天ぷらまきの

营业中

休息中

幾年前係京都食過天婦羅蛋，之後一直念念不忘，之後係香港一直都好小遇到，偶然係電視見到之後又搵唔返舖名，今次係社交平台見到介紹即刻約人去食見OPENICE只得LUNCH食評，無得預約仲要等個半鐘先有得食，所以揀平日仲派個放假代表6:30PM去拎飛，我大約7:15PM去到最後等到8:00PM先有位但當我地入坐之後門口已開始無乜人，到8:30PM仲聽到待應不斷叫號碼都無人應，應該大部份人見等過百都唔會再等而放棄！店內面積比較細，一邊主要係BAR枱但只招呼二人座，我地三個人就無得坐有D失望！😞MENU內套餐主要得三款，當中只有兩款有天婦羅旦，我想試多D唔同款既天婦羅所以揀特撰天丼，朋友好想食鳥冬，但套餐只得天丼蕎麥麵定食，記得之前睇OPENRICE話無得轉，但都照問下待應， 如果無就唯有散叫，點知又可以轉喎烏冬好煙un果然無轉錯天婦羅賣相都幾好，味道質感剛剛好唔會好厚粉，食得出食材好新鮮反而最期待既天婦羅蛋就有D失望， 無論外貌同味道都好似煎荷包蛋😥但好有蛋香味流心效果不錯。本來想叫兩個甜品，但天婦羅份量太大，最後只叫焙茶雪糕天婦羅蕃薯， 配搭得宜，冷熱交融，香甜薯配淡淡焙茶香味，可以中和滯腻

睇完戲唔知食咩！行經見餐牌由98-198等等攞張籌等吓啦。唔使10分鐘就坐（之前啲號碼輪空晒）被安排坐吧枱對住啲師傅睇住佢地攞料上粉上漿炸物。空氣夠流通無油煙焗住幾好點單 天盛定食x1. 天井x1約10分鐘有得食份量滿足夠食南瓜🎃 菇菌。鯧魚。鰻魚。茄子🍆 帶子。雞肉。大虎蝦正常料上漿炸唔油香口好好👍🏻味特別點讚係虎蝦夠爽口大隻飯質煙韌有飯香麵豉湯超級熱好鐘意整體清新可口份量足 兩份價錢$293連加一 性價比洽當。 9/10分

上星期見到呢間天婦羅好吸引，於是今個星期特登過黎食。未到12點開門時間，門外已有長長人龍，好彩俾到最後一張枱我地。我叫左一個大蝦野菜天婦羅。等左10分鐘天婦羅上枱，好靚呀，個set有天婦羅、日本米飯、秋葵前菜同埋麵豉湯。天婦羅有大蝦3隻🍤、蓮藕、南瓜、茄子、舞茸菇，份量勁多，當中重點當然後天婦羅大蝦，果然不負所望，蝦身有𧿹指粗壯，肉質結實彈牙，蝦味鮮美，絕對不是行貨，其他野菜都新鮮爽口，配上天婦羅汁，一碗飯實在不夠呢😋飯後一碗麵豉湯，大大一碗，咸度適中，真係好滿足，睇黎可以成為飯堂😋

