大班樓

呢间一位难求既预约困难店，终于俾我Book到可以带屋企人黎食啦！环境高雅到爆，中式古典风同柔和灯光好有气派，食物精致又好味服务一流，职员细心有礼🍽️冻卤水花椒小吊桶酸士鱿呢道菜清新开胃，士鱿滑溜鲜甜，花椒同卤水嘅麻香混埋一齐，配少少醋提味，入口即化，超正！🍽️荔甫鸭盒鸭件皮脆肉嫩，鸭肉juicy又入味，包住靓菜同栗子，食落暖笠笠又有层次，份量啱啱好，精致到不得了！🍽️炭火厚切叉烧叉烧烤得香浓入味，皮脆肉嫩，肥瘦比例啱啱好，配少少甜酱，厚切口感满满，食落满足到爆，超吸引！🍽️鸡油花雕蒸花蟹配陈村粉最期待就系呢道菜啦！花蟹蒸得入味，花雕酒香同鸡油混埋一齐，陈村粉吸满汤汁，果鱼名不虚传！🍽️话梅老姜陈醋排骨陈醋排骨酸甜开胃，排骨炆得软腍，话梅同老姜嘅味道层次丰富，食落清新又下饭，超正！🍽️南乳面酱炸子鸡炸子鸡外脆内嫩，南乳香浓又唔油腻，鸡肉juicy，配少少酱汁，食落暖胃又有家常味，份量足到！🍽️鱼汤白木耳浸瓜丝呢道菜清甜暖胃，鱼汤鲜美不腥，白木耳同瓜丝滑溜，食落清新又养生，份量啱啱好！🍽️蟹肉鲜虾虾干虾酱炒饭炒饭粒粒分明，蟹肉同虾肉鲜甜，虾酱同虾干加咗浓郁香气，食落开胃又下饭，超满足！🍽️甜品三味甜品三味有芒果布甸、红豆沙同芝麻糊，小份但精致，甜度啱啱好，食完有种温暖嘅满足感，完美收尾！…查看更多

大班楼 @thechairmanrestauranthk 📍：香港中环威灵顿街198号The Wellington3楼🚗：上环地铁A2出口 步行3分钟📞：+852 2555-2202💲：~HKD1200/head for lunchFood quality✔️：炭火厚切叉烧、鸡油花雕蒸花蟹陈村粉、话梅老姜陈醋排骨、冻卥水花椒小吊桶酿土鱿👌🏼：白灼时蔬、烟熏马友银鱼窝饭、甜品三味、南乳面酱炸子鸡、龙井菊花烟乳鸽总结：😋全港最一位难求嘅中菜厅 午餐划一$1080/位 非常难预约 世界50最佳餐厅排名第26 亚洲50最佳排名第2 食完确实名副其实 平稳偶有佳作 绝对值得一试👍🏼😋最惊喜系话梅老姜陈醋排骨 我非常喜欢食话梅 话梅味同陈醋味相得益彰 食落口仲有阵阵老姜🫚余韵 排骨外层好脆 非常好食😋第二个必试系佢哋嘅招牌鸡油花雕蒸花蟹陈村粉 其实食海鲜够新鲜就唔会死 花蟹高质 花雕酒同鸡油显得其鲜美无比 只蟹死得值得😀唯一系陈村粉唔太夹😋大班楼另一招牌炭火厚切叉烧 炭火香都够柱候酱阵味都出 肥瘦相间 唯一系食得出少少猪苦味扣咗少少分🙊😋花椒小吊桶酿土鱿就有啲韧难咬开 但创新嘅一道菜 花椒味好香😋服务几好 不卑不亢 重点本身预约咗4位有个朋友放飞机(神奇嘅人)餐厅超好人咁竟然冇没收订金 要多谢佢😣🤔其他菜式就比较中规中矩 唔错几好食嘅 只以呢个级数去计比较平庸🥲🤔正厅装修有种草木系书卷感 偏厅就普通啲😨非常难预约 普通人要喺前三个月嘅1号准时9点抢闸 十分难抢 但抢到确实系人中之龙🫡…查看更多

