天然甜品

We can strongly recommend this place. We went for a day trip to Cheung Chau and after cycling I hurt my leg. The lady in Tin Yin Desert was very caring and gave me a plaster.The food was also very tasty. We ordered a fruit salad with milk pudding and stuffed dumplings with crunchy peanut, which were fresh made and contained fresh fruits.The price is super cheap!!!We wish they would be located in Kowloon or Hong Kong Island so we could go there more often. Anyways a recommendation for your Cheung Chau Trip.…查看更多

特別喜愛芒果的我，之前在長洲試過這間小店，印象好好。今次放假，專程入去買及試其他未試過的甜品，今次試了幾款芒果甜品包括芒果糯米糍、芒果桂花卷，海藻香芒卷及楊枝甘露，真心喜愛！最欣賞芒果質素高，糯米又香又軟又滑，海藻香芒卷椰香味吸引，花生糯米糍都有驚喜！真心感受到小店真誠做好甜品的熱誠，價錢又唔貴，質量有保證，性價比高，大家入去長洲真的要去試吓。食完我仲外賣拿出去市區俾家人，大家都讚不絕口，提提大家，如果要外賣，記得自己帶冰袋！…查看更多

✨$14凍豆腐花：冷熱都係同價❗️豆腐花偏實淨，質地都係好滑身🤍🤍有得自由落黃糖同syrup嘅，不過冇落糖 更食得出豆花嘅重豆香☺️😙😙.✨$10芒果糯米糍：糯米糍大小適中 相對唔會太飽，糯米皮好chewy，芒果餡算多嘅 佢嘅鮮甜最加分🥭💛…查看更多

這間甜品店在長洲海旁附近，一出碼頭向右沿着海邊一直行就會看到。長洲有那麼多美食，吃完街邊小食再來吃一下甜品就啱晒了。這間甜品店除了有長洲最出名的芒果糯米糍外，還有很多款不同配搭的甜品，而我最喜歡吃的就是這一間的水果甜品。出面吃的甜品價錢不便宜，而且得細細碗，而這一間的水果甜品都是大大碗的，每粒生果都切得很大粒，感覺吃甜品都吃得很健康。雪糕雜果奶凍 （$36）大大碗的，奶凍有淡淡的奶味，滑溜溜的，奶凍上面鋪滿大大粒的雜果，最上面還有一球凍冰冰的芒果雪糕，夏天吃十分消暑。香芒湯圓雜果涼粉 （$36）一樣是大大碗的，最底下有一粒粒的涼粉，涼粉上面鋪滿大大粒的雜果，而最特別的是有晶瑩剔透裏面包着芒果的香芒湯圓，其他甜品店很少見有這款香芒湯圓，吃落的口感是像比較實的果凍，真是十分特別。這些甜品可以選擇是否加花奶，而且糖漿可以隨自己喜好添加，不喜歡吃太甜的朋友也可以試試。由於快到萬聖節，店舖放了一個”Treat or Trick”的箱子，有很多穿了萬聖節裝扮的小朋友入來抽糖果，十分可愛。…查看更多

本人因為這個沒有禮貌的男職員，第一次寫食評。起初一行8人第一站就想食這間店的桂花芒果卷。因為之前食過，知道只有這個產品比較特別，其他食品很差勁。我們分開兩張枱，每張4人（兩家人），起初這男職員落單時已經嘆氣了一聲，應該是覺得我們叫得少，8個人叫8舊芒果卷！我哋一食完已經起身走，因為都分開枱，就叫男職員分單，點知佢好大聲又嘆氣！我即刻問佢：你嘆咩氣呢又？他答：我打埋一張單，點知你又話要分單，好麻煩呀⋯⋯我答佢：咁唔分囉！你表達出來嘛！不用嘆氣吓嘛？！他還回應我：你哋之後自己PayMe咪得囉！今時今日咁嘅服務態度！跟本就叫人唔好再嚟幫襯！唔怪得咁多人上大陸玩！他跟本就是趕客！後面有個女職員還安慰他，國慶呀⋯⋯！睇嚟他平時態度會更惡劣。因為我見應該所有劣評都是因他而起的！總之以後都會再食呢間店！ 我之後行去食長州冰室，人哋又好食、又好招呼！同呢間真係差天共地！…查看更多

