壽司郎 (新都會廣場)

壽司郎作為一家平價迴轉壽司店，價格親民，成日都好多人等位，我就比較鍾意早去可以少D人。大吞拿魚腩壽司每次都會點，可以解一下拖羅的癮。之後就到我最鍾意的芝士燒三文魚，壽喜燒牛肉壽司等等的熟食壽司，芝士燒三文魚好香，令三文魚油脂更突出，壽喜燒牛肉就好似食壽喜燒咁但又可以食少少唔會太飽。茶碗蒸都是不容錯過的美味，口感滑嫩。壽司郎每月會推出不同限定menu，唔會咁悶，有時仲有期間限定特別吸引，一家要去試一試。不過由於壽司郎非常受歡迎，經常需要排隊等候。…查看更多

最鍾意喺一開門嘅時候就去食壽司郎因為一定唔使排好耐隊😂今日嚟到先發覺有新款式試咗大吞拿魚腩配蔥花吞拿魚蓉個人覺得好似之前大吞拿魚腩好食啲慢烤黑毛和牛配紅酒鵝肝忍唔住食咗兩件，如果呢樣可以keep住都有就好啦海膽忌廉可樂餅炸出嚟都好脆口，雖然濃郁嘅海膽味但係整體都幾過癮其實仲食咗照燒雞配粟米沙律軍艦同埋白象拔蚌雙味呢啲就不過不失甜品仲食咗巴斯克烤芝士蛋糕雖然唔太識欣賞上面嗰忌廉但係個芝士蛋糕係好食嘅😋…查看更多

難得今天提早下班，終於有時間去排隊食壽司郎！最近好想去日本旅行，但暫時去唔到，唯有嚟食壽司止下癮啦。作為一名壽司控，壽司郎真係我嘅心頭好，佢哋啲海鮮新鮮又多選擇，今次真係食到好滿足！吞拿魚與生海膽海苔天婦羅配特製醬油吞拿魚好鮮甜，海膽濃郁又唔會太搶，天婦羅海苔炸得脆口，配上特製醬油，味道好夾。一啖食落去，口感同味道都好有層次，真係好正！白鳥貝北寄貝貝肉爽口彈牙，滿滿嘅海洋鮮味，食落去好似將日本嘅海味帶到嘴邊。特大草蝦天婦羅（淡路島藻鹽）草蝦超大隻，肉質結實，天婦羅炸得金黃酥脆，外脆內嫩，配上淡路島藻鹽，鮮味更加突出，完全唔使點其他醬都夠晒味。茶碗蒸滑嫩嫩嘅茶碗蒸，裡面有蝦仁同魚肉，暖笠笠咁食落去好舒服，係一個溫暖嘅小驚喜。特選大吞拿魚腩呢個真係今餐嘅高潮！入口即溶，油脂豐富，食落去好似幸福感爆發咁，絕對係必點之選。炸赤烏賊塊烏賊炸得外脆內嫩，咬落去Juicy又唔油膩，係一個好開胃嘅選擇…查看更多

星期日既壽司郎係好多人，喺4點半拎飛都已經要等40張枱，但仍未係食晚飯既時間，都比較快有位，等左半個鐘就可以坐低。壽司郎既種類比較多，而且好多都岩小朋友食，另外近排同日本既魚怪合作，食某啲菜式都會送魚怪小擺設，吸引到更加多人～都係比較鐘意食呢到既蒸蛋，因為蒸得好滑，同埋都係熱辣辣咁送到黎。好鐘意點大螺貝，因為好爽脆～至少點兩次另外烏冬都好適合小朋友食，星期日同屋企人食有小朋友有老人家最合適，不過5點令鐘拎飛係最好，唔洗得咁耐又早啲可以食完～…查看更多

