大本瀛日式放題

营业中

休息中

兆萬中心有幾層都係食日式放題，幾間都未食過，心知圖片只供參考，所以響OpenRice睇負評佔評論比率最少既呢間食！晚市黃金時段每位$288加一，星期五六日及假期加多$10，入座之後就見到叠落單紙，由A至L分別有刺身，壽司，手卷，軍艦，冷盤，和風料理，一品料理，爐端燒，鐵板燒，炸物，天婦羅，南亞風味，火鍋及甜品等。一般放題有既呢度都有，仲有啲出面無乜見既都值得推介下。例如川椒皮蛋，溫泉蛋及人蔘雞湯；沙爹雞串唔係微波爐乾爭爭果隻而係嫩滑雞肉配沙爹醬；韓式烤腩肉肥瘦分明；炸物有自家製錦鹵雲呑，椒鹽公仔魚及魷魚鬚；南亞風味仲有好泰式既冬蔭公湯，炭燒豬頸肉，飛天通菜同生菜包等！.食物多款式之餘，味道質素都好好，無漏單，上餐快係基本，刺身食落無雪味，唔係硬塊未解凍都唔係必然，熱食好多食落有燙口感，已經要加分，重點係點左咁多樣野都無一樣中伏！特別一提餐廳店員服務態度好好，因為座位唔算好闊落，安排入座時，店員主動提出大件物品可代為看管。用餐期間店員對答好有禮，巡枱收碟換碟好快手，最後食甜品仲主動倒熱茶比我地。今時今日望到呢間餐廳員工忙到無停手都有咁既服務態度真係要讚！

🐽 日式刺身拼盤每種魚肉都切得恰到好處，由其係大赤蝦新鮮得可以感受到海洋的氣息、三文魚同油甘魚都好新鮮🐽 燒鰻魚壽司、蟹柳壽司、牛油果軟殼蟹卷、黑松露三文魚吞拿魚蓉卷鰻魚肉香甜，蟹柳壽司嘅蟹柳味道豐富。牛油果軟殼蟹卷同黑松露三文魚吞拿魚蓉卷更加係一試難忘，特別係黑松露嘅香氣，令到整個壽司變得更加豐富🐽 蒜蓉焗蠔、芝士焗雞塊蠔嘅鮮味同蒜蓉嘅香氣完美結合，而芝士焗雞塊嘅雞肉嫩滑，芝士香濃🐽 人蔘雞湯、炸雞軟骨、流心蛋雞湯味道濃郁，人蔘嘅味道清新；炸雞軟骨外皮酥脆，內裡咬落好爽口；流心蛋內裡流出嘅蛋黃醇厚🐽 馬來沙嗲雞肉串燒雞肉嘅口感非常好，沙嗲醬的香辣味道令人回味無窮

是日約了海外留學的朋友食個便飯，襯佢暑假回港見下面傾下偈，想搵個坐得耐啲嘅地方就揀左食放題，在兆萬裏的大本瀛午市食足三個鐘，平日價$248，真係幾抵食😋食放題刺身一定唔少得，賣相幾靚，刺身新鮮無雪味👍最重要係份量黎足。再來就係各式壽司，全部細細件很精緻，飯軟綿綿的。一系列嘅熟食有牛舌、牛仔骨、串燒、炒蜆等，選擇好多🤤唯一有少少失望係焗蠔，無芝士蛋漿焗蠔，得蒜蓉口味。仲有天婦羅🍤、沙律等，天婦羅即炸得香噴噴。食完一輪後又再encore 刺身壽司先🍣，呢個牛油果軟殼蟹手卷正喎，雖然佢唔係卷狀😆仲有牛肉壽喜燒鍋，唔叫呢款又有其他湯底可以打邊爐🫕，哈哈。甜品都係任食㗎，有唔少款式嘅雪糕雪條🍨飲品選擇就唔算多了，一般罐裝汽水，紙包咁啦，都有啤酒任飲嘅，想飲唔凍嘅有熱水同茶包提供👍整體黎講坐位幾好坐，食物有水準上菜又快，店員收紙落單同收盤碟有較率，食足三個鐘唔使心急😋

