大雞大超級雞排 (已結業)

每次去食大雞大，都會買BB雞，啲炸粉唔會好厚，加埋大雞大特有嘅味精粉，成個炸雞就好好食，令人食完一舊又一舊。$30內有大份嘅炸雞都幾抵食。有時仲會加多杯珍珠奶茶，但味道就一般。…查看更多

我食咗大雞大好多年，以前食過佢嘅雞扒同薯條，不過食咗咁耐，最中意都係食大雞大嘅BB雞🐔😍😍由以前嘅23蚊食到依家嘅29蚊，雖然價錢貴咗，但係我依然覺得值得去食😋BB雞有分大細，大嘅比細嘅多2嚿☺️亦有分BB辣、小辣、中辣同大辣🌶食唔到太辣嘅我多數揀BB辣😜每次食BB雞都一定要慢慢食，因為拎上手係熱辣辣🔥而我中意咬咗塊雞皮先再食肉，一咬塊雞皮脆卜卜，好惹味😍雞肉少少偏油，但保持嫩滑嘅口感，唔會太乾😆同埋食完一袋BB雞會好飽😝唯一美中不足嘅係食完會口渴，一定要買嘢飲🥤☺️…查看更多

大雞大食過很多次，但都是以前Taste及友愛的分店，今天突然想食便第一次到這間試下。貪吃買了兩份雞腿排共$52,辣及不辣各一份，怕熱氣要求不要番炸及叫比多些味粉，個人很喜歡那些味粉，與炸雞很夾。大雞大開業近10年，佢宣傳是台式炸雞排，當初被其趣怪名字吸引幫襯，我無食過台灣炸雞排或豪大大等其他炸雞店，故無從比較，但如比較KFC或麥記炸雞，覺得大雞大好食很多，因前者只外皮有味，雞肉卻甚淡口甚至有雪味，大雞大不單肉有味，而且配好夾味粉，似鹽酥雞外脆內軟咸香美味…查看更多

剛剛落機回到香港，有點想念香港特色的手調飲料。剛巧下車的位置有這間大雞大， 看到餐牌，除了有雞外，還有很多種飲料的選擇。而優惠亦有好多，學生的話更是十分便宜。最後我選擇了洛神花茶。飲料很快便沖好，基本上沒有特別的配料，主要應該是濃縮醬汁和水，而水的份量佔較多。飲料的顏色較淡，相比起真正洛神花的色水淺得多。喝上去，就像喝水一樣十分健康！ 基本上，個人認為，與喝水差不多，就只是多了淡淡的洛神花色水。 可能一分錢一分貨吧，下次還是選擇一些連鎖手調飲料店較好。…查看更多

晚上十點多收工未食晚餐，大部分的食店都收得八八九九了。路過見到呢間大雞大，求其買野醫肚。點左一個BB雞(外脆內軟)<--佢寫！點知黑過印度阿差！唔知係咪因爲收工D油係水尾關係，一陣油溢味又乾又硬呀！飲料方面更勝一層樓，點左杯巨峰提子多多。淡而無味清腸胃，見佢係水龍頭度開水沖既，唔知D水係咪即開飲用水.....試飲左一口馬上棄掉！大拿拿兩樣野加埋都成為43蚊，一次便足夠！各位真係要小心中伏阿！…查看更多

以前元朗西鐵站地下有一間，日日放學都去食，辣得好過癮，今次特登走黎試新店，買咗個bb雞，已經唔係以前既味道，店員仲好似唔記得落辣比我，唔好食，唔夠味，得個咸字。總括而言都頗為失望，而且冇咗薯條，應該不會再幫襯…查看更多

開左咁耐，經過左好幾次，終於試下啦，叫左份第一點既大雞大雞腿，熱辣辣。第一口粉雖然有點厚，不過幾脆，雞腿都幾滑，叫左小辣，都幾辣下，所以唔想食辣，又想有少少香口，叫少少少辣就好了 份量不是太多，肉汁都不是太多，不過還可以試下的，香味係吸引到人既…查看更多

早幾日諗住走既時候，落大雨，就避下雨。知道有間大雞大好耐，但一直無試過。避雨無野做就買黎試下。大雞大皇者雞腿扒：$25朋友叫了少辣，但我食落就覺得蠻辣。皮炸得脆，但有d炸到有點硬。雞肉算嫩，仲有雞汁保留到。但不過炸漿太多。佢會幫你剪埋，但如果可以再剪細舊點會易入口d。…查看更多

唔係即炸,幾失望都係炸定先佢推介我食炸雞腿扒但一般好粉,感覺似食炸粉咁調味無問題,但我叫了辣,但食唔到有辣味?主要係件炸雞好粉,搞到件炸雞扒好一般炸雞味道係咸的,咸度都算適中太厚粉係問題所在,其實厚粉都唔太大問題問題係佢果種厚粉根本唔好食似食團炸粉多過食雞扒另外間野有帶手套,但又用手套收錢,然後入雞根本完全無衛生可言,隻手套完全係可有可無份量都算多,得份量和調味係我滿意雞扒本身我完全唔滿意…查看更多