大池小館

中秋節最後一日假期約埋朋友仔去啟德體育館行下，朋友想飲下茶，見對面有間新開嘅小館裝潢優雅，好光猛！點心全部即叫即蒸，新鮮滾熱辣！🥢姬松茸鮮蝦灌湯餃湯底鮮甜，爆餡勁足料，有鮮蝦，蟹柳，冬瓜蓉同姬松茸，入口綿滑爽口，好足料！🥢大池鮮蝦餃蝦餃皮做得夠薄又Q彈，包住滿滿鮮甜彈牙嘅蝦肉，外皮仲有金色點綴，好精緻！🥢蟹肉西施餃皮薄足料，有蝦肉，蟹肉同爽脆西芹粒，口感好豐富！🥢香脆天鵝酥手工點心整得好靚，外皮炸得鬆脆，饀料特別，用咗鵝肉鬆，油香四溢，食得好滋味！🥢櫻花蝦煎蘿蔔糕蘿蔔糕表面煎到微焦，香口之餘，乾身唔油膩！🥢鳳爪排骨煲仔飯熱辣辣上枱，飯嘅軟硬度啱啱好，鳳爪排骨大大舊又入味，份量好足！🥢古法濃香芝麻卷熱嘅芝麻卷第一次食，芝麻味香濃，食落唔太甜，外面仲加咗啲金箔，當堂升呢！…查看更多

喺啟德返工嘅朋友有福啦！啟德新開咗間大池小館午市主打手工點心，晚市轉場做小炒環境光猛乾淨，座位闊落，好適合同朋友慢慢飲茶傾偈☕️🔸龍蝦湯浸鮮竹卷 一上枱就聞到濃郁龍蝦香！鮮竹卷吸滿龍蝦湯精華，咬落爆汁又唔會太鹹配搭創新得嚟又好味🦞🔸大池鮮蝦餃 皮薄透光睇得見原隻蝦仁！蝦肉爽彈鮮甜，大大粒～🔸原隻鮮蝦燒賣皇 豬肉同蝦肉比例剛好，面頭隻蝦大大隻食落啖啖肉唔會膩～🔸薑蔥蒸牛肉球 牛肉球鬆化得嚟唔會散，薑蔥芡汁吊出肉香🔸勁力杏仁保齡球 外層係煙韌糯米皮，一咬開冰涼杏仁流心即刻湧出嚟，杏仁控絕對要試！記得趁熱食先有流心效果✨下午茶時段仲有燒味湯粉特價燒鴨瀨粉🍜燒鴨皮脆肉嫩，湯底清甜唔會過鹹蜜汁叉燒河粉 🍜 叉燒半肥瘦蜜汁香甜，河粉滑溜抵食！…查看更多

一行四人，試吓這間的晚飯，新張期內，免茶界免加一服務費，叫了四個餸菜，紅燒乳鴿，招牌小炒王，脆皮咕嚕肉，豉椒炒花甲。先來兩隻乳鴿，肉質偏瘦，加上應該是最尾淋油的時候過火比較燶，應該是師傅的技術控制火候還欠缺一點🤨招牌小炒王，韭菜比較老，它的份量也比較少，上枱也不算有鑊氣，脆皮咕嚕肉用新鮮菠蘿比較有誠意，至於豬肉就中規中矩，豉椒炒花甲，上枱的時候已經看到沒有什麼水準，花甲的殼比蜆肉還多，賣相也比較差，豉椒也炒得不香，沒有鑊氣。最搞笑的情況是那天晚上沒有白飯，他們說已經賣晒，懷疑可能那些米有問題🤔，叫我們選擇炒粉麵。總結座位旋寬敞四個人給六人的大枱，服務生也很好常常幫你換碟，但餸菜的質素，有很大的改善空間。…查看更多

