天廚海南雞

平时做节，一系屋企煮，再斩料加𩠌，再唔系食盆菜。不过今年中秋比较少人，所以落左新蒲岗买呢间海南鸡，买埋油饭，之后另外煮菜。原来大有来头，本身系彩颐花园一间小店，好食到系呢个位置开埋分店，正日都好多人堂食，或者好似我地咁，斩半只鸡返去。因为今次只打算煮菜，所以睇下餐牌，睇下除左鸡，仲有咩可以叫等紧嘅时候，发现呢度几好坐去骨海南鸡半只 $90 呢道海南鸡色泽鲜黄，用黄姜染色，非常吸睛。鸡肉嫩滑多汁，下方舖有清脆青瓜，卖相吸引又开胃。海南鸡配辣椒酱、黑酱油同姜蓉，味道层次丰富🥢。辣椒酱：辣椒桩碎加少少醋，酸辣好开胃黑酱油：甜味十足，不过比出面出品稀少少姜蓉：有姜香，有油滑，系香港人容易接受嘅味道油饭 $12*2=24 呢度油饭味道比较清淡，无太多香料，鸡油同椰香轻轻带味，配合干身粒粒分明嘅饭，同海南鸡好夹，唔会抢味👍。吉列猪扒 $45呢个吉列猪扒系典型港式口味，面包糠薄而均匀，炸粉轻脆，中间猪扒厚实又多汁，咬落好满足，点埋日式芝麻酱就更正啦！🍖 辣酒煮鲍鱼5只 $50 辣酒煮花螺就食得多啦，变成鲍鱼更容易食。呢道辣酒煮鲍鱼选用新鲜鲍鱼仔，肉质鲜嫩弹牙，配埋爽脆嘅青瓜同葱花，口感更丰富。加埋微辣嘅辣酒酱汁，去腥又开胃，味道层次丰富有新意！🔥冻薄荷绿茶 $20（奶茶系阿姐入错单）呢杯冻薄荷绿茶，绿茶配薄荷糖浆，好清新又有啲苦涩，真系提神解腻好选择！🌿总数：$229…Read More

# 【食评】新蒲岗海南鸡天花板 —— 天厨海南鸡 今日行完街同妈咪去新蒲岗买外卖晚餐，见到呢间 **天厨海南鸡** 门口人头涌涌，人气十足，就决定买几款返屋企试下。估唔到外卖返到去依然热辣辣，食材状态保持得好好，真心惊喜。 ---## 🍗 海南鸡（半只 $90） 成晚嘅主角！鸡肉嫩滑有弹性，鸡皮油润但唔腻。最欣赏系佢跟埋三款经典酱汁： - **姜蓉**：香气十足，够晒惹味； - **辣椒酱**：酸辣开胃，带少少蒜香； - **豉油**：咸香中带甜，配鸡一流。 份量唔细，价钱合理，真系性价比高，难怪咁多人排队。 ---## 🐟 蒲烧鳗鱼滑蛋饭（$64） 卖相好吸引，打开盒已经闻到香味。 - 鳗鱼虽然外卖路程上冻咗少少，口感冇咁松软，但酱汁咸甜适中，味道依然出色。 - 滑蛋做得好足料，厚厚一层，入口嫩滑。 以呢个价位计，绝对系抵食之选。 ---## 🦑 手作自家墨鱼肉饼饭（$62） 朋友大推嘅菜式，果然冇介绍错。 - 肉饼肉味浓郁，带少少焦香； - 加入咗爽口墨鱼粒，咬落去多一份层次； - 饭量足，食完超满足。 ---## 🥩 加配小食：麻辣牛展（加$20） 呢个加配真系超值！牛展卤得入味，肉质腍而不柴，加上微微麻辣感觉好惹味，伴饭一流。 ---## ☕ 饭跟饮品：热奶茶 两个饭仲包咗热饮，拣咗奶茶。 - 茶底够香浓，奶味同茶味平衡得好好； - 出奇地比好多茶餐厅水准更高，完全唔系随便附送嘅感觉。 ---## 💰 价钱 今次买咗半只海南鸡 + 两个饭 + 小食，一共 $236。以份量、味道同质素嚟讲，非常抵食。 ---## ⭐ 总结 **天厨海南鸡** 绝对可以话系新蒲岗海南鸡嘅天花板！ - 海南鸡质素高，滑嫩多汁； - 配菜同其他饭类都有心机，唔系得主打鸡； - 外卖依然保持到高水准，服务态度仲好有礼。 👉 **推介指数：★★★★★（5/5）** 📌 必试：海南鸡、墨鱼肉饼饭、麻辣牛展 下次一定会再去买，仲想试埋佢其他小食同饮品系列！ ---…Read More

