天米

做完運動經過中環好肚餓，醒起置地廣場有間日式飯團店TEMAI 天米，佢哋有多款飯團、飯卷、三文治、玉子燒…每日新鮮製造，仲要有套餐選擇，加錢有餐飲，全部都係外賣包裝，乾淨又時尚嘅包裝又好容易拎，店鋪仲設有少少立食位，真係輕食好選擇。雞蛋沙律三文治，麵包層層分明，配合中間嘅雞蛋沙律，味道好滑潤且唔會過膩，雞蛋鮮甜與蛋沙律好夾。明太子飯卷，飯卷嘅海苔香味突出，濃郁嘅明太子醬鹹香中帶啲微微嘅鮮甜，飯卷入口煙靱有口感。松葉蟹肉蟹膏飯團，蟹肉鮮甜Juicy，味道層次豐富，加上蟹膏嘅細膩口感，非常滿足。玉子燒有明太子、原味揀，仲可以揀成份同半份，玉子燒充滿蛋味，有淡淡甜味，加入明太子嘅鹹香，口感層次豐富。…查看更多

唔講唔知！置地廣場中庭開咗間日式手握飯團快閃店「天米」，裝修簡約得嚟夠大方，最正係可以睇住師傅即叫即整，手勢純熟到呢～仲要逐個飯團上磅秤重，保證足料唔呃秤！今次試咗三款飯團加玉子燒，真心滿足到震！✦ 店鋪亮點 ✦➀ Landmark中庭2樓限定登場｜裝修簡約大方➁ 師傅即場手握｜動作純熟過睇表演➂ 嚴謹到連重量都量｜每個飯團都足料夠份量➃ 日本直送食材｜魚籽/蟹膏/和牛鮮味爆燈✦ 爆餡推薦 ✦🐟【三文魚腩漬魚籽】▷ 魚油香超濃！魚籽咬落啪啪聲爆漿，正到震！🦀【松葉蟹肉蟹膏】▷ 蟹膏甘香蟹肉鮮甜，配搭真係一流～🐮【京蔥燒A4和牛肉】▷ 和牛真係入口即化！油香滿溢超滿足🔸仲有醬油漬魚籽等其他鮮味款式，款款都想試！✦ 食後感 ✦「玉子燒滑溜唔乾身！飯團一啖咬落去真係成口都係餡，滿足到暈～」「中環地段食到咁高質飯團，性價比唔錯，一定會再encore！」【天米 Temai - 置地廣場Pop-up】📍地址：中環皇后大道中15號置地廣場中庭2樓239B號舖⏳期間：限定開業（快閃店嚟㗎！）（溫馨提示：lunch time真係會排長龍，建議晏少少去）#天米PopUp #拳頭飯團 #中環隱世美食#和牛飯團 #爆漿魚籽 #香港日本料理#Temai #天米 #日式飯糰 #中環美食 #置地廣場#即叫即整 #香港美食 #吃貨 #相機食先…查看更多

中環開咗間新嘅飯團店，主打即叫即整，用日本米做。其實本身想試有蛋黃嘅，不過未到三點已經賣晒，所以想食嘅就要早啲啦。個飯團份量真係好大，而且蟹膏同飯嘅比例係啱啱好，食一個已經夠，蟹肉鮮甜得黎，蟹膏又濃郁。薯仔沙律軟綿又有咬口，再加埋啲青瓜雞蛋蘿蔔，食落去又清新又有層次。…查看更多

【中環新開手握飯團專門店｜拳頭大飯團爆餡登場】來自日本嘅「TEMAI天米」最近登陸中環LANDMARK！主打即叫即製手握飯團，選用日本長野越光米，每個飯團都比拳頭更大✊🤣店舖以外賣為主，但都設有幾張小圓枱俾客人立食🍙醬油漬蛋黃飯糰蛋黃香氣濃郁，醬油鹹香恰到好處！米飯吸滿蛋黃醬汁🍙 醬油漬魚籽飯團三文魚籽多到爆出嚟！每啖都食到魚籽嘅鹹鮮同爆漿口感，飯團內層亦藏滿驚喜。🍲 豆乳雞肉湯 ($38)豆乳味香濃順口，湯裡加入不少雞肉粒同紅蘿蔔，份量十足。🥗薯仔沙律($38)經典日式口味，沙律醬混合蛋黃，薯仔蓉口感綿密，作為配菜夠晒飽肚…查看更多

