大榮華酒樓

好耐無食大榮華，今日入嚟元朗，專登走去食，睇吓水準得唔得。叫咗～椒鹽焗鮮魷 紅燒乳鴿 西湖豆腐牛肉羹 燒汁茄子牛仔骨 家鄉腰果小炒王炸漿薄，魷魚新鮮，正常水平～不錯顏色深色咗啲，但絶對無偏到鹹，如果肉汁再豐富啲仲好。茄子牛仔骨，無諗過係煲仔上，成煲滿滿，牛仔骨厚肉大大塊，舊肉易咬～「淋」同埋意外地牛肉味不俗，唯茄子🍆「失色」，唔知係煮過龍定什麼，唔係一條條嘅型態，係一pet pet。家鄉腰果小炒王～材料豐富，而且鑊氣同味道絶對不下於大排檔，唯一失望嘅係主角『腰果』竟然係「淋」嘅，呢個真係失望加失敗，但係好彩其他材料味道同鑊氣搭救同補分數。西湖豆腐牛肉羹～最簡單嘅嘢就係最考功夫，好簡單嘅材料，但係碗湯真係幾好飲，二個人清晒呢大煲，豆腐好滑，牛肉碎新鮮，芫荽，草菇加加埋埋～就係好飲，唔鹹味道剛剛好。埋單$671回頭度：7/10我首先想講嘅係，佢哋嘅所有員工嘅服務態度同水平都高過一般酒樓「幾班」，真心希望其他食肆學下嘢。傳統嘅酒樓好難改到有好多新派嘅菜式，所以能夠維持同生存到真係好難得，而且佢哋食材同味道都不錯，最難得「肥滔」老闆都有在場，真心希望佢哋能夠做落去，對我嚟講呢間真係山長水遠，但都希望短時間內再去多一次。…查看更多

已經好耐冇嚟食了，以前嚟食過下午茶嘅燒味粉，覺得好抵食幾好味，今日再嚟食下午茶，點解質素可以差咗咁多嘅？😨😨😱😱😱仲衰過街市質素，全部都係賣剩嘅燒味，啲雞超級鞋😥啲燒鵝超級硬…發生咩事？最好笑嘅係食食吓飯，3:15咋，啲員工喺我哋隔籬吸塵，已經急不及待清潔了，嘈到不得了😥😥有冇咁趕時間啊？究竟點解我會山長水遠嚟元朗，浪費時間，浪費卡路里，食呢啲咁難食嘅食物？然後叫返碟芥蘭，好彩都叫正常啲。仲有個菜苗餃，另外再叫咗個菜苗餃，但係等咗15分鐘都未見影，忍唔住問佢，佢話賣晒，轉頭又嚟左。明明勁多張枱唔知點解唔俾廁所門口張枱我哋，想嗌個侍應都難，想要辣椒油都要行出去同佢落order，感到無奈。隔離枱又漏單，呢間酒樓發生咩事？以前都幾多人幫襯，依家人影都冇隻。…查看更多

今日晏晝入咗元朗試呢間傳統酒樓，兩個人平日晏晝差唔多一點去到唔使等位我哋叫咗四個點心加一個小食👅👅奶黃馬拉糕幾鬆軟唔會太甜，喺呢間酒樓嘅特色點心之一👍👅👅八珍豬腳薑呢個午市正價$40其實好抵食👍👍有兩粒雞蛋幾舊豬腳，見附近幾檯都有嗌八珍醋係咁多牌子之中幾啱我個人口味嘅一款👍👅雞蛋煎年糕其實我食年糕係唔鍾意配煎蛋但係冇得揀🙈年糕唔太甜，但係口感唔夠煙靭，還好👅安蝦鹹水角一嚟到已經凍凍地，望落好油，食落都偏油，餡料又一般，失望🥲👅拔絲鮮淮山我認識嘅拔絲唔係咁😅😅 佢似咕嚕多啲，好彩我都鍾意食咕嚕汁…查看更多

大榮華酒樓個大名無人不知，但講到幫襯都係第一次。呢度應該係我暫時食過都算唔錯嘅中餐之一。第一味嘅日《燒鵝》（家人話叫‘黑棕鵝’）味道夠香，雖然肉肥少少但唔會有果種嘔心嘅感覺，油脂入口即溶，好香嘅鵝味；第二味係《拔絲咕嚕肉》，肉質爽脆亦唔肥，肉粒大小啱啱好，醬亦真係做到拉絲嘅感覺；第三味係《酥炸台山蠔》，呢個不得了，熟度啱啱好，炸得夠鬆脆亦唔會過火；第四味係《西蘭花炒魚球》，唔錯嘅菜式，味道係正常嘅水準，諗唔到冇爆發力之處；第五味係《香茜豆腐骨湯》，呢個湯真係不得了，魚湯通常都會帶腥味，佢做到個湯完合冇腥味，仲要好鮮甜，極好飲；最後叫左兩款唔同嘅甜品，一個奶黃水晶包，味道唔太甜亦有啲咬口，奶黃味好香，呢個小朋友一定喜歡；另外一個係奶黃馬拉糕，賣相好精緻，食落好軟熟，好似食緊蛋糕咁，同樣地唔太甜，對於食飽咗嘅客人嚟講係唔錯。兩款甜品都好出色，連我唔食甜品嘅人都比個like。仲有好多其他唔同菜式想試，不過人數有限，留番下次再試。…查看更多

