大樹先生的家 (皇室堡)

所有野都几好，设施够玩、员工友善、食物正常。小朋友玩得开心。计埋食物，其实同平时啲playhouse价钱差不多。但好热！冷气不足，仲要用射灯射住啲餐枱。希望改善。…查看更多

大树先生嘅餐单融合咗多样嘅美味，令人惊喜。鸡肉蔬菜高汤炖饭香浓可口，米饭吸收咗高汤嘅精华，口感滑顺，搭配新鲜嘅蔬菜，营养均衡。照烧三文鱼外焦内嫩，酱汁嘅甜味恰到好处，令人垂涎欲滴。蜜味烤鸡翼则系令人难以抗拒嘅小食，外皮酥脆，蜜汁嘅甜味同鸡肉嘅鲜美相得益彰，令人一口接一口。而猫猫饭团配粟米番茄汁则增添咗可爱嘅元素，饭团嘅黏糯同番茄汁嘅酸甜，令人感受到童趣。最后，酥炸日本紫薯甘栗饼嘅口感独特，外酥内软，甜而唔腻，系完美嘅结尾。加上隔离嘅 playhouse 设施，包括波波池同滑梯，令小朋友喺享受美食嘅同时，亦都可以玩得尽兴，实在系家庭聚会嘅理想选择。整体而言，呢个系一个美味同乐趣兼具嘅用餐体验。…查看更多

女女好钟意去大树先生的家玩，平时去开荔枝角店，今次第一次去铜锣湾店！玩嘅设施都好唔同，女女玩得好开心😀当日仲有复活节活动玩🤣唱游同埋做手工😉见到个个小朋友都玩得好开心，包括我个女🙂食物方面，我地叫左韩式烤牛肉配四色藜麦饭、烟三文鱼意大利粉同埋儿童餐：粟米南瓜忌廉汁纽绳粉！同荔枝角店一样系好味架～ 唯一比较可惜系当日无提供婴儿辅食，咁岩我地又无带，搞到细佬b望住我地食自己无得食，个样好可怜🥹🥹🥹但系都好推荐一家大细去玩+食野 😉…查看更多

一入到嚟餐厅登记，接客戴眼镜𠮶个态度已经唔好，咁我就问多一句，我买咗套票咁系咪可以依家用？因为怕买咗依家唔讲等阵冇得用，谂住问清楚先，佢就佢就好燥底咁讲「唔好急！等阵同事帮你！你坐低先！」坐低咗一阵，已经闻到有大浸臭味，类似冷气𠮶浸霉味，本身已经好想走，唉~都算啦，见自己买咗套票份上同仔仔又真系想玩就忍下啦~另外，呢间亲子餐厅举手系唔会有人show你，企喺前面戴眼镜职员同另一个女职员就好专心倾偈，好似见到都当睇唔到你举手咁，净系得后面嘅职员见到你举手会过嚟serve。咁到埋单见到张单冇减返套票𠮶个价钱，咁我就同职员讲 我买咗套票但系点解个价钱都系冇减到嘅？咁戴眼镜个职员就一轮嘴讲话，你依家系有冇买到先？收套票钱𠮶个唔系我哋，而系团购公司，我哋其实唔负责呢个套票？？？？？我听完真系？？？？心谂我买完套票，我仲要畀多次清洁费？咁我买套票嚟做咩？？？？咁因为真系唔系好明，咁我就叫我老公问问其他职员，佢地话己经扣咗啦，你睇下面应付金额就得架啦，一句简单明瞭，唔明戴眼镜个职员点解要带我哋游花园😂建议呢间餐厅要培训吓员工啲情绪，我哋俾得钱入嚟玩，唔系想受气，仲要你哋本身啲嘢都唔算平🙏🏻🙏🏻…查看更多

今次喺Cocomelon 主题，所以我带2岁小朋友一齐嚟，我想同大家讲，嚟呢间餐厅用膳，单拖凑小朋友都无问题👍🏻虽然我喺中咗抽奖（豁免小朋友清洁费、同埋送一份pancake）但喺份Pancake一啲都唔马虎，直头影相打咭一流！💖又靓，味道又好，值得一赞！我另外再叫咗一份芝士培根安格斯牛肉汉堡🍔（跟餐汤，加冻柠茶）卖相几靓，好吸引小朋友😃店员好好礼貌，会耐心解释各项收费，另外我唔知原来个食物喺套餐，包含饮品、沙律🥗/餐汤，店员都有提我点埋order，无「则则博」👍🏻最紧要嚟到玩嘅地方，换鞋区有消毒喷雾、湿纸巾、干纸巾俾各位使用，而啲玩具都收拾得好企理，波波池同「沙池」都OK，仲有好多其他玩具玩啱晒小朋友放电！最后值得一赞：餐厅有提供即弃围裙同尿片（我自己有自备，没使用佢，见到都觉得好贴心）…查看更多