天龍燒鵝 (昌業大廈) (已結業)

🍴 一人套餐 (燒鵝拼乳豬瀨粉+油菜+涼拌青瓜+老火湯) ($120) + 可樂 ($8) ⭐️⭐️⭐️⭐️💫燒鵝皮脆肉嫩，鵝油香濃但唔會過肥，蘸酸梅醬超開胃！乳豬嘅脆皮「咔嚓」聲，肉質juicy，無雪藏味，新鮮出爐果然唔同～菜心淋甜，蠔油份量剛好，解膩一流。涼拌青瓜爽脆酸辣，醒胃小食，同濃味燒味好夾！🍴 燒腩仔拼叉燒米粉 ($60) + 可樂 ($6) ⭐️⭐️⭐️⭐️燒腩仔肥瘦分明，皮脆到似餅乾，芥末醬係靈魂！叉燒反而有啲乾，但好彩蜜汁邊，焦香帶微燶，肉質鬆化唔黐牙～📝 總結一人套餐$80起：有湯有菜有小食，份量足，男仔都夠飽。雙拼自由配：可以自選心水組合，滿足貪心鬼。.............................. 天龍燒鵝 (昌業大廈)地址📍: 灣仔軒尼詩道354號昌業大廈地舖總評分: 8.2/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫…查看更多

天龍是由1個米芝蓮2星中餐廳燒味部主廚創業而開, 所以有一定水準 😊 在灣仔已有2間分店, 明顯餐廳是用心經營的。1人套餐 $150有很多不同配搭任你選擇, 套餐有小菜, 湯, 飯跟飲品。燒鵝當然是必點, 據我所知乳豬都大受歡迎, 如果燒鵝脾拼乳豬就要$190, 稍微貴了點, 所以退而求其次就選了燒腩仔 😁 據稱燒鵝和乳豬都是每日不停用明爐燒製, 非常新鮮 😀 燒鵝非常脆皮, 皮脆程度是會與肉分離, 肉質嫩滑, 油香溢滿 😌 不過這隻鵝就略嫌偏肥, 中間脂肪都略厚, 幸好整隻鵝滿有份量, 比例上也可接受。燒腩仔同樣肥瘦均勻, 燒腩仔的外皮本身就一定比燒鵝脆, 但以一般坊間而言燒鵝的確較出色。如果覺得燒鵝不夠汁, 可以問伙記添, 另外飯都無限任添加 🤭 …查看更多

天龍燒鵝 - 高質燒鵝乳豬飯今日介紹一間位於灣仔區嘅燒臘店，餐廳是米芝蓮2星中餐廳燒味部主廚創業，全日不停燒製乳豬，燒鵝，非常高質！燒鵝乳豬飯香脆口感的乳豬，中間的肥肉，底層剛好的調味，唔會太油膩的感覺，再配上甜甜嘅乳豬醬。另外就係燒鵝，鵝皮香口，鵝油夠，鵝肉紮實，仲有酸梅醬、下次心郁郁要試下鵝髀！天龍叉燒皇例牌的叉燒皇，份量多，半肥瘦的叉燒，比例恰到好處，肉質口感軟腍，蜜糖味夠，重有少少燶邊，配飯一流。…查看更多

📌灣仔平民食堂 燒臘店篇平民食堂早排成日系IG碌到間港式燒臘店，據聞系由中菜部米芝蓮星級主廚所開既燒臘店，於是有日出開灣仔，就黎食下佢 一 天龍燒鵝 🔥🦆燒鵝飯 $68嗱，吾知系咪因為個阿姐見到我拎住相機？$68居然食到燒鵝脾？不過以依個價錢黎講，就算吾系比燒鵝脾，佢本身比既燒鵝份量都算多，而燒鵝亦燒得皮脆肉嫩，而且佢既白飯亦吾會好似好多燒臘店白飯咁又濕又爛，依樣好基本，但系做到必須讚😋👍🏻整體而言，天龍燒鵝位置幾方便，就位於灣仔站B1出口附近，店面無乜特別裝修，就一般茶記格局，不過招牌燒鵝做得幾好，而且價錢亦算親民，不妨一試📍天龍燒鵝地址：灣仔軒尼詩道68-76號新禧大樓地下D號舖…查看更多

