奶茶咖啡室

冷氣直吹頭，叫職員調教🙄，但話調教不到，調教風速又話教唔到細風速，當顧客儍咁，想轉位座又轉無位轉唔到，服務態度差，最後將食物打包走！食過下午茶會冷病唔值得囉⋯⋯😡😡、唔可以接受！…查看更多

餐廳門口已經寫好左全部餐牌去放便我地睇一入到去已經有人招呼我哋，店員都好nice有禮貌。落野飲個時店員有啲混亂，所以各位叫野飲記得慢慢講清楚！！嗌完好快就送到過嚟，不過焗嘅食物同牛扒就會耐一啲我叫左個吉野肥牛便當🍱不過張枱比較細同埋有膠板而唔係好夠位擺。而我都問過朋友！！佢哋個個都話好食好似踏左上天堂路咁喎我覺得唔錯吖，叫完有得配埋羅宋湯或者忌廉湯，飲大大杯野都係加少少錢。餐廳嘅光線充足，夜晚去食比我嘅感覺好似外國聖誕節個種小溫馨feel…查看更多

舖頭唔大，但係食物同飲品既款式種類繁多，朋友叫左個温泉蛋車打芝士煙肉燴扭扭通粉，加$12 有個胡麻醬沙律，味道幾好，菜都好新鮮。扭扭通粉一上碟，都幾靚啵，份量亦唔少，試下味又幾香幾好食@@入口都幾 creamy 又香芝士味，加埋粒温泉蛋一齊拌勻食，一流呀。而我就叫左煙三文魚沙律 $50 晚餐黎講真係幾抵食，而且佢份量係嚇左我一下，平日食開 d 沙律既份量起碼少30%而且佢擺盤都好靚仔，食完個沙律餐我竟然 feel 到飽，真心好少有味道亦都相當 fresh, 好新鮮既菜，我覺得佢地係用新鮮菠蘿，因為大粒 d 唔同普通既罐頭菠蘿。三文魚都有5片，相當 nice ! 茉香綠茶相當香， 茉香同綠茶香都 balance 得好好！本身想叫珍奶，但係咁岩珍珠賣曬 haha 晚餐食到飽飽，兩個人都只係 $114性價比高，可能因為地區問題，光輝圍果頭既物價都唔算高。有樣，又有實際呀 …查看更多

呢間餐廳手勢唔錯, 今次係第三次返去食佢位於葵興街市後面, 門口幾細下入面位置唔多, 只有一張卡位, 其他都係打橫貼既四座位同埋平時幾多人幫襯, 星期二又休息生意相當唔錯我食過佢地牛脷飯, 墨汁意粉, 但相比起黎個炒三文魚意粉最惹味1) 南瓜溶湯: 唔太甜, OK啦, 又唔係話特別好2) 意粉: 得, 乾身, 軟硬適中, 可以同長沙環金園相比, 上面曬左香草幾美觀3) 炒三文魚: 好味, 雖然係散, 但溝埋意粉食好襯唔會話醎4) 配料: 青紅椒絲, 唔辣, 爽既口感同意粉唔同, 視覺效果亦佳, 食到底會見到香蒜, 其實蒜先係無名英雄5) 凍檸茶: 有足夠紅茶味, 比起茶餐廳更好晚飯凍飲共$54, 呢個價錢值…查看更多

都係呢間餐廳嘅老顧客了，呢晚食左口水雞飯，以前係普通雞件，而家轉左做雞脾。雞脾都好大隻下，份量十足，有大量醃製嘅辣椒同芝麻，食落好麻辣同芝麻香。但係就切得太大件較難落口，比起之前呢個口水雞變得鹹左，鹹味出過麻辣味，味道層次無之前咁豐富。整體而言，餐廳食物水準比以前下降，等出餐時間都愈嚟愈耐，希望會有改善。不過都留意到愈出愈多新款式，如西冷扒配半隻龍蝦，見隔離枱食都好份量十足，價錢都只係$138，希望下次有機會試下其他款式！ …查看更多

