大榮樺

今日今日12點幾去到大埔已經見到呢間門口排晒長龍嘅店舖二大多數都係街坊或者係附近做嘢嘅人。等咗差唔多半個鐘後先至入座，雖然等咗咁耐但係10分值得食到食藥比極高嘅蜜糖芥茉醬鴨胸飯，鴨胸非常大份，而且焗得剛剛好， 10分有肉香，淋上芥末汁有甜甜嘅香味，並配搭咗啲菜減低鴨胸嘅膩感成餐飯份量非常之飽足，我嘅心靈都十分之滿足…查看更多

今日媽媽介紹話好食，去到門外勁多人，諗住一定係好野，點知.....一開首等位已經要落定單，媽媽三心兩意，點知個侍應話唔落齊單冇得入坐，入坐後冇得加單，說話態度勁差，本來每間餐廳有自己獨特規矩無可厚非，但態度差果吓難頂嘛。最終兩個人一個餐，我自己一肚氣食不下，一定唔會再嚟，冇下次。…查看更多

叫咗黑毛豬+咖喱吉列豬，2款都好大份，真心滿足+覺得店家有良心！黑毛豬肥瘦適中，唔會柴，但個燒汁無加分，淨食黑毛豬都夠晒味吉列豬排炸得夠鬆化，唔會乾～食午餐，大概1點到，攞完籌等梗位已幫你落定單，坐低就好快有野食啦小朋友食唔到辣，問完待應日式咖喱辣唔辣，待應主動幫我地汁另上，食到咁上下又問返我仔，食唔食到呢個辣度，話下次可以轉胡麻醬/燒汁都得，謝謝…查看更多

因為想分享呢一間餐廳態度有幾惡劣，所以第一次喺OpenRice 評論。大榮樺一直都有幫襯，本身都知道佢哋服務態度差。今日下午1點45分同屋企人喺門口排隊，未入座前巳經喺門外叫定餐，一個喺鴨胸飯，一個喺炸蝦肉醬意粉。一入座檢查張單時發現冇我點嘅肉醬意粉，所以問問侍應係未落錯單，其中一個侍應大聲吆喝「英文字母無錯就得啦」。我唔清楚餐廳系統喺點，但喺有需要用咁差嘅態度回應？等餐嘅時候，我麻煩侍應比我兩杯水。佢攞住三個杯同一壺水走到隔離嘅熟客，冇先比我地反而先倒左一杯水比熟客。然後熟客同侍應講要多一杯，佢竟然先比左杯水比熟客，然後淨低最後一杯先比我地。明明喺我地先要兩杯水，他比左熟客先，最後只比我地一杯水，又唔比返第二杯比我地。到鴨胸飯到後，我屋企人食先。屋企人個碟都就快食完我個碟都仲未到，仲要遲過我入嚟嘅人都巳經到齊。所以我地都有禮貌咁叫個侍應跟下碟肉醬意粉。一個帶眼鏡短髮嘅女人用勁差勁不耐煩嘅態度話等多陣，仲好理直氣壯咁講「做意粉嘅廚師得一個人」，一句唔好意思都冇。之後再等多15分鐘碟肉醬意粉都仲未嚟，我地又再叫帶眼鏡短髮嘅女人再追下，但係佢用勁串嘅態度話「係要等咁耐架啦，出面都寫左架」。到碟意粉黎，我前後等左45分鐘，隔離遲過我入嚟嘅都就嚟食完。佢上菜個陣本身比左手個碟我，之後遲疑左幾秒比右手個碟我，唔知佢有咩意圖，希望喺我諗多咗。本身朋友話呢間好食所以間唔中都有幫襯下，咁樣嘅態度送比我都吾會再去食。…查看更多

名副其實大件夾抵食人數：3人時段：晚餐🍽️蟹肉黑松露意粉🍝海鮮有蟹肉，青口同蝦仁，海鮮味道正常，意粉有淡淡黑松露味，夠creamy，意粉軟硬適中，味道幾好。🍽️芝士焗蠔黑松露燴飯🦪芝士焗蠔入面有好多蒜，夠濃味，遮到蠔嘅腥。但個飯呢…個廚師應該唔記得落鹽，黑松露味亦都好淡，所以成個飯冇乜味。🍽️煙鴨胸蕃茄意粉🍝個鴨胸好嫩滑，好大嚿，略嫌鹹咗少少。意粉就係偏甜酸口味，似茄汁意粉嗰一種，整體都唔錯。整體而言，餐廳仍然保持抵食夾大件，晚餐三個人有湯又飲品都係$290，人均唔使100，都真係唔錯嘅選擇。…查看更多