天龍檔口的玻璃櫥窗內，油亮生輝的燒鵝穩居C位，與叉燒、乳豬、豉油雞共掛在一起，十分吸引人。至尊燒鵝甫上桌便氣勢奪人。棗木烤出的鵝皮泛著深邃瑪瑙光澤，薄脆如紙的皮下，一層晶瑩脂膏如融金流淌。利刃切下時，清脆的「咔嚓」聲伴隨洶湧肉汁湧出。入口瞬間，鵝皮脆裂如琉璃迸散，豐沛脂香與燻木幽香直衝鼻腔。鵝肉纖維飽吸精華，嫩滑中帶著韌勁，秘製滷汁的醇厚鹹鮮蝕骨入髓，餘韻縈繞不絕。蜜汁叉燒依舊驚豔——肥瘦相間的梅頭肉裹著晶亮焦糖，蜜香與燻香交織。咬破微脆表層，肥膏溫柔化開，瘦肉絲毫不柴，甜鹹平衡。乳豬的脆皮依舊是視聽盛宴。輕夾起時，薄脆表皮如琉璃片般輕響。蘸上砂糖入口，脆、化、嫩三重奏在舌尖綻放，油脂甘香與幼肉鮮甜在砂糖顆粒的點綴下昇華至極。豉油雞則以溫潤取勝。醬色雞皮薄如絹帛，緊緻雞肉吸飽老滷精髓。豉香沉穩深邃，不掩雞肉本真鮮甜，尤其貼骨嫩肉帶著膠質的黏唇感，是歷經時間熬煮的溫柔滋味。天龍燒味四寶同席，燒鵝的霸氣、叉燒的甜媚、乳豬的絢爛、豉油雞的醇厚，在唇齒間輪番奏鳴。爐火淬煉出的原始脂香與鑊氣，在此刻化作最澎湃的市井盛宴。無需珍饈美饌，這一盤油光璀璨，便是人間至味的終極詮釋。…查看更多

唔講唔知，同媽咪去食燒味，媽咪話係米芝蓮2星中餐廳燒味部主廚開嘅餐廳，仲話燒乳豬燒鵝係日日做，好新鮮先咁脆！🐷乳豬飯：唔洗去飲都有乳豬食，份量多到好似乳豬放題咁！脆皮夠脆，肉質平均半肥瘦，唔似去飲得返個皮食😂🪿燒鵝肥叉燒雙併飯：套餐有菜、拍青瓜黑木耳前菜、例湯，雙併餐喎都係$88唔洗加一，岀面多數得燒鴨，宜家燒鵝都唔洗加錢，碟菜心都一大碗唔係得幾條㗎！成個餐雙併好抵食呀，下次想食燒鵝會返嚟食！！…查看更多

呢日嚟咗呢間喺灣仔嘅燒鵝/燒味店食個 late lunch 🤣呢度有多款「一人套餐」可以選擇，「一人套餐」包「油菜一碟、小食一碟、白飯一碗、老火湯一碗」，咁揀咗 $120「燒鵝拼乳豬」🤣「燒鵝拼乳豬」：燒鵝燒得香口好鵝味，仲幾乎啖啖肉🤣；乳豬皮就脆脆哋，都係香口好食🤣「油菜一碟」：要咗「菜心全走」，菜心新鮮，簡單幾好食🤣「小食一碟」：係「拍青瓜🥒」，青瓜甜甜哋夠爽脆🤣$82「紅燒乳鴿」：雖然叫乳鴿但係都相當大隻所以好多肉食🤩，乳鴿外皮燒到啡紅色兼脆脆哋，乳鴿肉夠軟熟，總體香口好味道🤣仲有，餐廳全日不停燒燒鵝同乳豬，真係新鮮熱辣🤣…查看更多

突然好想食燒鵝瀨 就叫埋媽媽再去之前去過灣仔天龍燒鵝食都係一如已往 都係咁受歡迎 下午兩點半都好多食客 受歡迎當然有原因 有除咗有燒味提供之外，更有啤酒可以提供真係燒味食店難得一見 而且仲有下午茶添，不過今次我哋都係想食正餐媽咪就叫咗乳豬五寶飯有鹹蛋叉燒豉油雞，紅腸乳豬份量十足 乳豬好香脆 蜜味叉燒甜甜地大少少油脂好易入口 豉油雞都幾香滑 鹹蛋配埋白飯好開胃叉燒燒鵝，雙拼瀨粉一直都想食呢個雙拼 燒鵝，果然係呢度嘅王牌，外皮香脆帶少少燒鵝嘅油脂 非常好食 加埋半肥瘦叉燒，配瀨粉10分正再叫埋杯凍柚子蜜同埋鹹檸七消暑解渴咁又完美嘅一餐啊天龍燒鵝 (灣仔)灣仔軒尼詩道354號昌業大廈地舖…查看更多

