天丼てんや

营业中

休息中

After an exhausting day at Disneyland, we went here for dinner as boyfriend always wanted to try it and the location was a bit far for us.天丼 Tenya is a huge chain of restaurants from Japan offering a fast food style tempura don experience. A bit like Yoshinoya but for fans of fried food. They have three branches in Hong Kong but this was their first one.The store even has a figure of the mascot.Menu is in Chinese only. There is no English. Ordering is done by scanning a QR code which is also in

天婦羅蕎麥麵(冷) $86將蔥花、芥末倒落蕎麥麵醬汁到拌勻，連埋蕎麥麵一齊食好透心涼，麵條爽口彈牙，帶有少少辣味食唔倒口。天婦羅🍤方面有，炸蝦、蟹柳條、茄子、四季豆，師傅炸到外脆內軟，而我最鍾意食係炸蝦好彈牙，將炸物點落白蘿蔔天婦羅醬汁到，帶出蝦嘅鮮味。另一種食法，係炸物上面加少少鹽同七味粉，食落辣辣地，帶出炸物嘅鹹香好惹味，重口味嘅朋友可以試吓呢個食法😝。茶碗蒸 $18最鍾意食茶碗蒸，蒸蛋好滑溜、而且仲有蟹子、毛豆、蟹柳，食落口感豐富😋

次次經過都排晒隊，最近特別想食天婦羅，所以照排，第一次食叫咗巨星天丼，入面有黑虎蝦、帆立貝、魷魚、蟹柳、紫菜、本菇、四季豆，佢嘅炸漿唔算好重味，可以食得返食材嘅鮮味。

先唔講嘢食住，依家嘢D服務真係好亂😂真心希望可以改下管理 。放工時間去到要排大概10幾分鐘隊，入座時候有同我哋講限時食90分鐘一開始有個阿姐好有禮貌咁介紹有咩食，仲好熱心咁話即刻幫我哋落單先，咁我哋就開始等咗15分鐘，見啲嘢食未嚟，呢個時候我又想追加，就再叫另外一個阿姐過嚟 （全間店都係女人，包括酒吧，眼見廚房嘅人) 佢就問我要啲咩餐，我哋話我一早落咗單，佢就話我哋張枱冇落過單，又話幫我check下，隔咗一陣同我哋講話漏咗單。 (見到佢哋頭都大埋咁) 咁我又重新落過一次單，嘢食都在等咗一段時間，咁樣都冇咗大半個鐘。當嘢食嚟到嘅時候，我追加嘅嘢完全冇咗影，之後再問阿姐，佢又不停問返廚房，發現漏咗，但係要逐樣問先比返我 (我加咗本菇（2粒）同 天婦羅雞肉)最後嗰度凍麻薯要問咗三四次先比到我，（途中見到佢哋出個比其他枱）又聽到佢哋同廚房講點解又漏，亦都聽到其他枱嘅食客嬲豬話佢哋漏咗好多嘢問咗好多次， 總之成件事就超級亂😂😂但係見到所有阿姐啲態度都唔差，佢哋都手忙腳亂，感覺就好似佢哋全部人第一日返工咁，好多嘢都錯漏百出，我覺得係管理問題，真心覺得O嘴好啦～講返嘢食 ，日本海盛宴定食配凍蕎麥麵$

————————————————————————TENYA 天丼地址：Shop G02, G/F, Maritime Square, 33 Tsing King Road, Tsing Yi青衣青敬路33號青衣城地下G02號舖(將軍澳 紅磡 元朗 銅鑼灣另有分店～）來自東京的天婦羅，日本超多分店，香港店也是即叫即做🤩，炸衣薄，高峰時間需要在門口排隊進入~🥲🟠推薦食物🔹天婦羅蕎麥麵($86)：蕎麥冷麵搭配芥末蔥和湯汁很配，天婦羅料很新鮮很脆料很足，有黑虎蝦x2🍤🍤、茄子🍆、蓮藕、四季豆x2、蟹柳，炸衣十分薄脆，完全不油膩，搭配天婦羅汁和蘿蔔蓉很不錯，蕎麥麵也恰到好處減少油膩感，性價比很高🤩🟡不推薦食物🔹菠蘿天婦羅🍍配雪糕🍨（$21）：試過這家的和麻糬，菠蘿天婦羅倒是新品，比較普通，還是留quota吃燒菠蘿比較好，雪糕味道也比較淡😖🟠員工比較多新員工，感覺不是很熟悉，但是會主動加水🟡環境午餐晚餐高峰時間需要在門口排隊，桌子不算太大🟠總評分（8/10）💰$100/person（需要加一~）#ezukokofood #ezukokotsingyi #ezukoko青衣 #ezukokoyuen

