大廚小館各位: 等你載譽重來, 就如當日在鰂魚涌暫別吧~ 祝福, All the Best!…查看更多
…查看更多
實收$42蚊一客/免茶芥/免加一....(咁抵食??)半個鰂魚涌人的我, 見到定價少過五十蚊 --- 仲要唔駛加一有碟"有肉食"的飯真係覺得大驚小怪~ 話說有間茶記, 已經將價錢一加再加/加到貼在門口廣告位的午餐A-F要$56元一客, 今年年頭開始, 食SET包飲品的餐牌想要"有肉食"都難, 以前都有雞脾意呀/香茅豬扒飯呀/男人浪漫火腩飯呀咁...已經全部不在 Set Lunch之內, 非常齋! 要有肉呀, 散叫啦~ 咁計法飲埋嘢就起碼$70蚊落樓) 無計啦, 土起問題, 地主大晒, 香港人食地租好似係老馮咁. 
招牌菜餐牌在牆上一目了然, 簡單清楚招牌葱油香烤雞扒飯, 睇見個名已經想食, 而小寶說: "要吃蛋蛋" (咁樣? 晚市至有肉鬆蛋喎...) 唯有硬著頭皮問一問師傅仔可否加錢加隻煎蛋. 師傅仔好好人, 說"係咁意加兩蚊"煎隻蛋給我們問好嗎? (當然感激說好!) 
好老實講: 正常要返工的閒日, 食慣閒閒哋收五/六十幾蚊一碟垃垃圾圾鰂魚涌飯的我, 今日心情原本有點恍恍惚惚, 見到這碟盛惠四十四蚊這個模樣的飯放枱的一刻真有點精神一振而隨後有點感動... 看到胃口大開, '扒多兩啖飯', 好食!食物方面: 雞扒處理得好, 無鞋拾拾乾爭爭, 外觀當然靚仔, 葱油香, 好味! 煎蛋呢~ 好久沒見過有咁靚燶邊蛋的出品了 (個邊不是真的燶, 意識形態啫...), 一上枱我真是流口水, 飯量正常, 都夠飽, 跟餐有飲品, 我要了樽庄烏龍茶因飲唔晒方便邊行邊飲. 另一碟是雙拼豬手飯, $42元, 我沒吃, 所以在此我不評了. 環境方面: 我只給3星, 是今天唯一要扣分的地方. 是店舖位置的問題非關他們的事! 對正大日頭 - - -七月份正午的大太陽真是熱得人都癲! 整間鋪滾熱辣有冷氣都唔太夠涼, 由入店開始, 我已經周身滾熱辣流晒汗, 自動攞把手提小白電扇出來散熱但都熱爆標, 其間我見師傅仔已經自動波去開多部冷氣並且再調溫, 我們沒出聲但我知他已盡力處理, 謝謝你! 
當然隔好一會才開始有少少降溫, 所以有點點可惜, 當然, 我本人特別火, 怕熱所以有此意見, 其他人可能無我咁誇張! 總之如不是有此問題的話, 我會給以5星星作完結! 冬天來就PERFECT!! 服務方面: 師傅仔並非那種笑面迎人的人, 但他態度恰當, 而那份細心及體貼真是沒話說, 令我們很滿意! 
價錢方面: 我只能說是午餐無敵價!!! 以這個價錢有如此食物質素的一份靚靚午餐真是食完番尋味, 正!
[可惜我這個鰂魚涌人只有返鰂魚涌慢慢'嘆' (嘆息個嘆呀, 唉~)]今時今日出品如此精又好吃看得出肯用心的小店子買少見少, (垃垃圾圾/又貴坐得又迫但爆晒場的就大把, 鰂魚涌最多!
) 雖則時間唔夠用都要花心機寫一寫給店子打打氣! 大廚小館: 笑面! …查看更多
), 但記憶中有兩個湯一個椰子燉雞湯,另外一個 川芎白芷燉魚頭, 因為有人唔食雞所以廚師諗多一個, 兩個都有飲過, 好足料! 主菜有隻豉油雞(入味好食), 焗釀扇貝, 咸菜龍蝦米粉(好食特別), 雜菇炒牛肉(個牛肉超腍,好味), 上湯菜, 生菜豬肉包(呢個又超正), 全場都包啤酒汽水! 如果多人想包場慶祝, 確實係一個好選擇!…查看更多
…查看更多
1. 梅酒凍苦瓜 苦瓜係我至愛，不論有幾苦，都覺得好味！梅酒、苦瓜，完全無想過將它地擺埋一齊！大廚好有計👍🏻好夾、好得！梅酒其實已經唔重酒味，苦瓜都無苦味，成個餸凍凍地，好啱夏天食，而且食落好爽，帶少少甜甜既話梅味，好難停口😋😋😋。其實它真係有兩粒話梅係個餸入面，個汁好似飲黃酒加話梅咁，差DD想連個梅酒汁都飲埋 。2. 蒜泥椒絲皮旦呢個凍盤又係好出色，皮旦凍食個種質地同煲皮旦瘦肉粥係好唔同，大廚整到個皮旦好入味，無咗皮旦果陣獨特既怪味；而且皮旦心有少少溶溶地，食落好棉滑。我一食成口都充滿蒜泥味，加上有D椒絲係度，添加咗小小辣味，好味道! 