除咗華御結之外，仲有呢間新開日式飯團店🍙手握飯團即叫即製，新鮮熱辣辣口味繁多且特別，每個都餡料爆滿另外有賣日式肥厚三文治、玉子燒、飯卷、沙律🥪▶️ 醬油漬蛋黃雞肉碎手握飯團 ($34)一共兩粒醬油漬蛋，晶瑩剔透全漿狀令飯團增添醬油鹹味🤎雞肉碎免治粒調味甜甜地，冇一般豬肉咁肥，配米飯一流多料到淡淡都有肉碎🤤唯一係紫菜唔係分開，所以已經淋咗▶️ 松葉蟹肉蟹膏手握飯團 ($40)蟹膏味道勁濃郁，鮮甜唔苦，成大劈醬好重本松葉蟹一絲絲真材實料🦀唔係蟹柳沙律醬嚟㗎！呢個價錢絕對係一分錢一分貨❣️▶️ 燒A4和牛肉飯卷 ($68)樣貌似韓式飯卷，包咗A4和牛薄切肉、玉子蛋同沙律菜外層灑滿芝麻粒，令飯卷口感豐富啲朋友實測話真係有和牛味🐂▶️ 豆乳雞肉湯 ($38)材料差唔多，都係有雞件、草菇、紅蘿蔔粒、腐皮豆乳湯飲落好milky同幼滑😌似飲緊鹹豆漿雞肉份量唔少🐔食得出新鮮雞味不過始終煲過湯，肉質乾少少草菇同紅蘿蔔可以當蔬菜食🍄‍🟫同華御結嗰個不相伯仲，唯一係呢個冇咁多腐皮▶️ 伊右衛門玄米茶 ($20)用日本伊右衛門茶包沖🍵-覺得飯團比得上日本質素🇯🇵最欣賞佢餡料爆多而且用真材實料而唔係靠沙律醬(幫大家秤過，每個飯團大概200g!)因此唔使額外加醬料已經好夠味即場新鮮包係唔同啲，食完返唔到轉頭服務態度好☺️店員有禮貌，忙之中有效率包裝方便攜帶，仲好貼心有自家毛巾俾客人抹手 (可重用！)雖然得立食枱，但可以買返Office/屋企食價錢合理，$100食一個飯團加份小食已經夠晒飽！飯團愛好者一定要試，會上癮🤤決定下次再去試其他口味～希望佢快啲開嚟香港大學haha…查看更多

中環番工一族有時時間有限又想即刻買到熱食，landmark呢間pop up store天米（TEMAI）就啱曬趕時間既大家。細食既一件飯糰可能已經夠飽～1. 金平野菌飯糰（$32）味道清新，野菌嘅香氣配埋少少日式甜醬油，非常惹味，米飯軟糯有彈性，紫菜脆而不濕。2. 京都醬燒A4和牛肉飯糰（$38）本身A4算係油脂較多既牛，所以和牛肉嫩滑，而且醬汁濃郁帶甜，味道豐富。3. 北海道蜆肉沙律飯糰（$38）蜆肉鮮甜夠爽口，沙律醬清新唔過重，適合鐘意清淡口味嘅朋友。4. 吞拿魚沙律三文治（$58）包身鬆軟，吞拿魚沙律份量十足，配埋清脆嘅生菜，口感層次分明，係輕食嘅好選擇。整體嚟講，以中環地區嚟講算係合理價位，件件獨立包裝，另外值得一提呢度跟埋濕毛巾，厚度應該可以重用～…查看更多

位於中環新開的天米，主打手握飯團🍙 雖然店面不大，但乾淨俐落，還特意預留幾個企位給想即場開餐的客人😘 整體氣氛輕鬆簡約，有點像日本地鐵口常見的上班族外賣店那種感覺——節奏快，但不失質感👍  這裡最大的亮點，是所有飯團都是即場手握，新鮮熱辣😍 打開包裝那刻，飯香就先衝出來😋 第一款試了「醬油漬蛋黃雞肉碎」，鹹香開胃，蛋黃滑又爽，拌著粒粒分明的米飯，味道層次豐富🤩 之後是「北寄貝蜆肉沙律」，口感清爽帶少少甜味，適合不想太重口味的時候🤗 最驚喜的是「京蔥醬燒A4和牛肉」，油花香氣撲鼻，肉質軟腍，一口咬下，牛香混著米飯的微甜，滿足感即刻飆升😚  另外，不得不提「明太子玉子燒」，厚厚一件，外層微甜，夾著明太子的鹹香，一冷一熱的口感對比非常討喜🤭 店家還貼心地附上濕紙巾，方便外帶食用——小細節見誠意❣️ …查看更多

天米中環置地popup店試咗佢哋醬油漬蛋黃雞肉碎飯團飯團外圍包住一層黏糯的米飯，咬落去時，米飯粒粒分明，仲有一種微微嘅甜味，裡面嘅雞肉碎煮得嫩滑，醬油漬蛋黃更係增添咗香氣，蛋黃滑滑地，味道濃郁，每一口都令人開心！如果你鍾意食飯團，要好味又有飽腹感，呢個絕對係一個唔錯嘅選擇！#天米#香港美食推介 #香港美食日記 #香港 #hkfood…查看更多

手握飯團專門店「TEMAI 天米」，最近喺中環LANDMARK開咗Pop-Up Store🔥手握飯糰口味有超過10款，另外仲有日式便當同小食。雖然做外賣但都有幾張小圓枱比你立食。即叫即製，用嘅係日本長野越光米，手握關係米飯口感比較鬆軟，啲飯夠黏身，咬落去有米香，同普通壽司飯冇得比💁🏻‍♀️飯團包滿餡，一啖唔會淨係食到白飯，食到尾都好夠味，size大過個拳頭都幾飽，唔大食相信一個都可以頂一餐🧏🏻‍♀️價錢雖然唔算好平，但質素對得住個價✅現場都見到好多白領幫襯～包裝企理易開易食🍙「醬油漬蛋黃雞肉碎」肉碎淋得黎有咬口，當然個蛋黃係精粹😋🍙「鹽鞠三文魚腩漬魚籽」三文魚籽嘅鹹香永遠都係白飯殺手🤭🍙「明太子沙律」平時鍾意食明太子嘅絕對唔使諗係必食！啲明太子醬爆緊出嚟🫵🏻…查看更多

