…… 不過有碗話碗，西米同小丸子🍡都煮得幾好，口感煙韌、粒粒分明，如果鍾意食呢兩樣甜品但唔介意芒果味淡，兼鍾意重甜味嘅朋友仔不妨可以試吓🫡

去大尾篤 BBQ 完，出返大埔，當然要食糖水。好想食傳統糖水，於是決定幫襯太和嘅好好甜品。呢度嘅 menu 有中式有西式，選擇非常多。我叫咗合桃露加三粒芝麻湯圓。合桃露稍為稀咗少少，合桃香味不足，幸好芝麻湯丸夠甜夠 Q 彈，一齊食，唔錯，加上大大碗，以呢個價錢，性價比係 ok 的。

其實search過太和好似得呢間糖水鋪無得揀焗食， 係酒吧睇完波凍凍地想食熱野嘛。甜品無話等別好食，但一定唔難食👌🏻見到餐牌咁平真係好驚訝，先$22碗額外加3粒湯丸先$7真係平到好過份。 天氣凍我覺得暖暖地唔夠熱，食到一半已經凍咗好多，而且d 湯圓可以再林啲我鐘意林啲軟棉棉多啲😆朋友嗰碗芝麻糊食落似係即食沖出黎唔夠結嘅狀態，其實可以再好啲，雖然乜都普普通通，但有個優點就係唔太甜太漏食完唔口渴，呢個價錢算係咁啦👌🏻

最愛的大埔舊式糖水舖(´ε｀ )♥♪芒果超甜 芋圓好食(≧◡≦)♪好食過許留山多多聲(｀▽´)。食過咁多間 覺得最正都係呢間(˶‾᷄ ⁻̫ ‾᷅˵)呢間由以前中學食到而家 係附近食完飯都會帶下未試過既朋友黎食 好多都好評(๑`･ᴗ･´๑)==================👅 芒果忌廉西米撈 ($32)‼️推介 另加左芋圓($8)‼️呢啲既芋圓真係好好食 好煙韌！而且落左忌廉覺得好食過冇落😛(雖然好有罪惡感)👅 芒果小丸子撈($34)好鍾意食小丸子～呢間仲要食極都仲有 煙煙韌韌正啊(´ε｀ )==================⭕️呢到啲芒果真係好甜好好食 芒果甜品冇得輸！⭕️仲有芋圓 覺得係數一數二好食der(˶‾᷄ ⁻̫ ‾᷅˵)食落仲有啲芋頭粒粒 又煙韌⭕️份量好多！食極都仲有芋圓西米同小丸子(≧◡≦)⭕️另外唔想忌廉 都可以加花奶(+$2) 都好正～❌呢到甜品都偏甜🌟所以唔鍾意太甜既可以叫少甜🌟❌果日食既芒果比較細舊 份量少。▫️味道：4/5 ((尤其鍾意食芒果/芋圓既可以去試試服務：3.5/5環境：3/5回頭率：5/5 ((芒果芋圓迷係大埔每次必食！人均：<$50▫️📍好好甜品 (太和)太和美新

第一次光顧，諗住試最普通的甜品，以策安全，點知都中伏！千萬不要吃腐竹銀杏薏米，熱食和凍食都一樣好甜，糖水味道好假，只吃了三羹，就放棄了，但都食到條脷「鞋」曬，唔知點解！

喺太和食完飯🍴想搵間近近地嘅糖水舖🍮經過呢間「好好糖水」見到都幾多人喺門口等緊外賣，個裝修又好中式就望望個menu📜，見到勁多款勁多種配搭選擇，仲有傳統啲既中式糖水揀🏮 不過呢間嘅店員唔知係咪太忙，個個都黑口黑面冇乜招呼🫣 舉手🙋‍♀️落單都驚驚地🥲🥥蛋白燉原隻椰皇 $55嚟到難得見到呢到有原隻椰皇嘅甜品唔洗諗一定要揀🤭呢啲自己屋企整好大功夫🙈仲要唔係間間糖水舖都食到😅 熱辣辣上台仲出緊煙♨️ 蛋白燉到好平滑食落口感滑捋捋👍🏻 蛋白溝咗椰皇水一齊燉，除咗食到蛋白香仲食到好香椰皇味，好清甜好開胃🤤就算我岩岩食到勁飽我食完晒成隻，都完全冇罪疚感仲覺得好健康😌食到底我仲刮埋底啲椰皇肉食😋 燉過啲椰皇肉又嫩又滑🥭甘露豆腐花 $40顧名思義就係楊枝甘露溝豆腐花，呢碗就遜色咗少少🤔 佢個豆腐花一啲都唔似豆腐花😅冇乜豆味同唔夠滑，似食緊少少甜嘅豆腐咁🫣 反之上面個🥭楊枝甘露就幾足料，西米芒果同碌柚肉份量都多，個芒果底做得唔錯唔會太酸👍🏻

啱啱同朋友喺太和食完雞煲想再食甜品🤓又見到好好甜品大排長龍，再試左一試～呢間甜品鋪嘅外觀有啲懷舊feel🎪入到去座位比較窄，人多嘅時間大家都坐得較迫🙈而喺款式方面，個人覺得都幾多，有傳統亦有新式，我同朋友叫左椰汁西米露，食落椰汁味重，朋友食完都大讚💫💫另外都叫左個雪花芒果冰，份量好足，但略嫌芒果味同雪花冰嘅比例比少，食到最後就較淡味🥢不過價錢都算平，性價比幾高！如果下次有機會會再想試雪糕香蕉船，睇落都好吸引～🍮

-餐廳：好好甜品-P1 雪花紫米加芋圓 $37佢地個雪花系椰汁沙冰，但係係D啲超級棉既冰，超級滑。另外個紫米都好軟糯。再者個芋圓好彈牙, 又有好香既芋頭味，推介。P2 薑汁芋圓丸子西米露 $30呢個薑汁味好濃，然後配上芋圓再加上軟熟既小丸子，仲有淋淋既西米，真系好正，一碗糖水有3種口感。PS想試試佢地啲芒果，個日去到佢地話貨源問題冇芒果，下次再試！-評分CP值 : 8/10好味😋: 8/10賣相 ：6.5/10-地址：太和美新里5號美菱居地下B號舖-

次次買親都要排隊等好耐，疫情下人流少咗終於唔使再排隊，每次你都會點我最愛食嘅椰香紫米露，今次叫咗兩碗，一碗配湯圓，一碗配芋圓！芝麻湯圓餡料流心好正👍🏻芋圓亦都唔小氣，有番薯、芋頭同小粉團，都有十幾粒！