每年都带狗狗嚟2、3次，但会避开炎夏，试过夏天嚟，室外座位又热又多蚊，搞唔掂。酷热天气警告下，同狗狗爸爸、狗狗到天空之城，惊见大饭糖开辟一个宠物友善用餐区，被胶帘围封的一处餐厅外围装咗冷气同风扇，马上连餐牌都唔望就推住宠物车冲入去~呢个用餐区地方浅窄，摆咗2张2人台同1张3-4人台，有2部冷气同几部风扇同时开动，足够降温；墙上装咗挂钩固定狗带，狗狗喺自己身边活动，方便照顾...呢啲都系细心位。其他免费的宠物友善设施就冇喇，但自费的有宠物餐：鸡肉(细)$25、(大)$35。All day 英式石斑鱼薯条：套餐除主菜外，包自选前菜、配菜同甜品各1份，亦可补差价点饮品1杯(平日有2款免费饮品 - 冰茶，假日暂停供应）。预设的前菜、配菜、甜品唔使加钱，但要转其他指定选目就要加钱，所以，原本$138的套餐，呢度加啲，果度加啲，埋单变咗$179，以呢个级数的餐厅嚟讲，价钱偏贵。芒果金柚有机沙律：前菜，唔使加钱，份量细，2啖左右；食唔出沙律菜系咪有机，芒果、金柚好少；食材唔多但沙律酱汁多而咸；唔好抱太大期望IMG:2]英式石斑鱼薯条：狗狗爸爸的主菜；鱼块炸得几脆，狗狗爸爸话食到鱼味；鱼同薯条份量唔算多，但配咗一大碟沙律酱烟肉流心蛋芝士飞碟：预设配菜系薯饼，改呢款飞碟+$6，值得，因为佢食材多啲、工序多啲同冇咁热气(主菜已经跟炸薯条)；飞碟放耐咗，面包变得冇咁脆，流心蛋、半融芝士，都几好食；烟肉望落似火腿法式焦糖炖蛋：+$10；呢度所有要加钱的项目水准8唔错；甜品用Paul Lafayette同款的浅砵，份量同外面食到的差唔多；味道唔错，由于套餐以定食形式上菜，哪怕焦糖系即时烧(唔确定)，食的时候已变咗液态焦糖，但佢都好食既；甜度颇高，冇Paul Lafayette的云呢拿籽，但都有云呢拿味，炖蛋亦滑西瓜沙冰：+$25；零摆盘，都大杯，算系真材实料，沙冰够冰凉，可解暑；估计有加糖水，但西瓜味足整体嚟讲，原本餐厅的性价比唔高(可取：毋须加一，食物以定食形式提供，款式较多)，餐厅的舒适度同服务普通，食物味道可以但冇乜惊喜，定价过高。不过，带住狗狗的话，评价提升好多，因为喺香港实在太难揾到餐厅容让狗狗凉冷气，单系呢点都值得由ok跳至好评~狗狗食评🐕📝：食物🍽️：我食到爸爸、妈妈个餐入面的沙律(走酱)同少少面包，另外，我都饮咗少少冻冰冰的西瓜沙冰，个餐唔大份，我只系分到少少，好在爸爸、妈妈都带定少少零食俾我；佢地话虽然有宠物餐，但屋企成日整鸡肉俾我食，唔好嘥钱~环境🌳🪑：迫迫地，我哋一家三口霸咗张大台，呢个位大啲，勉强放得落我部的战车；餐厅有冷气帮我降温宠物友善度💖：对我嚟讲，有得同爸爸、妈妈一齐食嘢已经好满足，美中不足系店员冇主动俾水我哋，我哋呢啲小动物天时暑热过到嚟都好口渴架嘛…查看更多
叫左杏仁茶炖蛋白，都唔错，叫左个小食川辣单骨鸡翼，好惹味，仲有花胶碗仔翅，唔会好稀，几足料
加钱配了鲜奶咖啡，随啡送上了雪糕。整个午餐十分出色。甜品menu选择十分多，下次会主要食甜品😌
