呢间大王系观塘区都有左好多年，堂食比较少黎因为晏昼太难揾位，但外卖就成日叫啦。四十几蚊起真系好亲民，份量唔少味道又唔错，系唔少打工仔嘅饭堂😆是晚七点几黎到食下堂食小菜，店内虽然仲有好多枱，但卡位全部坐满，好好彩霸到最后一卡😝⭐例汤是晚例汤系合掌瓜，清清地无果精，饮返碗确实唔错。⭐叉烧烧肉双并点左份烧味叉烧并烧肉，叉烧软嫩烧肉半肥瘦，层皮仲好脆㗎，好食㖞。⭐菠萝生炒骨个汁酸酸甜甜调得啱口味，排骨香脆有口感，配料有青红椒、洋葱、菠萝等，好睇又好食😋⭐椒丝腐乳通菜炒牛肉通菜炒得翠绿爽口，腐乳汁咸香鲜味，牛肉软嫩，呢味劲好下饭。⭐椒盐豆腐鲜鱿有少少失望嘅椒盐豆腐鲜鱿，炸得㶶左少少同偏油，但个椒盐味够香口，其实味道都唔错㗎😋⭐白饭点小菜送白饭，大大碗够晒饱。⭐冻柠茶再整返杯冻柠茶解解腻啱晒👍🏻其实茶仔出餐快、份量大、味道唔差就足够，大王价钱咁亲民直头加分添啦，支持小店😊…查看更多