見到壽司郎同水怪聯乘，作為sanrio fans第一時間約frd去食😋不過雖然係平日夜晚，因為有水怪聯乘都幾多人，最後等左差唔多兩個鐘先入到去一黎到，我地就點左水怪限定menu：薄荷雪糕蛋糕同炸雞塊🍗想講個薄荷雪糕蛋糕真係好食！好重薄荷味，幾fresh下，同埋個雪糕表面仲有啲紅色嘅草莓粉（？）啲粉有小小甜，增加左成個雪糕蛋糕嘅口感👍個炸雞塊都幾好食，入面有肉汁，食落唔會好乾👍不過整體個味道有小小寡，另外點左五味粉+胡椒粉，加完落去之後會更加好食～…查看更多

呢次去壽司郎試咗幾款近期嘅新推介，發現有啲真係幾有驚喜！炙燒焦糖鵝肝 呢款新推介真係值得一試！鵝肝表面均勻灑上砂糖，經火炙後形成咗脆脆嘅焦糖層，入口先係焦糖嘅香甜脆感，隨後係鵝肝濃郁嘅油香味。鵝肝質素非常好，細滑得嚟無半點腥味，口感同味道都非常出色，一啖真係滿足！炸蝦餅配他他醬 炸蝦餅外層炸得金黃香脆，內裡係結實嘅蝦膠，咬落去彈牙有咬口，蝦味非常濃郁。他他醬帶有少少酸香，完美地中和咗炸蝦餅嘅油膩感，令整體味道更加平衡。三文魚 今次試吓最新嘅批次三文魚，三文魚油脂分布均勻，肥美得嚟又唔會過膩，入口即化，睇相已經知佢嘅鮮度同有幾肥美。如果你係三文魚控，呢款一定唔會令你失望微溫甘甜紅薯蛋糕 呢個紅薯蛋糕真係幾特別，食落去就好似一個暖暖地嘅紅薯薯蓉塔，甜度控制得非常好，唔會過甜，啱晒怕甜嘅朋友。個蛋糕口感綿密滑順，帶住天然紅薯嘅香甜味，簡約得嚟又好滿足。炙燒瀨戶內檸檬芝士蛋糕 呢款甜品有層次感，非常值得一試！上層係輕輕火炙嘅芝士蛋糕，口感濃郁綿密，但檸檬嘅酸香味正正中和咗芝士嘅膩感。每一啖都係酸甜平衡，入口清新，食完一件完全唔會覺得滯。呢款非常適合作為飯後甜品，為整餐劃上完美句號！…查看更多

壽司郎從來都冇令人失望，佢地既壽司的確係唔錯，首先今日佢哋有新嘅壽司，因為新一個月，佢哋都會有新產品會出現，而今個月出現嘅係鵝肝壽司，呢個壽司上面嗰層鵝肝係加咗焦糖，所以食落嘅口感係甜甜地幾好食。另外我叫咗一向就開始嘅壽司，三文魚壽司，吞拿魚壽司，帶子壽司，大蝦壽司等等嘅壽司，非常之好食。今個月佢哋仲要甜品出咗，就係綠茶蛋糕，嗰個蛋糕嘅綠茶味超級濃，拍得住日本啲級數，總括嚟講壽司郎真係very good。…查看更多

今晚9:00去到壽司郎，我問有冇一個位， reception話有，不過要等等，等咗5分鐘，有個帶位行出嚟，衝咗去另一個客度，馬上招呼佢入去，完全冇理會先後次序！Reception都嚟唔切講應該輪到我，唔係輪到另一位客人，個帶位已經走咗！服務10分十分之差！ 其實個reception應該話俾帶位聽，佢搞錯咗，但個reception完全唔知應該點樣做，只係企咗喺度睇住佢帶錯客，完全罔顧客人嘅感受，簡直離晒大譜！…查看更多

每日放飯見到佢排長龍都冇心機去排，要我喺個app上約就冇咁神心，終於今日晏咗去食飯，見今日少人排隊，最後排咗半個鐘就有位可以一試，今次試咗佢個海膽真係好新鮮，吞拿魚三拼好有水準，蟹腳壽司冇得輸🥰！但係隻螢光魷魚真係一般般，聽個名以為好勁，但係食落有啲失望😞。其實佢個價錢同食物質素真係性價比好高，不過真係要好有心排隊或者預約先食到。…查看更多