已连续几年荣获米芝连一星兼被选中为亚洲50 家最佳餐厅之一嘅「大班楼」个朵咁响梗系好多人想试啦，XO仔试过几季网上订座都未有一次成功，讲真都有啲气馁。最近五月二号由朝早九点开始排，睇住佢话轮到自己起码成半个钟，点知十点左右就话爆哂，坚冇瘾！机缘巧恰下，肥肥家族竟然翌日有枱去试㖞，薯爷一听到仲立即取消原有嘅约会，几大都要跟埋去试，「大班楼」真系够面子！位于中环The Wellington三楼嘅名店唔难揾。步出䢂门，有少少迷信嘅小肥真系俾右手边幅艺术画品吓亲，只可以讲句庆幸唔系七月啰！店子占用面积全层，室内布置就好似一个客厅同书房咁，柔和嘅光线有种无形嘅温暖亲切感。用餐大堂一眼睇哂，中间部份主要系二至多人合拼式散座，拍墙一边有张长长嘅红梳化。左右末端则为可容纳多人嘅圆枱，私人空间都好足，唯独厚垫椅櫈冇手柄就唔系咁稳阵。每位席上都摆有齐备嘅自用餐具及公筷。开瓶费为合埋嘅$250/樽，所以好多客人都会自备佳酿。为保证食物嘅质量，菜单必先预先定好，成功订座后会由专人跟进，最低消费为$1,380/位（另收加一服务费）；写𩠌时要谨记一点，如果用餐当日先发觉唔够饱，系冇得即场加野食嘅。贵客可从一系列嘅头盘、主菜、蔬菜及饭面中选出菜式，预设餐单格式包括自选三款头盘（如果想加头盘的话，可另加$120/位拣多一款）、自选三款主菜（$1,380/位包一款海鲜及两款肉类；$1,530/位包两款海鲜及一款肉类；$1,680/位包三款海鲜；另额外加海鲜的话，每款$300/位；另额外加肉类的话，每款$150/位）、自选一款蔬菜、自选一款饭面、全场指定嘅汤汤及甜品。鱿鱼凉面百合配松子冻汤：晚餐迅即由奶白色嘅冻汤揭开序幕。清凉嘅松子汤底带点苦涩，搓成长条形面条般嘅鱿鱼凉面完全冇鱿鱼味之余，亦冇鱿鱼嘅胶质爽弹感；请恕细佬直言，分子作品最好食系清脆嘅百合。串烧羊腩鲍鱼卷：第二道串烧羊腩鲍鱼卷质感好够松润，不过唔讲真系冇人食得出个卷入面有鲍鱼，因为当中可以话系零鲍鱼味兼零烟韧，食落只觉浓浓嘅羊味及辣劲，感受唔到组合有任何火花。龙井菊花烟乳鸽：乳鸽每人半只，有齐脾同翼。脂肪不多嘅乳鸽皮层香脆巧薄，鸽肉软润，肉汁丰沛，而且烟熏味唔会过份浓烈，系三款头盘中最好食嘅一味！食后最令靓靓妈咪感动嘅就系服务生已预先帮客人撕开咗张湿纸巾，体贴得很。一口汤（不用选）：汤汤讲明冇得拣，当晚系花生木瓜鸡脚汤，小肥因敏感问题唔饮得，幸好长辈们个个都大赞汤品好似咖啡咁浓缩，而且好够火候热力。表妹嘅思维认真有逻辑，提到厨房其实预早知道席上有人对花生敏感，但竟然会继续选此花生汤作例汤，相信此汤应该煲咗好几日啰！唔知如果遇上有敏感嘅系匿名米芝莲评审的话，仲会唔会攞到𠮶一星呢？！鱼米粥虾籽象拔蚌：量足又大片嘅象拔蚌爽就够爽脆，可惜有啲腥，估计系因为个鱼米粥底只属和暖有关，唔够热乃海鲜大忌也！小弟愚见，师傅其实可以考虑将鱼米粥同象拔蚌分开上，如果唔想张枱唔够位的话，亦可以喺餐桌上先斟入滚粥。鸡油花雕蒸花蟹配陈村粉：七人份量共有两只花蟹，份量系足，不过席上嘅蟹王蟹后微微失望在星级中菜厅冇俾只重磅啲嘅大花蟹。影完大特写后，拆蟹任务就由服务生一手包办。离远已经闻到花雕味好香浓，入口更觉蟹肉鲜甜幼嫩，配角陈村粉亦白滑非常，唔够汁仲可以自己加。樟木烟熏黑脚鹅 ( 不适合三人或以下选择）：同花蟹一样，黑脚鹅先原只上枱俾大家影个够，之后再由专人斩件。鹅鹅嘅烟熏味好劲，意外地鹅皮比之前头盘个乳鸽皮脆巧，鹅肉仲好松，不经不觉仲清埋碟。正当大家惊讶著竟然成只鹅都食得哂咁劲时，服务生方才告知佢于拆鹅时将原只鹅胸打包咗入盒，一刀都未切过嘅，全场梗系O哂咀啦，莫非餐厅预咗冇人食鹅胸？！其实就算客人要打包，系咪应该俾个选择权人地先享用过最新鲜热辣嘅版本呢？！鱼汤白木耳浸瓜丝：造到好似一碗羮咁嘅鱼汤浸瓜丝极易入口，嘻嘻，最啱唔系咁钟意食菜嘅小肥！鱼汤底清甜尤甚，简单捞入爽脆嘅白木耳及软腍滑溜嘅瓜丝足以添上口感，唯一菜王薯爷话唔似食过菜咁。蟹肉鲜虾虾干虾酱炒饭：金黄夺目嘅炒饭炒得好够镬气同干身，虾酱味恰到好处，虾虾蟹肉都好足料。甜品三味（不用选）：三款甜品一次过以拼盘呈上，讲真有啲普通。左起嘅桂花杞子雪糕芳香不溜滞；中间件红枣糕烟韧Q弹；微甜嘅杏仁茶就唔系几够热。一位难求嘅一星名店「大班楼」环境优雅，年长嘅服务生明显有自己嘅做事原则及方式。厨房出品甚为参差，讲唔出特色何在之外，诚意亦略为欠奉（有客人对花生敏感，但全场饮花生鸡脚汤），虽然餐饭唔可以话难食，但实难以匹配高级嘅价钱，讲到咁猛原来冇乜料到，完全唔值得咁辛苦去订位啰，真心想问吓米芝莲评审系点俾𠮶粒星星！…查看更多

