大師兄銷魂麵舖

叫左滷豆皮鴨血豆腐的銷魂麵餐，麵質彈牙，撈麵汁微辣得過好過癮。滷豆皮係多層厚身，似素鴨個類的豆品。整體好食但份量偏少，男士的話，麵最好“加底”，而滷豆皮係2件，鴨血及豆腐各3件。。。份量唔夠食。成個餐沒有配送飲品，成個連加一，需過百元賣單，我認為定價太貴。環境方面不太好座。好可惜…查看更多

銷魂麵以前買過佢啲撈麵喺屋企食，佢哋嘅舖頭真係第一次幫襯。估唔到原來咁高質～ 手工麵條勁Q彈，佢哋嘅乾拌麵係乾濕分離食法~建議加埋佢哋嘅銷魂辣油🌶️ 辣油係有牛脂嘅香味！好屈機個麻辣湯底微微辣度，香得嚟唔刺激，仲有啲藥材香飲晒成碗都得🤯 牛筋勁腍勁入味，牛腱軟嫩有膠質~牛肉片份量多但比另外兩款比下去了清燉湯底都唔差，飲到牛骨湯嘅鮮美~ 🐮 我不過第一次食嘅一定係建議試個麻辣湯底更加有特色 好食過自己屋企煮，有下次！唯一要彈嘅就係唔包嘢飲（都唔多覺有水供應）~ 一係就要散叫，一係就要叫小食套餐…查看更多

超級有驚喜嘅辣麵！佢嘅麵食法好特別，餸同麵係要分開食，枱有張貼紙上面會寫食法，滿懷期待嘅食咗一啖佢嘅麵，口感超級煙靭有咬口，雖然彈牙但唔會係麵粉味，香口又唔油膩，食落唔會好乾，睇落顏色唔辣，但係其實越食越辣超惹味，一直喺度衝擊緊我嘅味蕾！隔離嘅湯同個麵係反轉，雖然睇嚟好辣，但其實唔會太辣，肉質厚實又真材實料，豆腐嘅質感滑捋捋，牛筋軟腍入味，千祈唔好睇小嗰一碟啡啡哋色嘅醬，佢酸酸甜甜勁開胃，配上啲肉食更上一層樓！…查看更多

嗌咗「斷魂」辣度 唔知我係咪真係咁鍾意辣 食到中段，開始懷疑自己存在緊未 🧠 但又停唔到口 每一口都好似有人打開咗我條神經線 痛，但唔係唔開心 係另一種清醒 🪷🍜 麻辣三寶（牛腱牛筋牛肉片）麻辣拌麵 醬汁掛住條麵，牛味重，辣味黐實喉嚨 咬到最後，剩返汗同埋滿地悔意 但好味 😵‍💫🥟 麻辣燒賣 唔似平時嗰啲茶樓燒賣 細細粒，但每粒都似辣椒炸彈 咬開個刻，有啲想喊 🧨總結： 銷魂面鋪唔係嚟求安慰 係嚟搵返你嗰份存在感 🧘‍♂️ 斷魂辣，真係會斷魂 但走咗一次，會想再返轉頭 可能唔係鍾意辣 只係想再感受一次咩叫做「食緊」 🌶️…查看更多

銷魂麵舖 推出咗下午茶一陣子 我通常食無肉菜單有兩件豆皮 兩件鴨血 一件豆腐仲有少量青菜 下午茶麵嘅份量少啲 同少咗溏心蛋 但會連飲品 幾岩食少少都滿足嘅我😂 辣度可以走辣 另上加辣都可以 特調沾肉醬酸酸地 食肉嘅時候點 幾開胃 湯底可以任添 我個人覺得時濃時淡😛但都可以接受😂⛺️大師兄銷魂麵舖📍香港太古太古城道18號太古城中心1樓148號舖…查看更多

今日帶住包包殺入太古「大師兄銷魂麵舖」（台灣過江龍果然名不虛傳！），居然有驚喜——超級寶寶友善👶🏻💕 🍜 清燉牛肉片銷魂麵湯底清甜扯濃郁，麵條係另外裝開，麵身彈牙度💯乾撈醬汁同配湯食用都可以，自動變左一味兩食💫兩種食法都十分滋味🤤牛肉片很嫩，掛上湯汁一齊食用簡直係味覺既衝擊💥配菜有麻辣鴨血，鴨血就係要配麻辣，雖然包媽吾係好食得辣，但係呢個就係台灣既味道再配上一杯橙汁簡直爽吖🔥🧀兒童餐 - 清燉牛肉片+芝士腸+牛油粟米+銷魂麵配Q麻糬個兒童驚喜十足，藍色車仔🚙擺盤勁吸睛，而且仲有配兒童餐具，包包對Q麻糬十分帶感😋一下就食哂配菜芝士腸同牛油粟米簡直係包包既至愛套餐既飲品包包揀左鮮奶你睇佢飲得幾滋味😋涼拌小黃瓜🥒清新解膩，每條瓜身都脆卜卜包媽私心最愛店舖嘅服務十分好😍可能見我單拖帶包包黎食飯，都會好熱心主動問我有咩需要幫忙，而且餐廳有寶寶餐已提供都好加分💯…查看更多

