大師傅粥品 (天瑞商場)

我已經食咗幾次，呢間店既性價比非常之高。完全冇諗過可以三十幾蚊，四十幾蚊可以食飽肚。今次點咗我最中意食嘅豬潤腸粉非常之淋同滑，然後亦都點咗炒米粉，非常之爽口！以後會繼續食。…查看更多

3月20日下午去食咸蛋白粥+牛肉腸粉, 因咸蛋蛋白太鹽所以無食晒, 進食期間其中一個侍應同另一個侍應閒談並好大聲咁樣講「唔食咸蛋蛋白折墮呀」. 客人可能因一些病痛或其它原因而不能食太多咸蛋蛋白, 該名侍應在店內講一些不禮貌用詞, 真系令人感到嘔心. 侍應不應該在店舖大聲喧嘩影響客人進食, 今時今日仲有呢種服務態度. 一間店舖聘用及培訓友善有禮貌嘅侍應真系好重要.…查看更多

生菜鯪魚球粥生菜 口感爽脆，鯪魚球 份量幾多，味道不過不失，粥也不過不失，勝在有薑絲炸兩失望，因為炸兩唔脆，腸粉 口感ok本來想食埋牛利酥，但驚唔脆，會好un，所以都唔咁 order…查看更多

最近天氣成日落雨，唔小心凍親凍病，病咗最啱就係食返碗粥，每次病都會幫襯呢間大師傅粥品，平靚正之選～黃沙豬膶粥💰HK$35大大塊豬膶，粥水稀得來口感綿密，啖啖都好鮮甜，個人比較中意食啲較稀嘅粥，所以呢到嘅粥水就正合我意啦～韭黃鮮蝦腸粉💰HK$22腸粉口感嫩滑，蝦仁嘅份量都好足，配上甜豉油，好味～…查看更多

呢度嘅粥都幾多選擇👍🏻超級推介佢嘅菜乾豬骨粥❤️菜乾份量都幾多 豬骨有成條筒骨 食落好鮮甜好夠味 而且粥底仲要好綿滑 正到爆!黃沙豬膶粥豬膶處理得好好 仲爽爽地口感唔會腍唒 一啲腥味都冇 好味!…查看更多

食粥一定係食大師傅！！！暫時天水圍未搵到嘢可以取代！每次唔舒服我同屋企人一定係食佢！每次都係食皮蛋瘦肉粥 油炸鬼炸兩 或者炒米粉炒米粉大大兜 仲要好平 通常我係隔夜帶飯食今日好胃痛 所以叫咗個皮蛋瘦肉粥$29差唔多啦，大大兜皮蛋份量唔多 瘦肉就OK不過啲粥好入味，平時我會落鹽但係佢根本唔使 之前試過喺尖沙咀食一樣都係好好食 ！堂食啲服務員都好有禮貌而且等候時間唔會好耐 超級快外賣，通常都好多人等 都係大概5分鐘就拎得…查看更多

天氣凍凍地 想食啲暖笠笠既野粥🥣一定係最佳之選💁🏻‍♀️看似簡單既一碗粥 要煮得好食 煮得夠綿 其實都好講技巧兩條友仔 夜晚九點半鐘想搵野食 選擇比較少再加上食我食野慢 得返半個鐘一定唔夠時間食見到呢間收得比較晏 就坐底左⏩️皮蛋瘦肉粥⏩️艇仔粥粥夠綿 但水偏多 料多 碗艇仔粥分分鐘係 料多過粥😂 ⏩️炸兩腸 （大）🥢🥢炸兩仲係脆口 腸少皮厚左啲 唔夠香滑醬料放檯面 自己隨意加 最岩鍾意多醬既我😍天氣凍 食返碗熱野 成個人即刻暖返 個胃都舒服啲😌…查看更多

近排食得比較多，晚上想食清淡啲，唸起呢間粥店，平時好少嚟食，因為食物一般，但有時心血來潮，想食就食，咁多年，都會定期嚟食，update下。🤣每次嚟只會點三寶：艇仔粥、炒麵、油炸鬼，一個人其實唔點食得晒，但貪心想食，又擔心唔知下次幾時再嚟。今次艇仔粥料好多，肉碎、魷魚、豬皮差唔多有半碗分量，師傅咁重手，我當然照收。粥綿綿的，食晒。炒麵仍然係多年嘅味道，淡淡豉油味，唔油膩，雖然炒得完全冇鑊氣，但我就係鐘意呢種淡淡的味道，送粥唔錯。油炸鬼大大嚿，張大個口都唔夠大，食唔到，唯有撕開嚟食。油炸鬼放到夜晚都仲脆，唔錯。…查看更多

蝦米腸抵食又好味😋腸粉夠滑 又有蔥香同蝦米香味點啲豉油真係好香口又開胃每次必點之一另外，炒麵配艇仔粥再加牛脷酥 埋單$65每人平均$32.5簡單、快捷、便宜又一餐！…查看更多

買咗一個魚腩粥一個炒麵一個豬肝腸，成個魚腩得三舊仔魚腩，炒麵乾到呢…豬肝腸粉仲要係食到腥味…點解朝早既態度同夜晚既態度相差咁遠既…早上果班員工個個黑口黑面…好似死老豆咁…但夜晚既員工仲有講有笑…發誓以後就算早上咩都無得食都唔會早上再去…查看更多

突然想食粥，梗係去大師傅啦，佢啲粥熱辣辣，啲炸腸皮又薄油炸鬼脆扑扑，食完粥都唔口乾，兩個人食左兩碗粥，大炸兩，一隻糉都係$92，夏天熱辣辣，唔想喺屋企煲粥煲到成身汗，直接去食啦…查看更多

嗰日見咁耐冇食過粥，就入去試下呢間野，叫左一碗皮蛋瘦肉粥和一碗茶乾排骨粥，嗰碗皮蛋瘦肉粥係我朋叫的，我試左一啖，好似食緊粥水咁水多過米🥴跟住到我碗菜乾排骨粥，碗野尼到個賣相已經係好樣衰。。好似啲嘔吐物。。之後仲要吾夠熱。。所以食咗左半碗冇食了。。我叫我朋友試下，佢都吾肯試。。因為碗野個賣相太核突。。點知到第二日我個朋友我肚屙屙咗少少。。我就屙到半死咁滯屙足全日。。個屎忽完全係全程屙水。。。可想而之呢間野除咗難食之外仲要極度唔衛生個賣相太樣衰所以冇影相。。…查看更多

放工去左去買外賣比完錢坐左係張吉櫈度等無情呀姐寧頭空左張櫈都唔比外賣食客坐當時間鋪仲要唔多人等一個炸兩加幾係隨時ready既油炸鬼等左勁耐耐耐 要個客企係出面食西北風等超過15分鐘冇人性間公司真係要好好提升下啲員工服務素質唔鐘意幫襯啲心地唔好既人/餐廳…查看更多

成日都嗌嚟食個囡鐘意食牛肉腸同煎堆我就鐘意食生菜碎牛粥叫多個炒米粉晏啲食panda運費都唔平 預多餐抵啲大推煎堆！！！！大大個脹卜卜好新鮮凍咗都唔會淋 超好食粥可以自己配搭返唔同餸識食一定要加生菜絲！！！！…查看更多

昨天因為感冒生病了，想吃得清淡一點，便叫了一碗外賣的鯇魚腩粥，決定為他的美味唔讓更多人認識，當魚腩放上粥鮮中帶甜滑嫩爽口，在繁雜的味道中格外醒神，舒緩了我的病痛精神奕奕…查看更多