走進餐廳，先係一眼望到啲芒果糯米糍，簡直閃閃生輝啊！軟糯嘅外皮一啮，裏頭嗰股芒果嘅香甜酸涼🥭，真係叫人一試愛上！桂花香芒卷嘅話，透透地嘅啫喱層喺咀裏化開，洋溢嘅花香夾帶住芒果嘅果香，食落好有層次感，清新得嚟又唔會膩口。之後，再試埋啲特色雪凍😋，每一啖咬落去都聽到啲芝麻花生碎嘅脆聲，入口即化，整個人都涼快過水。食完之後啲口感同味道都掛住喺腦海裏面，唔停咁喺腦海裏打轉。這間嘅美食嚟自創意同心思，每樣食物都好似藝術品噉美，呢度絕對係講求質素嘅好地方！啲雪糕雜果椰汁西米露，就算係寒冷嘅天氣下都能夠帶嚟一絲絲暖意，細細碗裏面滿載滿載嘅果香同甜蜜，令人停唔住口🍨。下次有機會，我一定會再嚟試過，尤其係想同朋友分享下呢啲難忘嘅滋味！…查看更多

小店新裝修，地方比之前更寬敞，食物依舊保持水準，一向都主打人情味的小店，今次試咗新推出$15椰汁芋頭西米露，好香濃的芋頭味，有別於一般的，值得一試，可惜唔記得影相！…查看更多

今日長洲之旅就嚟結束，臨走之前男人話想食吓糖水。所以呢就搵咗一間評分都幾高嘅糖水店，間舖頭近碼頭叫做天然甜品作為一間傳動嘅甜品店，呢間糖水舖都有幾多選擇，今次呢就揀咗一個凍同一個熱既甜品。佢揀咗一個芒果椰冰，我就揀咗傳統嘅腐竹湯圓糖水。自己食食吓先發現我唔記得咗影腐竹糖水張相，但我可以講，個腐竹糖水都真係唔錯。呢個芒果椰冰都真係賣相好吸引。我趁住佢講緊電話嘅時候偷食咗佢兩啖，個芒果汁係新鮮芒果打出嚟嘅，所以食落去感覺都幾香甜。另外嗰椰冰睇落真係唔簡單，一層一層咁，入口即溶好香椰奶味。今次埋單$50 ，價錢相當實惠。本身諗住嗌佢嘅芒果糯米卷，但係老闆話賣晒，係全部糯米嘅甜品都賣晒。所以我哋下次決定，一落船就要衝入去間舖頭去試佢嘅芒果糯米卷。…查看更多

長洲真係一個奇怪嘅地方，耐唔耐就會想入去行下，但入到去又會覺得悶😂🤣今次入去係掃街既一日🫣🫣每次入長洲都一定會黎呢間食桂花芒果卷真係好出色，好香桂花味又唔會太甜…查看更多

當日經過呢間店,走過去問下幾點關門因疫情影響,6:00pm就關門了..而且無堂食...只提供外賣,不過我仍會捧場的由於我地未咁早走..所以無得好似之前咁,order定甜品卷,糯米糍到臨走果陣先過來呢度拎返再搭船走...我地到5:00左右買左1份香芒湯圓雜果西米露+花奶之後就沿大街,行去北面的運動場,再上去北眺亭睇日落~行左15分鐘左右已經到北眺亭,睇住日落食甜品,真係別有一番特味,芒果湯圓好鮮味~芒果同其他生果都好甜滿滿的一碗,真係比起好多糖水鋪都好抵食~希望下次來可以堂食,又可以打包一大盒返去市區比屋企人食啦…查看更多

