壹盅湯

第一次試，今次揀咗外賣自取，15分鐘攞得，之前試過喺荃灣另一間燉湯等咗半個鐘至攞得… 對比之下呢間真係非常之快壹盅湯（鮑魚花膠螺片燉雞）：材料非常豐富，有雞肉、瘦肉、鮑魚、花膠、螺片、桂圓、杞子，味道清甜，而且份量夠大，好抵飲，飲完亦都唔會覺得口渴陳皮燉雪梨：雪梨已經去皮同埋去芯，加埋冰糖就非常適合有兩聲咳嘅我～止咳潤肺，食埋個雪梨就夠晒滿足海鮮濃湯飯：一樣好多料，有肉碎、魚肉、蠔仔、冬菇粒、蝦仁… 但味道似乎冇想像中濃？紅燒乳鴿：皮脆肉嫩、唔會太油，好味！…查看更多

午飯時間短，通常都係附近食個快嘅，大記麥記同茶記，都係呢幾味。無意中，經過香車街，見到個餐牌，諗都冇諗，長驅直入，見位即坐。位都未坐，立即下單：靚女，E餐唔該！回覆：靚仔，你真識食！梗係，咪當我係流嘅先得架😂主角制作需時飲住個燉湯先木瓜雪耳燉唐排湯熱味清甜夠誠意登登登登隆重登場蒜蓉粉絲蒸頭腩蒜蓉蠔油撈為醬粉絲墊底盡吸鮮斑頭骨腩肉彈彈問君如何能忍口奢侈一個絕對奢侈的午餐貴不在價而於心機一於多啲幫襯😆…查看更多

一直book mark咗呢間好耐，今日（15-2-2025 Sat）想去Yu Mo芝士蛋糕專門店(https://www.openrice.com/zh/hongkong/r-yumo%E8%8A%9D%E5%A3%AB%E8%9B%8B%E7%B3%95%E5%B0%88%E9%96%80%E5%BA%97-%E8%8D%83%E7%81%A3-%E8%A5%BF%E5%BC%8F-%E8%A5%BF%E5%BC%8F%E7%B3%95%E9%BB%9E-r796652)食，咁就嚟搵呢間先，嚟到，原來兩間喺同一條街，同只相隔幾個舖位，咁我哋嚟呢間食晏先啦。由於啱啱開門，所以只有一個客，我哋坐低後睇午餐menu，決定要$68.00嘅D餐，同$78.00E餐，要是日燉湯。首先，是日燉湯，海底椰南北杏燉唐排到嚟，上枱時，店員提醒小心熱。湯真係好熱，味道都夠甜，亦真係燉咗好耐，因為唐排骨骨都腍埋，由於真係太熱，我就食咗飯餸後至繼續飲埋佢，到我食完晒嘢至飲時，係啱飲嘅溫度，不過冇咁好味喇，湯真係熱至好飲。4.5分一段時間後，蒜蓉粉絲蒸開邊蝦到嚟，一食，有好多蒜蓉，好夠味，但太鹹，亦蒸過龍，啲蝦太腍。而唔多嘅粉絲就因為油太多令佢令每條都油淋淋。3.5分之後生炒糯米飯到嚟，係用籠仔上，呢個粘度正常，口感又係好腍，不過都好，令我消化唔好嘅人，食咗都唔得點“銀”胃。4分抵食係2.6分…查看更多

呢晚想同老公食得清清地， 行過荃灣曹公坊有唔少餐廳， 其中呢一間壹壺湯售賣家常菜同燉湯， 就想入去試試。 鋪面裝修都幾港式， 有霓虹燈， 餐廳店內的枱椅大排檔寬闊， 又有冷氣， 坐得都算舒服。餐牌有好多家常小菜， 其中燉湯就係佢哋嘅signature， 全部感覺都好滋補。 仲有二人套餐， 幾抵食。叫菜之後， 廚師即叫即做， 等了大約15分鐘， 一碟一碟菜就上枱。 餸菜式香味俱全， 好食過大排檔， 好啱香港人口味。而我地叫左個 海底椰川貝南北杏鱷魚肉 燉湯料好充足， 好入味， ，又冇味精，飲完好暖心。總括來說， 如果想清清地食， 可以嚟呢一間餐廳， 好有驚喜。…查看更多

比一般茶餐廳好的晚餐今晚有事外出，不能在家煮飯，所以系外面食。本來去X晶館，但只有蒸飯同點心，所以來哩間。味道— 比普通茶餐廳好，環境— 無乜裝修服務—兩個女服務員對客都算幾有禮貌咖，可惜自己講電話時比較多粗口。衛生— OK低食— 除左碟雞比較細，性價比都高梅子蒸排骨($52)4分—分量算幾大—梅子味剛剛好，但吾知道系有味精定特別香料，食完舌頭覺得麻—排骨好滑蔥油雞($60)3分—分量比較細—雞胸都吾系好鞋蒜蓉炒菜心($42)4分— 蒜蓉幾好味幾香— $42剛剛好，吾使茶餐廳咁太貴有食吾曬。…查看更多

