好到底水餃雲吞麵

元朗呢间「好到底」，真系由细听到大嘅老字号！铺头细细，长期有人龙等位，为咩？咪就系为咗佢哋碗招牌虾子捞面啰！讲真，试过一次你就明点解咁多人推介，绝对系镇店之宝，嚟到唔食真系走宝！首先，个面底已经赢晒！正宗竹升面，师傅日日人手打，啲面条幼细又爽脆到「索索」声，咬落去超级弹牙，个口感真系冇得顶，同啲机打面完全两回事。重点嚟喇——上面铺到满满嘅金黄色虾子！一上枱，个虾子香已经扑鼻，咸香鲜味到不得了，啲虾子多到好似唔使钱咁，捞匀之后每条面都沾满晒，食落口「卜卜脆」，鲜味爆灯！灵魂所在仲有佢哋秘制嘅猪油同豉油！加少少落去捞面，𠮶阵怀旧嘅猪油香即刻升华晒成碗面，香到晕！豉油带少少甜，唔会死咸，同虾子嘅鲜味夹到绝。食嘅时候记住要捞得够匀，等每条面都吸晒啲精华呀！虽然系捞面，但个面底做得好好，完全唔会「黐埋一旧旧」或者过淋，由头到尾都保持住爽弹。份量睇落唔算好大碟，但胜在够精，食完系满足嘅！有咁高质嘅传统手功面，仲要系元朗老字号，真心抵食。环境就系典型旧式粉面店格局，坐得迫少少，但为咗碗咁正嘅虾子捞面，绝对值得！总结： 嚟「好到底」，水饺云吞可以下次试，但碗虾子捞面真系必食首选！虾子多到夸张，竹升面爽脆无敌，加埋猪油香，系令人食完会挂住嘅传统好味。专登入元朗食都值！…查看更多

较早前见电视介绍云吞皮糖水同云吞面, 有d好奇想去试下, 但本身我自己对面印象麻麻, 外面食开一定劲多碱水😲, 所以都唔会㨂食面😆 但见好多食评话几好吃, 而且唔会有碱水, 所以今日就过来试一下😅, 去到都接近下午4点, 所以人客不多, 比安排坐卡位, 好舒服, 见好多熟客户😁👍望下餐牌先, 又想食云吞又想食水饺, 最后叫左一个云吞水饺面, 另外见一杯饮品收12元, 一d都唔贵👍, 叫左一杯红枣豆浆, 感觉好养生, 无热, 得冻和常温😂, 最后要左杯常温, 叫面加野饮, 只需要10元, 隔一阵饮品送到, 都唔细杯, 而且感觉好浓, 先试一啖😘有惊喜, 唔甜劲好饮💯, 再等左一阵先送上汤面, 唔系出面敢贪快, 已经煮定晒, 你叫再翻煮😂真系即叫即煮, 慢工出细货😄🤩, 真系对自己的出品有要求👍家阵真系好少有, 饮啖汤先, 清甜好饮😀唔系有碱水有味精个d好渴咸汤底, 夹啖面食下先, 好爽口弹牙😁真系完全无碱水味😘唔好以为送来好细碗, 其实夹起都好大个面🫶食粒云吞先👍皮薄饀够多😀d虾亦好新鲜同爽口, 之后亦食粒水饺, 大大只, 皮薄饀都好丰富, 包左好多木耳, 食落更加爽口😙, 二款都好食, 皮都系无碱水味🤩, 再之后饮埋杯红枣豆浆, 入面好多红枣渣👍👍真系超好饮😍食左都唔系好口渴, 有下次😋…查看更多