今日去長洲真係焫焫焫著🔥要即刻搵間甜品鋪過下冷河先得🥵嚟間甜品鋪既芒果糯米糍次次入親長洲都會去買😋😋-✨芒果糯米糍 ($11)芒果好甜好大舊 皮吾厚粉 咬感好鬆軟🤩-✨雪糕楊枝甘露 ($27)熱辣辣食碗甜品最解渴 芒果粒都幾多 20幾蚊抵到爛🤣🤣-下次都係涼啲先去長洲 咁熱真係好辛苦🔥🔥🔥🔥…查看更多

呢間甜品鋪既芒果糯米糍真係好好食！😋個皮煙韌而且芒果一啲都唔酸 次次去食都係又甜又多汁 加上只係$9一舊 真係幾抵食㗎！👍仲有其他芒果嘅甜品都好好食 佢嘅芒果雪糕同丸子都好值得試推薦：🌟🌟🌟🌟🌟🌟🌟🌟/10…查看更多

今天全家又入長州呼吸新鮮空氣. 午餐過後, 就想來個甜品. 在市政大廈附近, 看到這家甜品店有坐位, 所以馬上入內就座.  細看餐牌, 這個烏豆雲耳很陌生. 未曾見過這種甜品, 所以要試試.    烏豆雲耳    自己不喜歡太硬的食物, 在落ORDER前向男老闆了解 : 烏豆係咪好硬嫁? 老闆表示腍腍地, 不算太硬.   一碗黑色的糖水呈上來了!    長身烏豆跟平時圓形黑豆很不同,  雲耳細碎但厚身, 湯裡還發現桂圓肉. 雲耳是黑色, 烏豆是黑色, 就連湯身也是黑色!  黑色食物入腎經, 開始幻想頭上的頭髮會越來越多越濃密. 湯身以桂眼的淡淡甜味為主, 烏豆仍有一定硬度, 仍未達到喳渣那種軟糯, 但自己仍然咬到囉!    雲耳淡口但脆口, 跟甜度不高的糖水很和諧. 碗裡最甜的, 就是煮到溶溶爛爛的桂圓.  BODY REPORT : 嚐過淡淡的煻水, 過後無需狂飲水. …查看更多

好多人去長洲都會食芒果糯米糍，今次呢間就係朋友介紹嘅。 🍴 芒果糯米糍 ($8) ⭐️⭐️⭐️ 軟軟嘅外皮做到好薄咁，拎上手大力d都好易會整穿，入面嘅芒果超大，份量一d都唔吝嗇，而且幾甜，CP幾高！ .............................. 天然甜品 地址📍: 長洲大興堤路9號海景樓C座地舖 總評分: 6/10 .............................. 味道😋: ⭐️⭐️⭐️ 環境👀: N/A 服務👨🏻‍🍳: N/A 衛生🧹: N/A 抵食💰: ⭐️⭐️⭐️ …查看更多

一心想黎試長洲名物，點知一肚氣。下午去到要等位，有位身形較肥男店員問我坐唔坐出面。我話可以，佢就開左張摺枱。我同女友岩岩坐低左，見有人走就想入番去坐，畢竟假期長洲街度好多人行黎行去。豈料男店員突然變臉，態度突轉地說: 唔坐出面，就話等陣啦！我呆了呆後，還是平和地講: 咁我幫你執番啦。他依然很不憤地講: 真係過份！我無奈地入去坐低後，低聲同女友講: 呢條友係咪痴架！有個身形略肥的女店員，可能聽到就立刻衝過來，收起枱上的餐牌，然後很不友善地連續講左兩次: 我地幫唔到你！ 我地幫唔到你！！我地唯有離開。做甜品也好，食甜品也好，都係想人輕鬆開心！見到佢地咁計較同唔友善，唔係太明白佢地抱咩心態！唔能夠奢望改變佢地，只想留言俾同受此待遇既人分享下，俾左人生第一次喊面。無奈！…查看更多