太興 (士美菲路)

星期五唔想去多人的地區食，去屋企附近堅尼地城Hea Hea 地食完就算，咁去太興啦⋯⋯去太興食嘢，間間分店都一時時，有時好有時好差，但近依幾年質素係差左，但今次又算ok woo 😂😂😂😂今晚唔駛排長龍⋯⋯但之後7:30都見出面有人排隊…. 叫咗2 個晚餐set , 飲品加錢又個白飯，一個燒味四拼，一個牛尾煲… 今晚又唔差，所有野都正正常常… 燒味正常發揮，個牛尾煲又唔錯，牛尾幾林幾多，牛尾煲個湯可以撈飯幾好食⋯⋯所以今次冇負評啦😂😂2人$261 埋單…查看更多

5點問阿姐有晚市未，佢話有攞餐牌比我，過了十分鐘，追幾次先攞來。5點1 3分落單，一個通菜鮮尤，一個京都豬扒晚飯餐，+ $ 43加湯。隔5分鐘湯上先，凍嘅．之後等等等20分鐘，未有野食，追了一次阿姐話睇吓，轉頭去做其他嘢。坐多5分鐘，眼見其他枱遲來都上了菜，炒嘢來嘅，再追，今次搵個哥哥仔，佢話整緊，。再坐多5分鐘，再搵同一哥哥仔再追。佢不耐煩，同第二枱客落單時，講「又唔係我炒，追我做乜？」個時等了45分鐘，決定起身走人。去到埋單，要用正價58元付湯$，算。我同收銀投訴話D嘢食冇嚟。佢同哥哥仔一樣，用惡劣態度又話「又唔係我炒，同我投訴冇用架」我想問下係唔係，作為人客，嘢食45分鐘都唔出係唔係唔可以投訴，唔可以追？要自己去廚房同個廚師投訴？平民餐廳不期望很高服務質素，但係唔好浪費大家時間。以後都唔食太興集團。…查看更多

其實自己喜歡太興的食物已經不多，乳豬是至愛之一，已經承擔了不斷的加價，為何歺廳的質量不停下降呢☹️失望！雖然服務員態度不錯，但始終食物才是吸引客人再次光臨的主道，希望歺廳會改善🙏🏻…查看更多

中午前入座，點咗個午餐星洲炒米嚟食，嚟到個賣相普普通通（隻碟就幾靚嘅），份量都係偏細碟，如果好食嘅話就無咩所謂啦！點知一放入口，感覺相當奇怪，明明碟星洲炒米出緊煙，但點解食落口係唔熱嘅呢？試吓再食一啖，感覺又濕又凍！後尾發現原來有半碟星洲炒米係熱，另一半就係凍，食咗咁多年星洲炒米，第一次食到咁嘅感覺，開眼界了！講真，收68蚊一個午餐，你俾啲咁嘅質素人哋食，麻煩真係俾啲心機整啦!諗住食個快飯就返工，點知換來一肚氣！…查看更多

意外好食的午餐今日去西環海濱花園前，醫飽個肚先，太肚餓啦，就順路系個商場搵。本來真系吾會考慮太興，因為而家佢出名燒味吾好食，但行過附近幾間，大部分座位間無隔版，裝修又吾得，系哩度幾好，就坐低啦！侍應跟手比兩隻杯，講得好清楚電子落單同搵佢落都okay。起身走又會講多謝，吾錯。哩間其實都好多年，但都保持得幾乾淨光猛，可能系裝修完。午餐選擇多，有蒸野，炒粉，燒味，臘味等，講抵食支竹豆腐火腩飯（$60）4分- 睇落系估吾到咁靚仔同幾大份,吾似整定“筆”出來- 支竹吾會爛曬，有咬口- 豆腐就覺得硬小小，無乜豆腐味- 火腩都幾多 - 吾會好似比D”獻”沈住，吾會死鹹。大澳蝦乾蒸肉餅（$60）4分- 都幾多蝦乾，都幾好味- 豬肉餅份量系薄小小，肥瘦適中，吾硬吾實，應該系即蒸白飯都系茶餐廳中上質數。鹹檸檬水（2分）- 有差不多半個檸檬- 一D都吾鹹，或者可以話無乜鹹味，又無乜檸檬味。…查看更多

睇廣告見到有新口味奶茶，見到枝「燒棉花糖」就心心眼！😍今日去太興食 lunch 試咗，奶茶底一貫的茶濃奶滑，杯底有豆腐花，唔甜，好味喎！最喜出望外嘅係竟然加咗有小麥肧芽，口感好好。新花款奶茶好似飲緊手搖飲品咁。單叫要 $33 一杯，但跟餐就只係 + $3 ，好抵！仲有另外兩款，香芋奶茶和桃膠奶茶。不過桃膠係乜玩法？ 桃膠無味架喎，養顏呀？🤣🤣🤣個「鹹蛋蒸豬肉餅」份量不多，但好好味，尤其係隻鹹蛋好沙，仲有蛋油！…查看更多