尋晚 。我同朋友大約5點30係門口排隊入去用餐 。17點32分 。點餐 。朋友叫左個炭燒黑毛豬餐 。我就叫左個天婦羅軟殼蟹餐 。朋友個黑毛豬餐好快就嚟 。而我個天婦羅餐 就等左9個字 。我問左 2次職員 。點解我個餐仲未嚟 。佢答我炸緊 。呢個餐係耐啲 。最後足足等左9個字先有得食 炸到啲軟殼蟹超級唔好食 。又酥 。又貴又唔好食 。 仲要一句唔好意思都冇 。唔會再有下次幫襯員工服務差 。 黑毛豬餐就好快就有得食 。其他餐就要等超耐 。冇就唔好出呢款餐喇 。 😡😡😡…查看更多

今日同朋友打完機見肚餓，問佢有咩好介紹？ 佢就帶我落嚟呢間叫大榮樺嘅餐廳。 雖然望落去門面無咩特別，但係啲嘢食真係好有水準，見門口大排長龍。好在唔係等咗好耐，15分鐘就有位。餐湯嘅忌廉蘑菇湯，啲蘑菇唔係切得好細粒但好出好鮮味。跟住我哋叫咗個韓式泡菜意粉配西冷牛扒，好好食。啲牛扒用牛油煎香，好淋好好味。但係佢上菜時間就真係耐，我地食完個牛扒set, 第2個set 先上，全部即叫即整，真心高質。跟住朋友叫咗個天婦羅軟殼蟹忌廉煙肉意粉。好好食，意粉煮到啱啱熟，配埋啲白汁，見佢食到真係停唔到口。好少見軟殼蟹咬開仲有一梳梳嘅蟹肉。但朋友講呢間餐廳啲嘢食好快沽清，想食就要早啲嚟排。…查看更多

警世！唔好黎！🤬一入到去原本覺得賣相還可以但牛扒一放入口就發現完全咬唔爛118賣緊垃圾牛扒 筋又多🤡煮到熟到成塊像筋咁 完全係一份0分嘅牛扒咁都算仲叫左碟意粉食 入面D青口好明顯未清理乾淨😅😅😅食到食物中毒 半夜訓醒上吐下瀉建議大家為左自己著想都係唔好黎💩今日難得黎到大埔 朋友之前又推薦見佢餐牌上面有2樣野係賣晒 仲以為有好西食估唔到都可能係搞飢餓營銷 😇見佢門面睇落都唔係好衛生 😅可能餐具都冇徹底清洗過令人失去信任 不會回頭…查看更多

炭燒蜜糖鴨胸配鮮茄羅勒意粉鴨胸多汁，鴨胸好香煙熏味加埋蜜糖配搭唔錯～鮮茄羅勒醬的酸甜清新紐西蘭牛仔柳 （配薯條）牛仔柳外層燒到有少少微焦，揀左7成熟，肉香濃郁，薯條脆口份量都多…查看更多

入開大埔探朋友，佢介紹食呢一間餐廳仲好有誠意咁11:15已經去咗攞籌再去巴士站接我哋我哋11:30到～見到門口係排晒長龍最後12:05先入座！（其實排隊嘅時候未有位～侍應已經幫你落定單話而家落咗都唔代表一定有～要入座後等廚房報數！！完全係彩數的考驗！）有效率嘅侍應已經將三客餐湯放左係枱面係蘑菇湯🍄‍🟫淡淡都有啲蘑菇碎～係creamy既 🥰朋友話鴨胸同埋黑毛豬係必點名物～亦都係最快售罄嘅item所以我哋就點咗：2️⃣✖️G炭燒黑毛豬飯（燒汁） $74 🐖1️⃣✖️H蜂蜜芥末炭燒蜜糖鴨胸飯 $50 🦆我哋全部都加咗$8轉薯條 🍟蜂蜜芥末炭燒蜜糖鴨胸薯條比較快大約12:10上菜～蜂蜜芥末醬好充足～好齊整咁唧咗喺鴨胸上邊大大舊好juicy 炭燒黑毛豬薯條就真係製作需時等得比較耐～大約12:35先上菜～黑毛豬份量更加誇張係有兩大嚿！而且係超厚切 真心高質👍外邊香脆～肉既肥瘦適中～緊緊鎖住到肉汁難怪朋友話好快賣晒～佢都係第一次lunch時候食到！！！餐廳座位比較少 亦唔算係闊落/坐得特別舒服另外出菜需時～要預咗時間靜候嘢食嘅蒞臨！（未）食完嘢好快就有落餐飲食完又好快要離座（因為真係仲有好多人等緊位）但價錢、食物份量同味道係好高性價比三個女仔都食唔晒啲薯條…查看更多

