士多啤梨甜品餐廳

逛完朗豪坊, 本來想試下薯條, 但大路痴搵黎搵去都搵唔到, 黎到附近又攰又餓, 只好係度坐下順便醫肚~佢ge tea set價錢唔算太貴, 於是要o左一個香草意粉之類ge set~ 但我覺得佢賣點應該係甜品, 所以珍機會試下, 加o左一個拿破崙set~order後, 跟朋友傾計, 傾呀傾, 見人地遲過我地都有得食~ 我地就連飲品都未黎~估唔到第一樣上ge係拿破崙唔係餐飲.更估唔到原來份拿破崙係咁細ga, 好似美x西餅咁~~ 可能我之前睇到人地order ge格仔餅大大份, 所以期望錯o左 一一""換著以前,我一定會以9秒9ge時間吞o左件咁細ge甜品, 但我今次用o左<<法國女人不會胖>> ge原則, 試下慢慢一細談一細談咁食, 欣賞食味之餘又可增加滿足感~所以奇蹟發生o左! 件餅雖然細件, 但我食到20分鐘! 而且就算d士多啤利唔靚會酸, 但因為佢切到細細粒, 所以比d好甜ge吉士醬蓋o左d酸味~ 其實除o左吉士醬, d伴碟醬都好香甜; 餅皮雖然唔鬆脆, 但都算有層次, 加上個賣相present得幾靚, 所以未至於好差~不過碟pasta就真係今我極失望~ d意粉煮ge時間掌握得唔好,所以影響到咬感; 香草唔香, 又無咩汁, 所以好乾, 好無味; 至於d伴菜, 好明顯用料麻麻~除o左食物, 仲要提下我地坐ge位... 佢係擺係一個加高建起ge平台上, 可能個平台舊o左又或者起得唔好, 每次有人客/ waiter經過都會上下晃動, 同埋發出大大聲ge噪音, 坐得好唔舒服, 食物都會因此扣分~依度野食一般, 環境一般~ 但係係依個地段有個位坐低食下野, 個價錢又算within budget (對比要排好耐買ge一杯$3x薯條) 其實要求都唔會太高啦~ …查看更多

那個士多啤梨拿破崙,快酥餅又"林"又太薄,所以一點都不香脆鬆化,又不香牛油味,士多啤梨又酸,不香甜,而且好貴,士多啤梨拿破崙+一杯好普通的餐飲set就要$45,外賣太差了吃拿破崙都是港島香格里拉Island Gourmet的raspberry mille feuille(napoleon)好吃得多了…查看更多

個人間中都會食下strawberry forever因為鍾意食strawberry同埋佢環境都幾好不過家樂呢間真係唔再幫襯!!!本身間店裝修已經完全唔光猛.... waiter 態度 yau 差!!!十問九唔應．又唔俾水．連menu都要3催4請先肯俾 食物就麻麻...食左個心太軟....冇朱古力湧出來個strawberry 雪芭都接受到既..埋單2個甜品已經要150元咁既環境咁既食物咁既service...真係差差差! …查看更多

食strawberry forever的主要原因，就係佢既心太軟了...雖然每次叫既時候都需要等30 - 40分鐘，也試過等了成個鐘但因為漏單而冇左.. -_-..但係的確係可以嘗試既~今日，就係去食tea，但係就冇叫心太軟~我同我d friend就叫左朱古力waffle﹑蜆肉意粉﹑肥牛烏冬﹑雞翼拼薯仔...首先係我既雞翼薯仔... 味道係ok既~ 不過就真係少左d..兩隻雞翼加八小舊薯仔，對於一個鍾意食下午茶既人黎講... 有點兒少了...至於我女朋友既肥牛烏冬.. -_-... 就真係不值一提...唔入味~而且真係好淡好淡... 攪到要落左好多調味去整濃佢.. 坦白講... 心太軟外我真係諗唔到有咩值得推介..真的，甜品黎講呢間係唔差，不過熱葷就真係唔好了...題外話.. 今日見到個員工因為地板剛清理完杯翻了的水而跣倒... 真係要小心工作呢~…查看更多