來過元朗好多次，都經過好多次呢間，終於試咗星期六飲茶。1pm來到已經好多點心冇出，例如腸粉蒸飯都冇啦。點心真係麻麻哋，不過價錢算平。覺得體驗一次就夠啦，不過可能都會嚟試吓晚餐finally visited this famous chinese resto in yuen long. dim sum was honestly mid (but quite cheap). we came here at 1-ish and many dishes like cheungfun and steamed rice were sold out… would probably try their dinner again …查看更多

晚飯時段去叫小菜吃，無咩人都算靜。南乳豬手好咸，同高層投訴，高層話圍村菜就係咁🙄可能我真係見識少又少吃圍村菜。。。之後高層介紹左個燒鵝，又係好難食，蒸烏頭仲衰過自己買返屋企蒸，食落去無味。蝦醬通菜炒尤魚，我估尤魚應該係急涷嘅，望落去膠膠地，食落口好似𡁻香口膠咁，豉油雞色水唔靚，鞋烚烚，椒鹽九肚魚同欖角排骨啲粉漿真係嚇死人，同枱人個個都話以前都還好，點解宜家會差到咁，真係唔會有下一次。。。。。。…查看更多

2025年7月7日星期一上午10點到職員話二人要坐大枱。坐二人枱要加一個位茶錢共三位茶錢。 叫咗五個點心。牛肉好硬 冇牛肉味。 其餘四個味道好一般。 一定攞唔到米芝蓮。 呢個香港名牌令人好失望。…查看更多

大榮華酒樓 一入到餐廳裡10分涼快。我們在餐牌上看到很多美味的東西，不知道怎樣選材好。幸好，老闆和員工們介紹我們食不同的食物。不一會，食物全到了枱上了。我們叫了拖地叉燒、芙蓉炒斑球、雞蛋煎蠔餅等，美味極了！而我最喜歡吃的是晚爐燒鵝。皮又脆，肉又10分嫩。我們還叫了豬油撈飯。豬油撈飯令我10分難忘，因為我們能夠自己落豬油豉油，我覺得10分好吃！我們都食得津津有味！希望你們下次都能試試這間好味的酒樓吧！…查看更多

大榮華餐廳一入到餐廳餐廳會10分涼快。我們在餐牌上看到很多美味的東西，不知道怎樣選材好。幸好，老闆和員工們介紹我們食不同的東西。不一會，食物全到了枱上了。我們叫了拖地叉燒、芙蓉炒斑球、雞蛋煎蠔餅等，美味極了！而我最喜歡吃的是晚爐燒鵝。皮又脆，肉又10分嫩。我們還叫了豬油撈飯。豬油撈飯令我10分難忘，因為我們能夠自己落豬油豉油，我覺得10分好吃！我們都食得津津有味！希望你們下次都能試試這間好味的酒樓吧！…查看更多

米芝蓮推介，當然有所期望。今次專誠來元朗這間人氣茶樓飲早茶。環境一般，坐得唔太舒服，有點逼。服務與一般屋村茶樓質素差不多。食物方面，點心質素優劣參半，鳳爪唔入味，叉燒包難食，好似濕咗水咁好黏可糊。但好食嘅亦有蝦餃，燒賣、馬拉糕及魷魚。尤其馬拉糕好鬆軟，好有蛋黃味，但偏細份。最後，點咗老闆推介嘅燒鵝，好似老闆所講，鵝肉充滿肉汁，但皮唔夠脆，亦冇乜滷水汁，整體唔算特出，未有一試難忘嘅感覺。推介：蝦餃、燒賣、馬拉糕…查看更多

諗住打電話去訂位喇！個女人第一句就話：‘’聽唔到你UP 嘜野！‘’講電話都咁嘅態度！所以今時今日香港嘅服務態度就比呢D人攪彎！其實，好好講一句 可唔可以大聲D,都好過呢個女人講！大榮華 ！ 唔怪得我咁耐都唔去喇！友人話去先打去訂位！…查看更多

大榮華保留了舊有香港茶樓的風味，讓人感受到濃厚的懷舊氣息。服務員非常有人情味，讓人感到賓至如歸。🐷豬油撈飯是這裡的招牌菜之一，香氣四溢，豬油的香味與米飯完美結合，每一口都充滿了濃郁的風味。我特意叫住在黃大仙的朋友來元朗一起品嚐，他也吃得津津有味。這種傳統的豬油撈飯在香港已經很少見了，能在這裡品嚐到真是難得。奶皇千層糕也是必點，鬆軟!…查看更多

