壹粥品

老婆仔抱恙，心情欠佳，不想外出。自己獨個兒來這間粥麵店吃點東西後，便買外賣回家給她。其實這間粥麵店自己以前也曾來過數次，水準普普通通的，算不得好，但在附近沒有什麼好的競爭對手下，已算是沒甚選擇下的選擇了。不過這次幫襯，可是比預期中好吃呢！這次吃的是較為特別的「蝦子及第撈麵」，自己之前從未吃過。這撈麵的及第料與及第粥的一樣，都是豬膶、腸粉腸、豬肚、豬肉丸等，不過就是放在撈麵湯中另上而非滾於粥裡。論及第質素，算是中規中矩吧，豬膶軟腍沒有膻味，粉腸和豬肚也過得去，但豬肉丸就較細小，而且肉質也欠了點結實，來得鬆散了點。撈麵其實不錯，麵夠爽口，也沒鹼水味，加上下了不少蝦籽，還有少許生菜和薑蔥作為配料，整體來說水準經已及格有餘。吃過這撈麵，其實自己還未全飽，心癢癢地想再吃點東西，想到很久沒吃過的「鹹肉粽」了，便叫來一隻作為這餐的下集。不知道是不是因為很久沒有吃過「鹹肉粽」的緣故，竟覺得這沒下砂糖，下了豉油的「鹹肉粽」十分好吃，雖然粽的餡料無非都是鹹蛋黃、半肥瘦豬肉、黃豆等物，但蘸上豉油之後，熱騰騰的把粽放進口裡，仍然覺得十分滿足、滋味。這一餐，可是比預期中好吃啊！…查看更多

無論堂食、外賣自取和外賣送上門我都光顧過，但從來未為這個店寫食評，有點過意不去，總算關照過這麼久，所以終於下了決心寫一次。首先是腸粉，我家每十次光顧總有九次會點，因為富榮附近沒有一家像樣的店子賣腸粉，而這裏的腸粉一定是熱熱辣辣的，又有芝麻香，只加豉油，不用加其他醬，我家男人已經吃得津津有味。簡單和普通的東西是很難做得好的，這個腸粉我不能說是十分出色，但吃的時候感到腸粉身不是油膩膩的，但又不會黏在一起變成粉團，而且比較軟身之餘又不會像粉漿一樣噁心。第二樣一定吃的是炒麵或炒米，這次我們點了炒米。沒看它白茫茫的，其實味頗濃，加上料子多，我沒有刻意將這碟炒米的火腿和葱弄出來才拍這個照片的，每一口炒米都一定有餸跟着。今次沒叫炒麵，但我其實比較喜歡後者，因為我覺得火腿比較配麵多於米粉，只是我今次點了蝦子雲吞撈麵，所以才不再叫麵。要挑剔的話，有時吃完這個炒米或炒麵會口乾，但不是每一次都會這樣。其實我想介紹的是雲吞，那個蝦子雖然很多，但味道一般，吃過澳門六記的蝦子撈麵後回到港真的對蝦子的要求提高。回說這個雲吞吧，油尖旺一帶好吃的雲吞說多不多，說少不少，但這一家是合格有餘的。一碗至少有八粒，粒粒的雲吞裏的蝦都很彈牙。每粒的大細適中，女孩子的話兩口一粒，加少少清湯和韮黃：蝦的口感+湯的咸香+韮黃的爽脆，還有少少胡椒粉味，如果我不點粥的話，通常都會點雲吞！這個店的粥也很綿和足料，我個人喜歡白粥，不是因為其他粥不好吃，只是由細到大個人偏好。這裏的白粥都是合格有餘的，粥裏的每一粒米都煲到開了花，米和粥水的比例也好，不會吃到最後只有米或米水。稀稠也適中，不會一匙漿糊送入口，加多一條牛脷酥(可惜不是新鮮炸的)，很滿足！…查看更多

今晚order左碟炸兩外賣 ,睇下有冇落醬，点知一打開就發現一條頭髮,我拿給職員看 ,叫她換過碟 ,她竟然面無表情張炸兩倒入另一個外賣盒裏，再拿給我看 ,我看著她，她一副理所當然的樣子 ,我叫她拿走剛有頭髮在上面的那件炸兩 ,她還一副臭臉給我看 ,真是超級差差差:mad…查看更多

同老公黎食了2次宵夜, 大約10:30, 都有7-8成人, 老公order咸蛋艇仔, 我叫了個碎牛, 算抵食呢, 碎牛16蚊, 雙拼是18蚊起, 大碗好多呢, 原來咸蛋加粥一齊食都好食喎, 還叫了碟腸糃10蚊, 少少淋, 但岩我喎, 有些點做得太爽, 是另一個口感呢, 仲有碟油條, 都可以呢, 加埋只是大約60蚊, 值得一試呢…查看更多