出到去元朗揾嘢食梗系要揾啲元朗名物 朋友推荐好到底见到店舖系新开，细问原来系家族分支店舖由原班人马主理餐厅环境坐得好舒服冷气都好够坐低睇睇餐牌朋友要咗水饺牛腩伊面牛腩畀想像中多，食落够腍， 一件一件肉质不错伊面食落完全冇碱水味，面质爽口，有淡淡的蛋香味朋友见我叫云吞所以就叫水饺，想知水饺同云吞的分别云吞比较多虾肉， 水饺有些云耳食落比较爽口 两样都好好食我自己虽然唔太钟意食面食，但系点都要叫返碗招牌云吞云吞皮薄馅靓， 虾肉爽口云吞配生菜一绝生菜直接放入汤食好钟意生菜同蚝油分开， 生菜配浓郁汤底已经好够味去好到底点可以唔试下虾子叫咗一份虾子萝卜呢个配搭好神奇，萝卜清甜虾子有淡淡的咸香虾子呢样食物真系买少见少，好似成为了一种传统的食物朋友贪心点都要叫炸云吞同埋蚬蚧鲮鱼球好觉得餐厅都好贴心可以每样叫半份，唔使惊食唔晒， 又可以食多几款炸云吞虽然同汤云吞系同一款，但系食落系两种特色， 云吞皮酥脆， 虾肉弹牙， 已经好耐冇食过蚬介鲮鱼球成日都听今次第一次食好大粒， 质感比想像中实净同平时普通鲮鱼球好唔同，有少少似鱼蛋但系更加香口咬开就见到好实净， 材料十足原来这一个就是蚬介酱 ，有咸咸香香少少酒香味， 觉得好特别饮品店员推介红枣豆浆天气热想饮冻，店员话大概是常温的温度味道觉得好好饮， 系唔甜好重豆香+红枣的味道， 系畀想像中好饮好多饮完一杯都想再饮一杯收银处见到有虾子同埋猪油的 樽装可以买返屋企做手信仲有好多面制品买盒返屋企做手信可以经常回味整体觉得餐厅人情味十足， 可以找返从前旧面家的感觉…查看更多

元朗街坊必食！「好到底」果然有底气，出品实而不华～手工伊面烟韧弹牙，虾子捞面好够香，拌匀后咸香扑鼻，食完仲想Encore！ 除咗堂食佢啲面仲有得一盒盒礼品装咁样买🍜云吞面：云吞饱满大粒，汤底清甜唔油腻🍝虾子捞面：干身得嚟好挂汁，层次丰富🥩 牛筋牛腩：超入味！牛筋煮得够淋，牛腩够厚身🐟 炸鲮鱼球：超香脆，唔油腻，有家乡味， 鲮鱼球超级实净 同出面轻飘飘𠮶啲唔同🥤 冻红枣豆浆／冻柠水：配捞面一流！ 红枣豆浆个红枣未好浓郁 大家一定要试！！！…查看更多

呢个星期六我哋去元朗行吓，午餐时间去到老字号云吞面店：好到底水饺云吞面 元朗安宁路 呢度除咗堂食，都可以外卖面饼冻柠乐 先嚟饮返一啖冻柠乐，玻璃樽可乐配合超多冰劲消暑云吞水饺面 云吞同埋水饺都系皮薄又滑，云吞嘅馅料虾同肉碎调味也很不错，而水饺里面嘅菇味好香虾子捞面 虾子味道香浓好鲜味，捞面煮得啱啱好好弹牙，食完一口虾子捞面配合埋上汤非常配搭热红枣豆浆豆浆配合埋红枣好夹，热饮特别感到豆香炸鲮鱼球及炸云吞 两者都炸得好靓，好有惊喜！鲮鱼球超足料，好新鲜嘅鱼肉配合埋蚬介调味非常好😊炸云吞加dd甜酸汁好好味，云吞皮炸得好松化，同刚才嘅汤云吞系完全唔同嘅感觉热云吞皮糖水呢个系好经典传统嘅糖水，估唔到都好好味，感觉到佢哋嘅用心😊 汤底系清甜嘅姜汤，配合埋碎碎嘅云吞皮、红枣及鸡蛋，虽然好简单但系好感觉到原本材料嘅味道及质感，整碗糖水感觉各材料都好配合…查看更多