-【#🦊🐰30秒食皮：新店速遞！咁多天婦羅入邊最推薦虎蝦！每一件炸粉都好薄，入邊又保持到鮮味同埋濕潤，非常高質！食到好飽🤣🤣另外食嘅時候推薦點蘿蔔蓉醬汁！😋真係會升華咗去另外一個層次🤤店面亦都俾人感覺非常好，好似真係喺日本到食緊嘢咁🤣】#foodtalkpia講夜晚食what好🍚 #foodtalkpia_沙田✨近排喺沙田新城市廣場新開咗間關西過江龍天婦羅專門店😋日日都大排長龍，搞到我哋好好奇究竟係咪真係咁好食！結果打風嗰日就走咗去食🤣所以都唔使點排就食到🥳我哋四個人食，幾乎成個lunch menu比我哋食晒🤡不過之後我哋先發現原來dinner menu係多咗啲小食/單點，後面啲定食價錢同款式都係一樣的！所以決定咗要二訪返嚟再食埋啲小食同埋甜品😂（請期待下集🫶🏻）*當日冇晒鰻魚同埋魷魚，分別轉咗做軟殼蟹（半隻）同埋帆立貝（兩樣都正合我哋胃口😂反而係upgrade😂）🐰 特選天丼 $178 +$48 烏冬（凍）經過🐰頭腦嘅精密計算😎特選天丼算係食到晒所有天婦羅嘅定食！（所以係最貴嗰個）不過佢有樣嘢唔好就係冇得個飯轉烏冬🥹由於我真係好想試吓佢呢度啲烏冬所以最後決定加$48單叫一個烏冬🤣係

終於等到呢間過江龍開幕啦滿心期待咁樣入去不過我星期三2:17去到攞飛都差唔多成3:30先有得食不過又真係抵佢咁多人排隊㗎喎價錢唔貴食物好味又新鮮仲係用好靚嘅油炸但係出嚟又唔油膩我叫咗一個有蕎麥麵跟嘅餐基本上入邊有晒我想食嘅嘢都係百幾蚊🥰真係好開心又有飯食又有蕎麥麵食❤️因為食完炸再食埋個蕎麥麵真係好舒服😌我相信以後會排隊排得更加犀利🤣希望keep住質素啦不過認真樓面安排好混亂本身我個餐都唔係跟呢個飯應該係有軟殼蟹（因為話冇鰻魚所以轉咗 ）但係又調亂咗俾我個朋友另外我都聽到人哋嗌鰻魚丼飯係有嘅🤔不過新張營業好亂我覺得有得食都算係咁啦同埋都幾好食

開左新餐廳，當然要湊熱鬧試下。點了兩個午餐set,可惜鰻魚不夠貨要轉軟殼蟹，無緣試它的鰻魚呢！天婦羅很不錯，特別是魚，魷魚和蛋，沒想過仍那麼嫩滑，舞菇好香，Soba也不錯。最後還有小禮物收呢。

🎉1st store in HK from Kansai!Tempura Makino HKShatin New Town Plaza留意到餐廳前日正式開張，無得book位，只可排隊，大約12:30pm到達53號籌，等了1小時便到我們吃，我們要求坐吧枱，可以看到師傅製作天婦羅🍤，還是從前在日本光顧的同類餐廳氣氛比較濃厚，很懷念呵😋我們點了兩客定食：🔸天丼定食- 虎蝦 🍤（2隻）、雞胸、北海道舞茸菇🍄、南瓜🎃、法國邊豆、日本雞蛋🥚，前菜及湯🔸天丼蕎麥麵定食 - 虎蝦、魷魚、北海道舞茸菇🍄、南瓜🎃、法國邊豆、日本雞蛋🥚，前菜及湯，由於冇蕎麥麵，餐廳轉為烏冬虎蝦大大隻，咬落啲肉都幾實幾新鮮，其他蔬菜也新鮮，炸漿比較薄，但略嫌唔夠乾身，服務同環境都非常好👍🏻，開張期間仲有天婦羅炸蝦造型毛巾送添🍤🍤🍤