因為知道天婦羅是即叫即炸，而且係lunchtime,所以入座後就馬上點餐。等左成20分鐘，隔離枱遲過我入嚟嘅食物都黎埋，我就問個侍應，我個餐幾時黎，佢先話冇人幫我落單！？！結果食到非常趕。跟著埋單仲好笑！有十幾個國際學校學生，本身坐埋一張枱，然後埋單逐個比消費卷，店員手腳非常慢等左成5分鐘先收到左3個人錢！？好彩身上有散子，唔洗找，我就交畀其他店員就走了！服務差到一個點！不會再幫襯！

成日見青衣城呢間分店未開舖都排晒長龍，試吓佢係咪真係咁有料先🤣🤣叫左個華味鳥天丼，主要係雞肉天婦羅為主，配有溫泉蛋同埋其他蔬菜天婦羅 (eg. 豆角)。價錢$68，加咗一之後70幾蚊一個lunch set，唔係話好平，但係佢啲食物質素真係唔錯，所以都抵食。天婦羅炸得啱啱好，好脆口，啲雞又多汁，雖然係炸天婦羅，但係都好Juicy😝😝😝，回味無窮。呢個餐同其他餐唔同，有多一隻溫泉蛋同埋麵豉湯，價錢方面又OK，總結都係好食！

青衣天婦羅專門店性價比高嘅日式天婦羅傳統風味十足下次想試埋烏冬餐 ▫️天婦羅蕎麥麵炸物有2隻黑虎蝦、蟹柳茄子、蓮藕同四季豆炸粉有點厚，但夠脆身蕎麥麵條比較細口感滑嫩，有嚼口兩者配埋可減少油膩感大滿足 ▫️上天丼🍤熱辣辣嘅炸物同樣都有2隻2隻黑虎蝦蟹柳、茄子、蓮藕等面果層好鬆脆放耐咗食都唔會淋哂再蘸埋秘製醬汁真係好好食味道：🍳🍳🍳份量：🍳🍳🍳🍳衛生：🍳🍳🍳🍳服務：🍳🍳🍳🍳

平日下晝大約1:00嚟到青衣城落到嚟呢間天丼有少量人龍 等左大約二十分鐘🫠不設拎飛或者book位限時45分鐘用餐時間如果有小朋友可能會比較趕急坐低店員就會送上茶同餐牌大約兩頁餐牌選擇 有唔同分量配搭落餐後等候大約10分鐘我今次就揀咗穴子天婦羅丼🤤有麵豉湯送上 但味道一般味精重☹️穴子天婦羅丼份量唔少🍤蔬菜海老都有兩件 但整體味道偏淡要另外自己落天婦羅汁以呢個價錢算係緊緊合格🥢另外加咗$17 要一個牛奶麻薯麻薯唔甜 但配料味道足夠食得出薑同砂糖但份量偏小🥄整體而言 岩岩合格 但未必會再返嚟等20分鐘食🫶🏽

📌 天丼 - 紅磡必嘉街120號黃埔天地百寶坊第3期地下G13號舖🗓(25/8) 星期四 ⏰ 晚上7點左右 🌐網址: https://s.openrice.com/QrbS0wOCB00~ueeoDBA 💈特式：呢間日本起家嘅天婦羅專門店大約4年前已經進駐香港，最近終於開到第4間，位於黃埔呢個好多美食嘅好地方，估計佢應該都可以企得住腳。🥩🍔🌭🌮🥗🥯🥘🍲🍝🍣🥟🍤🍱食物：我以前去日本旅行，都仲會有一餐半餐食天婦羅，而天丼亦係我最常選擇嘅一間，等我講吓香港呢間嘅味道先......穴子海老天丼🍤 - 香港唔係太多地方有穴子天婦羅食，雖然佢無係日本食個時咁好食，但都做得唔錯，唔太油膩，但略嫌上枱時唔夠熱，價值$85。天婦羅蕎麥麵🍤(冷麵) - 佢個冷麵都好大碟，好夠食，味道亦做得比較似日本，天婦羅就係係隻炸蝦最好食，但都係有唔夠熱嘅共通病，價值$82。甲羅🦀天婦羅 - 甲羅燒/天婦羅蟹就見得多，但夾埋一齊就真係未試過，一試就覺得真係冇得頂，佢先用d天婦羅紫菜配埋d蟹膏食，之後仲有配埋一舊飯，用嚟撈埋啲蟹膏一齊食，幾種唔同口味一次試到晒，價值$42，認真抵食又好食。日本糖心蛋🥚天婦羅 -

好耐好耐無去日本啦，好想食天婦羅🍤，香港好多日本餐廳都有一款兩款天婦羅給你選擇，但系天婦羅專門店又真系無幾間，今日帶小朋友去迪士尼，順便就去青衣天丼一間天婦羅專門點試下。炸蝦🍤：2隻大黑虎蝦炸粉好薄，蝦肉好爽口，好好味，Good👍蟹柳🦀：一條好大條的蟹柳，外脆內滑。茄子🍆：茄子好出色，食落去一Ｄ都唔油又唔流。蓮藕：蓮藕又脆又爽口。四季豆：外脆裡面有多汁，好食😋。蘸料：天婦羅汁配上小小姜蓉同蘿蔔蓉，咸淡適中。蕎麥面：比較普通，無咩特別之處，鰹魚汁個人覺得淡左DD，不過都OK。整體來講天婦羅十分出色，值得一試，份量有大份。