依間前身應該係千樂，都喺燒味餐廳。入到去環境依舊，但同千樂比好少人，已心知不妙。叫咗個燒鵝餐，68蚊送一碗好細的所謂老火湯，普普通通。燒鵝飯上到來，表面好似好大一碟，食落去發覺只有兩舊有肉，其它全部老三層，一層骨、一層肥膏、一層皮。先前的千樂初頭幾好，後來質素不穩定、再到最後非常差，依間？仲差過千樂最差時好多。漁村宜家現狀就係咁，本地薑餐廳一心只想賺錢，求求其其、不重質量，偷工減料，環境污濁，不問下自己幾差有無需要改進，但又識鬧啲香港人北上消費，人哋追求質素性價比有咩問題？所以我每星期大部分時間光顧東南亞嘢，好在灣仔都算多。一般都質素有保證。依間可唔可以唔好霸住咁好鋪位？比啲有心經營食肆開啦。…查看更多

今次試下倒返轉，講下食後感係食完餐燒味飯，口仲好有鵝香、叉燒嘅油潤感真正覺得好飽肚又滿足! 令人回味無窮我贊成食燒味係一定要嚟天龍燒鵝食，係好美味享受我甚至外出去旅行，也會想食香港燒味下次等帶我帶家人過嚟食先🙊今次就嚟到灣仔近鵝頸橋嘅天龍燒鵝由前五星級酒店米芝蓮燒味主廚用心炮製👨‍🍳☄️更全日不斷燒乳豬及燒鵝，確保新鮮而且平民嘅價格就食到好優質嘅燒鵝 皇牌天龍燒鵝做到色澤金黃、外皮酥脆、肉質滑溜味道剛剛好，又不會過鹹，由於好好味我都唔會落醬完全原汁原味，現場也有不少遊客慕名過來∧今次我就點了一人餐，可叫燒味單拼或雙拼配上小吃、白飯及自家製冇味精中湯人總係貪心，我一邊食，另外一邊偷望旁邊食客原來燒味雙拼飯更大大碟! 絕非一人份量😍有一位男食客，也吃不完，半碟要外賣盒如女士們可以點抵食下午茶，價格也相當實惠 ∧其次必吃叉燒，我對食叉燒很有要求今次肥美叉燒呈現著鮮豔紅色充滿濃郁嘅甜鹹滋味，肉質軟嫩亦帶有吃牛一樣的彈牙位，令人吃不停口∧而我朋友就點燒腩仔，我即使嚷著減肥但都要食合幾片其外皮非常鬆脆，內層的肥肉，真正做到肥而不膩!我又會點少許芥辣和甜酸醬去吃另外冷盤都唔錯，例如紅腸、薰蹄及海蜇 ∨餐牌:…查看更多

中午點了個义燒切雞飯，食雞胸少飯飯量合格👍，但飯煮得太糊😪，义燒可以，但切雞胸，就一眼看就不是胸，只有一舊是手指般長度幼幼的。心裡都有不滿，埋單時同收銀反應。好回應是可能新米，要雞胸要加錢，心想是新例嗎🤔?我沒多回應了。有個疑問： 打單同事沒提及要另加錢🤔，咁下單時系咪要說明才在單上顯示🤔，又或者打單同事可說句盡量安排，客人都會理解的. 而不是糊說八道😪答要加錢再者我不是第一天才光顧的，已光顧好幾次，之前沒有這情況，但現在質素真的比以前差。可以不用再光顧👎 …查看更多

話說某外賣平台（K字頭）做買滿$200蚊減＄100優惠，我就叫左兩盒例牌淨食，一盒"肥燶腩叉”同一盒”燒腩仔”，值得一讚係外賣好準時送到。做緊優惠時，覺得好抵食，呢度分左兩餐先食得晒。呢個燒腩仔色澤金黃，皮脆肉嫩，肥瘦均勻，入口即化，油香四溢。燒得火候啱啱好，皮酥脆得咬落有聲，肉質鮮嫩多汁，略帶炭香，味道濃郁，令人回味無窮。配酒或者單食都係一流，絕對係燒味愛好者嘅心頭好！這個肥燶腩叉色澤誘人，燶邊肉嫩，咬下去有豐富的油脂香味，令人回味無窮。醬汁調味適中，唔會太甜，如果搭配米飯或麵都非常好味，真係一個唔可錯過的美食！…查看更多

