大澳餅店

每次入大澳，就算排长龙都要冲去 「大澳饼店」 买沙翁！佢唔止系招牌，直头系区内传说级小食～亲眼见过有人 一打一打咁买，未试过真系唔明，食完第一啖你就明点解会上瘾！🔥 即炸沙翁 $15/个日日新鲜炸，假日更加系不停炉。拎上手仲热辣辣，外层沾满粗粒沙糖，咬落 「咔嚓」 一声脆响，入面却如云朵咁软绵！蛋香浓郁到似食紧酥化版炖蛋，空气感十足又唔油腻，「外脆内软、甜而不腻」 八个字完美总结～「简单，却令人回味无穷」——大概就系呢粒沙翁嘅魔力。如果你入大澳未食过，真系要试一次，包你成为下个买十个嘅人！…查看更多

入到大澳，一定要试下远近驰名嘅「大澳饼店」沙翁🌟名不虚传嘅沙翁第一次食沙翁，真系好惊艳！咁啱遇到沙翁啱啱出炉，啱算太多人，啱啱好可以买到。摸上手热辣辣，闻落好有蛋香味🤩 外层金黄香脆，沾满砂糖，虽然系油炸，但一啲都唔觉油腻。入面系超软熟、好有空气感嘅内馅，食落去满口都系香浓嘅蛋味，真系食完一个即刻想encore！$15一个，拳头咁大，味道又好，性价比好高。店内有糯米糍、椰丝挞呢啲传统糕饼，下次再黎大澳会试埋佢地😝…查看更多

大澳饼店既沙翁绝对系必试经典！每次入大澳，呢个店都系必食 唔止每日新鲜出炉 我食亲都见佢即炸（通想假日去）去到成日见到有啲人10个8个咁买 未食过𠮶阵觉得夸张 但试过就回唔到头啦！沙翁超新鲜 外层脆脆包裹住香甜沙糖，咬落去外脆内软，满满蛋香同空气感 入口即刻好香蛋味 入面好软滑食完一个就想再食几个，但我自己就最多两个，因为大澳太多好野食 要留肚食其他 售价$15/个另外佢有雪糕沙翁版本，但我觉得就咁食已经够 因为愈简单愈美味！…查看更多

大澳一直系小编心目中嘅香港离岛No.1，由读书到而家出嚟做嘢，每当想放松但又飞唔到嘅时候，都会谂起大澳。讲到大澳名品，新鲜热辣嘅沙翁绝对系头三。小编当日去嘅时候，刚好碰上老板娘新鲜炸起嘅沙翁。💛名品沙翁💛 HK$15 （外卖盒再加多HK$2 ）炸起嘅沙翁差唔多有一个拳头咁大。金黄色嘅外皮口感好似新鲜炸起嘅油炸鬼，入面嘅内馅柔软，但又比蛋糕多一分弹性。由于空气感恰到好处，小编食完饭后再食一个沙翁，都唔会话太饱。沙翁虽然系油炸，但绝对唔油腻。余温未能将表面嘅砂糖融化，砂糖嘅颗粒感令到整体口感更加丰富。老板娘亦有卖糯米糍，下次可以试吓。…查看更多

大澳饼店真系一间令人心头好嘅地方，每日新鲜出炉嘅沙翁，香气四溢，热辣辣嘅质感令人忍唔住想即刻试。佢哋嘅沙翁外层酥脆，咬落去即刻有香滑嘅内馅扑面而来，真系每一口都好享受。最棒嘅系，夏天嘅时候仲可以加配雪糕，令整个食评升华，甜甜醇醇嘅滋味，配上沙翁嘅热度，真系无法抵挡。大澳饼店嘅环境轻松自在，啱哂与朋友一齐嚟享受呢份美食。无论系午餐定系下午茶，呢度都系个不错选择，值得专程嚟试！下次再嚟一定要试埋佢哋其他嘅饼啊！…查看更多