太興 (綠楊坊)

好心个app唔掂就唔好俾客用，减唔到改唔到，又唔俾取消重新落，又要悭人手又唔搞好佢，揾人人都唔多个，火都嚟。小菜卖相麻麻，份量味道可以，个猪肺汤唔错，可惜唔热，温温吞吞。…查看更多

同屋企人饮下午茶叫咗三份。首先第一个叉烧瀬正正常常。第二就叫咗叉肉饭，个叉烧就非常之韧，而烧肉个部位食落唔系咁靓。第三门歌就系烧鹅饭，啲烧鹅都几肥唔系咁多肉。跟餐个杯奶茶，个茶杯唔系平时黑白奶茶瓦杯咁嘅size，而系个杯口设计系收细咗嘅，所以杯茶系细杯啲。…查看更多

叉烧同煲完汤嘅瘦肉完全冇分别，干柴且无叉烧味，绿杨店已经试过吃到全碟头尾烧肉鸡饭，今次之后，直接入黑名单！曾经向太兴电邮留低联络俾意思，完全石沉大海，收一个贵价钱，质素比美心快餐烧味更差一班，仲话系烧味名店，知唔知个丑字点写？…查看更多

今日星期六下午以为大家都北上容易揾食，点知道几间想去餐厅都排队，太兴只是最后选择，因为之前去其他几间分店都吾得。去到都要排3,4分钟，OK啦！新店应该开了差不多半年左右，所以装修都好光猛舒服，干干净净。服务都好快手，对其他客人亦是客客气气，唯一失败系估计漏单，问左两次至来茶走。烧鹅赖($38)4分— 叫了两碗烧鹅赖下午茶，两碗烧鹅分量差1/3，虽然少果碗分量都合格。—建议烧鹅可以分开碟上，因为本来第一口烧鹅好好味，但食到中间已经沈”林”晒，可惜啊—赖粉真系难得的滑和爽口。—连汤低都非常好。茶走(4分)—难得系茶走练奶系分开上，自己想几甜都得— 茶未加奶试过几好，几香。柠檬茶(4分)— 亦系难得比咸柠檬，虽然柠檬味吾够，柠檬皮味比较重但睇到旁边台食炒蛋同三文治个样就几难睇。…查看更多

著背心嘅女职员(相信系经理或主任)，服务态度差，查询与MTR优惠现金券时未搞清楚第一句就已经话无～仲叫我哋自已睇清楚(但佢公司响表列入边），最后要用返同佢相同嘅态度，佢先走去尝试睇吓同扫唔扫到CODE,最后系用到嘅～点解系会叫我哋搞清楚，究竟系佢响度返工定我响度返工？话就话唔系顾客大哂，但唔通妳都唔可以用返做服务业应有嘅态度去返工？最后比埋钱成个过程一句基本嘅多谢哂同唔好意思都无听过～所以打返段长文比贵公司或其他有同感嘅客人暸解吓佢🙃…查看更多