刺身、sushi（特別左口魚壽司😍😍😍😍😍😍）、炸物、串燒（致愛雞肉串🤭）、小食 ＆ 雪條（菠蘿雪芭🤤）～～～基本上齊晒，好多選擇～啊啊啊！食物熱辣辣上檯，好味，上菜快，服務好！無論係男／女侍應，都好熱情，好nice！雖然我哋都唔係好記得叫左咩，侍應都會熱情嘅回應客人嘅疑問！仲有溫馨提示：有啲要盡快食，放耐咗唔好食嘅～😌係唔開心嘅時間，美食及服務令我心情瞬間好轉，陷入美食的幸福世界～雖然未試勻每一樣美食，但會再嚟食過！未食夠，但飽到食唔落，美食唯下次再嘆過！‼️：好～好～好～滿足☺️！！！希望能努力保持水準😚！

服務差唔多講。職員叫食客用膳中途轉位話阻住新一張枱 食客上枱。座位已經非常狹窄！還要捐窿捐罅上菜,不斷頂撞我們的座位。 以為多人open rice 多人like。結果就變左水魚,任人宰割！一早預訂感位。說好的有位置, 點知嚟到餐廳！原來留咗張迷你二人卡位俾我！轉左轉右都驚撞到人！至於食方面。魚生質素極之劣等! 熟食更係不可救藥。訂座所謂嘅龍蝦鮑魚。有當然有，不過可能你要提前幾年訂座就有！天婦羅,更是厚炸漿包裹幼蝦。魚生有黑點!叫了15片魚生,只來得4片。 最失望的是聲稱有超過200款食品,但落單後一大半都冇嚟到！

呢間野好唔掂！真心唔推介，除非好肚餓。而且其他餐廳等位等好耐！如果唔係千祈唔好黎呢間。食物質素低。野食味道真心唔得！好多都太咸。炸物既炸粉太厚。特別係天婦羅！送到黎唔熱 已經硬哂。已經唔係多人食出野食都禁慢！寫左幾張紙都無黎,第一次食放題係有一半時間係度等多過食。隔離檯追幾次單。我地追都費事追。食到無癮提早埋單。埋張單都要等 3、4個字！好無奈。 好差!食到燥底！第一次食放題唔係飽到食唔哂係俾左錢唔俾野食你!唔會再黎呢間。唯一好既咪冷氣夠凍囉

是咁的。我同朋友仔第一次去大本瀛食,聽嗰名覺得幾 吸引。但到最後發現,呢個價錢,刺身唔太新鮮,環境比較擠迫都算。 最頂唔順是走單問題極嚴重,除咗頭盤正正常常之餘,後面 order嘅食物最耐要等半個鐘後先上(在等待二十五分鐘後, 實在忍唔住同經理和店員反映,而男經理態度毫不在乎,表示自己忙緊,要幫其他客人order先,唔得閒處理。我心諗: 我哋唔係顧客?然而,都係要等多十零分鐘先上咗小部分)。 走單率可以理解為,每order五份,會上兩份。 經理對走單問題的處理,實在令我們有心情再食,每人花費大概 270蚊,除咗頭盤正常外,後面上單速度平均二十分鐘。就總結留返你哋,我同朋友發誓唔會再去呢間幫襯。 p.s.後面先知兆萬中心原來有勇者塔的美稱,咁呢間一定係一 哥啦!

