一间几有日本风嘅居酒屋，装修简单但几有feel，坐得都几舒服，有吧枱、卡位同埋房间，适合一班朋友倾偈食饭。 晚市有几多优惠，价钱算合理，可以试到唔同款式嘅嘢食。 吞拿鱼五点拼盘（$78）有齐大拖罗、中拖罗、赤身、炙烧同拖罗蓉军舰，$78呢个价钱算抵食。大拖罗油脂够，入口即化；中拖罗同赤身都新鲜，鱼味浓。 火炙寿司六点（$78）厨师即日拣料，炙烧过嘅寿司带少少焦香，鱼生仍然嫩滑，特别系鲽鱼群边，油香重，配醋饭几夹。 A4铁板和牛粒（$68）牛肉粒煎得香，外脆内软，咬落有肉汁，酱汁甜甜哋，连埋洋葱食几开胃。 迷你石锅鹅肝饭（$58）鹅肝煎得外脆内嫩，捞埋热辣辣嘅饭同饭焦，口感丰富，味道浓郁但唔会太腻。 美国牛五花寿喜烧（$1）晚市消费满$80就可以加$1叫呢个寿喜烧，有菜、豆腐同牛五花，汤底甜咸适中。追加豚肩肉（$88）同乌冬（$18）更加饱足。 饮品推荐（$38）白桃同巨蜂梳打几清爽，甜度适中，解腻一流。 食物质素唔错，价钱合理，两个人食到饱都唔使$500，算系元朗区几抵食嘅日式居酒屋，可以再encore！…查看更多
