夏銘記

营业中

休息中

夏銘記早在80年代以為尖東大部份知名潮州酒家供應墨魚丸。全鮮魚製作絕無化學添加劑。老闆說魚蛋是每天新鮮手工製作，而辣椒油是手工製作的絕無添加！好香好辣！呢間麵館絕對係令人驚喜嘅選擇。首先， *雲吞水餃撈麵* （$60）將嫩滑嘅雲吞、水餃同彈牙麵條完美融合，搭配秘製醬汁，鮮蝦入邊有蝦子！每一口都充滿層次感。至於 *炸醬雲吞撈麵* （$72），濃郁嘅炸醬與鮮美雲吞相輔相成，鹹香味道令人欲罷不能。作為配菜， *鮮炸魚片條* （$62）外脆內嫩，炸至金黃剛剛好，魚香十足，絕對係一道令人驚喜嘅小食。而 *新鮮油菜菜心* （$20），清脆爽口，為整個餐單帶來清新平衡，正好解膩。飲品方面， *無糖可樂* （$8）適合鍾意清爽口感嘅食客，而經典 *可樂* （$8）帶來微微甜味，搭配撈麵更加滋味。最後， *淨魚蛋* （$48）彈牙鮮美，入口即釋放濃厚魚香，係地道小吃中不可忽視嘅亮點。整體而言，呢間麵館以親民價錢提供高質食物，每一道菜都展現出用心製作。無論係主食、小吃定飲品，都值得細味品嚐。絕對係值得一試嘅美食體驗！員工親切有禮！師傅全人手製作，真係好正！

前排一個人晚黑去佐敦呢間老字號麵舖食野，聽講佢哋嘅手打魚蛋同鮮炸魚片好出名。店面唔算大，座位有限，夜晚去到真係好旺，仲要排一陣隊先有位坐。雖然價錢唔算平，不過食物好食，等左陣得都值得叫咗鮮炸魚片條，一上檯就聞到陣陣魚香，食得出真材實料，魚味真係幾香。炸得啱啱好唔太油膩，皮好脆，咬起上黎都彈牙，唔係空氣感嘅質感。佢哋仲好貼心幫手切好片，上檯即食超方便牛腩撈粗都好正，牛腩炆得好腍同入味，加左少少湯同佢哋自家嘅辣醬油，陣辣味幾香原本諗住叫碟油菜唔會太多，點知都幾多😂整體嚟講，食物用心，價錢對得起質素，怪唔得咁多人幫襯。下次經過佐敦會考慮再食多次

📍夏銘記（佐敦）佐敦白加士街5號👉鮮炸魚片條切片💰62😋😋😋😋.9/5呢條魚片外脆內嫩，炸到金黃酥脆，魚味鮮甜，配上一點檸檬汁，味道更佳，真係一口接一口，令人好心情，適合做小食！👉中筋腩💰110😋😋😋😋.8/5中筋腩肥瘦適中，肉質滑軟，煮得入味，口感極佳，配上香濃醬汁，無論係白飯定麵都好適合，食完真係令人滿足！👉新鮮油菜菜心💰20😋😋😋😋.8/5呢啲油菜菜心新鮮脆口，顏色翠綠，味道清甜，簡單蒸煮保持原汁原味，搭配少少蒜蓉，食起來健康又美味，令人愛不釋手！👉新鲜油菜芥蘭💰20😋😋😋😋.8/5油菜芥蘭爽脆可口，煮得火候剛好，保持清新味道，搭配少量鹽或者豉油，簡單卻好味，係一道健康又美味的配菜！👉葱花鵝腸紫菜粗麵💰64😋😋😋😋.8/5呢碗粗麵滑順，鵝腸爽口，葱花增添香味，紫菜更添風味，豉油入味，整體口感十足，食完令人回味無窮，真心推薦！回頭：yesyesyes!之前食過已經對個炸魚片念念不忘，今次再食都係咁好味，所以一定會再有下次嚟食

今天中午，我和朋友到位於佐敦的夏銘記麵家吃午餐。這間店真係有地道味，氣氛輕鬆，食客都唔少。我哋點咗幾樣嘢，首先係蔥花鵝腸豉油王撈粗面，豉油味道濃郁，麵條夠彈，鵝腸唔油膩，真係食得開心。接著，我哋試咗魚蛋魚片湯幼面，湯底鮮甜，魚片滑嫩，魚蛋彈牙，仲有啲青蔥點綴，味道一流。雲吞水餃亦唔可以錯過，雲吞皮薄餡靚，水餃更係多汁，真係一口接一口。最後，我哋仲加咗鮮炸魚片頭同芥蘭、菜心，炸魚片外脆內嫩，蔬菜清新爽口，非常搭配。飲品方面，我哋選咗兩枝汽水，解渴又開胃。總括來講，今次用餐體驗非常滿意，無論係食物質素定服務態度都好，真係值得再來！