睇左其他食家既評語對呢間cafe都唔係咁好反而我幾鍾意呢間cafe既野其實我係今年5月先發現呢間cafe因為我個fd5月頭生日..係家樂Green Box搞..所以我諗住買個cake俾佢本身已經很喜歡士多啤梨...所以我選擇左佢地既招牌"士多啤梨批"自從果次之後就對佢念念不忘上個星期同男友再去食佢個士多啤梨批..但好可惜..我地去既時候已經10點..所以岩岩sold out我就點左個士多啤梨拿破崙 , 幾好味...但跟set就唔係太合理因為外賣一件都係$26 , 跟set就要$45...只係多一杯餐飲...略為貴左少少不過都好好味..好滿足而男友就點了士多啤梨梳夫里...都OK過左2日..我都係因為冇食到個士多啤梨批而唔死心所以再去左一次今次點左士多啤梨批 , 士多啤梨窩夫 , 士多啤梨雪芭士多啤梨批仍舊高水準 , 士多啤梨窩夫上面既士多啤梨入口即溶..好正士多啤梨雪芭就普通左D...連我都識整囉總體而言...幾好...下次再去就會試個士多啤梨pizza…查看更多

跟母親大人,姑媽大人去呢間cafe試下，一入到去，個冷氣勁弱又滴水，最後坐出去商場位。姑媽大人點左個蘋果卷，好睇就好睇，份量太多，我幫手都食吾哂，個皮好乾，我吾好蘋果餡，都覺得肉桂味太重了。母親大人點的士多啤梨拿破崙算是最好吃的了，不過份量再多一點比較好。我叫一個lemon cheesecake，吾係掛，細成咁，八吋蛋糕我連十份之一都吾知有冇，收我四十多蚊，跟搶有什麼分別。一入口就知吾係用新鮮檸檬，又硬又乾，個餅底更加不知所謂，我連咁細個都食吾哂。都吾知佢點做生意，咁難食既蛋糕都攞得出黎給個客食既？冇病呀？侍應雖然好有禮貌，但做野好吾掂，叫左樣野一個話有另一個就話冇，咁既舖，吾會再幫襯！…查看更多

呢個士多啤梨拿破崙脆餅外貌好吸引, 實物就有d失望, 士多啤梨唔係全粒, 搞到個餅好扁, 不過脆餅都幾脆口, 所以一開始食個時有d不知所措, 要一層層咁食.總結黎講份量少相對價錢就貴左d啦.…查看更多

天使麵還可以, 但香芒豬扒焗飯咸得離譜!!! 香芒得幾粒仔。甜品士多啤梨班戟, 不提也罷! 還叫自己做dessert cafe, 整件班戟入面得忌廉, 只在面頭有半粒士多啤梨切粒, 再加上士多啤梨醬..........又一間貼錢買難受的餐廳。貴不是問題, 但要貴得有質素才行O麻!…查看更多

看見中銀咭套餐有優惠, 於是去嘗試一下, 今日都係第一次去。田園果香餐美國蛇果雜菜湯芒果焗豬扒飯／煙鴨胸天使麵伴菠蘿茄汁士多啤梨班戟奶茶一杯叫O左兩個餐, 半個鐘就食完, 怎知要成個幾鐘先可以埋單走人。坐底點完餐, 幾個字後才有湯, 再幾個字後才出第一個主菜天使麵, 與女朋友食完天使麵, 再等多幾個字都未有焗飯, 經催促下, 焗飯才到, 最後都係叫定餐飲及甜品, 怎料又需時幾個字。眼看周邊整間鋪都不是坐滿客人, 都不知道為甚麼所有食物都來得遲!最離譜的, 個侍應拿餐具來時, 竟然用手拿著叉頭同匙羹頭放到桌上, 見到都驚, 十分不衛生! 因為剛剛幫其他客人執拾桌面, 轉頭拿餐具給你, 還要拿著接觸食物位置的部份, 真的有無搞錯???還有侍應經常不看著客人的需要, 舉手很久才發現你叫她們! 間餐廳不是那麼大吧!…查看更多