3. 杏汁豬肺湯呢個湯簡直係阿媽既味道，但阿媽唔鍾意杏仁味，從無加過杏汁煲；而大廚加上杏汁，簡直無得彈 
出面好多豬肺湯既豬肺好少會將豬肺先炒一次，避免有陣豬腥味影響咗煲靚湯。呢度夾湯渣時，會見到豬肺邊係燶燶地，就知大廚無偷工，每一步都做足黎煲個咁正既豬肺湯。一揭蓋見到好足料，而且好大陣香味飄出黎，就知係好野。第一啖入口真係不得了，熱熱地，杏汁味好重，加埋雞腳呀，豬肉等等材料煲，真係好屋企重料煲果隻味，無得彈呀！全煲既豬肺湯渣比我食哂，鼓油都唔使點，入哂味，怪不得朋友都勁話：記住order豬肺湯呀😎😎4.包心菜腐皮裏面包住娃娃菜，咁樣夾住食既感覺又幾得意、亦好特別，腐皮咁樣浸住都唔散，夠手工！無論腐皮定娃娃菜都吸哂個湯汁，好鮮甜。5.乞兒雞本身好泥包住上，等大家用鎚仔敲爛埋硬身既泥，再拎番入廚房，整番靚靚先再上枱，變成呢個荷香蒸雞。好香，一開荷葉果陣陣香氣，雞肉嫩滑多汁，而且好淋、好入味。雞面頭其實仲鋪咗其他配料：雲耳、菇、疑似雲腿，令成隻既味道豐富咗，忍唔住一件又一件夾入口。✌🏻️✌🏻6.咖哩蟹炒飯呢個好大碟，分量十足。內有2隻蟹，蟹好新鮮，就算用咖哩炒完都仲食到蟹肉果種鮮味、甜味，唔客氣地食埋蟹蓋，原來。。。超多膏架！只係比咖哩色蓋過，見唔到原來咁多膏！👍🏻👍🏻👍🏻食完個蓋，成隻手都香噴噴～試埋底下既炒飯，粒粒飯都分明，加上蛋炒，好茶記出色既炒飯底😍😍聞說大廚係以前某餐廳既大廚，食完真的感受果種功架，並非浪得虛名👏🏻👏🏻係度食飯可以他他調調，一路食一路吹，完全唔覺得有趕時間、做2轉既感覺。但所有菜都係既叫既煮，我地早到第一枱就最快有野食，愈遲入坐就要等等。而且見到大堂哥哥仔好勤力，乜都佢一面做哂，都仲笑笑口，同食客都有講有笑，依家係食肆真係好難見到呢d場面，咁出色既小館，要做落去，等我地有口福🤗🤗🤗…查看更多
] 多年前鰂魚涌的好味道~不枉我們找回來了! 
杏香/湯濃/料足...上次我寫這店的懷舊生炒骨是近年吃過最好的生炒骨...今個杏汁豬肺湯亦是近年喝過的杏汁湯中最好的一個, 兩個'最好'~ 這間'大城小廚'真值得我們encore! 有好些地方都做這款湯, 但可能杏汁落的不啱時間?? 杏味始終不及這一客, 所以廚師的功架高下立見! 我推介$268一客必點! 分足十碗湯, 真係無胃口唔想食飯的晚上, 各位食家來飲個湯食湯料都無介紹錯你; 唔想洗豬肺的媽媽們...以後想飲來飲便是了, 唔駛煩, 實在很好味!生炒骨無可能唔點, 而知我者...既然咁多人食飯, 有生炒骨唔代表唔可以叫埋鎮江小排骨~ 哈哈, 我食肉獸, 唔介意多肉...果然如我們所料, 兩款都非常好, 各有各好味, 炸得鬆化, 有肉有骨, 香口但唔會炸走晒肉汁, 
如果下次人少少要二選一, 都好難取捨要邊一碟...生炒四季糯米飯$148, 上次人少真係無可能點, 今晚當然要柯打一客, 食得出是生糯米落鑊炒熟透成飯之作，飯粒靚仔既不糊口又煙煙韌韌，不似某些店人做佢做又唔肯花心機時間所以蒸過糯米至炒來扮生炒...今晚這碟完全食得出個分別, 屬心機之作, 臘味份量適中, 人多必點! 推介! 同母親大人食飯, 又係一拎部手機出來已見佢望住, 傳統阿媽話: [食就食, 玩就玩, 食不言寢不語...etc...etc...] 知喇, 趁佢未為意八個菜中有五個影到交到差算不錯了, 今晚無冰鎮涼瓜唯有下次試, 叫了魚湯砵仔飯, 人食人讚, 一碗唔夠叫夠兩碗; 芥末雲耳、魚湯浸油蜜菜、欖菜炒飯、石窩蜆介牛仔肉, 全無影到, 都是ok好味的, 下次再來有影相才詳細寫反正這店是必定會再來的一間; 除了牛仔肉是全枱最普通的一碟, 原因唔知關唔關新春無肉檔開? 所以牛肉唔靚, 無牛味, 上次來吃炒牛米的牛不至於叫你嘩嘩聲但明顯不同貨色...希望下次來有改善.香港地搵快錢緊要, 流水作業多多, 大廚心機菜買少見少, 有就好去幫襯多啲支持吓~ 錢多多唔捨得食、唔捨得洗搵多多又如何? 食落肚Quota又唔多, 食多啲好嘢啦!~ 用得去時搵得番啫, 新一年祝大家長搵長食長有Good Good Good! …查看更多
[近年我食過最好的生炒骨!] 價錢方面: OK~ 明碼實價, 五十多至百多元一個菜, 沒加一, 覺得好吃的, 記得闊佬些給小賬打賞一吓...招呼方面: 好舒服! 一餐吃來的感覺就是吃得開懷, 女的一眼關七, 醒目! 樓面男就是接電話的那位, 是不是老細之一? 咁好招呼又唔會過火, 又好傾, 感覺好舒服!總括而言: 名不虛傳, 掂! 最最最重要是之後無口渴, 而且有很多想試的餸菜今日人太少要下次試了, We'll be BACK!!!…查看更多
…查看更多