魚旦魚味濃郁，炸魚片即叫即做，超好味，湯底鮮味，餐廳服務佳，大推。辣椒油好香，但是比較辣，要小心，不要落太多。本來很想食炸魚皮，可惜今天晚上巳沽清，店員告知每天很快沽清，要中午來才有。

老字號手打魚蛋店真係買少見少 通常都好多人等位今日咁啱早收工 行過竟然唔洗等 當然要幫襯❣️牛筋腩片頭撈粗麵撈麵最正一定係用腩汁 柱侯牛筋腩炆到好腍魚片頭同清湯分開上 濃淡自由控制❣️鮮炸魚條切片果然係出名手打魚片 幾乎每台食客都有點仲有無數咁多嘅人特登外賣拎走食落魚肉味濃郁 食到魚嘅鮮味 口感彈牙 同坊間預製麵粉魚片簡直兩回事❣️雲吞水餃好開心淨食都有雙拼兩款都皮薄餡靚 大小適中 一啖一口唔識點形容 但就感覺食落係兒時嘅味道唔係啲舖頭做到一味得個大粒同落好多肥豬肉呢度食落個餡料新鮮得來充滿肉汁 蝦肉夠彈牙❣️炸黃鱔魚皮比一般嘅魚皮珠身 食落更加冇咬口口感酥脆 點落啲湯到食仲卜卜聲添❣️紫菜三寶（魚餃魚蛋魚片）墨丸賣晒所以轉左魚片白魚蛋食落一樣鮮味彈牙魚皮餃細細隻 層皮好薄 裏便粒肉餡有大地魚嘅香氣

夏銘記係一間老字號，係香港為數不多，仲用軟漿方法打魚蛋嘅麵店之一，每日都會劏魚做新鮮魚蛋同魚片，深受街坊同遊客歡迎。招牌原條炸魚片一定要試，新鮮炸起時，外皮微脆，裡面彈牙有口感。牛筋腩軟腍入味，麵質爽口，撈麵會跟1碗湯，湯底清甜唔咸，直接飲都可以。澳洲和牛牛筋丸咬落去有彈性，唔會好實同粉咁。水餃皮薄、餡料豐富，咬開有湯汁，味道好鮮，鍾意食辣可以配上自家制辣醬，會更惹味。店內保持住懷舊嘅麵檔氛圍，令人感覺親切。店員好友善，主動同面帶笑容，唔怪得咁多客人排隊都要食。總括來講，夏銘記無論味道、環境或者服務，都好實在，值得再返嚟。提示：小禮物今日系辣椒醬

琴日經過佐敦白加士街夏銘記，已前喺油麻地經過好多時都幫襯，質數唔錯，但早前結業，自從年多兩年前重開之后，成日排隊，琴日唔使排隊，11點9入去，得一枱客，入去食魚旦魚片撈麵，麵底一般，但魚旦好"削"冇魚味，軟腍腍，好多空氣，魚片都係，兩樣都冇乜味道，渴底一般般，同以前有很大分別，十分十分失望，食完口乾，食完埋單12点幾我得3/4個人服務都幾好，地方整潔，希望老細可以改進食物質素，維持老店嘅水準，唔好整衰個招牌

很好味的宵夜 小時候的情懷 很久沒有吃了，真的很懷念 很可惜我們到達時已售罄 芥蘭又很靚，魚皮也很脆 辣椒油很香 份量好足夠 下次經過可以試 店員話還有兩間分店在港島 加油努力！

夏銘記呢個名字非常熟悉，原來就係以前勝利道嗰一間老字號麵店，食客依舊絡繹不絕！👍🍜 蔥花牛筋腩片頭撈麵 牛筋腩燉到軟糯黏唇，膠質感滿分！片頭（魚片）意外彈牙，撈勻秘製醬油+蔥花，鹹香惹味～麵條掛汁力強，但記得趁快食，否則會略乾！ 🐟 鴛鴦魚蛋河粉 ▫️ 白魚蛋超光滑！咬開是細膩魚香，鯪魚魚蛋則帶顆粒感，鮮味更濃～▫️ 湯底清澈但超有深度！河粉薄到透光但夾起唔易斷，河粉吸湯一流～ 🍖 南乳豬手 用筷子尖輕輕一篤就骨肉分離，南乳香滲透每絲纖維！ 肥瘦比例完美，配飯或單吃都滿足～🐍 炸黃鱔魚皮 ▫️ 脆到像吃薯片！無腥味，鱔魚香淡淡回甘～▫️ 直接吃or浸湯3秒，兩種食法都絕配！

