大滿足火鍋冰室

听人讲荃湾有间火锅冰室好抵食～ 今日就同朋友嚟试吓！见佢好似普通冰室咁平平无奇，本来冇乜期望，估唔到食物种类同质素都有惊喜！首先已经有19款汤底任拣，惹味烤鱼、鸡煲、甚至健康养生嘅五指毛桃鸡、清补凉都有！ 😳坊间少见、好特别！呢排冻冰冰就梗系拣胡椒猪肚鸡暖吓身啦！唔使QR code、唔使落单、所有火锅料、饮品同甜品可以系自助食材雪柜拎，酱料款式基本充足， 仲有多款前菜选择！前菜方面，推介酸辣云耳、青瓜🥒同炒豆角，最惊喜系咖哩鱼蛋😙一咬竟然爆浆咖哩汁！弹牙好味！四十多款火锅料任选！ 顶级牛板键同黑毛猪一试爱上！ 炸鱼皮脆卜卜够松化！ 丸类选择多！有我最钟意嘅芝士丸同蟹籽丸！😁 蔬菜🥬够fresh~ 特别推介鲜甜白粟米🌽！ 鲜虾同沙白系必食！沙白大只新鲜又冇沙！饮品方面有罐装汽水啤酒和纸包饮品，我就推介佢哋嘅自家制白桃乌龙、竹蔗茅根同埋鸭屎香柠檬茶！ 😆 我哋饮左4杯竹蔗茅根呀！食到捧住个肚都要食埋甜品😂有维记雪糕、布甸、豆腐花等，我拣咗豆腐花加红糖浆～ 埋单连加一只系四百几，真系好味抵食呀！七点前离座同九点后入座仲平多$20添！…查看更多

好想打边炉，近近哋去咗荃湾大满足火锅冰室，$198人头任饮任食，呢个价钱真系抵到冇朋友😝是晚汤底拣咗麻辣鸡煲，鸡煲要咗小麻小辣，煮滚一阵打开即刻闻到香喷喷，𠮶阵麻辣味非常强烈睇见就流口水🤤鸡件嫩滑啖啖肉，煲内仲有唔少三色椒、洋葱、南姜、蒜头等，十分足料。食完鸡煲梗系加汤打边炉啦，自助区应有尽有🤤牛肉有三款牛板腱、肥牛同手切牛，猪肉都有两款黑毛猪肉片同埋猪腩片，另外仲有唔少海鲜，蚬、蚝、虾、蛏子、九肚鱼、鱿鱼等等。蔬菜亦是十分多款，唐生菜、西洋菜、娃娃菜等，仲有至爱嘅芫茜添🤤其他有粟米、南瓜、莲藕片、豆腐、鸭血、蟹柳、各款丸子、肠仔等，多度数都数唔晒。如果觉得打边炉都仲未够，旁边仲有一个熟食区，有新鲜炸起嘅韭菜云吞、九肚鱼、咖哩鱼蛋、四季豆炒肉松等，仲有几款凉拌菜同新鲜切嘅水果😋除咗多嘢食外仲有劲多款饮品，除左一般纸包无糖茶、罐装汽水外，仲有餐厅自家制嘅冷泡茶、红豆凉粉冰、杂果冰、柠檬茶、竹蔗茅根水等，当然唔少得啤酒添啦，罐装啤酒都有好几个牌子，哈哈，真系好强！甜品就有雪糕同芒果布甸，强烈推荐朱古力同焦糖咖啡口味雪糕，劲好食😋食到饱到上心口都系二百几蚊，超抵食！！…查看更多