陪老公食午餐，佢話同事最常食就係呢間奶茶☕️咖啡室，的確中午座無虛席，地方細小，但容納幾十人，因為人多要拼台。午餐🥣套餐價位大約40 起-158 起，有意粉，炒飯🍝🍚等，跟餐會包餐湯同飲品🥤豐儉由人🍽今日簡左南瓜🎃忌廉湯🥄，南瓜🎃打到好碎只係有顏色，味吾算濃，而忌廉湯都算飲落滑身黑椒蜆意粉🍝： 意粉🍝炒得比較乾身，但好夠黑椒味，另外仲見到乾蒜調一調味，重口味人士既大愛🍴💋蜆食得出吾係急凍冰箱貨，而真係新鮮既蜆肉，夠曬咸味🧂加分咖哩雞排飯🐥：咖哩汁另上是基本，濃濃椰汁香，似葡汁多於咖喱🍛，伴碟仲有四季豆同紅蘿蔔🥕，好似健康點咁，雞排比較焾身，呀婆都食到😂總結：味道吾錯，價位吾算太貴，抵食既高質午餐🥄🍽…查看更多

分享一下我平時食飯既日常老實講光輝圍真係好多嘢食，真係多到應該有排都未試得完。 今次試哩間外表平平無奇，但居然有驚喜😲……-☆ 紅酒燴牛脷飯 HKD$47雖然無乜紅酒味😂，但幾香蕃茄味，味道酸酸甜甜，食到粒粒蕃茄肉，不錯的。至於牛脷焗得幾軟淋，一啲都唔韌仲好易開👍，蕃茄面頭仲有啲芝士，拉絲㗎仲要😍！-☆ 馬來咖哩牛腩配意粉 HKD$47哩度既咖哩係椰香味嗰種，甜甜地好有椰香味，係我最鍾意嗰隻咖哩😚，椰奶令個汁非常creamy，好正👍。咖哩汁份量好多，攞嚟撈哂成個意粉食仲有剩。而牛腩尚可接受，少少韌唔夠軟綿，薯仔有煎過，表皮好脆。-總括而言，以小店嚟講算係幾高質，加上有湯有嘢飲，性價比幾高👍，可以一試。…查看更多

哈哈哈其實我都會貼地食茶仔架😅今日探數至葵興,原本想食附近間嘉x漢堡，但迷路到胃痛🙈就地搵間入去食醫醫肚。打開menu,下午茶真係估唔到有咁多特別野食又黑白醬大西多，又芥末碎蛋牛角包🥐又三重芝士狗就叫左兩樣三重芝士狗皮脆，芝士香，賣相靚仔，脆皮腸如果再長啲啲配返個包咁長就好好黑白醬即朱古力加練奶再有舊凍牛油🤤邪惡到吖，西多唔油脆脆，醬夠多唔沽寒😍甜甜的間店細細，其實如果打掃下天花同牆啲塵，換下啲傢私加啲裝飾佈置,扮下附近少有既文青cafe,可以殺出條血路。入到去先上黎睇食評負皮既都係講佢地服務唔理想，野食係OK既…查看更多

經過呢間奶茶咖啡室，見店面幾令就決定入去試下。一坐底見到個MENU，嘩，都有成20款粉面飯既野去簡，都唔HEA呀!叫左個M.牛魔王焗飯，呢個餐係包埋西餐湯(奶油蘑菇湯) 。呢個白湯好夠味，開頭以為送既野都冇好野，但知都唔錯呀幾香濃，唔係話加水落去溝淡曬個隻。叫得奶茶咖啡室就當然要試下杯奶茶啦，都係加HKD 2 就可以轉凍飲。 茶味夠濃，奶味夠香，重點係多奶而少甜，不俗。牛魔王焗飯: 老實講係香港地一個飯都要HKD 50 都幾貴下，重點係好細個既SIZE，牛肉好重牛味同黑椒味，都仲放左兩條紅椒比我，好彩個焗飯唔太DRY，好彩有好多 黑椒汁送飯。整體黎講係一個不過不失既頹飯。…查看更多

下午茶分量好似bb餐， 服務態度絕對 惡劣，（ 待應到收銀員）。 第一張卡位三人坐下， 在沒有知會的情況下隨便叫個客坐埋嚟，當客人是什麼食物其實普通， 近年有很多餐廳掛上咖啡廳冰廳等等用這樣來吸引客人， 我覺得這個餐廳的外表裝修是ok的 但是一進到去非常迫 當然這是土地問題 但我不認為服務態度是關土地問題 ， 我見餐牌的文字藝術也是完美的。但其實食物的質素也是一般今時今日咁嘅服務態度如果想再行入呢間店正門口應該是沒有可能…查看更多

