天機棧扒房 (已結業)

【旺角將結業餐廳😢】呢間西餐廳大約食了好幾年，都忘記了幾多年，有舊鋪瓊華開始食，馮大時大節都會來這裡慶祝，例如倒數等等，有好多回憶係呢度！如今10月13日會結業，的確可惜😢大家有機會可以去試！質數同價錢👍🏻👍🏻good good 生蠔超大隻💰$198hkd/6隻🤤🤤非常超值！‼️9點後入座75折叫咗兩個set dinner 再加生蠔埋單都係💰$500hkd 有找！😍😍😍😍個set未影哂，前菜仲有鵝肝，田螺！你話呢個價錢邊度可以搵？🤷🏻‍♀️快去 13號前！！ 📍天機棧扒房 (旺角)旺角花園街18-24號華園閣2樓…查看更多

Lunch搵食都幾傷腦筋 仲要搵間性價比高的餐廳🍴 呢間餐廳唔係連鎖式經營 屬於樓上舖 地理位置唔係好覺眼 有種隱世美食的感覺 內部格局唔錯 全部都係卡位梳化坐 一大班人約食飯傾計係最好的選擇 今次嗌左Lunch set E $48已經有餐湯 蒜蓉包 main course 同甜品啫喱 仲要無加一的 物超所值 雖然餐湯比較淡 但都唔差的 蒜蓉包好香脆 如果一人有兩件就更加滿足 最最最好食的莫過於main course炭燒美國豬排 炭燒得唔錯 肉質鮮嫩夠厚 軟淋淋 仲好juicy 甜品加左十二蚊升級做法式焦糖燉蛋 不過要留意升級左就會無左原先的啫喱 燉蛋比較普通 同埋唔係即焗的 係焗完再雪果種 而心太軟係唔流心的 只係入面溶溶地 都幾好…查看更多

男友同我都續鍾意呢間餐廳既鵝肝，所以諗唔到食咩就一於再去食啦我地兩次都係叫佢個套餐，抵食之餘又好飽肚再去一次依然不失所望最鍾意佢地既鵝肝，聞落有陣油脂既香味，外脆內軟，入口慢慢溶化令到全個口都係鵝肝既濃郁味道，令人急不及待想去食下一啖～配埋底下香脆既多士，成件事好夾🤤塊扒真係好大塊，男仔食完都會飽肚，我嗌左5成熟，上到碟切開入面仲有血色，因為我鍾意食半生熟既牛扒，所以食落覺得好享受同埋佢有我最愛既肥膏，真係啖啖都好罪惡佢地既草莓牛奶凍好滑，而且唔會好甜，奶香味十足，味道有啲似士多啤梨牛奶珍寶珠咁…查看更多

記得之前呢間餐廳喺瓊華，原來而家已經搬咗去好景果邊，太耐冇食過，於是再黎試吓，入去環境同舊鋪差好遠，呢度好似好殘舊，點知質素仲下降咗好多，牛排叫5成點知黎到係7成，叫埋同一個餐，牛排size大細不一，下次唔會再黎。…查看更多

之前都有食過夜晚,覺得都合理的,所以同事話去呢間食lunch,我都好有期望入到餐廳等位的時候,見到有張Memo話人手不足,所以星期一會休息~星期一千奇唔好去啦~大約1點就去到餐廳啦,我嗌左個龍脷柳配忌廉汁配薯蓉餐湯有長條餅乾配,同事話以前係配蒜蓉包個餐最後係1點8先到,我同事幾乎已經食晒佢自己個飯隻碟就好L大,薯蓉細過拳頭,三片龍脷柳忌廉汁幾乎有半隻碟我用左5分鐘食晒成碟野,好似食風咁,完全唔知自己食緊咩!!睇返成碟野,薯蓉,忌廉汁,栗米都全整定的; 係得三片龍脷柳係要煎架姐!其中一塊仲要係酸架!完全唔知點解要搞咁耐!!!唯一的解釋就係佢人手真係不足落單又唔得閒,追單又唔理人, 埋單都唔理人以後唔會再去幫襯!!…查看更多

