大榮樺

今日今日12点几去到大埔已经见到呢间门口排晒长龙嘅店舖二大多数都系街坊或者系附近做嘢嘅人。等咗差唔多半个钟后先至入座，虽然等咗咁耐但系10分值得食到食药比极高嘅蜜糖芥茉酱鸭胸饭，鸭胸非常大份，而且焗得刚刚好， 10分有肉香，淋上芥末汁有甜甜嘅香味，并配搭咗啲菜减低鸭胸嘅腻感成餐饭份量非常之饱足，我嘅心灵都十分之满足…查看更多

今日妈妈介绍话好食，去到门外劲多人，谂住一定系好野，点知.....一开首等位已经要落定单，妈妈三心两意，点知个侍应话唔落齐单冇得入坐，入坐后冇得加单，说话态度劲差，本来每间餐厅有自己独特规矩无可厚非，但态度差果吓难顶嘛。最终两个人一个餐，我自己一肚气食不下，一定唔会再嚟，冇下次。…查看更多

叫咗黑毛猪+咖喱吉列猪，2款都好大份，真心满足+觉得店家有良心！黑毛猪肥瘦适中，唔会柴，但个烧汁无加分，净食黑毛猪都够晒味吉列猪排炸得够松化，唔会干～食午餐，大概1点到，攞完筹等梗位已帮你落定单，坐低就好快有野食啦小朋友食唔到辣，问完待应日式咖喱辣唔辣，待应主动帮我地汁另上，食到咁上下又问返我仔，食唔食到呢个辣度，话下次可以转胡麻酱/烧汁都得，谢谢…查看更多

因为想分享呢一间餐厅态度有几恶劣，所以第一次喺OpenRice 评论。大荣桦一直都有帮衬，本身都知道佢哋服务态度差。今日下午1点45分同屋企人喺门口排队，未入座前巳经喺门外叫定餐，一个喺鸭胸饭，一个喺炸虾肉酱意粉。一入座检查张单时发现冇我点嘅肉酱意粉，所以问问侍应系未落错单，其中一个侍应大声吆喝「英文字母无错就得啦」。我唔清楚餐厅系统喺点，但喺有需要用咁差嘅态度回应？等餐嘅时候，我麻烦侍应比我两杯水。佢攞住三个杯同一壶水走到隔离嘅熟客，冇先比我地反而先倒左一杯水比熟客。然后熟客同侍应讲要多一杯，佢竟然先比左杯水比熟客，然后净低最后一杯先比我地。明明喺我地先要两杯水，他比左熟客先，最后只比我地一杯水，又唔比返第二杯比我地。到鸭胸饭到后，我屋企人食先。屋企人个碟都就快食完我个碟都仲未到，仲要迟过我入嚟嘅人都巳经到齐。所以我地都有礼貌咁叫个侍应跟下碟肉酱意粉。一个带眼镜短发嘅女人用劲差劲不耐烦嘅态度话等多阵，仲好理直气壮咁讲「做意粉嘅厨师得一个人」，一句唔好意思都冇。之后再等多15分钟碟肉酱意粉都仲未嚟，我地又再叫带眼镜短发嘅女人再追下，但系佢用劲串嘅态度话「系要等咁耐架啦，出面都写左架」。到碟意粉黎，我前后等左45分钟，隔离迟过我入嚟嘅都就嚟食完。佢上菜个阵本身比左手个碟我，之后迟疑左几秒比右手个碟我，唔知佢有咩意图，希望喺我谂多咗。本身朋友话呢间好食所以间唔中都有帮衬下，咁样嘅态度送比我都吾会再去食。…查看更多

名副其实大件夹抵食人数：3人时段：晚餐🍽️蟹肉黑松露意粉🍝海鲜有蟹肉，青口同虾仁，海鲜味道正常，意粉有淡淡黑松露味，够creamy，意粉软硬适中，味道几好。🍽️芝士焗蚝黑松露烩饭🦪芝士焗蚝入面有好多蒜，够浓味，遮到蚝嘅腥。但个饭呢…个厨师应该唔记得落盐，黑松露味亦都好淡，所以成个饭冇乜味。🍽️烟鸭胸蕃茄意粉🍝个鸭胸好嫩滑，好大嚿，略嫌咸咗少少。意粉就系偏甜酸口味，似茄汁意粉𠮶一种，整体都唔错。整体而言，餐厅仍然保持抵食夹大件，晚餐三个人有汤又饮品都系$290，人均唔使100，都真系唔错嘅选择。…查看更多