大茶飯 (將軍澳中心)

营业中

休息中

晚餐食沙茶牛肉火鍋，和新竹炒米粉，味道唔錯，牛肉雖然只得4片，不過唔係薄切，職員工作態度敏捷，店舖整齊清潔，OpenRice訂座主餐牌有有九折，一個唔錯嘅選擇。😋

食物差侍應態度差賣相差6:15pm入到去食飯餐廳坐咗3枱客但間餐廳自行冧檔Order完等咗20分鐘叫個侍應跟跟個餐佢想答我個廚師突然肚痛冇人煮到嘢，所以要等耐啲但明明一直都有外賣出加埋其實我就係睇到疑似我個餐係出餐位先叫佢跟下佢望都未望就覆我未有最後個餐跟一個燒仙草芋圓碗嘢嚟到真心嚇一嚇賣相奇差加埋個份量真係少得可憐總之就中大伏

午餐時間去食，唔使等位。入到裡面環境都幾好，職員態度都好好，十分友善。叫左個雞排肉燥飯，落單之後五分鐘內已經到左，效率超快！啱曬啲午餐時間好短嘅人。個飯比我預期中好食，雞排好好食，嗰飯就正常味道，都不錯，性價比都幾高，下次會再幫襯。

之前試過晚餐，份量太味道好，今次是下午茶，份量亦都大，最估唔到係蝦卷蛋餅好大好多餡，非常美味，職員工作態度好，速度敏捷，餐廳亦好乾淨現代化，以後會繼續經常來食飯！

星期日下午茶時段黎試下，點知超伏！！先講食物啦，嗌左一個牛肉酸菜米線，蝦子醬炒刀削麵，芝士蘑菇雞翼同蒜泥白肉，飲薏米水同凍豆漿先講牛肉酸菜米線，唔酸唔辣得個麻字，牛肉係譚仔牛肉個種，有啲米線仲會痴成一舊冇煮散到蝦子醬炒刀削麵，啲麵根本就係老媽拌麵個麵餅撈蝦子醬，冇鍋氣又唔係真刀削麵芝士蘑菇雞翼，正路，但似急凍預製食物，但至少唔難食，亦都係我地唯一食曬嘅食物。蒜泥白肉，好明顯啲豬肉烚個陣冇點落到蔥姜酒去腥，蒜泥都掩蓋唔到陣豬腥味。原本以為嘢飲點都好啲，點知薏米水都出事啊啊啊啊啊啊，飲落有陣「噏」味，唔知佢地係點樣處理啲薏米。態度簡直係災難，全程唔講野，送餐個陣見檯面冇位就完全唔出聲，攞住兩杯野飲係側邊呆企。 講真茶餐廳都好過呢個服務態度

路過看餐廳名稱以為是港式茶餐廳，看門口餐牌才知是台式餐廳，位置在商場內，但坐位分佈也有廳內外的分區。***下午茶*** 餐飲可選薏米水/冬瓜茶/汽水/荳䊢加$1/升级以半價可轉指定飲品。--台式招牌葱油雞脾飯--$45--優惠: *半價*飲台式波霸奶茶-- 加$13-- 波霸奶茶 -- (凍)茶濃，奶滑，珍珠份量小，整體略甜，若比多小小冰粒碎，就更完美。-- 葱油雞脾飯 --整隻大雞脾巳比滷水汁醃製到非常入味，肉皮連骨的色澤巳變成深啡色，因此肉質口感比較乾粗，飯粒亦略粗乾，大大粒珍珠米，但配以油滑的滷肉飯醬汁又變得恰到好處。細心位是奉上粉紅碗放食剩的雞骨,乾淨又衛生

今晚約左個朋友去將軍澳中心大茶飯食飯，叫左個晚市二人餐，個前菜口水雞好辣，但都可以的，而個主菜唐醋骨冇乜肉，一般般；至於餐飲較少款式揀，我叫左個柚桔飲 (純個人意見，哈………………………………………………………………………………..)

炸雞髀，炸到骨頭都是黑色的，d 雞肉柴過柴灣。椒鹽豆腐，炸完依然是白色的，完全沒有椒鹽味道。等一個小食要25分鐘。對每個客人，大大聲的話餐廳廚房唔夠人，叫人等吓啦。真的，態度和食物質素嚇死人。不要在此浪費青春。