今日去新蒲岗探朋友，佢介绍左呢间超低食嘅餐厅俾我，就系天厨海南鸡。去骨海南鸡半只（$90）油饭（$12）呢度嘅名物肯定系海南鸡，我地坐低左听到无论系堂食定外卖，有8成嘅单都叫左海南鸡。去左骨嘅海南鸡啖啖肉，除左鸡肉嫰滑唔嚡口，我地最钟意系佢嘅鸡皮，口感爽脆唔肥腻，配埋佢嘅黑酱油，姜蓉同辣椒酱食可以话提升左n个层次。油饭食得出浓郁鸡油鸡汤香味，饭粒粒粒分明，唔会过淋。香煎猪寸骨滑蛋饭（$64）碟饭有3件猪寸骨，肉质软嫰唔干，我地拣左配日式咖哩汁，咖哩汁香浓唔辣，薄薄嘅煎滑蛋上面仲有几粒细带子，食落口感非常丰富。跟餐鸡汤娃娃菜（$16）鸡汤伴住清甜嘅娃娃菜系可以中和下其他主菜较浓嘅味道。冻香水柠檬茶（跟餐加$17）冻柠檬柑橘红茶（跟餐加$17）两杯特饮甜度适中，酸酸甜甜味道刚好。我地食饭中途听到隔离枱落单，佢地原本3个人，但两个老人家到先，个仔仔稍后到，当侍应帮佢地落完单，知道未齐人，主动话可以帮佢地稍后齐人先入单俾厨房，啲野食唔使冻哂，嚟小店食就系想感受到呢种人情味。…Read More

新蒲岗真系好多小店餐厅，天气冻冻地又唔想煮饭，呢间平时食开堂食，今日买外卖回家慢慢叹。海南鸡饭，招牌不用多说，已去骨，鸡肉嫩滑，够黄油，食落有鸡味，而且配搭的酱油，辣酱同姜蓉十分惹味。油饭充满鸡油香味，配鸡食一流，建议一定要点油饭。出面食嘅口水鸡饭大多数都无去骨，呢度系同海南鸡一样已去骨，食落十分方便。口水鸡小辣，鸡肉味同海南鸡一样咁正！例汤是椰子鸡汤，并不是出面饮到淡味汤水，呢碗真材实料，浓浓椰子味。由于太钟意食海南鸡，所以叫多半只，实行海南鸡自由。肉骨茶用料好充足，用料是一字骨，咬落有少少软骨，已煲煮到十分软淋，口味是一半药膳一半胡椒，平衡得几好。配料有红枣豆卜杞子等等，非常滋补，$50大大碗十分抵饮。…Read More

呢间海南鸡饭鸡瘦皮多肉少，钟意食鸡皮嘅有福啦！我唔系第一次帮衬，次次都系食招牌菜去骨海南鸡饭（$58），但今日望到呢个份量真系震撼到我忍唔住食写返次食评。系我唔好彩啦遇到只营养不良嘅鸡，鸡瘦皮多肉少，总之食唔到几啖啦。油饭又难食左，但胜在够多，不过遇到呢个份量嘅鸡，就只可以空气𩠌饭啦。可能唯一好嘅就系碗椰子鸡脚汤，几清甜冇味精味。啲位本身都比较窄，一去到lunch时间多人好就坐得唔舒适。不过上菜有够快，落完单等几十秒就有得食啦。😂👍🏻…Read More