位於灣仔軒尼詩道的「天龍燒鵝」，係一間頗有名氣的港式燒鵝店，亦係由米芝蓮2星中餐廳燒味部主廚創業的，餐廳全日不停燒製乳豬及燒鵝，保證新鮮製作一人套餐-燒鵝乳豬飯精選一人套餐包括客飯、油菜、小食、白飯及老火湯一碗。燒鵝皮脆肉嫩，肥美厚肉，齒頰留香！乳豬香脆可口，脂肪感重，肉質軟嫩，勁好食海蜇麻辣手撕雞飯手撕雞已經去皮去骨，啖啖肉，帶微微麻辣🌶️當中加咗海蜇及青瓜絲，入口清新，增添爽脆口感，幾好食凍檸檬茶冰凍可口，酸酸甜甜的檸檬茶，去脂解膩…查看更多

天龍燒鵝．灣仔隱世燒味王者！「天龍燒鵝」絕對係近期「食過返尋味」嘅神級燒味店！——燒鵝油光閃閃似琥珀，乳豬皮脆到「咔嚓」聲連碗免費老火湯都落足料，飲完成個人「暖粒粒」凍飲先行：熱辣辣衝入舖頭，第一件事緊係嗌凍檸茶同凍奶茶鎮一鎮魂先！佢哋杯凍檸茶真係冇得輸，檸檬新鮮到連皮都冇苦澀味，茶底夠濃又唔澀，仲要唔會甜到漏；至於凍奶茶呢，茶香同奶滑比例堪稱完美，嗰種傳統手勢，好香港，好地道！重頭戲：燒鵝拼乳豬套餐主角登場！燒鵝拼乳豬飯一上枱，個賣相已經贏晒：燒鵝皮泛住層蜜糖光，肉汁慢慢滲出嚟；乳豬皮金黃到好似打咗燈，仲要係「立立靚」嗰種！急不及待夾件乳豬，一咬落去——哇！個皮脆到似食緊薯片，但下面層脂肪完全唔膩，仲有陣淡淡香料味。燒鵝就更誇張，皮脆肉嫩唔在講，最正係啖啖肉都滲住鵝油香，連平時嫌鵝肉「嚡口」嘅朋友都搶住食！跟餐嘅蓮藕蘿蔔老火湯絕對唔係「洗鍋水」，飲得出至少煲足三四個鐘，蓮藕夠粉、蘿蔔清甜，仲有粒粒豬骨肉喺底，我直頭飲到見碗底！至於碟涼拌青瓜醃得爽脆入味，油菜淋咗少少豉油吊味，簡單但夠新鮮，成個套餐由頭到尾都冇伏位。意外驚喜：梅菜扣肉飯我朋友好中意食呢道菜，見佢一直誠意推介今次專誠食一次！梅菜扣肉飯香到飄出嚟，忍唔住加單！上枱即刻明點解咁香——五花肉切到薄薄哋，肥瘦層次分明，梅菜油潤得嚟帶甜香，沒有肥膩感最厲害係啲肉真係「一夾就散」，入口即刻化開，可能係坊間最好食的梅菜扣肉飯！難怪連平時怕肥嘅OL朋友客都成日翻嗌。講真，此店燒鵝同乳豬絕對拍得住名牌名店，但價錢親民，我諗唔到理由唔encore！…查看更多

📍天龍燒鵝😍香港超高質素叉燒飯👍～肥燶腩叉飯😍好耐冇食過咁正嘅叉燒😍半肥瘦😘燒得勁香👍份量仲要好多❤️～燒鵝拼乳豬一人套餐😍乳豬，燒鵝都係全日係舖頭不停燒😘👍非常新鮮😘乳豬皮脆肉嫩😍燒鵝汁香🥰肉質都係非常嫩滑😗🥰～燒味店黎講😛餐廳環境靚😍食物質素高🥳店員服務態度好👍聽聞仲要係米芝蓮餐廳主廚開❤️下次一定再嚟食😎📍天龍燒鵝 (昌業大廈) (灣仔)灣仔軒尼詩道354號昌業大廈地舖…查看更多