午市叫左個餐，餐飲揀左豆漿，一飲落口係非常奇怪嘅味道，有浸油壓味又無豆漿味，唔似變壞左，但飲落真係好反胃🥲於是叫佢換過杯凍檸茶俾我，職員收走又唔奇怪咁，可能我唔係第一個提出豆漿奇怪嘅客人。正餐黎到又覺得唔啱，落單時餐牌寫住“台式蔥油(雞扒/豬扒)乾拌刀削麵”我以為自己叫緊蔥油醬雞扒另加拌麵，點知黎到既係葱油拌麵加炸雞扒，以為上錯咗，於是問職員confirm, 職員有啲唔耐煩大大聲話係無錯的。其實我就係唔想食炸野先叫呢個，覺得餐牌咁樣寫有啲誤導。當然我自己亦都有理解錯，咁叫左就照食啦唔緊要。點知個刀削麵真係好難食。。。非常非常霖同埋薄片，痴住一舊舊 一夾起就斷咁，葱油亦都冇乜味，都係有一開始豆漿入邊嗰浸怪油味。唔想浪費食物，食左一半放棄了🥲炸雞扒好乾唔好食。進食中途聽到隔籬枱客人都話啲面好霖，另一枱客人又係問緊職員話食物黎到同餐牌d內容唔一致。幾個職員一齊答客人話佢哋喺台式餐廳係客人理解錯，佢地態度都唔係幾好，見到OpenRice d comment 原來長期都係咁既態度同難食，反正無下次🙁

一入到去又熱又焗 明明咁多空位想揀個靚位個白頭佬又阿吱阿咗坐低嗌咗1.雞扒肉燥飯2.魚香茄子煲+白飯3.新竹炒米粉4.3杯凍飲凍飲可入口 就算1.雞扒肉燥飯雞扒又咸又鞋 垃圾肉燥好油好咸 垃圾白飯 大半都係生 未煮熟 垃圾2.魚香茄子煲都係又咸又油 垃圾3.新竹炒米粉又濕又咸 垃圾成碟豉油攞米粉咁 勁垃圾埋單$329 收咁既價錢比d咁既質素人 唔怪得間鋪 食飯時間都無乜人垃圾到不得了直情覺得同侍應反映都無用快d執笠仲好過係度獻世賣垃圾啦

一陣唔似台灣嘢嘅台灣嘢…..個車仔麵牛肉湯底好咸..個咸係後勁咁咸 啲餸又唔好食……..鹽酥雞又唔係特別吸引……七點幾食完.. 夜晚十二點仲口乾緊 又冇牛味 唔知點解叫牛肉湯底…唔知係有蕃茄定辣油咁嘅嘢 少辣大咸..相都唔想影 冇下次啦.. 點個酸菜魚又等好耐 等咗25分鐘唔知道點解要一路滾住..因為好快痴底.. 啲湯又唔係好多呢個味道唔係好差 不過都唔會再想食啦..可能佢都其他嘢好 不過就冇信心 希望佢會改善唔好咁咸啦

突然間好想食仙草，碌下外賣app就決定叫呢間，因為有熱食又有甜品，最後叫咗一碗牛肉麵同埋一碗仙草凍。牛肉麵味道都正正常常，牛肉份量都ok，肉就偏乾但可以接受，不過個麵餅完全痴埋一舊，放入湯都好難浸得開，非常之難進食😅至於個仙草凍就真係貨不對辨，一食落口好大陣甘味，口感偏爽唔滑，原來係用罐頭涼粉，呢個價錢俾碗涼粉我真係接受唔到😂 總括而言，食物質素中下，唔會再幫襯，未食過嘅都唔好浪費錢，反正將軍澳仲有咁多選擇。

禮拜六同老公係屋企附近食lunch,諗住普通食個飯醫肚就可以，黎到間台式餐廳，之前未試過，本人叫咗個車仔面，諗住正正常常好難中伏，點知…個汁出嚟係苦嘅…唔知係咪魚湯+咖喱汁嘅問題？我老公個飯就正正常常

點了碗車仔麵， 三餸豬腸， 豬皮， 菜心， 豬腸是碎濕濕肥膏一舊舊在麵上， 味道真是不能入口，有陣臭味， 豬皮從來都無脫過毛， 全部都是黑毛， 我都不敢食， 跟員工說他話供應商來貨不好， 他都肯跟換配餸， 換了蟹柳後， 全是冰冰的， 我以後都不敢恭維這間店

今日午餐同另一半唔知食咩好，見到大茶飯係食台灣野，所以就入去試下我哋叫咗2個set,一個係香酥雞排肉燥飯＋熱檸水（$66）,一個係蝦卷拼鹵水雞翼肉燥飯＋凍豆漿（$66）,價錢不算貴，而且上菜時，賣相也不錯。我哋試完後，味道也十分好。整體感覺都不差，是值得大家一試👍👍有一點感覺不太好的就是我才剛剛食完，侍應就馬上收走個盤，也沒問是否還要。這點需要改善，其他都唔差。需要注意嘅係：最後埋單要加1，希望呢個加1係服務上有所改善啦。