差唔多試過晒全荃灣既燉湯～唯獨呢間真係最好味🥹🥹🥹唔會好藥材味，湯料超足👍🏻👍🏻👍🏻晚餐二人餐好抵食～跟餐燉湯會係每日唔同～比較正價燉湯會細碗少少，但真係少少🤏🏻🤣都好大碗下勁抵～蒸倉魚每次都keep到水準又大條👍🏻蒸到啱啱好唔會過老🤤🤤生炒骨火喉控制得好好，脆得黎唔乾～本身自己唔太鍾意食菜，但呢度既津白又整得好好🤤🤤最後仲有兩個燉糖水甜品～抵食到爆👍🏻👍🏻👍🏻…查看更多

唔捨得講哂啲靚湯，呢間食肆嘅燉湯真係驚喜滿滿🍲。首先嗌咗一個「鮑魚花膠螺片燉雞湯」，飲落去係真材實料，鮑魚彈牙得嚟味香，湯底甜而唔膩，每啖湯都猶如一場味蕾嘅洗禮✨。另一碗「沙參玉竹紅棗燉鮑魚湯」，清新提神，作為梳化食之選一流啦！食材透著媽媽嘅心思，難怪男友成日掛住口。「蜜椒牛柳粒」出場，簡直攞盡鎂光燈🌟。牛柳咬落去外脆內嫩，配上蜜椒汁，夠味之餘又唔覆蓋咗牛肉原味。即使係副菜，都完美咁畫龍點睛。咁搭配煲仔白飯，一臉滿足😋。走過路過，千祈唔好錯過！下次再嚟，仲要打卡支持，一定要食返呢啲家常好滋味🏠。呢度真係令人食咗溫暖晒心，每一個細節都彰顯住香港嘅熱情同埋人情味。👍🍽️👨‍🍳…查看更多

有時想飲下湯就會黎幫襯荃灣呢間壼盅湯.今次唔再嗌二人套餐, 因為覺得唔包飯, 要既話要另外加錢真係唔係咁合理. 所以叫佐一個湯飯, 一個小菜跟白飯, 再用優惠價加燉湯, 覺得咁樣先最抵.嗌佐兩個湯, 唔係好識分, 不過都大碗足料, 應該係好滋補的, 不過對於我黎講有些少咸.潮式蠔仔肉碎湯飯: 幾好食, 蠔仔都唔少.魚香茄子煲: 好惹味, 送飯真係好正, 香噴噴, 不過食到最後會覺得好油. 無計, 始終茄子有用油炸過. 預佐會好肥.…查看更多

今日星期六行過黎食lunch, 叫左白肺湯配飯加菜，海鮮濃湯飯。白肺啤水啤得好好，好乾淨，個娃娃菜我原本係諗住白焯，點知係炒出黎有鑊氣，好驚喜！另外要提一提呢度用料真心有用心，佢d花膠唔係出面白色急凍個種花膠，係啡色屋企自己發嗰種。連冬菇粒都係香。感覺上大廚係正規中廚底。原本我一d都冇期望冇諗過要寫食評，但食完真心覺得要讚！所以唔好意思冇影到相。各位街坊真係要黎試下飲下住家湯食下小炒。…查看更多

朋友知道我病咗…😷🤧買左呢2樣嘢比我❤️荃灣人嘅我第一次食呢間野- 潮式蠔仔肉碎湯飯由於本人唔鍾意🚫食肉碎既關係所以張啲🦪蠔仔肉揀曬出嚟✅發現原來蠔仔有如此之多💯仲要粒粒飽滿🈵️⋯⋯沒有overcook - 鮑魚花膠燉雞螺片燉湯呢個同樣都係好足料有一大舊瘦肉杞子，龍眼肉….鮑魚，一條花膠兩塊螺片，一舊雞啲湯飲完都冇口渴我諗應該係冇味精嘅好返既時候想試吓佢其他濃味少少既野我見竉仔飯好似都幾唔錯👍…查看更多

姬松茸圓肉杞子燉螺片一飲落口就充滿姬松茸嘅味成個湯好足料 仲有少少湯渣可以食螺片出奇地唔會太韌 食落去好腍身冬天飲燉湯就最啱 飲完成個人都暖笠笠金銀蒜龍躉籠仔飯龍仔飯最底有塊荷葉一齊蒸提升左成個飯嘅香氣加埋佢哋嘅特製豉油一齊食簡直係食到停唔到口啲魚又夠晒新鮮 但可惜只係得幾塊同埋比較薄身章魚冬菇馬蹄蒸肉餅非常新鮮又夠多汁食落口好有滿足感 一個人食飯就最啱佢一個餸都配一個飯直程係一個人之選環境方面就比較狹窄 店舖都少座位想食嘅朋友就記得早啲去攞位…查看更多