這天的晚餐，簡簡單單的，就在這間很久不曾來過的粥麵店解決。這頓簡單的晚餐，包括了「鯪魚球肉丸粥」一碗、「蝦米腸粉」一碟和「蠔油菜心」一碟。老婆仔因為抱恙關係，只是陪我吃了一點油菜，其他的就由我一力承擔。「鯪魚球肉丸粥」有夠大碗的，材料也多，鯪魚球與豬肉丸各有四粒之多，鯪魚球水準較佳，但是細粒了點，豬肉丸則只是普通，無甚肉味。至於粥底，這裡的粥底是夠綿的，不過吃到後來便覺得稀，不算太好。「蝦米腸粉」份量不少，腸粉皮頗薄，蝦米下夠多，水準還不錯，不過就不太熱。「蠔油菜心」頗為新鮮，都有點甜味。大角咀區內好吃的粥品其實不多，這裡粥品的水準已算不過不失了，不過通漲厲害，百物騰貴，這裡的雙拼粥，要賣 $32 一碗，雖然份量始終比單一口味的粥品多，可不算便宜呢！…查看更多

天寒地凍，最妙之事莫過於一家人圍埋打邊爐。難得約會攪得成，自然要買些靚料來賀之，故為此專程驅車到友人開的精肉店入貨。由於已預期會抽着大包小包的材料離開，故此還是在當兩手仍有空間之際，先到店附近的食肆吃些東西醫醫肚....最近通常下午都不會大魚大肉，故此來到這間主打粥麵之小店，只打算吃一碗河粉便可以。不過由於為食之本性實在難移，看到有即製的炸両可叫，又忍不住叫了一碟。腩河加炸両，真可說是一個奇怪的搭檔了....可惜的是，炸両內藏的油條是預早已炸定，吃時己全淰了。這樣的出品，就算是粉皮多有米香而不黏筷，又或是豉油沒有下師傅，對自己而言，都不能成為心頭好....清湯腩河的湯是有點明不符實，是濁多過清，牛味亦不覺很濃；牛腩有點韌；蘿蔔夠淰沒渣，且有點清甜，比主角出色得多.....但現在小弟叫的是清湯腩而非清湯蘿蔔河，所以，還是令人蠻不爽的....…查看更多

大角咀同深水步一樣...好多野食...舊區個邊平靚正....新填海區奧運如果唔想食奧海城d連鎖食店過黎富榮花園搵食都係一個不錯的選擇...依邊平民食店比較多...不過富榮雖然都叫多野食...但好味的食店又唔多...難得係度比我搵到一間好好味的粥店...鋪頭裝修唔錯..店面不算太大...全店都係用深啡色木裝修,食物都有好多選擇,粥品,麵食都有...同朋友叫左幾樣野食:1. 蒸蘿蔔糕2. 肉片粥3.菠菜鮮蝦麵 4. 炸兩5. 炒米粉6. 牛肉魚片粥* 順便一題...依間粥鋪有外賣同有學生餐...學生餐都幾抵...粥+油器都係$20 有交易...講返味邊先.... 1. 蒸蘿蔔糕麻麻,無乜味+無乜臘肉味,但都好過有d 粥鋪蒸蘿蔔糕無臘肉蝦米...所以依個我唔要求太多...2. 肉片粥好味,勁大碗...一個人食一碗都已經好飽,肉片又多又滑又夠厚, (單叫粥品係比套餐大碗),粥底做得唔錯...3. 菠菜鮮蝦麵, 我覺得係一個幾新鮮的配撘...2樣野係Match 到的,而且十幾蚊一碗有五隻水餃...唔錯....唔鐘意食菠菜的人都會鐘意食...4. 炸兩...我好少係出面食到令我滿意的炸兩...但今次我好高興,我終於都搵到一間粥鋪d炸兩係好味的...一.皮夠滑..唔係毛巾黎的...二,油炸鬼夠熱,而且唔係硬骨骨的...5. 炒米粉..米粉炒得夠香...好多菜...而且店入面d 醬油芝麻係任你落的6. 牛肉魚片粥..好味...牛肉係肉碎...魚片夠多又唔腥...又多薑絲...正...!!好味又好飽...不過服務態度麻麻....繁忙時間趕住執碗趕人走...而且電視係播明珠台股市...@@ …查看更多

腸粉差,配的醬油更差炒麵差,口感似橡筋,味道不值一提,不可一試油炸鬼,一般水準唯食店選擇不多.比較好的粥店都要走20分鐘才到選他是因為就腳粥份量都ok多牛肉粥牛肉無牛肉味,粥底亦無牛肉味,粥底更稀唯獨牛肉都滿多雞粥雞粥更像雜錦粥,唯可取是份量多,粥底沒雞味粥唔難食,都食得落,其他野唔推介…查看更多

今日有早餐聚餐,要預早安排40人既份量o 係openrice search 左幾間未食過既粥店,比較價錢同takeaway service下揀左呢間,估唔到有驚喜!我估送takeaway 既係老闆,其實我地只係order左好簡單既野,包括白粥,齋腸同油器,但係真係做得很好o 我地有個長輩同我講, "自己屋企煮唔到呢d粥",而其實每碗只係HK$5. 另外齋腸係新鮮一早拉,份量夠同好味.order甘清淡既野,冇諗過都做得咁好,價錢超值,服務亦好,特此寫此食評多謝此店老闆! : )…查看更多

