放工去黄大仙揾朋友，朋友带我去现崇山一间新开嘅居酒屋🏮坐得舒服阔落，室外都好大好多枱，嚟Chill吓饮杯嘢都好适合。宵夜时段串烧$10起，价格好亲民抵食！牛肉寿喜烧(A4和牛牛小排) $138————————————牛小排肉质软腍，油脂丰富，吸收晒寿喜烧汤汁嘅牛小排再捞埋顺滑嘅蛋浆真系好正呀！蔬菜🥬豆腐、菇🍄🟫同样吸收晒寿喜烧汤汁，非常入味。鹿儿岛A4和牛海胆卷 $138————————————A4和牛油脂都十分丰富，配上新鲜橙黄色嘅海胆，入口软滑即溶，淡淡海水鲜味，加上粒粒黑鱼籽，仲有高级感满满嘅金箔，令依道菜更精致。关西风煎脆皮饺子 $68————————————蛋黄酱加木鱼呈现出关西风味，煎饺子热辣辣，非常香口🥟烧牛脷芯 $48————————————系厚切牛脷芯，面层洒上调味，非常入味，口感脆弹、有嚼劲，唔会过韧，韧度刚刚好。烧鸡皮 $18————————————又脆又香口嘅鸡皮，鸡皮油脂出名劲，点咗一串，少食多滋味😆秋葵豚肉卷 $20————————————薄薄一层豚肉烧得非常香口，包住切咗头尾嘅秋葵，秋葵外皮冇硬硬嘅根，烧过后更惹味。烧阿波尾鸡翼 $28/只————————————外皮烧得香脆，鸡翼嘅肉保持到嫩滑多汁，加上柠檬汁，中和入口嘅咸度。烧鸡翼，我钟意食！焦糖烧菠萝 $32————————————每一粒都烤上焦糖面，咬落去爆汁劲juicy又甜，解腻一流🍍冲绳生啤 $88/杯————————————喺餐厅饮draft嘅Orion别有一番风味，好够汽，入口好爽🍺晚上六点至凌晨一点凡惠顾Orion生啤一杯，送自选小食一款，我就拣咗佐酒一流嘅鳕鱼干，超级香脆，配上沙律酱真系不得了！…查看更多