大班楼作为香港中环著名的中菜馆，一直以创新和坚持食材质素闻名。这次到访，体验他们的经典菜式，无论卖相或味道都令人惊艳。首先推介必食的蟹肉花胶煲仔饭，饭面铺满金黄色的炸干葱和葱花，蟹肉鲜甜，花胶丰腴，饭粒吸收了海鲜的精华，入口粒粒分明却又带有丰富的油香和海味，每一口都令人回味无穷。另一道菜是花胶浸菜心，汤底奶白细腻，味道清甜，菜心爽脆，花胶口感互补，健康又滋味。大班楼的招牌酱鸭也是必试，鸭肉烟熏味浓，皮脆肉嫩，配上特制酱汁和软滑包皮，层次丰富。另一道清蒸大鱼，鱼肉新鲜，火候刚好，酱油和葱丝提升鲜味，完全展现出对食材的尊重。最后不得不提香烧乳鸽，外皮金黄油亮，肉质嫩滑多汁，吃得出师傅的功力。每道菜式都用心制作，口味天然，不会过分调味，体现出大班楼以食材为本的理念。整体而言，无论是环境、服务还是食物质素，都展现米芝莲级数，值得一试再试。…查看更多

位于中环，是米芝莲一星餐厅，以创新广东菜闻名，2024年仍稳居香港高端餐饮榜首。招牌菜「樟茶鸭」是亮点，鸭肉经樟木烟熏，皮脆肉嫩，茶香浓郁，搭配酸梅酱和薄饼，口感层次丰富，每口都令人惊叹。另一必试菜是「避风塘炒蟹」，蟹肉鲜甜，蒜蓉和黑椒的香气完美融合，微辣开胃。甜品中的荔枝雪葩配桂花冻，清新解腻，完美收尾。餐厅环境典雅，木质装潢配以中式艺术品，营造低调奢华的氛围，适合商务宴请或情侣约会。服务极为细致，服务员会详细介绍菜式来源，并确保用餐节奏舒适。价格较高，人均约$600-800，需提前数周预约。整体而言，The Chairman将传统广东菜提升至艺术层次，值得一试…查看更多