太興 (黃埔天地)

大年初三，去黃埔睇戲，考慮咗一陣見有位就入去呢間店舖，點知非常後悔！ 叫兩碟燒臘飯，油雞得四件，兩件肉兩件幾乎全骨，我碟燒鵝仲經典，五舊皮包骨，同阿姐講，佢都話唔得，幫我換，換返嚟啲燒鵝我認為係隔夜嘅，時間係上晝11點，燒臘檔啱啱開始，啲燒鵝凍嘅同埋啲皮係塌陷嘅。😓我係燒臘專家，食燒臘飯食到屋企人要制止我，我真係有資格講永遠唔會再幫襯太興，呢啲係不能原諒嘅錯誤，順手就斬五舊皮包骨嘅燒鵝比客人，點解唔思考一下呢！ 店舖經理都好有責任。…查看更多

是日平日來到early lunch hour 時間，食肆還唔算好人多嘅情況下，選擇了食燒味飯🍚😋：🍱鐵板乾炒牛河 配熱柑桔蜜好耐食乾炒牛河了，於是食燒味之餘，食下乾炒牛河，整體份量適中，但唔夠鑊氣，牛肉腍，河粉唔夠味，鐵板作用唔大。柑桔蜜不過不失。🍱叉燒油雞瀨粉 配熱奶茶叉燒油雞件數適當，叉燒偏瘦，所以肉質偏硬，味道亦一般，油雞也唔是特別。🍱切雞燒鵝飯 配熱奶茶燒鵝皮厚、肉韌及乾，切雞嘅薑蔥都一般。奶茶算滑但茶味淡。本身少少期待燒味部分，可惜覺得一般般。…查看更多

今朝早咗起身☀️，見太興已經開咗就一於去幫襯。去到大約接近8:00 ，已經差唔多坐滿晒人。-今次叫咗個火腿通粉餐，通粉真係煮得好爽口Q彈，中間夾雜着啲生菜絲同埋火腿絲，覺得比出面啲茶餐廳好食。-而佢杯冰鎮奶茶都係值得一讚嘅，奶茶夠凍同埋夠濃。…查看更多

心血來潮想飲太興嘅奶茶，是日決定到訪歎個靚早餐。早餐D $40頂級午餐肉滑蛋公仔麵- 可以選太陽蛋或炒蛋- 公仔麵- 熱奶茶/熱鴛鴦- 加多士+$6公仔麵充滿麻油香味，Q彈，2塊午餐肉厚切，配上太陽蛋/炒蛋，多士，份量豐富…查看更多

太興除做燒味外，朝早有做早餐，今朝嚟開黃埔試一試。打開餐牌，早餐選擇頗多，價錢三四十蚊算親民。⭐️火腿通煎蛋配多士味道ok，火腿通較茶餐廳大碗之餘有生菜同大量火腿絲，值得一讚👍🏻⭐️雙拼三文治自選兩種餡料揀咗炒蛋同芝士，炒蛋同三文治一樣厚，入口唔會太乾或散開，口感十足。⭐️凍檸茶跟餐推介叫凍檸茶，茶味香濃，檸檬份量足，喺芸芸紅磡餐廳中算係做得比較出色。總括嚟講，地方闊落價錢親民味道ok份量足，性價比不俗，難怪一早坐滿人。…查看更多

食得太興都係貪方便，連鎖店餐牌差唔多味道差唔多，加上太興相比其他茶記真係坐得舒服啲地方光猛啲所以今日係黃埔想叫餸食飯都唔諗啦，去太興算2個人叫左2個餸，一個椒鹽鮮魷一個北菇豆腐青衣魚柳煲結果兩個餸都唔合格個椒鹽鮮魷真係最嬲，焯完先拎黎去炒返乾身撈啲椒鹽上去，仲要都炒唔乾身啲椒鹽都痴唔到上去我第一次見呢個餸係會白焯，唔識整唔好學人整啦老公見到碟餸一放低已經想叫姐姐拎走叫廚房再整，不過我制止左佢，先唔好講咩加唔加料，而係廚房根本唔識整，俾幾多次機會都係一樣個北菇豆腐青衣魚柳煲一放低又係唔對路，無乜色水無乜汁，結果食落真係淡茂茂連豆腐都唔入味花菇就更加唔洗講啦唯一可以讚嘅咪係個煲燒得夠熱囉老公對味道都唔算十分有要求，但係食完呢餐佢話以後都唔黎呢間太興食小菜，呢間分店淨係可以食早餐，淥下公仔麵、煎下腸仔就難唔到佢…查看更多

今日一於下午時間去黃埔既太興餐廳食下位置及空間都闊落座位非常舒適午市套餐都好多選擇有炒飯、燒味、焗飯等等有燒味之外有小炒、海鮮、粉麵焗飯、同煲仔小菜午市和小菜餐牌上都好多選擇點了一個燒味套餐，同小菜招牌燒肉十分香脆，水準一直咁穩定雜果賓治夏天飲上雜果賓治夠晒有夏日色彩，最底浸咗唔同款既粒粒，好多冰浸住飲一口已經透心涼，味道好清新解渴。呢度既店員都唔錯幾好服務，上菜速度都好快…查看更多