阿仔外國返黎，去旺角shopping 後，話要食鵝肝，原本想訂間高級啲，但臨時臨急又冇位，再搵呢間天機棧，將就食返餐。六點樓下搵唔到，原來要轉入橫街，門口有點寒酸，所以未必招到街客，上到去冇咩人，裝修簡單。接待嗰個著住廚師衫的肥哥哥可能頂住檔睇門口，有啲搞笑。點左鵝肝滿足阿仔要求，跟住點左主菜，一個安格斯牛扒五成熟，加個南瓜魚柳焗意大利risotto ，點品就試朱古力心太軟、焦糖燉蛋配海鹽雪糕。首先鵝肝係超值的，幾十蚊菜式，雖然唔係好大件，但煎到外脆內滑，不錯👍🏻牛扒雖然唔係頂級，但按人客要求煎到medium ，廚師👨‍🍳都算有啲工夫仔，其他餐廳多數會變左七成熟，所以印象算好了。南瓜🎃risotto 就一般般，魚柳唔香脆，所以加唔到分。甜品只算合格，心太軟焗到流心，但材料唔夠高級，差左啲香味，焦糖燉蛋亦唔夠滑，試過就算。最後埋單唔使400蚊，所以按價錢而言算超值了，一般花園街比茶記高少少的餐廳，性價比而言可以一試，但未必會再試。…查看更多

今晚九點幾做完野想食牛扒，其實旺角唔係好多選擇，記得呢間有扒食，就上去。我就叫左薄既西冷牛扒意粉晚餐，有Caesar salad同叫左杯凍檸茶，男朋友就叫左個肉眼扒餐，七成熟，有個忌廉湯，沙律加蝸牛薯茸，再加個冬檬荼。個講個西冷牛扒意粉，係有咖哩汁，加埋有火熱住既，好好味，不過意粉略為硬，但個牛扒好好味。男友的肉眼扒都好好味，個汁係好味既，都juicy,加飯，好夠飽。最後仲有心太軟甜品，不過個心太軟就好一般啦。最抵既係原來9點後入座有75折，便宜左差不多一百蚊👍🏻👍🏻不得不提服務very good!!!…查看更多

黎過幾次，忍唔住冩食評飲酒朋友非常適合，開瓶費很便宜以呢個價錢有哂頭盤，湯，主菜，飲品同甜品係難得少有的性價比非常高西餐廳當天叫了牛扒和牛肋骨配薯條頭盤個海鮮拼盤非常吸引，主菜牛扒會更討好心太軟都係每次必點非常推介:)…查看更多

而星期六生日晚餐，我決定帶男朋友去旺角食西餐，之前見到網上介紹話好抵食，所以決定去會一會佢先。我地叫左兩個set dinner,分別叫左個軟殼蟹菠菜忌廉意粉同埋牛扒。個set dinner都好豐富，有前菜、湯、小食、主菜同甜品。我地叫左凱撒沙律、肉醬焗薯皮、鵝肝、海鮮拼盤。鵝肝係好食，質素係唔錯，海鮮係一人份，唔好以為好多。而主菜方面牛扒係一般，感覺到落左好多鬆肉粉，冇左牛味；反而個意粉有驚喜好creamy。而最後甜品我覺得要改進一下，朱古力心太軟應該用左牛奶朱古力整，我自己就唔中意啦，不過值得讚係應該即整，因為我地都等左好耐😂😂😂…查看更多

呢間餐廳值得推介， CP值超高，服務質素良好，星期一至五晚上九點後仲有八五折添！係我認識嘅扒房之中，算係優質嘅餐廳。呢次人均消費大約200蚊左右。 呢次我就試咗晚市嘅套餐，呢間餐廳嘅晚市套餐，分量足夠，款式多，性價比高。以呢個價錢，有咁多嘢食同埋咁嘅質素，真係好抵食！👍👍 首先講吓套餐包括頭盤，餐湯，小食，主菜，甜品。百幾蚊，選擇又多，有齊晒真係好抵！👍👍我同女友叫咗兩個晚餐，最後係食唔晒嘅。份量好充足！ 頭盤，有三款選擇，我試咗凱撒沙律同埋巴西芝士肉醬焗薯皮。凱撒沙律唔錯，中規中矩；而巴西芝士肉醬焗薯皮，味道濃郁可口，值得一試，推介指數👍👍👍 餐湯，餐湯附送雪燕，養顏護膚👍👍可加錢要酥皮湯💪但湯既味道偏淡，可能係為咗夾返燕窩嘅味道先唔整咁鹹。但我本人嘅口味比較重，覺得湯可以再濃味一D。 小食，我試咗香煎法式鵝肝，值得一讚，算出色，推介指數👍👍👍 主菜，炭燒紐西蘭西冷扒，我叫咗七成熟，味道唔錯，值得一試，推介指數👍👍👍； 另外仲試咗美式BBQ汁豬肋骨配黑松露炸粗薯條，即炸薯條好食，豬肋骨分量充足，味道可口，推介指數👍👍。 甜品，有3款你簡，心太軟，味道唔錯，好食👍👍 餐飲方面，水準不過不失，冇咩值得提及。 服務方面，侍應服務良好，可訂位，但係食物上枱嘅速度都快。 環境方面，整體來講算唔錯，店面設計尚算有特色，有氣氛，環境算清靜，適合情侶拍拖既地方。 總體來講，係一間值得一試既餐廳，CP值極高，會再去。 以下係食物嘅相片同埋店內嘅環境：…查看更多