試咗呢間新開嘅手握飯團專門店「TEMAI 天米」。主打即叫即製嘅日式飯團，選用日本長野越光米，口感煙韌軟糯，而且每個飯團都比拳頭更大，分量十足。🍙 醬油漬蛋黃雞肉碎蛋黃用醬油漬過，香味濃郁，同雞肉碎撈埋一齊，鹹香惹味，夾米飯一流！🍙 鹽麴三文魚腩漬魚籽三文魚腩經鹽麴醃製，帶出淡淡甘香，魚籽爆鮮，整體味道豐富，係驚喜之作。🍙 松葉蟹肉蟹膏蟹肉鮮甜，蟹膏濃厚，兩者結合鮮味突出，鍾意海鮮嘅朋友必試。餐廳環境乾淨企理，位置就腳，適合中環上班族快食或者外賣。整體來講，飯團用料足、口味有特色，值得一試！…查看更多

今日去開中環Landmark，終於試到呢間新開嘅天米！店舖裝修簡約得嚟又大方，一眼就望到師傅即叫即整飯團，仲有三文治同飯卷賣，款款都好吸引😍 我忍唔住一次過試咗四款唔同口味嘅飯團同飯卷～即場睇住師傅手握飯團，動作超純熟，快靚正！👏 而且製作過程好嚴謹，連飯團重量都會特地量度，確保每個都足料夠分量。飯團真係勁重料，一啖咬落去滿口餡料，超滿足✨試咗幾款口味：🐟 三文魚腩漬魚籽 － 魚油香超濃，魚籽爆漿好正！🦀 松葉蟹肉蟹膏 － 蟹膏甘香，蟹肉鮮甜，配搭一流～🍗 醬油漬蛋黃雞肉碎 － 蛋黃流心，醬油味好惹味！🥩 燒A4和牛肉飯卷 － 和牛入口即化，明太子飯卷都好好食！仲有醬油漬魚籽都好鮮味，值得一試～整體來講，食材高質，製作用心，喺中環地帶來講性價比唔錯！一定會再encore～🙆‍♀️…查看更多

喺港島返工嘅人，食lunch選擇唔算好多，喺中環就更加，而且價錢都比較貴。最近喺置地廣場開咗一間日式飯團舖頭，啱晒返工一族食lunch想清清地食一餐，又鍾意食日本嘢嘅朋友。店舖係外賣店，但係都有幾張枱仔，可以快快咁樣食完一餐。(ง๑ •̀_•́)ง 鹽鞠三文魚腩漬魚籽飯團 $40飯團係包住微微鹽漬過嘅三文魚腩，油脂豐富，入口即化。飯團本身用咗優質日本米，粒粒分明，略為溫熱嘅口感同三文魚腩好夾。點睛之筆係上面嗰啲漬魚籽，咬落去「pop」一聲，爆出濃郁嘅鹹香。松葉蟹肉蟹膏飯團 $40如果你係蟹膏控，呢個飯團一定係你杯茶！松葉蟹肉新鮮得嚟，肉質細膩，帶有天然嘅甜味，而蟹膏就係整件事嘅靈魂，濃稠得黎唔會過膩，而且唔會太鹹。明太子玉子燒 $48玉子燒裏面仲有少少半熟嘅質感，而明太子嘅加入係神來之筆，鹹香平衡咗玉子燒嘅蛋香同甜味。每一啖都係層次分明嘅享受，食完真係有種幸福感ฅ(´꒳`ฅ)ꪆ…查看更多

中環POP UP全新日式飯糰店無人講？醬油漬蛋黃雞肉碎飯糰味道層次感最豐富，雞肉碎帶粒粒咬口，肉質鮮嫩，調味適中，加埋醬油漬蛋黃，口感滑順，兩者Balance得好好。明太子沙律飯糰明太子鹹香、辛辣、帶鮮味，令呢款飯糰昇華咗唔少，一打開包裝醬汁爆曬出嚟，真係好誇張。香拿魚沙律飯糰清新又Light嘅Combo，醬汁夠多，就算嚿飯咁大都OK，而且呢隻味比較大眾化，無論係小朋友或老人家都啱食，但性價比冇咁高。金平野菌飯糰素食人士可以try try，野菌香氣比想像中濃，又鮮又甜，口感滑嫩，富有彈性。醬油漬蛋黃飯糰鍾意食蛋黃，但係又唔鍾意食雞肉嘅呢款就啱你。醬油味出，鹹香口味，米飯吸滿蛋黃醬汁，白飯神偷非佢莫屬。詳細內容自己睇片🥰…查看更多