佐敦分店鋪面唔算大，但勝在乾淨企理，裝修都頗新，店員態度幾好，招呼都算快手，尤其係繁忙時段都keep到效率。繁忙時間人龍源源不絕，五一黃金周第一日去大概等15分鐘有得入。🥢手工炸魚片條呢度最出名嘅一定係炸魚片條，幾乎每枱客都會叫。新鮮炸起，外皮金黃香脆，咬落去魚肉好滑，仲有濃郁魚鮮味，而且炸得唔會油膩。聽到有食客話佢哋嘅魚片係用門鱔、九棍魚自家打製，所以魚味特別濃。建議就咁食，唔好浸湯，咁先食到最脆口嘅口感。🥢蔥花豬手撈麵** 豬手炆得夠淋，膠質豐富，撈埋竹昇麵同蔥花，汁底濃而不膩，味道唔錯。🥢紫菜魚四寶（魚蛋、魚片、墨丸、魚餃）魚蛋同魚片都係自家製，魚味自然，冇腥味。墨丸入面有少少芫茜，食落層次感幾好。魚餃皮帶韌勁，口感不錯，湯底清甜，加埋紫菜更鮮味。 🥢淨雲吞水餃雙拼雲吞皮薄，蝦肉爽口，水餃餡料夠足，有木耳同豬肉，都唔錯。

呢日嚟咗呢間有粉有麵嘅港式餐廳食個 early dinner 🤣$48「牛筋腩湯麵」加「紫菜（+$10）」：牛腩同埋牛筋夠軟熟兼好牛味，麵係幼麵有少少彈牙，整體好味🤣$64「蔥花豬手撈粗麵」：豬手有幾件件件都大大件件件都炆煮得好軟熟一咬落去就離晒骨又好豬味，粗麵比幼麵更加彈牙，撈麵分量仲好多🤣$62「鮮炸金黄魚片一條」：呢個可能係旗艦食物👍，見到幾乎枱枱都嗌同埋勁多外賣👍，咁又真係幾好食，魚片非常鬆軟又好魚味，外皮少少煙靭又脆脆哋，炸過之後好香口🤣$48「淨水餃🥟」：大大隻，裏邊有鮮蝦仁、豬肉 同埋 脆脆哋嘅木耳，好味道😋$20「新鮮油菜」：叫咗兩碟，一碟係芥蘭一碟係菜心，兩碟菜都夠新鮮，菜心幾爽脆，芥蘭仲爽脆😋$20「炸黃鱔魚皮」：卜卜脆幾好食🤣$8「大紅袍」：大大支凍冰冰👍

夏銘記麵家 (佐敦)佐敦白加士街5號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：葱花鵝腸豉油王撈粗麵 $64，鮮炸魚片條 $62，蠔油芥蘭 $20葱花鵝腸豉油王撈粗麵：麵條彈牙有勁，鵝腸量多， 煙靭而美味，配上特製辣椒甜豉油和爽脆的葱花，加上魚湯一碗，水準一流。麵條的韌性與鵝腸的鮮美，加上葱花的清香，層次豐富，口感層次多樣，令人回味無窮！😄😄😄鮮炸魚片條：炸魚片條外皮金黃酥脆，內裡的魚肉卻保持著鮮嫩多汁的口感，入口即化。魚片的鮮甜與酥脆的外皮形成強烈對比，口感層次豐富，第二度實食唔番！👍👍👍蠔油芥蘭：新鮮爽脆的芥蘭，配上濃郁醇厚的蠔油， 蔬菜的清脆口感與蠔油的濃郁香氣完美融合！😍😍😍

經過佐敦白加士街見到這間夏銘記麵店，被門口廣告手工炸魚片吸引，我叫了一碗雲吞墨魚丸粗麵加手工炸魚片一條，魚片皮脆及彈牙，真的好好味，值得再次光臨下次一定要試炸魚片頭及炸黃鱔魚皮

在佐敦一帶有很多粉麵店，夏銘記是我其中一間喜歡的，時不時就會去食，從店面可見他對食物品質是有要求的。.每次來都會叫一整條炸魚片，他們的魚片魚蛋真的無可取代，軟得來又入味，即叫即炸即食真的十分好吃。.他們的水餃雲吞也絕對是有驚喜，很少粉麵舖會用大蝦，所以每一啖都是彈牙清新的蝦肉，我就十分欣賞他們對食材及製作的堅持，這種老字號在香港已經不多了。.當然撈牛腩麵也是絕配，牛腩煮得很腍，又留有口感，這個絕對是永不言敗的粉面組合。.值得一提，他們家的辣椒油真的好正，吃少少已經充滿辣味。