假期帶小朋友去啟德玩Jp動感世界，同時帶長輩周圍行，見到有個好多滑梯的公園，有繩網爬，玩左一個鐘，晚餐時間見到對住公園有間新開小菜館，一行13人一齊去試下，估唔到有驚喜。足料燉湯 - 猴頭菇茶樹菇燉瘦肉湯湯色清澈卻滋味濃，雙重菇菌十分香，燉出滿滿精華。滋補養生之選。果皮蒸鮑魚火喉掌握得剛好，鮑魚軟嫩彈牙毫不韌。陳皮清香，襯托出海鮮的原有鮮甜。咕嚕肉外層酥脆，內裡肉質保持juicy。酸酸甜甜，十分開胃，成為小朋友最愛之一。金薯小牛粒創意搭配令人驚喜！牛肉粒嫩滑，金薯香甜，加上麥芽糖，邊食邊拉絲，口感與味道層次非常豐富。椰皇燉桃膠原個椰皇上桌，桃膠份量絕不吝嗇。椰香清甜，滋潤養顏。炒飯基本功十足，飯粒乾爽分明，有鑊氣香，小朋友每人食左2碗。…查看更多

好多餐廳都用中央廚房嚟慳成本，做出嚟嘅點心雖然好標準，但就難再有特別嘅味道呢個場有多年經驗嘅點心師傅進駐，即席包點心出爐嘅點心唔止獨特，仲保留咗傳統嘅風味:)師傅創作咗好多特別點心，由做皮到包餡都一手包辦唔單止新鮮，仲可以展現廚師嘅高超技藝星期日朝早人潮洶湧，等咗陣先入得:(蟹籽百花釀魚肚呢道點心用魚肚做底，入面嘅餡料係用鮮蝦等混合而成嘅百花餡，再加上蟹籽。每一口都感受到魚肚嘅嫩滑同蟹籽嘅鮮香，味道一流原隻鮮蝦燒賣皇呢款燒賣用整隻新鮮蝦仁，每個燒賣都係大廚手工製作，蝦肉鮮甜又彈牙，配埋香噴噴出爐嘅燒賣，真係好好味雪山脆皮叉燒包呢個叉燒包外皮鬆化，表面仲有一層脆皮，入面嘅叉燒餡料香濃多汁，咬落去可以感受到叉燒嘅香味同甜味，口感絕佳日式叉燒腸呢款點心融合咗日式風味，唔會好似傳統嘅叉燒腸咁悶，反而帶有新鮮感，令人驚喜價錢中價，唔算平，不過話哂手工點心，貴少少都值得嘅…查看更多

朋友剛剛入伙，去附近食飯慶祝～見到間餐廳新開張， 晚市都有幾台客，就試試:)估唔到有驚喜，叫咗一個五指毛桃燉雞湯，燉得清甜夠火候！👍🏻👍🏻蜜椒金薯牛柳粒，薯仔炸得好香口，小朋友最鐘意喱碟餸！見佢有海鮮優惠，嗌咗個碧綠炒龍躉，龍躉肉大大塊😆仲有個蜂蜜芥末脆蝦球🍤🍤, 仲有碟滷水潮汕鵝！環境坐得舒服，估唔到新開質素都幾好！可以再黎🤩🤩…查看更多

依家生意唔好，好多新酒樓搞搞新意思，希望多啲人留港消費呢間酒樓搵咗點心師父表演即席包點心餃，包完即刻攞去蒸，睇落好過癮試咗蟹肉西施餃，皮薄料足入面嘅蟹肉、蝦同筍好彈口，熱辣辣蒸好放入口，幾唔錯黑松露野菌餃係另類驚喜黑松露同野菌呢個西式食法，加落中式點心度幾特別，而且幾健康，鍾意食黑松露嘅唔好錯過去酒樓一定必叫馬拉榚就試吓呢間嘅古法馬拉榚，呢個馬拉榚有驚喜喎，師傅應該用咗黑糖整，個糕有黑糖甜味，中間有層奶皇入口軟綿綿，香噴噴，超水準之作天鵝酥同啤梨咸水角都好別緻真係要俾個讚個師傅，呢啲手工點心都整得好好味呢度落地玻璃可以睇哂啟德個view，俾陽光照住咁嘆點心，真係好CHILL呢間絕對可以再嚟:)不過點心蒸得耐咗少少，但係新店啱啱開，都可以接受嘅，希望呢點改善一下…查看更多