今日差不多1點諗住入去堂食，同佢講3位，要一張bb凳佢話無位坐到，咁好啦我叫外賣算，到準備俾錢既時候又話有位可以放到bb凳。好啦咁轉堂食，跟住拎左張bb凳黎係污糟同濕既我就用紙巾抹乾淨再用消毒噴左，佢又再去搵過第2張bb凳俾我，話污糟唔好用，跟住就話全部凳都污糟又叫我叫返外賣。簡直浪費我時間，永欠backlist.特別要投訴個女人，明明浪費緊我時間，仲好意思話服侍緊我，真係唔該哂喎.。。。。。。。…查看更多

連鎖店的一般弊病，走下坡之後，太興亦然。今日去太興食個早餐，餐肉太陽蛋公仔麵。本來呢一個餐之前在將軍澳分店食，都唔覺水準有下降。但係去到西環堅尼地城呢間，就實在太差了，那餐肉擺明係隔夜番炸，又硬又乾又冇味，對此極之失望！…查看更多

消費券用alipay的話，滿100蚊可減20蚊，就係因為呢個優惠，所以同屋企人黎食。而家叫小菜送白飯，但就唔包飲品叫左個蜜桃咕嚕肉，肉好嫩亦唔粉，有水準，而且啖啖肉，份量唔算少，係好味嘅之後來了豉汁鷄煲，完全即時降level，唔得掂，好少肉燶哂咁。。。最後點左薯仔牛仔粒，真係d肉似牛肉乾，薯仔亦唔夠淋，好失望。。。最後叫左燉湯，豬肺湯，一揭開蓋奶白色，好香杏仁味，好足料，好入味，忍唔住叫多一盅，推介！！…查看更多

之前寫過杏花邨嗰間太興啲服務超級差👎👎👎, 簡直係用騎呢同惡劣去形容！！！好在都有啲正常服務嘅分店已經嚟幫襯幾次, 次次員工都有親切嘅態度, 起碼叫做正正常常.👌👌呢間集團嘅食品出品其實係好穩定, 水準以上, 午餐肉燥飯, 喺必吃之選（不好意思已經义爛咗隻蛋先至記得影相😅😅🙄）👍👍👍鍾意佢哋嘅咖啡, 奶啡適中👍😋希望所有分店都保持到服務水平.…查看更多

不嬲都知太興的水準不錯👍🏻本身想叫半隻雞$48同蒜蓉炒蕃薯葉$48可能現在限聚令8:00食飯都太晏了，呢兩個餸都冇晒，唯有叫其他….杏汁豬肺湯$38叫餐加$38，平時淨叫$48湯好綿，足料，飲落好滑👍🏻豆鼓涼瓜炒牛肉$68有鑊氣牛肉新鮮，師傅炒得很好👍🏻胡椒魚肚雞煲$86配生菜🥬火鍋底，下面擺個爐頭，湯滾了再放生菜湯底好飲足料好多黑木耳，紅棗，胡椒，魚肚仲有雞件清清地幾好好啱女士飲這個湯可以做湯飯…查看更多

跟家人吃飯，樓下便是太興，那就不多想了，太興吧～這段時間，人流不算太多，可不用等位便可入座，一坐下便點食物了，肚子都餓壞了，哈哈先來的是粉葛鯪魚燉湯，濃味的，價錢亦不貴，晚餐加配28元便有，比街外的抵喝了咕嚕肉味道也不會太濃，店舖都在實施少鹽少油少糖，所以吃得比較舒服魚香茄子煲，這個拿出來時熱點蠻熱，冷冷的天氣吃著熱辣辣的東西，很滿足的粉絲雜菜煲，不會是特別好吃，但外出吃飯，還是吃的蔬菜較為有益🤣🤣…查看更多

整體ok啦。咸魚肉餅好好味，杯柑桔蜜都沖得幾好。唯一失敗既係個涼瓜燒鵝煲，舊舊燒鵝都得d骨同埋肥膏，好似全部都係唔要既部位咁，完全搵唔到一塊可以食，感覺個廚師好似好無良心咁擺左d無人要既比我地。…查看更多

路過看到太興有午餐吃，價錢又不貴，所以跟家人都進去吃了👍去到後被安排坐下到卡位，很舒服，坐位很鬆動，不會因午市人多就迫迫的坐，接著就開始點菜了！點了，XO醬抄海鮮銀針粉，少少油膩，但味道不錯，但不怕胖的家人就吃得很高興🤣🤣🤣接著上的便是叉燒燒肉飯，我點了少飯不想浪費，先說叉燒，猛好吃的，肉質不會很瘦很實那種，保持著少少鬆軟度的，醬汁甜甜的，不會很咸的那種；燒肉就五層腩，外皮鬆脆，兩者伴飯吃真的一流😋…查看更多

同朋友行開呢頭覺得好攰就好想坐低，見到呢間餐廳感覺唔錯就入黎試下，叫左杯凍檸茶同埋冰鎮奶茶，呢兩杯野真系好爽，成個人都精神翻曬，呢度噶炒牛河都唔錯，整體黎講太興好掂啦！…查看更多