影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
相关文章
喺马鞍山揾食，提到烧鹅，点少得 大壹烧鹅 嘅名号！作为一间烧鹅名店，佢嘅招牌烧鹅远近驰名，但今次同另一半去到，因为佢食咗下午茶，唔太肚饿，于是决定试吓小菜，点知竟然有意外惊喜！今次我哋点咗蚝仔粥（碗）、椒盐豆腐及腐乳炒通菜
呢碗蚝仔粥真是一个大惊喜！粥底煮得稠滑浓郁，米香同海鲜嘅鲜味完美融合，入口暖胃又舒服。蚝仔新鲜又大粒，咬落去鲜甜多汁，完全无腥味，仲带有淡淡嘅海洋香气。粥入面仲有葱花同其他配料，增添咗层次感，食落去每一啖都好惹味，充满大排档嘅家常风味。作为主食，呢碗粥真是一个暖心嘅选择，令人回味无穷。
椒盐豆腐系大排档嘅经典菜式，大壹烧鹅嘅版本真是一个大成功！豆腐外层炸得金黄香脆，咬落去「卡滋卡滋」，内里保持住嫩滑嘅口感，入口即化。椒盐调味恰到好处，带有蒜香同微辣嘅风味，食落去好似将大排档嘅镬气同香气都带到嘴边。简单嘅菜式，却做到咁出色，令人停唔下来！
腐乳炒通菜系另一道惊喜！通菜炒得爽脆淋口，保持住青菜嘅鲜绿同清甜，配上浓郁嘅腐乳酱，咸香惹味，入口充满镬气。腐乳嘅味道唔会太重，刚好同通菜嘅清新平衡，食落去好开胃，仲好下饭。呢道菜真是一个港式大排档嘅经典代表，简单却充满风味。虽然今次冇叫烧鹅，但小菜嘅质素已经够我哋回味，已经谂紧下次一定要试吓佢哋嘅招牌烧鹅！
继续阅读
呢间系常年必吃榜上面嘅食店，真系名副其实店入面座位唔多，一到饭点简直一位难求，经常要喺门口等好一阵先有位坐但讲真，等都值得！佢哋嘅烧鹅真系冇得弹，块皮烤到脆卜卜，油份又控制得好好，唔会觉得腻至于叉烧，绝对系必点推介！肥瘦比例啱啱好，边缘带少少焦香，入面嘅肉又嫩又多汁，送饭或者空口吃都一样正满意度真系爆灯
继续阅读
今日去咗茶餐厅食烧味饭，体验咗经典嘅港式滋味。平平地拣咗烧味饭，一人一碟。烧味双拼饭：叉烧、油鸡。叉烧烧得恰到好处，蜜汁鲜色香甜，肉质松软，肥瘦适中。🍖油鸡皮滑肉够味。饮品冻柠茶: 冻柠茶茶味香浓，柠檬酸甜，非常解渴。🍋另叫了烧鹅、烧肉双拼饭全餐。烧鹅皮脆，鹅油甘香🦢烧肉皮脆卜卜，肉质松软，肥瘦均匀🐷套餐有油菜，油菜份量多，爽口。例汤足料🥣饮品咸柠七咸咸甜甜，非常解渴，咸柠檬嘅香味更加突出🍋
继续阅读
落雨天最好买外卖返屋企食，有人想食饭有人想食面，就谂啲餐厅系比较多元化嘅。大壹喺马铁马鞍山站行几分钟就到，非常方便。今晚三个人食，行过闻到烧味嘅味道非常香，我哋叫咗一个叉烧熏蹄饭、一个叉烧熏蹄濑粉、一个XO酱鸡球炒乌冬。之前有朋友食过都赞呢度嘅叉烧好味软硬度适中味道香甜，所以今日决定嚟试吓。其实打开盒饭叉烧味已经好浓，我一啖咬佢个质感系非常好，个蜜汁味系好浓好浓，呢个甜度刚刚好又唔会太肥腻，而肉嘅质感亦都系好适中，分蹄一啲都唔肥腻，配合埋个醋汁非常夹。仲有我想赞一赞个濑粉，汤粉分开返到嚟加咗啲汤落个粉度软硬度非常好，个炒乌冬XO酱炒好有镬气，一啲都唔觉得油腻，整体嚟讲呢间餐厅做嘅烧味同埋炒粉面都系好好。
继续阅读
相信大部分香港人都喜欢叉烧，我和太太也不例外。早前与朋友聚会，话题转到「叉烧」，两位分别住在大埔和沙田区不约而同的朋友，大赞大壹烧鹅马鞍山店的叉烧。我和太太曾光顾大壹烧鹅铜锣湾店，却没有留下半点印象。前阵子经过马鞍山，刚好是下午6点，想起朋友提到大壹马鞍山店的叉烧，试试无妨。门外有3个客人等候外卖，店内已8成满座。我们点了叉烧饭和拔丝咕噜肉。叉烧饭大约有10件叉烧，甜度刚好、淋淋哋边边却有点点脆，少少肉汁感觉不会干，与香软白饭一起放入口，正👍🏻。拔丝咕噜肉上菜时仍感到镬气，轻咬一啖，脆香的外层，咬深一点尝到肉汁。伴菜是鲜菠萝片及荞头，酸酸哋非常惹味。整体来说，叉烧好味，高于一般水平而矣；拔丝咕噜肉有少少惊喜，但拔丝的份量再减少一点更好，温度下跌令大量拔丝黏著，影响味道。
继续阅读