一推门～成个感觉好「怀旧复古风」，但又意外哋，佢哋又几好生意，可能系星期六，都差唔多『爆』。以前啲人话港式西餐就系豉油西餐，全部嘢都好深色，今晚终于俾我见识到！叫咗个瑞士鸡翼餐，西冷牛扒餐同疏乎厘～鸡翼餐有沙律或餐汤选择，跟著三只瑞士鸡翼，同焗猪扒饭，甜品同餐茶。牛扒餐一样有餐汤或沙律，甜品同餐茶。我哋拣咗各一，餐汤同沙律，餐汤（牛尾汤）～好深色，味道浓～感觉同间餐厅一样好有历史感，黑「妈妈」但又唔知咩味，好似煮咗好耐咁。沙律～港式果只，中间有啲薯仔同杂果，仲有一只大虾～呢个好啲。等咗几个字，终于上呢度比较出名嘅「瑞士汁鸡翼」，一样都系深色，味道唔似我想像甜，反而一啲涩味，鸡翼系好滑，但味道真系一般，无惊喜。另一名物～焗猪扒饭，一样劲深色，味道可以，起码唔太咸，猪扒边有小小焦香同脆边，一块猪扒切开几件，无乜要求下，都可以接受，但系个盘边，又系有历史feel, 黑成咁都仲用，又佰年历史？另一半叫嘅牛扒，由饮完汤到上枱，足足半小时过外，亦都一如一般嘅餐厅，好有仪式感喺你面前淋啲汁上扒度，咁当然系「沙沙声」，咁好处系无用「松肉粉」，但换来嘅系「鞋」同「韧」～正常。无论点样饱都一定要叫埋另一名物～呢个疏乎厘，真系大大「旧」，唔食得都睇得同打咭得，味道系点，留返俾你自己试。埋单8旧几。回头度：4/10唔系佢唔好食，系我呢啲check精唔识欣赏，咁佢哋标榜百年歴史，咁佰几年前可能真系无咁多好嘢食同无咁多选择，佢哋梗系高档野，但现今世代咁多选择，同咁嘅价钱，后生点会入去？再讲啲瑞士汁以前可能啲人自己做唔到，依家乜汁都有现成，自己屋企煮都不会差得过你成旧水几只鸡翼，一哥猪扒饭都未必差过佢，所以个人觉得呢度真系食「怀缅」。都系果句，呢个价钱，真系有好多选择。以上纯粹个人食后分享，绝无收受任何利益同优惠，亦愿意承担所有责任。…查看更多