這晚在商場裡買西裝，血拼完，娘娘說沒錢了，要吃平宜些🤔。不是吧，只點了個“枝豆”！？不，前菜而已，暖暖的，有點鹹味，不是難吃，但沒什麼特別。太熱了，幸好有冷麵，點了個“熊本匠人定食配凍烏冬”，裡面有車海老、黑虎蝦、真鯛腩、帆立貝、明太子大葉、舞茸菇和蕃薯的天婦羅，全部味道都不錯，炸得乾身，不會油膩。冷烏冬，蠻煙韌的，烏冬醬汁清新可口，我幾口已把烏冬啜光了。娘娘點了個“淺草海老天丼”，除了天婦羅蝦，還有一大塊天婦羅雜菜，味道也不錯。

天丼～可能係香港cp值最高既天婦羅‼️😆本身比較少係香港食天婦羅，機緣巧合發現左呢間日本過江龍，原來係日本有成200幾間分店❣️餐廳比較迫，唔算話好大，見到門口有個牌寫住繁忙時間用餐時間45分鐘，少少嚇親🥴坐低之後會有蕎麥茶，好有茶味幾好飲，唔會好似某d餐廳d茶一個茶包唔知沖幾多杯咁無曬味，幾有誠意，加分！👍🏻落完單之後等幾分鐘就已經有野食，好有效率，唔怪得可以用餐時間45分鐘😂😂，但其實都無見到有人趕既🫠🧡天婦羅冷烏冬定食 🍱 $82天婦羅有兩件黑虎蝦、蟹柳、兩條四季豆，一件茄子同蓮藕～全部都炸得好靚，唔會話太多炸粉，食落好脆唔太油，感覺唔會太熱氣👍🏻後來上網見到話餐廳部份食材係日本進口同有自己研發炸物機，唔怪得呢種味道無係第二度食過🤩虎蝦肉質幾結實同有蝦味，有誠意過其他地方食既好多😌而且蔬菜類食材雖然出面炸過，但入面仍然係好juicy好fresh，timing掌握得非常好🤩🤩Lunch set全部都係$82，想飽d可以揀飯定食，當日太熱揀左冷烏冬😝😝烏冬上碟好凍，配埋鰹魚汁食十分消暑，而且烏冬非常煙韌，係稻庭烏冬，份量都幾多，可以按自己喜好落蔥花👍🏻Overall 黎講呢間都幾推薦，下

朝早十點幾黎到青衣城人流一啲都唔旺可能因為過咗返工時間 又好多舖頭都未開朋友想食天丼 但佢開十一點半 ( ´▽｀)諗住落去睇下menu先 啱食先等 Btw 天丼 = 天婦羅 + 丼飯一睇到張menu 朋友就更加堅定再餓都決定等到11:30都要食佢我估丼飯同定食嘅分別係一個係一隻碗裝晒 一個分開來擺到11:30佢冇準時開門除咗我哋仲有一個女仔喺度等緊即刻對佢期望大咗( ´▽｀)海老穴子天丼 $85 👍🏾👍🏾👍🏾天婦羅有虎蝦、茄子、菇、四季豆、蟹柳見識少 唔知咩係穴子 都懶得Google朋友話即係類似鰻魚但係啲肉都冇鰻魚咁實 又平過鰻魚總之就係炸魚柳啦( ´▽｀)好得意連紫菜都有半塊係去炸咗巨星天丼 $82 👍🏾👍🏾👍🏾天婦羅有蝦、蟹柳、菇、四季豆、紫菜同上面嘅睇落就係少咗穴子同茄子( ´▽｀)基本上天婦羅都係咁嘅味 冇咩好講其實天婦羅脆唔油膩 食落都唔覺熱氣其實真係已經好好不過可能天婦羅太多 食到尾真係好漏。。。。所以好想講下兩個飯底飯係日本米 佢本身配左個豉油好正！個豉油係甜少少嗰種壽司豉油無論配飯定配天婦羅都好好食！明太子魚餅 $28 👍🏾👍🏾👍🏾魚餅部份比想像中厚不過咁樣個口感就比

嗰日同朋友喺青衣城行街～就嚟咗呢一間日本過江龍 試下佢哋個天婦羅🍤個巨星天當 面頭鋪滿晒天婦羅！！勁豐富！最鍾意食個炸虎蝦 外皮真係炸到好香脆 食落唔會好油膩 再加埋下面煙韌嘅珍珠米 真係好好食😋