位於太古城中心1樓的大師兄銷魂麵舖，以台灣風味麵食聞名，午餐時段是個快速享受台式美食的好去處 。
餐廳位於太古城中心1樓148號舖，環境整潔，帶點台式復古風，氣氛輕鬆，適合上班族或小聚。座位不算多，午餐高峰期或需稍等，但翻桌很快。服務員態度親切，點餐流程高效，適合想快速用餐的人。
這次午餐只點了銷魂牛肉麵。湯頭濃郁，帶有中藥香氣，牛肉軟嫩入味，麵條Q彈有嚼勁，份量適中。辣油可自行添加，增添風味，適合愛辣的食客。整體味道地道，令人滿足，充分展現台式牛肉麵的精髓。
大師兄銷魂麵舖太古城店的銷魂牛肉麵是午餐的優秀選擇，湯頭與食材搭配得宜，環境舒適，服務快捷，適合喜愛台式麵食的人。整體評分：4/5，值得一試！註：食評基於個人體驗，口味因人而異，建議親自品嚐！…查看更多

今日同企鵝朋友🐧🐧收工去左食銷魂麵舖，平時lunch 已經見到好多人排隊，今日夜晚終於可以有時間試下啦🤣🤣！🌟 清燉三寶 (牛肉片+牛筋+牛腱) 配 麻辣滷豆腐🌟 麻辣三寶(牛肉片+牛筋+牛腱) 配 麻辣滷豆皮湯底方面🍜🍜: 唔食辣既朋友仔可以揀食清燉湯底，拌面可以選擇走辣，面質煙煙韌韌，口感唔錯。麻辣湯底預設為微辣🌶️，辣度啱啱好，唔會到好辣，湯底都有麻辣湯獨有既香味。牛肉🐮🐮: 牛肉片肥瘦啱啱好，唔會太多肥肉，牛筋都好冧同入味，重有膠質既感覺，可以好好補充下骨膠原🤣🤣配埋個肉汁，酸酸地十分開胃。配菜: 滷豆腐同滷豆皮都十分入味，可以食到麻辣味。小食: 高湯津白🥗🥗+ 滷水雞翼🐥🐥食左禁多肉，都要有個菜作搭配，先飲食均衡。雞翼都有滷水味，唔會過鹹，調味剛剛好。飲品: 白桃烏龍 ☕️☕️+ 茉香綠茶🍵🍵茶飲非常解膩，茶味帶有清香，配面食十分合適。…查看更多

出到嚟太古行街搵野食，見到呢間多人排隊於是就來試吓。來自台灣過江龍牛肉麵，餐廳裝修簡潔環境乾淨，坐位就不算寬敞。吃完整體覺得一般，唔值呢個價位😬💚清燉牛筋＋牛肉片＋銷魂麵（走辣） $108跟配麻辣滷鴨血 💚清燉三寶（牛肉片、牛筋、牛腱）＋銷魂麵 $118跟配麻辣滷豆腐-銷魂麵 （辣或不辣都可以）麵的質感不錯 煙韌彈牙-半熟蛋 正常，可以再好啲-清燉牛筋+牛肉片+ 牛腱牛肉沒想到是肥牛片 味道一般牛筋就夠腍而牛腱就偏硬-湯底調味剛好 入口無油膩感 有牛味嘅香另外有需要可以加湯-而跟配嘅醬汁酸酸地都幾好味-麻辣滷鴨血 唔太入味 不會覺得辣-麻辣滷豆腐還算入味 不會覺得辣🌟Encore 指數：5.0/10——————————————————————Total HK$248.6 (包括10%服務費）2人…查看更多

餐廳裝潢簡約，帶有台灣傳統小店的風格。座位雖然不算寬敞，但整潔乾淨。 麻辣三寶牛肉麵湯頭濃郁，帶有淡淡的醬油香和辛香料的層次感，喝起來溫暖且不膩口。湯底的鹹度剛剛好，不會過鹹，適合喜歡重口味但又不想負擔太重的人。 牛肉塊大且厚實，燉得軟嫩入味，幾乎入口即化。牛筋部分也處理得很好，Q彈有嚼勁，充滿膠質感。 麵條是手工拉麵，粗細適中，咬下去有彈性且能充分吸附湯汁，口感非常滿足。 搭配的酸菜和青蔥增添了清爽感，平衡了湯頭的濃郁。 清燉牛肉麵清燉湯頭清澈但味道鮮美，帶有淡淡的牛肉香和蔬菜的甜味，適合喜歡清淡口味的食客。 同樣是厚切牛肉，但因為清燉的關係，牛肉的原味更加突出，口感依然軟嫩。 與紅燒牛肉麵相同的手工拉麵，搭配清燉湯頭更顯麵條的麥香。 …查看更多