鮮果芭菲內有，預制的生果、紅豆蓉、雲呢拿雪糕、煉奶，口感非常豐富，能為夏天解解暑，甜而不膩壽司款式時不時就會變動，有做活動、期間限定、還有印花禮物，多種優惠真的很有新鮮感。今日終於比我儲到24個印花，簂換到一隻大公仔了，好開心😁…查看更多

講起壽司郎，一定會諗起「排隊」，而且係排好耐，仲要唔可以食飯時間排，唔係就一定食唔切，但係，今次只係排咗半個鐘！實在太感動！呢間位於新都會嘅壽司郎，門口都有足夠位置俾你企喺度等。我哋拎左飛之後周圍行吓街，半個鐘頭後返去，就到我哋啦！唔知係咪太耐冇食，唔記得咗Menu有咩選擇，發現可以選擇嘅項目有啲少，不過百幾蚊又食飽，都可以嘅😁…查看更多

今日放工大約6:00就去壽司郎拎飛，就算今日係平日都要等成100幾張。到最後我哋6:00等等到八點左右先至有得入座開始食嘢呢今次一如既往都有叫啲芝士燒三文魚壽司啦，中拖羅啦同埋海膽。水準都係正正常常算係中上水準，同埋都係10 件算係好抵食啦已經。而今次呢我哋仲嗌咗一個新出嘅海膽撈麵，睇幅圖呢就有四五嚿海膽嘅，但係呢一嚟到剩係得大概兩粒海膽，撈落去完全冇乜味，呢個就比較失望下次亦都唔會再叫 反而比較推薦食返海苔包海膽壽司嗰個就海膽真係有四至五舊啦！…查看更多

Sushiro 6月初夏祭新品好好食極尚海膽好鮮甜好好食😋智利海膽就有小小腥天然赤須海老海苔包既蝦好甜糯熱鯱子花竹蝦爽口彈牙吞拿魚海苔包都仲係咁好食🥰#sushiro #sushi #eatliveplay #food #foodie #yummy #hkig #reels #reelsinstagram #instagram #instafood #海膽 #吞拿魚 #花竹蝦 #海老 #壽司 #壽司郎@sushiro.hk…查看更多

壽司郎分店質素參差都唔係第一日嘅事🤪不過食開呢間 都覺得算乾淨刀工OK今次食咗佢新出嘅海膽同魚子壽司 算新鮮海膽冇臭味😂😂佢個喇沙烏冬好似冬陰功湯底咁 但唔係難食 好好笑嘅感覺 以為去咗泰國舖頭本身menu話出咗新蛋糕 半熟抹茶 但ipad又唔見🥲🥲🥲🥲啲壽司黎得好快 又唔會擺得好岩殘提前一個禮拜book都仲可以book到4人檯 收工時候1830-1900過黎食地點方面好方便希望佢出多啲新嘢！😋😋😋😋…查看更多

呢間壽司郎，係為這個葵涌區唯一一間嘅壽司郎，如果想食壽司呢喺葵芳呢一頭都冇咩選擇，雖然有葵涌廣場同埋新都會，但剩係得佢同埋元氣揀，元氣就有兩間喺附近，而壽司郎就得新都會呢一間。雖然我都唔係話成日食壽司，但係如果想食壽司嘅時候都冇乜選擇，而且爭先嘅質素同呢兩間真係冇得比，所以我都會去食呢一間壽司郎，。但係想食嘅朋友仔記得早啲嚟攞位啦，通常佢五點之後就會有好多人喺度排隊甚至午餐過嚟嘅時候都會有full晒嘅時候。或者大家可以考慮買佢嘅外賣，可能d優惠仲多…查看更多