DON'T WASTE YOUR MONEY!! when I first looked at this restaurant on open rice lots of people gave this restaurant a like but it wasn't it even that good. I went to the restaurant today and when I first looked at the surrounding the tables were close together, there was hardly one to even walk between tables. What's even worse was the food I ordered all the foods I ordered was salty and the fried foods really tasted like they've made hours ago. I had to drink like loads of drink to wash away the s

今晚係同我男朋友嘅7週年紀念日，所以揀咗呢日間日本放題試吓，先唔講食物住，啲員工服務超快，每次我用紙落單一放係台就立即俾人收左，之後仲有溫馨提示，上食物速度超快，刺生好新鮮，好好味，軟殼蟹手卷特別推介，食左兩個，樣樣款都好精緻，服務員好好傾又玩得，臨走仲同我地講笑總之就氣氛好，環境乾淨，人好，食物好，價錢仲好

每次想食放題🍴丶一定會嚟旺角兆萬中心10/f 這間名叫（大本瀛👍）曰式放題🇯🇵可以OpenRice訂位😊同屋企人🏠及朋友👭食咗很多次👍丶好好味😋😋😋這間放題員工服務態度好👍丶細心❤️及友善丶每次吃嘅食物質素也好有水準丶出品快👏丶出品熱辣辣🔥丶推介刺身丶和牛壽司🍣丶火焰京蔥三文魚壽司🍣鹽燒牛舌👅很有咬口更爽脆丶炸物🍤丶壽喜燒牛肉鍋🍲丶🦀子沙律各種都好丶也有多種飲品選擇🥤丶雪糕丶雪條任吃。絕非試食，食左好多年

好耐冇食放題！一黎就挑戰兆萬中心🙈🙈結果發現尼間野都幾高質😳放題黎講性價比高～其實兆萬又唔一定全部都伏既👍🏻第一輪嗌左好多刺身，擺盤好靚！D刺身都ok有質素，厚切，唔係薄吱吱一片咁最開心係有泰式生蝦食，仲要有埋生蝦汁，食左超多👍🏻三文魚值得一讚，件件都好肥美好香！壽司最有驚喜，好食！有我最最最愛既三文魚籽軍艦！！！仲有和牛壽司同埋左口魚壽司🍣左口魚壽司一食落去，真係估佢唔到咁好食！😅去既話一定要試～炸物同燒物都唔錯😋翠玉瓜燒得好juicy～ 芝麻雞翼好脆！另外榴槤友唔好錯過佢個榴槤炸彈，都幾足料，內裡好多餡😛同埋尼間放題都幾多自家製🤔冬蔭公湯，甜品尼d全部自己整，又幾掂冬蔭公湯👍🏻👍🏻👍🏻👍🏻雖然仲食左好多野…但就算好飽都嗌左個火鍋🍲烏冬竟然係手打烏冬，本身諗住會係普通cheap cheap烏冬😂尼個價黎講覺得幾抵，成班大食朋友🧑‍🤝‍🧑出去旺角聚會既話，不失為一個好選擇

呢間喺旺角兆萬中心既放題，款式多，價錢抵食，二佰幾蚊食足兩小時，每次落單，食物好快送到枱前。刺身夠新鮮，肉質鮮甜，炸物外層炸到金黃色，尤其喜歡炸榴連，超好味. 食堂物擺放都好有心思, 好啱打卡食貨，影完相先食。甜品，飲品選擇幾多，所以有甜品胃既人，一次過試幾款唔同口味既雪條，著數哂啦。

高質抵食放題，座位舒適，大部分係梳化座位，店員態度友善，會提醒有邊啲野食要盡快食，上菜同收碟速度亦算快。特別推薦刺身、手握及火炙壽司、卷物、各式料理、南亞風味同火鍋。刺身:泰式生蝦新鮮，配上酸辣泰式醬汁，非常惹味👍🏻馬刀貝比大部分放題嘅更嫩滑爽口，叫一次點會夠😋珍寶帶子都算大件，入口味道極鮮，推薦🤩手握壽司:黑松露劍魚腩壽司一上枱，黑松露濃郁嘅香味已撲鼻而來，劍魚腩肥美有陣陣油香。柚子象拔蚌壽司有清香柚子味，絕對有解膩嘅效果🤭火炙壽司:胡椒岩鹽燒左口魚邊壽司，左口魚邊散發香濃魚油香味，配合胡椒岩鹽，亦有中和油膩嘅作用。特式卷物•手卷:牛油果軟殼蟹手卷，軟殼蟹外脆內軟，加上牛油果，提升整體口感同味道層次。軍艦:三文魚籽軍艦鮮而唔腥，粒粒分明，食得出非常新鮮。紫菜係落單之後即包，所以食嘅時候依然非常香脆。冷盤小食:涼拌海帶運用多種香料製成，有椒麻香味，清爽嘅口感同樣有解膩之效。和風料理:清酒煮蜆嘅清酒味唔算太濃，蜆清甜味美而且無沙。火山溫泉蛋係溫泉蛋上加上特製甜醬油、蟹籽同葱花，特別開胃👍🏻一品料理:辣酒煮花螺唔算太辣，酒味都唔算太濃，其他調味料香味如香葉味道香濃。芝士黃金焗帆立貝有沙律醬

