太和海鲜酒家

打风但系啲老人家都系要饮下茶。之前搭车经过见到呢一间酒家，咁就嚟试吓新嘢。差唔多下午茶嘅时候，前台好好可以早少少入座。一上就上过芝麻卷，冻冻地系有少少失望。不过后来上嘅食物完全超出预计范围之内。除咗个鲮鱼球系出事帮我哋取消咗。肠粉几有良心，每件都有好大粒嘅虾肉。另外个豉油王炒面碟底冇油，炒得好干爽，处理得相当好。另外呢度有蒸萝卜糕，呢啲比较传统嘅点心真系好少有酒楼会籍，咁佢整得唔会散亦唔会太硬亦有萝卜味，但系就冇萝卜𠮶种苦涩味，呢个都值得一赞。成餐下午茶最值得食嘅就系个猪膶烧卖，虽然佢怪怪地猪润猪同烧卖内分开，但系我估计佢应该蒸完个烧卖然后先再蒸猪润，食得出个猪润好滑，酒香味都好重，呢个系重点推介。另外个猪油渣肉片面，就偏淡口，不过就啱长辈食吓啲怀旧嘢。韭菜饺就爆馅，牛肉球陈皮味都几出。鱿鱼须就系我唔钟意𠮶只粉，不过里便啲鱿鱼都够嫩，唔会炸到好干。呢餐下午茶，应该系近排嚟讲饮茶最满足嘅一餐。…查看更多

得知太子有间新开酒家，当然要试一下，店舖简洁整齐，店员有礼，早上10:45到，还来得及有早晨优惠，点了虾饺，皮薄、虾肉饱满，用料毫不吝啬，真好吃，煎韮菜饺，满满的韮菜很满足，如果有鼓油更好，上汤鲜竹卷大大份，也很好味，灌汤饺，放上枱已闻到香味，汤好饮，灌汤饺也不错，茶钱8元一位，食物看得出很用心，味道比知名店铺好吃，没有吹嘘的宣传，真材实料，店员招待也诚恳，希望可以持续下去，又有一个饮茶的好地方。…查看更多

早⊥闲来无事，路过新开酒楼，order了虾饺烧卖。虾饺超好味，又够大粒，正！！！烧卖正常水准，价钱吸引。外活，同枱的食客也觉得味道可以，也发朋友圈通知姨妈姑姐过来帮亲😂😂…查看更多