今晚太大雨關係就同男友係公司附近揀食。今晚試下lee間奶茶咖啡室。感覺幾舒服就入去試下。入到去同一般茶餐廳差唔多la.跟餐有餐湯同熱飲送。有西餐食ga茶餐廳黎講價錢差唔多la.跟餐:羅宋湯(正常質素)我叫左個黑松露帶子炒意粉$50個意粉一般la.只得三粒帶子.但係D帶子煎得幾好食.面煎香內爽軟開頭食落覺得幾好食.但係食食下好似太甜la...男友叫左個馬來咖哩牛腩飯$48咖哩飯應該所有茶餐廳都冇得輸ge一個飯如果連咖哩牛腩飯都唔好食點做茶餐廳la.當然lee到個咖哩飯都做到本份咖哩香濃.牛腩夠淋身.薯仔有煎過二邊唔係齋恰.會追吃的一個飯最後嘆返杯皇牌奶茶.幾滑身又唔苦澀可以ar.飲奶茶一定要用厚身瓷瓦杯先好飲.因為厚身瓷瓦杯先可以提高保溫性和耐熱性令奶茶入口時口感更充實.所以見到茶餐廰會用lee種杯沖奶茶.代表lee間餐廳一定有研究過.杯奶茶一定唔差得去邊ge.總結:整體質表不差.可以一試…查看更多

其實家住附近，一路都有叫開外賣送上屋企，接聽電話通常都係負責人(男人)，之前有時負責人係未到早餐呀…下午茶時段未過既時間都會話冇架啦，咁都算啦，鬼叫自己唔早d打去order,但今日發生既真有有d嬲，如往時一樣，都係負責人接聽電話，係早上9:58分，咁order早餐啦，佢話好多外賣喎，你可能要等好耐，如方便既話可以落去拎，我話唔緊要我有時間，咁我等啦，咁就落左order啦，跟住就慢慢等…等到11:39分，打去問下啦，接聽既負責人，話早餐冇喇喎，我話我9:58分落order,你話遲d送喎，佢竟然話冇落order喎…一肚氣，我覺得你可以一開始話唔送，我可以叫第二間，反正光輝圍咁多間茶餐廳，你唔好咁玩法囉，等左2個鐘，你話冇落order,對唔住都冇，唯有以後叫自己唔好再幫襯呢間野啦！…查看更多

🥘鑊氣夠即炒午餐 ☕️[環境] 👍🏻有卡位，冷氣夠，有靠窗位 [服務] 👍🏻茶歺廳我沒特別要求[菜品] 👍🏻有午餐，有下午茶2:00pm後基本上要炒的好有鑊氣，好味道。湯，有中有西湯選擇（送的）叫得奶茶當然香滑我就鐘意卡邦尼煙肉意粉，口水雞，白酒蜆肉意，八安士西冷牛扒。因為我公司在附近，我全部試過了，正！基本上是飯堂因為款式多！[價錢] 👌🏻午餐$40-58下午餐 $26-36只收現金沒有加一服務費可以外賣👍🏻👍🏻👍🏻…查看更多

見多人就揀左外自取，點知就中伏！！等左成三個字都仲未有，心諗都知賴賴地野，但見入面多人，可能太忙就諗住再等下先啦。之後等到第買四個字先至話我要果個餐賣哂！！！何解一開始唔早講呢！都算，咁轉第二樣。之後足足等左成半個鐘先至有得拎餐！！！問個負責人又hea答我，完全冇心做咁！！而家我係客仲好意思嫌我煩反而個店員就好好多，講哂sorry咁，個負責人唔該學下個店員啦！！等左咁耐啲餐係凍唔係熱！！一啲都唔好食，我 以後都唔會再幫襯佢！！blacklist!!簡直食到一肚氣！！…查看更多

外表似一般茶餐廳，只喺畀佢水牌上既一手好字吸引咗入嚟。點知.......有眼不識泰山，原來喺香港鴛鴦王開架😆即刻order杯鴛鴦嚟飲，我唔會忘記呢杯鴛鴦為夏天帶幾大震撼，結果我隔一個星期都嚟飲一杯，唔好問有幾好飲，試左先ok?不得了嘅麻辣口水雞，賣相一流，配上老闆親自調配既醬，香、辣、甜、麻，味道獨特，好好味，已經成為我必叫既食物。其他飲品都好出色，椰香仙草都喺必飲😆😆如果係大胃王，呢款蕃茄焗豬，就啱你，足料，豬排多到食唔晒，仲有士芝拉絲，好有驚喜👍🏻想搵好嘢食，可以試呢間餐廳既口水雞同鴛鴦，一試難忘😍…查看更多