太平洋咖啡 (中建大廈)

因为要等我老板睇医生，所以就去左中建嘅pacific coffee坐低。一向都好喜欢饮pacific coffee嘅热朱古力，又香又浓又够晒热，冬天饮简直一流。本来打算叫佢加忌廉，不过见佢已经盖上盖就算。好彩无叫佢加忌廉，唔系就浪费左佢嘅心机。一打开盖，见到好靓嘅拉花，好有惊喜😍😍好开心佢整一杯朱古力都咁有心思，亦好惊讶朱古力都拉到花，我唔饮咖啡嘅，所以好难得有一杯饮品系咁靓，好开心朱古力一如以往咁热咁香浓咁滑，好满足咁坐左个半钟…Read More

开始踏入秋冬又系时候饮返啲暖笠笠既野🥰见到香橙燕麦朱古力咖啡热饮就忍唔住口要去试下仲要加返厚厚既cream先够perfect 饮到橙皮甜酒糖浆同香浓朱古力🍊🍫燕麦奶中和下味道鲜忌廉再洒上糖渍蜜饯橙皮碎同粉红盐梦幻圣诞感十足呢不过就要饮得好快手个cream好快沉左…Read More

上几周一个人晌「Simplylife Landmark」食个早餐，解解闷气，确喺可以调节一下心情，加上食到件出色嘅榛子丹麦酥，个人都醒神啲，感觉无咁郁闷。所以，今早又专登提出返工，晌公司附近嘅「Pacific Coffee」叹杯咖啡，食个早餐。中环有好几家「Pacific Coffee」，就以呢一家晌「中建大厦」嘅位置最隐蔽，喺附近嘅写字楼客先会嚟，加上又早，真喺无乜客。成个场得5个客（包埋小弟），加上应新例要求增加距离，已收起部份枱櫈，而有啲枱贴出告示劝喻唔好坐，大家又好自动各据一方。在冻柜前驻足望望，食物嘅选择主要都喺啲烘焙产品及三文治，例如牛角包、丹麦酥、蛋批、比高圈、各式面包、英式松饼、三文治、乳酪杯……等等，选择都算多元化。本来都如一贯喜好，简单叫杯鲜奶咖啡，不过，见张海报，推出咗两款春季限定嘅姜蜜新热饮：姜蜜燕麦奶咖啡及姜蜜抹茶牛奶。依家呢个「疫」境，乍暖还寒，生姜暖身驱寒，又养生，跟蜜糖又够搭配，喺唔错嘅选择㖞。结果，最后就拣咗酥皮卷配姜蜜燕麦奶咖啡作为是日早餐嘅组合，食餐好嘅，提起精神迎接新一日。姜蜜燕麦奶咖啡 $44佢哋嘅咖啡一向都唔错，甘香醇厚，唔知今次嘅新品又喺点呢？入口时𠮶阵姜味好突出，又带出蜜糖嘅清纯甜味，打开盖时睇见有啲黑色碎碎，嗒真啲原来喺紫苏碎，令咖啡整体更具层次感。虽然用上100%纯素嘅燕麦奶，但跟平常所用嘅全脂奶又唔喺有太大分别。饮到尾，见到杯底嘅生姜条，原来真喺落咗几多，无欺场。烤肉卷 $24佢哋嘅三文治、蛋批都食过，所以，今次试试酥皮卷，共有两款选择：烤肉卷及菠菜芝士卷，一来唔使就太太拣素食类嘅，二来只烤肉卷仲要喺平少少添。由于堂食，店员会自动帮忙烘番热，再附上茄汁，但弟就好斋食。其实啲烤肉卷都几大条，而且，中间卷住嘅猪肉肠坚真材实料，入口有种柔韧弹性，更唔会一口粉嘅平价货感觉，份量又十足。外层嘅酥皮香，但始终入过冻柜再翻热，酥脆度打咗折扣，但卖廿四蚊都仲喺抵食。当然，如果配搭饮品有啲优惠价组合，就更好啦。依家疫情仍然严峻，外地输入个案、社区交叉感染又不断发生，所以，就算晌外面食嘢都要加倍小心。小弟晌呢两个多月以嚟，在外食嘢嘅次数真喺一只手都数得晒，除咗只喺一支公之外，都会拣啲人流少嘅时段帮衬，仲要揾啲安心、有做好防疫、遵守新例嘅食店。希望香港挨得过呢一「疫」，疫情消失，大家开心番晒！…Read More

呢一年都发现呢间舖啲服务系咁多Pacific Coffee连锁店之中数一数二最好，𠮶度好多职员尤其是一个戴眼镜貌似大学生的女职员都好有礼貌同客气咁样问你食乜嘢，亦唔该前多谢后。𠮶啲latte同其他沙冰饮品亦都好有心机整，绝对唔会好似其他铺头咁latte 和沙冰温度系差唔多。其实咖啡最紧要够热，虽然呢间野啲嘢食唔算话最好，但起码合格。佢个Brownie亦都系咁多间铺头最好食嘅，唔会太甜亦都够热环境当然唔算舒服，但起码小人同埋啲梳化都足够，长期坐喺度倾生意都唔错其实都好可悲，依家沦落到食物同饮品够热都算合格。Pacific Coffee的职员服务态度平均异常恶劣，比起Starbucks简直天同地比。我好怀疑呢间公司系咪要职员对客人粗声粗气去符合该公司特有的形象虽然呢间铺头啲职员算有礼貌，但之前的食评话呢间铺头某啲职员黑口黑面，梗系啦因为𠮶啲职员分分钟系大学生做临时工，随时会走人。下个月有可能会换一批＂符合＂该公司一贯形象嘅职员俾你班中环上班族叹，$40一杯难饮咖啡都肯俾，唔争在受埋我黑面…Read More

今天同年纪大的母亲 在黄雨下到中建大厦睇医生。因为大雨冇法行到其他地方午餐，唯有都中建大厦唯一的食肆帮衬。因为平时好少食呢间cafe，只想问下有冇其他熟食。点知个tb经理，好串咁话我哋呢度全部都系熟食。比完钱先见到原来长者咭有九折。可惜已经俾咗钱。我在想如果一个细心嘅店员，见到我同婆婆一齐。系咪应该醒目啲婆婆有冇长者咭。其实佢哋有冇做错野不过啲服务真系唔够好。希望未来佢哋可以跟进步。就算冇人光顾也要有专业服务。…Read More