個個都話兆萬系劣食中心，但其實都有唔劣既餐廳。呢間放題之前都已經食過幾次，覺得性價比好高，但最近見佢Openrice出現勁多一式一樣既負評，於是決定去食，睇下系咪真系差左咁多。晚市20:30入坐｜$288 2小時任食刺身擺盤好靚仔，三文魚肥瘦相間厚度剛好，帆立貝、赤蝦鮮甜，馬刀貝爽口。全部都食得出好新鮮，無雪味、唔腥。份量真系寫幾多黎幾多，唔會亂咁比。壽司&手卷壽司感覺比平時放題既size大少少🤏🏿灸燒系列全部都做到入口即溶。私心推薦蒜香牛油三文魚👍🏻牛油果軟穀蟹手卷正常發揮～軟穀蟹系脆既。炸物&天婦羅&鐵板燒上枱夠熱，食落系脆既，炸粉唔厚。另外推薦鹽燒牛舌，勁重牛味，熟度剛好～熟食⭐️⭐️⭐️招牌炒蜆，必食之選，完全無沙，隻隻都有肉，調味好惹味！火鍋配料選擇唔多，每次只可以選5款配料，壽喜燒湯底甜甜地好正👍🏻肥牛偏瘦，但重肉味。食放題有得打邊爐，已經系bonus。雪糕款式多，有雪條、雪糕、雪米糍，款式超過10款。每人贈送一份既禮物入面仲可以簡MOVENPICK雪糕。野食太多冇辦法逐樣講，只能夠簡啲印象比較深刻既。我系平日夜晚8:30去食既，早到左少少見到爆晒場，入去之後所有食材依然供應充足

好耐冇食放題，今次約朋友食飯，上網見呢間餐廳都幾多好評，一於就食呢間日式放題啦！ 刺身放題必點😂刺身種類都幾多，我哋各樣都點咗啲，三文魚、油甘魚、赤蝦、甜蝦、珍寶帶子等等。最欣賞紋甲魷魚，鮮味得嚟夠爽口。 手握壽司黑松露劍魚腩壽司甜而不膩，花之戀係厚切三文魚，蟹膏珍寶赤蝦壽司夠鮮甜。 其他枝豆同清酒煮蜆都唔錯；芝士黃金焗帆立貝同秘製香蒜焗廣島蠔都係自家製，幾特別，又夠香口；紫心香芋丸有驚喜，外脆內軟，芋頭蓉唔會死甜。 要特別一提飛天通菜真係好好食！本身見到餐牌有一頁係南亞風味，心諗咁特別？點咗一碟飛天通菜試下，一試不得了！炒得夠火候，調味啱啱好，即刻encore！ 飲品同雪糕選擇都好多，椰汁奶凍同咖啡奶凍味道濃郁。加$10仲有movenpick雪糕添！ 好多時食放題由點第二轉開始已經瘋狂漏單，或者寫咗十件但嚟四件；但呢間完全冇呢個問題，每一張單都俾足。而且好欣賞侍應會因應客人進食嘅速度上菜，唔會一嚟就hur hur聲一次過擺滿成枱甚至擺唔晒。接單同換碟速度勁快，態度都非常好！