今晚想食清淡d，同老婆建議來食粥，來到坐住等，先來一碗魚腩及第粥，等老婆大人來到，再加碟牛肉腸同一碟蠔油西生菜，佢就叫左碗滑牛湯米。食落每樣嘢都係大路貨式，普普通通，冇乜特別驚喜。碗粥最要彈嘅係太稀啦，而且唔夠綿軟，料嘅份量就都算ok。呢度另一個缺點係冇茶水免費供應，食到口渴得一個選擇，就係叫汽水。呢方面唔係咁好，如果可以有清茶招待或者其他飲品供應就very good嘞！…查看更多

上婆婆屋企之前想食少少野，知道太興D野好難食，所以經過呢間粥鋪就試一試，鋪頭細細得二十個位，但係就迫滿城大學生~~ 地方淺窄加上得兩個樓面做哂收銀落單傳菜，所以深啡色既木檯木椅都有少少lub黐黐…不過又未算例胃口既~有好多粥品選擇，亦都有油器、腸粉類、糭…連清湯坑腩，水餃雲吞麵都有，算有好大個menu~ 媽咪要左碗艇仔粥，我要左滑牛豬潤生滾粥，另外要左炸兩同埋一條油炸鬼~艇仔粥($13) - 好多魷魚鬚，不過冇乜碎牛又冇魚片…睇黎唔夠料啵~ 粥底都一般，夠味不過唔夠綿…滑牛豬潤生滾粥($25) - 大碗好多，亦都好多豬潤，滑牛份量就少左DD，不過整體黎講好夠料~ 豬潤幾好食，爽爽地唔太粉，滑牛都好腍有肉味~ 可惜粥底都係唔夠靚…我覺得『正斗』D粥綿好多靚好多 雖然唔夠綿，不過味道都係唔錯既~炸兩($5) - 唔知有冇計錯數呢，好抵喎~ 凍冰冰，炸兩偏硬唔脆，甜醬麻醬自己落，我覺得都幾難食…油炸鬼($5) - 唔熱但係脆卜卜，唔太粉…好食~埋單$48其實好抵食，雖然食物唔太出色，不過好對版啦~一定好過捱太興…查看更多

夏日炎炎,黎到粥店都唔想食粥,所以叫左粉麵…XO醬蝦球撈麵個名好吸引,而且係$30,以為係好野,但係原來會令食客失望,只因細細碟之餘,所謂蝦球只係一隻隻細蝦,有五細件,麵乾爭爭,上面放幾蝦細蝦,點兩點XO醬,咁就完成,隻碟仲要細到根本唔可以完成”撈”呢個動作,唯有另外搵多隻碗去撈!味道一般,同樣令人失望…反而鮮滑牛米粉好少少, 滑牛真係一片片牛肉,鮮味雖無乜,但腍,易入口,唔多肥膏,而且份量夠晒,有唔少牛肉片,都幾好。不過,連凍檸茶同凍奶茶都無得供應,都幾趕客……查看更多

尋晚去左食個艇仔粥(當然仲有其他小食啦),發現材料既肉好唔新鮮,好難食,以前並唔係咁,唔知係今次咁岩定係真係差左。'另外,門口無左個趟門,走晒冷氣,而家大熱天時,食粥已經夠熱,仲要走晒冷氣,令人食到大汗叠細汗,走都走唔切,唔通想趕客?仲有,餐牌有雀檸同清涼爽,但係事實上係無供應,只有細樽裝汽水,仲連普通既咖啡奶茶檸茶檸水都無!都幾過份!…查看更多

簡簡單單黎個皮蛋瘦肉粥,普通得黎令人回味, 皮蛋同瘦肉份量都好多呀!瘦肉仲要好好味,因為咸咸地,又無肥膏,易入口,皮蛋就夠香,唔錯!發現有豆苗,好耐未食過,所以點左一碟,都算新鮮喎!炒得唔錯呀!清清地,ok啦!不過,雖然餐牌係飲品欄有雀檸,但係竟然無貨,只有樽裝汽水,仲要無大樽只有細樽,宜改善。…查看更多

今次同小牛黎呢度食飯,點左兩粥兩小食,粥就一貫保持水準,但係小食就真係有讚有彈。XO醬炒蘿蔔糕係抵讚既!因為炒得好香,好新鮮,第一啖入口時仲係熱親個口添呀!味道微辣,岩岩好,夠惹味,而且切成方形一粒粒,一口一粒,易入口又方便食.唯一美中不足係蘿蔔糕炒得唔夠燶,如果再燶一點,有層脆脆地既皮咁就完美喇!至於鮮子腸粉,真係要彈呀!話明鮮帶子,雖然我都唔期望真係會好新鮮,但係都唔係唔新鮮都咁…竟然有少少怪味,好似粟味咁,真係唔得!而且帶子好細粒,一份膠粉有六小件,唔算好抵,我諗下次未必會再點呢樣了!…查看更多