見網上有人介紹抵食，就同老公去試下，只此一次下不為例😡拎完飛門面戴眼鏡既女侍應生好有禮，可能太多人幫襯，一早未入去就叫我地order定餐，咁都OK明白要翻枱，女侍應生入到去叫我地坐係嗰張枱，我哋坐低見到有個夾夾住張單，放左係枱面，我老公見到張單其中一個餐落錯咗，好有禮貌叫前台侍應改其中一個餐，嗰位女侍應即刻用極惡劣嘅態度回應我哋：「張單寫咗意粉姐，即係我哋後台一早知你係落左吉列豬扒飯啦！」我地解釋係因為餐廳將單據放得係枱面，suppose係比客人對清楚，而單據上亦印錯咗其中一個餐，我哋唔明白，我地只係禮貌表示落錯咗，點解換來嘅係惡劣態度既回覆😡😡😡當大家個個都鼓勵大埔人留係大埔消費，作為餐廳，可否做返作為一間餐廳，最基本要有既野，基本既禮物+食物質素。 先好叫大埔人留港消費。我同老公，知道重陽節連假三日，好多人返左上大陸，但我地都選擇留係香港，支持大埔小店，但換來係一次咁差既用餐經歷。。。下次就算要支持小店，我絕對唔會揀呢間餐廳⛔️…查看更多

嚟到大埔試吓呢一間平民西餐廳六點幾去到已經排晒長龍叫咗一個黑毛豬，另外叫咗一個黑松露海鮮意粉黑毛豬都大大份夠晒厚肉，口感都好有肉味，值得再叫個意粉黑松露味都足夠，海鮮有青口有蝦有魷魚，味道好多好好叫咗兩個餐都係$200有找…查看更多

呢份北海道帆立貝吉列炸蠔忌廉燴飯，要$108，有餐湯有餐飲，其實喺大埔昌運中心呢個地段嚟講，其實價錢偏高，啲人成日話呢間餐廳嘅份量大，我又覺得唔算好大碟，而且收得$108咁嘅份量都好正常啦。呢個飯味道亦都係正常發揮冇乜驚喜，好食過快餐店咁啦，可能係我期望太高啦，如果冇期望就冇失望。是日餐湯係忌廉粟米湯，講明送完即止，我幫襯嘅時間大概係晚上七點，已經係最後嗰幾碗，因為過咗冇耐已經聽到餐廳啲侍應話餐湯已經冇晒。…查看更多

今次決定6點前就去到，估唔到6點去到已經滿座，都係要排隊🙈好彩最終都食到我地想食嘅野🥳紐西蘭牛仔柳配薯條牛仔柳有兩大塊，份量非常充足🍖你地揀左7成熟，牛柳唔會過生，食落非常淋身😎牛仔柳兩面煎到有少少脆，肉味濃郁，食完大滿足😆炭燒黑毛豬配意粉黑毛豬就無牛仔柳咁大塊，都係煎到好香脆，比起牛仔柳有咬勁，意粉用忌廉汁煮過，感覺上淨係食個意粉都好滿足😋由於兩款肉一齊食，所以感覺上黑毛豬嘅味就係無牛仔柳咁突出，但意粉方法就令佢加返唔少分數🤪入座後會送上一碗餐湯，今次係薯仔湯，餐湯非常足料，有唔少薯仔粒…查看更多

想抵食，又食得飽嘅西餐非呢一間莫屬黑毛豬冇得輸🐷🐽大大件又厚肉一擺低碟野視覺上已經好開心件扒食落juicy 唔鞋口意粉有用cream同洋蔥炒過呢個價錢黎講好有誠意好多同價錢既港式西餐廳都係食普通烚過嘅意粉only不過黑毛豬好快賣晒🥲😅要喺佢晚市一開頭就好去同埋一遲左就成日都好多人排隊🫠但如果要等多過半個鐘以上。。。我就覺得唔係好值得🫣始終都係港式風味嘅西餐廳不過幾十蚊包嘢飲，又有餐湯仲想點？…查看更多