由於工作關係，收到咗太興燒味劵300。這裡嘅燒味聽聞好出名下。 來到黃埔不妨試一試。 晚餐時段約8點鍾左右, 燒腩售罄。 唯有叫其他吧！滿燻燒鵝(下庄)$148 話明係"燻"當然重煙燻味。不過近期嘅煙燻已經走向科學化。只要有支煙燻槍加上煙燻用嘅配料。就能做出煙燻味。將氣味迫入鵝皮內。另一個係套餐嘅清香甜酸鳳梨魚$91呢個醮厚粉炸成一條大碼魚, 魚肉同粉嘅比例係50/50。 菠蘿獻汁十分罐頭菠蘿汁嘅味道。反而覺得最好嘅係杏汁肺湯。跟餐加$28,淨叫就$38餐廳坐位比較狹窄。尤其是星期六晚基本上坐滿9成食客。…查看更多

有日經過黃埔美食坊，決定入去太興食個下午茶下午茶選擇都算多，最後決定叫左個輕盈燒鵝湯米粉加凍檸茶（$45+3凍檸茶）太興既燒鵝果然無令人失望，難得可以食到啖啖肉既燒鵝但米粉既份量真係好輕盈，好彩我唔算肚餓，唔係真係會唔夠飽至於凍檸茶就普普通通整體而言，唔算超值，但都可以一試…查看更多

昨天去太興吃下午茶，一個超級普通的雞扒煎蛋飯，下午茶仍要收四十幾蚊！飯來了，眼看薄到沒有半cm的肉，貌似豬扒物體，即刻問問職員是否上錯(因豬排煎蛋更加收費5五十幾！！！)，費時食咗之後加收我錢，職員確認係雞扒喎…人生第一次食到咁嘅雞扒，無諗過四十幾蚊一個飯，所謂雞扒薄到不足0.5cm,大小不足手掌，味道過咸而實，真係大x家仲好過佢…坐位迫而窄，職員每次放低熱茶凍水茶壺都係啪啪聲，真係好危險又恐怖！…查看更多

鮑魚豐盛六人盆菜，有20款野食，蠔皇鮑魚係好食嘅！其他就有大蝦，燒鵝，蠔豉，桶子油雞等等，值得一讚係豬手同豬軟骨，好淋，好味！另外，紅炆花菇，貢丸，同枝竹亦都好入味！上一次食d汁有d咸，不過今次就好好多！係咪一試難忘？又唔算。。。…查看更多

今日同外母一齊去咗太興食個晏晝，去太興梗係食佢嘅招牌燒鵝啦！我叫咗個燒鵝髀飯， 姐姐問我要唔要斬，當然要斬啦！唔通揸住佢成隻食成個嘢人咁咩。佢哋嘅燒鵝 好香嘅炭燒味！. 食落又唔怕乾！不過今日嘅白飯就比較失色咗啲！有點硬！ 不過唔緊要佢嘅燒鵝髀超好味搭夠！好快趣食完唔使十五分鐘。我哋就走人，因為門口真係好多人排長龍。 老實講新冠肺炎示曰， 食完下一位算數！唔好坐喺度太耐喇。 備註一題嘅就係佢哋嘅茶水埗麻麻。 啲檸檬好似冇味咁！…查看更多

醉翁之意不在酒，呢度最出名就係佢嘅冰鎮奶茶，下午茶叫咗個番茄通配雞翼，味道唔錯，叉燒飯就反而比較遜色，不過不失，座位坐得舒適，整體來講都唔錯，服務方面都幾良好！…查看更多

太興夜晚有特價小菜，唔想煮飯可以買小菜，自己唔使煮非常方便又抵食。去到基本上好多人買小菜等外賣，但係叫完大概等5分鐘左右就有得拎，唔使等太耐非常好。叫咗住家小菜鹹魚蒸肉餅同中式豬扒。鹹魚蒸肉餅有大大粒嘅馬蹄，加埋鹹魚係梅香鹹魚，唔太符合我嘅口味，所以覺得一般。 中式豬扒量夠多，個汁係好味嘅，但係質素就同出面茶餐廳差不多，但係送飯一流。個人覺得淨係買小菜唔跟餐抵啲，但係就要自己返屋企煲飯啦。本身諗住是$80隻雞，但係一早就已經賣晒，想試嘅要早啲。…查看更多

今日我朋友請我食太興下午茶， 分量都不少， 幾飽。發現佢哋 做咗好多防疫措施， 探熱，又搓手液， 客人亦都保持距離進食。 做足衛生防疫措施。我問侍應哥哥畀啲薑蓉， 佢仲畀埋我朋友算你好豪氣， 不過我朋友冇需要。不過我食到中途先至記得要影相， 哈哈…查看更多