身为荃湾友，最开心就系发掘到啲「禾秆冚珍珠」嘅地道美食‘’火锅‘’啦😁🍖🌟招牌猪骨锅大大旧嘅猪骨骨胶原爆灯🤤饮一啖汤哇！好浓郁啊😍配料方面，🥩🐄 本地手切肥牛渌两渌就食得，豚肉片🐖啖啖肉惹味，鸡件🐤超嫩滑💯海鲜非常新鲜，🦐海虾劲大只好味！🦪蚝完全冇渣🦑 鱿鱼须好弹牙好好味呀😋仲有牛柏叶 🐚仲有螺同埋蚬添 🫰海鲜类超多选择呀 😁🍡自家手打丸类拼盘都系诚意之作，弹牙足料😋最欣赏🥟呢度嘅自家制饺子🥟呀👍大大只里面啲配料劲丰富我食到停唔到口呀💯炸鱼皮呢啲索哂d猪骨汤里面轻轻一渌极品享受😁最后一定要公仔面🍜收尾！啜住食可以将精华汤底一滴不漏咁吸收消完美👍饮品方面就正喇👍除咗纸包汽水柠檬茶饮品之外又有啤酒😁最重要嘅就系佢哋自家制嘅饮品，劲多选择👍我饮咗绿豆爽同自家制茶，又有竹蔗茅根💯自家制嘅饮品呀真系一流👍👍🍦🍧🍨甜品仲有好多雪糕添呀真系食极都食唔晒㗎🥰仲有好多熟食㗎😍 但系食咗火锅样样嘢都咁新鲜，已经饱到食唔到熟食啰😅我下次一定要encore💯大满足火锅冰室 地址: 荃湾大陂坊9-31号泰华大厦地下6-7号舖…查看更多

【🔥荃湾隐世放题王者！$200有找任食烤鱼鸡煲＋海鲜＋啤酒＋手切牛｜网友激评：全港最好味烤鱼！】各位食肉兽＋海鲜控注意！今次喺荃湾挖到一间惊为天人既放题神店——《大满足火锅冰室》！人均$200唔使，居然可以任食烤鱼、鸡煲、海鲜、手切牛，连啤酒同水果茶都任饮，仲有6款雪糕收尾，简直抵到癫啊！😱🌟震撼亮点： ✅无限任点香辣烤鱼（网友大推：鱼肉超厚超入味！） ✅19款火锅汤底自由配（选择困难症发作中） ✅海鲜区有齐大虾、圣子、蚝、沙蚬、九吐鱼 ✅肉食族必抢手切牛、牛五花、猪梅花 ✅啤酒＋水果茶＋仙草奶茶任饮（唔使额外加钱！） ✅6款口味雪糕完美收官实测大推「香辣味烤鱼」！一上桌就闻到霸气香辣味，鱼肉厚到吓死人，啖啖肉零骨刺，吸尽汤底精华，麻辣鲜香直击灵魂！重点系——可以无限追加！同行朋友秒嗌第二round！🐟火锅配料区更系疯狂：新鲜海鲜摆到满满，大虾爽甜、圣子肥美、蚝仔爆汁！肉控必抢手切牛肉，油花靓到犯规，渌10秒入口即化～仲有各款丸类、蔬菜，保证捧住个肚走！饮品区绝对系惊喜位！除咗汽水啤酒，居然有店家自调水果茶同仙草奶茶，解腻一流～最后记得留肚食埋Movenpick级数嘅雪糕，完美收官！总结：人均$200有找呢个质素，真心无得输！建议提前3日订位，周末真系全场爆满㗎～冲鸭！🏃‍♂️💨…查看更多

呢间餐厅环境企理，晚市系做任食烧鱼打边炉有成19种炉底或者汤底俾大家选择，我地叫左烤鱼条鱼好大条嫩滑，猪骨汤底煲打边炉食物全部都系自助出外面拎既，有少量熟食炸饺子，虾，木耳青瓜等等，鱼皮响铃都系出面拎既，鱼皮劲大块同脆卜卜必食推介，打边炉食物仲有蚝肉任食，濑尿虾，蚬，虾，鱼等海鲜，肉类有手切牛肉，肥牛，豚肉，美国牛颈脊等等，牛颈脊都几抵食肉质比较瘦同健康无甘多肥既部分另有几款蔬菜，丸类，肠仔，芋头等食物自取，饮品有茶，仙草红豆冰，竹蔗矛根等等。…查看更多