同姪仔搵食，想搵間快靚正，見呢間唔駛排隊，就入左黎食。食物呢度餐牌主要喺分辣同唔辣，我地各樣一個。覺得個撈麵係幾好味幾有咬口，但都有小小辣架，怕辣嘅人可能就要同返店員講聲走辣。一個餐主要有三樣野——麵、湯牛肉、配菜，至於點樣食，就要靠自己睇下檯角果啲好細粒嘅字。如果唔夠眼力睇，其實都可以按自己喜好食，將湯筆落麵又得，將麵筆落湯食又得。服務同今時今日好多鋪頭一樣，明明QR Code自己落單，你冇同店員講過幾多句，水又冇，但都係要比加一服務費。環境檯同檯之間都係好近，靠牆坐的話就可以放野喺長椅。打對面果個就冇椅背，老友記就唔係好啱坐。試一次冇壞，唔好抱好高期望就得，再返黎食就未必啦，因為都覺得唔係好值三位數。…查看更多

I was told there’s a new Taiwanese beef noodles place in Taikoo☺️and my friend seems to really like this place. I was skeptical at first but I get it why she heart it😋their spicy beef noodles is pretty decent. I love the richness of their beef broth and it match pretty well with the noodles. The quality of the noodles is also pretty impressive, it felt fresh☺️the brisket is also very enjoyable. On the other hand my friend prefer the clear broth cos she can’t do spicy. But her clear broth noodles is more like tsukemen. Think that’s also the reason why the texture of the noodles is more significant but I reckon overall, clear broth noodles is a tad bland for my liking🤪…查看更多

讚-麵質感幾好 爽彈 個豆腐都入味 蘸牛肉既醬汁夠惹味 有啲麻香酸香感 唔錯-好闊落既空間彈-煮牛肉既麻辣湯係辣既 但偏平淡 牛肉實在無諗過係肥牛片果種 -價錢實在唔嘢少 同宜家食碗貴價日本拉麵差唔多…查看更多

幾年前在台灣吃過，一直覺得下次再去台灣會再吃，結果已經在香港開店了，於是在工作午飯時間過去。掙扎清燉牛肉湯還是麻辣湯，結果都是選擇麻辣湯，不算太辣，如果喜歡吃辣嘅朋友，有加辣的選擇。麻辣牛三寶湯 包括牛筋牛肉片牛腱 $118麵質是我喜歡的硬度，一點點煙靭，而且味道剛好不會太鹹，附送小食，有麻辣鴨血或麻辣豆腐選擇。餐廳亦有即食麵版本可做買回家自己煮，價錢是比一般即食麵稍為貴一點， $98 4包麵。總括而言，跟台灣水準差不多，味道好，會再次幫襯。…查看更多

太古城 l 台灣過江龍小編每次去台灣必食，第一次去台灣食過就番唔到轉頭。見到佢係香港開左分店就一定要試下。清燉三寶(牛肉片，牛筋，牛腱) + 銷魂麵 $118 6/10麻辣大滿足 (牛肉片，牛筋，牛腱，鴨血，滷豆腐，滷豆皮) + 銷魂麵 $128 6/10 牛筋燉得很腍，牛肉片肉味濃，不過牛腱燉得唔夠腍。清燉肉湯: 清得來肉味香濃，有淡淡藥材味麻辣肉湯: 麻辣湯唔算油，唔算超級濃，都係有淡淡藥材味麻辣鴨血好食，吸湯滷豆腐，滷豆皮正常銷魂麵好香好食，有少少炸蒽，同蒽係面。小食加飲品 +$28招牌老油條 2/10太硬，唔太吸湯，唔太建議 (不過台灣既好好食)冬瓜茶 6/10清清涼涼好舒服，正常冬瓜茶總結: 冇台灣食過咁好食，係香港食覺得驚艷程度唔高。建議大家去台灣食。如果真係好掛住台灣味都可以食下來止痕。但係要強調台灣既真係好好食！有外賣即食麵賣，試過自己煮係同鋪頭既銷魂麵唔同既大師兄銷魂麵舖 (太古)太古太古城道18號太古城中心1樓148號舖…查看更多