去呢間餐廳之先，有朋友一早book 左位。所以唔洗等位就入到去。咁我同我d 朋友加埋都成10多人。侍應都好醒目安排左張大長台比我地。先講環境，一入到去，覺得燈光有點暗，唔知點解坐坐下，又光返。可能侍應見愈來愈多人入黎，慢慢將燈光較返光。第二，關於d 冷氣，都好凍下，愈坐就愈凍。如果女性的朋友入到去食野，最好帶定件衫，或者唔好坐係風口位。侍應服務方面都so far so good, 落單快、醒目、有耐性。佢地好有趣既就係見到邊位客人食完個餐就會上飲品，未食完，唔會上住既。係記得邊位飲咩野！今次我叫左個set, 揀左豬手黎食，因為見到個餐牌有👍🏻，所以就揀左.味道ok 得！正！不過砌都好花時間，因為都好大舊下，同埋愈砌愈攰。無咁多手力都唔掂😂呢間野都有最低每人消費的限制，打算會去呢間餐廳食野的朋友就要留意一下。…查看更多

一看見有鵝肝就失守了！享用了臉書優惠，嘆了一個CP值極高的$198 晚餐。連同甜品5道菜式，除了有鵝肝多士為頭盤外，她的主菜 - 軟殼蟹忌廉意粉也是現點現炸，鬆脆可口😋每道菜式的份量適中，不會讓人有吃太膩的感覺，吃過芝士肉碎焗薯皮和鵝肝多士兩個頭盤後，先喝一下雪燕忌廉湯，清淡的口味剛好中和頭盤的味道，讓主菜上桌的時候有更醒神的感覺。最大意是竟然忘記拍照甜品，我點了法焦糖燉蛋，燉蛋滑嫩，面層的焦糖也燒得剛剛好，不會太厚黏著牙刷。跟友人聚餐，餐廳環境很好，侍應們很細心，這裡很適合聊天！…查看更多

今天跟老公到天機扒房食中午飯，呢間餐廳係我地以前拍拖餐廳，其實係好抵食，中午先50-60蚊，又唔係加一服務費，有湯有包有甜品有前菜有埋野飲，去邊度搵吖!今日食M2同廚師推介A餐!炭燒豬扒真係好好食…查看更多

之前一路都有聽講天機棧扒房鋸扒唔錯，今日終於有機會試吓！位置都唔係好易，搭lift個位有d昏暗,一個女仔黎其實有少少驚餐湯蒜蓉包沙律（跟set 送）普普通通冇咩特別生蠔海鮮拼盤（太平洋生蠔X1,鮮蝦X2,松葉蟹棒X2)生蠔幾鮮，有海水味鮮蝦肉質有啲鞋蟹棒其實係普通蟹柳無咩特別<炭燒西班牙黑毛豬肉眼扒配蘋果蓉$188>黑毛豬肉眼扒大概五成熟左右啲肉質都算幾嫩咬落口都幾juicy 不過份量真係有啲細，女仔嘅話都啱啱好，好男仔一定唔飽<炭燒美國西冷牛扒$188>西冷扒相對肉眼扒個份量就大啲，男仔嗌都應該OK飽嘅咬落去啲肉質都尚算幾淋，唔錯唔錯！廚師火哭控制得幾好，將d肉汁鎖住左係個扒，抵讚…查看更多

因為朋友話想食肉，就中午打黎訂台，晚上七點食。黎到見到晚餐都差不多$100-$150，有個豪D既set就$198有蠔/鵝肝食。（加一）所以叫左兩個set，一個點鵝肝，一個要蠔。首先黎既係前菜。薯蓉好食，凱撒沙律不過不失。之後上頭盤。鵝肝好食，外脆內軟，又香。蠔雖然大，但無咩味。蝦同蟹柳就普普通通。蒜蓉包好脆好好食，湯都足料，雖然係蜆仔。黎到主菜，因為個人唔太好肉，都係叫返飯。個飯好食！有咸蛋同芝士，食左一半都有D飽，但佢好貼心，份量岩岩好。而個豬扒就有D失望喇，可能餐廳環境有D暗，睇落個豬好似紅紅地未熟。佢好快凍左，而口感比較韌同乾。而甜品就不過不失。整體黎講，咁多樣野先收兩舊水係合理同值既，但一分錢一分貨。唔好期望食物超有水準同超好味。…查看更多