經過無數次都說下次要來一試， 但往往都不了了之，今天經過剛巧還未用膳又看到有本人至愛糯米飯吃， 所以今天終於有機會一試生炒臘味糯米籠仔飯 $60用以點綴的花生香脆， 也有芫茜點綴，糯米飯的顏色不錯驟眼看，糯米飯似是不夠乾爽，吃下去果然偏濕但也不會太軟太淋太黏，糯米飯夠煙韌，粒粒分明，沒有奇怪糯米臭味配料有臘腸臘肉也足夠，但好像沒有蝦米和冬菇味道方面不太鹹，吸收到臘味油香精華，油潤鹹香夠入味賣相臘腸滑雞煲仔飯 ＄６８為了有飯焦，即使飯來了，等了一會兒才打開煲蓋賣相不錯，有青綠色的菜，看得出廚師有特意最後才放上菜，不會令菜煮得太耐而變黃最欣賞其豉油有特別調過，吃得出有豬油香，少少鹹可惜這煲仔飯有點兒令人失望首先，飯方面，雖然有飯香也不會碎濕濕，畢竟是做住家飯的小店，飯不會差得哪裡去但作為一煲煲仔飯，完全沒有飯焦，是一點兒也沒有，很失色，配料方面，雞肉有小件，雖然鮮有雞味，但是煮太久，肉質太嚡臘腸油潤，但不知為何廚師沒有把臘腸切片，這樣臘腸的油香便能滲入飯內其實湯品應該才是她們家的主打，但我們沒有試整體不錯，但仍有進步空間，加油但坐的位置不太舒服…查看更多

心血來潮又想飲燉湯，記得曹公坊入面有間小店係主打燉湯，就決定走去試試。招牌壹盅湯（$78，叫主食加配燉湯可減$12，即是$66）鮑魚花膠螺片燉雞，燉盅幾大碗，而且湯料幾足，湯亦清唔油膩，味道微甜但唔太濃郁。本來仲想要埋燉魚頭，但賣哂。菠蘿生炒骨（$55）即叫即制，裡面炸排骨仍脆，少骨頭，外層醬汁酸甜適中，整體味道不錯。配白飯一碗。鮑汁荷葉福建籠仔飯（$65）味道比較普通，唯一個人覺得幾好係個飯底幾乾身唔會濕淋淋。PS：嚴重扣分位，店內好嘈。噪音疑似由廚房機器不斷發出，成餐冇停過（over 30 mins）。因為太嘈，店內員工交談要加大聲線，結果更嘈。食得唔太舒服。…查看更多

試過好幾間燉湯及藥膳，覺得這間較好，燉雞湯足料入味，原隻鮑魚，砂鍋花膠雞，好大個花膠，而且清而不膩夜晚收工一個人，都可以飲返燉湯保下，有雞有魚已經很滿足，環境乾淨又清休，外面睇真係一間有特色健康食店，一星期食幾晚都唔覺得油膩，收費又合理，真係一分錢一分貨，職員態度友善，夜左收工去食飯，職員都耐心等待顧客食完才收工，真係顧客至上…查看更多

一向都好中意飲湯 諗起好耐都冇飲過燉湯 想飲一碗滋潤既靚湯都唔容易🥣 荃灣壹盅湯主打無味精燉湯 當然仲有其他小菜 籠仔蒸飯同中式糖水等🍽餐廳裝修用色和暖 舖頭唔大 但環境企理 既然主打燉湯 當然要試下啦 就叫個蟲草花花膠百合燉唐排🤤 燉湯送到時候都熱辣辣 急不及待打開佢 聞到好清香 相當足料 花膠雖然唔算好大塊但厚身同埋食落有咬口 唐排都淋身 成盅湯清得嚟好鮮甜 令我諗起家的感覺 飲完唔口渴 真係冇味精🫡🫶🏻但相比之下 小菜就冇咩特別啦 雞絲粉皮正常發揮 乳鴿味道唔錯 不過份量就比較細 但睇返價錢又幾抵食喎！🙌🏻性價比算高 燉湯出色 但小菜不過不失 但勝在價錢合理抵食 遲啲冬天嚟飲一碗熱辣辣既燉湯 仲滋潤💓蟲草花花膠百合燉唐排 $68雞絲青瓜粉皮 $38乳鴿 $28壹盅湯📍荃灣曹公坊11-15號德仁樓三期地下3號舖…查看更多