今日放假入元朗，同朋友飲早茶 朋友介紹呢間老字號舊式茶樓，去到又覺得身光頸靚喎，廁所都好乾淨去到要等一陣位，都10點幾十一點，所以快啲落單拎個優惠價腸粉要11點前先有 嗌咗牛肉腸幾好味過牛肉餡得 不過男朋友就覺得個腸粉皮唔夠好味，冇乜彈性水餃$45上枱幾靚 有五粒，下面有勁多生菜男朋友好滿意呢一點🤣🤣❤️成餐最震撼就係呢個！大點所以早餐嘅話就 用小點點價錢$28😍😍勁新鮮大份好味！金錢肚就係假大份，因為佢切到好細條，冇咩口感呢個百花釀冬菇細細粒，而且個中間嘅蝦都撈咗好多肥豬肉覺得好油膩豬潤燒賣好大個豬膶好正然後底下就係有蝦油豬肉撈埋嘅肉豚燒賣 我發覺呢間餐廳好多餡料重複 因為燒賣餡基本上都係水餃餡 不過OK嘅，佢用咗傳統方式撈咗豬油，不過同平時餐廳唔同嘅係佢嗰啲係新鮮嘅感覺雞紮不過不失 不過覺得佢個魚肚好似唔係咁好味 男朋友都竟然唔食最後見到人哋啲包咁靚都想嗌一個！男朋友本身想食奶皇包，但係冇得奶黃水晶包但係我哋想試吓佢個包皮，所以就嗌咗呢度比較特色嘅白蓮蓉包！真係冇嗌錯白蓮蓉真係榮華特色嘅白蓮蓉好滑好香，而且中間仲有大概¼嘅蛋黃 好過冇哈哈 平時啲酒樓冇呢度嘅包皮亦都好紮實，好手工而且天然嘅感覺有啲似自己屋企嘅包包😍唔會落咗好多假工發粉整體而言以為呢間嘅環境會差啲因為舊式，點知仲靚過海港廁所仲要勁乾淨姐姐服務態度都好友善好親切 不過食物質素就係主要食佢懷舊基本上都係不過不失咁樣…查看更多

假日與朋友一同到元朗行山，大家說要試試元朗的特色餐，嚷着要去大榮華試一試。想打電話去訂位，說訂座已經滿要五點後來即場取位。心想既然去到元朗行完山也尚早，不妨一試。五時前已經去到大榮華，還未正式營業，最後很快已經可以入座。還未夠五點半，入座率已經接近七八成，去到六點已經滿座。心想雖然是假期，但香港人有那麼早吃晚飯嗎？不過其後再看見一直都有人等位，都有「翻枱」，都算是少有呢！今次嘗試了一個四人餐，份量足夠六個女士享用，每人也不用一百五十港元，非常抵食！這個套餐包括了：蟹肉竹笙燴生翅、香茜梅子燒米鴨半隻、鳳凰蟹肉炒長遠、蒜香金沙焗生蝦、田園翠綠蔬，以及鮮陳水檸蒸烏頭一條 ，非常豐富 。蟹肉竹笙燴生翅口感十足，竹笙爽脆蟹肉亦非常多 。香茜梅子燒米鴨值得推介，鴨肉不酥皮帶脆，半隻份量亦非常多，可能是因為鴨較為大隻吧！六個人只食了差不多一半 ，已經很飽 。鳳凰蟹肉炒長遠，可能你會問什麼是「長遠」？原來是粉絲。雖然只是一個簡單的菜式，是雞蛋蟹肉炒粉絲，但炒得不油不膩，非常美味呢！蒜香金沙焗生蝦，有點像鹹蛋炒鮮蝦，差點連蝦殼也吃埋呢 。鮮陳水檸蒸烏頭必定一試，烏頭冇泥味，肉質爽滑，一條份量足夠六個人食呢！…查看更多

🐥圍頭五味雞雞肉鮮嫩，醬汁有點甜口，滑雞一口接一口不能停，味道正。🍄‍🟫花膠北菇玉掌煲玉掌軟趴入味，花菇勁大隻，再加生菜底，古老的廣東菜味。🥚圍村雞蛋煎蠔餅蠔仔大隻，份量正常，圍村雞蛋蛋味濃郁，與潮洲的蠔烙不一樣，沒有加入薯粉。🐷化皮乳豬件超少有酒樓有乳豬件，皮脆，脂肪少，切小件好吃不膩。🥯糯米包蒸糯米包也是現代酒樓少有的點心，糯米包超大個，做主食一流，即點即蒸，香軟糯。🍚豬油撈飯還有最最重要的豬油撈飯，幾時都咁好食，飯夠軟身，豬油配頭抽的份量點加都得。…查看更多