日本菜一向係亞仔嘅至愛，呢間天婦羅專門店佢已經留意咗好耐，終於係上個星期開舖喇，咁就梗係第一時間就去捧場啦！是日係星期日，已經預咗會有好多人去試新餐廳，我哋已經特登揀午飯後時間至到，誰不知條龍仲係非常之長，我哋足足等咗一個半鐘先至入到座。等位嘅時間已經睇好咗餐牌，因為係特登嚟食天婦羅的，所以就專注睇佢嘅天婦羅定食。亞仔嗌嘅係特選天丼定食，一次過食晒所有嘅天婦羅。定食有碟細漬菜，麵豉湯，天婦羅有虎蝦，鰻魚，菇，魷魚，南瓜等，仲有一個流心鷄蛋。不愧係過江龍天婦羅專門店，新鮮的食材沾上超薄嘅粉漿食落脆卜卜，一啲都唔油膩，反而食到食物的鮮味，尤其是係個魷魚，炸得好又非常之爽口。仲有就係個份量非常之足夠，整個丼飯嘅擺設非常之吸引，令人睇到就食指大開。我就嗌咗個天丼蕎麥麵定食。坦白講我個人就唔係十分之鍾意食天婦羅，今日純粹係為咗陪個仔嚟試食新嘢。雖然如此，但係呢個天婦羅的而且確俾咗我驚喜，因為實在係炸得好脆口。蕎麥麵就中規中矩，反而係個漬物又真係幾好食，個麵豉湯亦都好鮮甜。唔記得講個蛋，冇諗到個丼飯里面有個流心蛋，抵讚！埋單連加一盛惠$370，所以唔係平。新張期間，每個人客都送咗件炸蝦天婦羅造型毛

一開始留意這家新店是因為被她的明太子天婦羅所吸引，原本2月已聽聞Tempura Makino會在香港開海外店，一直只聞樓梯響，直至幾日前開始在社交平台上看到介紹，便立即來朝聖一下！明太子天婦羅 $58⭐️⭐️⭐️⭐️外層包住紫菜的明太子相當飽滿，加上薄薄的粉漿輕輕炸過，明太子的鹹鮮和微辣伴酒確實是一流！天婦羅定食 $158⭐️⭐️⭐️⭐️本以為定食只配蕎麥麵，怎料一來到發現天婦羅下面亦配有白飯。定食中的天婦羅分別樣天婦羅蝦、天婦羅流心蛋、天婦羅魷魚、天婦羅鰻魚、天婦羅魚、以及幾款天婦羅蔬菜，調味上只用上少量的鹽，為的是突出食材的新鮮。要數最有驚喜的應該是流心蛋和大蝦，大蝦肉質鮮甜，流心蛋蛋黃伴著白飯吃亦非常開胃。以性價比來說，Tempura Makino確實相當不錯，若天婦羅粉漿能夠再炸得鬆脆一點，便近乎完美。

平日中午大約1點黎到，都要等30幾張飛😂不過好彩好多人拎咗飛就走咗，一路跳飛，好快就到我張飛喇～前後應該只係等咗15分鐘一打開menu就想搵下海苔明太子天婦羅，因為最想試呢樣。點知侍應話lunch hour只得lunch menu, 而lunch menu係冇海苔明太子天婦羅、蕃薯天婦羅配雪糕、水雲醋、沖繩苦瓜、牛肉天婦羅等等嘅食物😓而呢啲食物正正就係最近大部分網媒介紹呢間餐廳時必推嘅餐點😅😅（睇網媒介紹，lunch hour都幾長，由12:00去到17:00）不過唔緊要，佢仲有好多天婦羅定食，全部大大份，食到勁飽架今次冇影低menu，所以唔記得order咗嘅定食叫咩名我叫咗個定食，大約$148左右，包埋湯同小菜，個餐有天婦羅虎蝦、海鰻、竹筴魚(?)、法國長邊豆、舞茸、南瓜、茄子，另外我再加$18要隻炸日本蛋～虎蝦同海鰻都啖啖肉，口感豐富，但海鰻就冇乜味竹筴魚好滑，淡淡魚香味長邊豆食落有草青味…舞茸好食，一大簇咁炸，口感好有層次南瓜正常發揮，茄子好大塊又好嫩天婦羅丼飯本身冇調味嘅，所以定食餐盤入面會跟一碗天婦羅汁另外男友叫咗另一款定食，佢有嘅天婦羅同我大致一樣，不過佢個定食係有飯又有蕎