080611@Strawberry Forever晚飯過後，本來打算上新世紀廣場的Strawberry Forever Dessert Café吃甜品，不過逛著逛著，就走到家樂坊了。反正這裡也有一間Strawberry Forever，就在這兒吃甜品吧！之前也來過好幾次，今次特地點了一客「士多啤梨雪糕薄餅」，因為提起Strawberry Forever，當然就會想到士多啤梨，朋友可可則點了一客「濃情蜜意」，看名字不知是什麼，看照片就知道了。味道要問可可了，因為我沒吃，不過坐在對面也嗅到這個「濃情蜜意」很香。集中說說這客「士多啤梨雪糕薄餅」，士多啤梨醬很甜，甜得連我這個嗜甜的人也有點承受不了，如過大家不喜歡太甜的話，這個士多啤梨醬可能會令你受不了，但奇怪的是，吃完士多啤梨醬再吃士多啤梨，都吃不到士多啤梨的酸味。黃色那些cream的味道很熟悉，但總是想不起在哪兒吃過。餅底烘得很脆，和雪糕的軟相得益彰，可惜的是甜品剛端上桌，雪糕就已有一點溶化(在照片中也可看見)，破壞了視覺效果。服務方面不過不失，只是侍應好像沒自信似的，我看見她在紙上寫了「17」(「士多啤梨雪糕薄餅」的編號)，可是不一會兒她又來問我是不是要「士多啤梨雪糕薄餅」。另外椅子坐下去不是太舒服，可能是因為椅背和坐墊一同包著，所以坐下去是椅背就會被拉扯、壓著背脊，害我坐得左搖右擺，像被蟲子叮似的。…查看更多

做完運動后，因太肚餓，又未到晚餐時间，所以想吃小食下午茶種類不多，選了很耐，挑了個二人餐。个餐有：1一片窩夫 （切開成两片），已是最好食，熱熱的又有士多o卑利酱淋面。2 两個雞翼, 味道普通3两小片香蔥薄餅：味道有D怪，不好吃！4 Tiramisu：不見了，換成一件不知名蛋糕,又細件,問Waitress先知原来冇Tiramisu, 落order 時又唔同我哋講!5 Creme Brulee: 好硬身好怪!最離譜係個餐居然要$98!!! $30 就差不多以后都不会来！…查看更多

復活假期前夕同老婆吃完車仔麵去左Strawberry Forever 度食甜品。尼度有老婆最鐘意既朱古力軟心蛋糕，所以Order左一個蛋糕set同另加左一個士多啤梨窩夫。餐飲則要了蘋果汁。朱古力軟心蛋糕朱古力香濃，不太膩，好吃!蘋果汁最深刻印象係細杯，有類似果肉浮游物，飲時候同普通果汁無乜分別。士多啤梨窩夫份量足，窩夫夠熱而且有蛋香，士多啤梨漿亦非常美味，加上新鮮士多啤梨及忌廉，整體黎講幾好。睇餐牌寫蛋糕set要$48, 窩夫要$38，但埋單收$70。可能叠左單，不過賺左唔理o刺=)…查看更多

上次買左蜜桃tart & 朱古力tart& mango tart &Tiramisu tart~10蚊件mango tart d mango 好甜即刻加分個tart底好易散朱古力tart夠濃但[流]d蜜桃tart一般~Tiramisu 唔夠滑10蚊都ok 美心生果tart都要9蚊…查看更多

佢地o的服務態度真係好到不得了真係好後悔，早知入去隔離間starbucks好過即使你入到去呢間可以話係甜品舖既地方，食既都係對面街傳過黎既臭豆腐味當然我本人絕不抗拒臭豆腐，只係坐得愈來愈後悔點解唔一早去食臭豆腐算總好過幫襯呢間野no next time!! forever!!…查看更多

總是看到關於這間店的負麵食評，今次試後覺得冇咁差嘎，唔知點解有咁多“黑面”，揀了士多啤梨批和朱古力芝士蛋糕，都不錯，尤其是朱古力芝士蛋糕，chocolate 和cheese味都好濃，但又不會甜到“漏”。服務態度、就餐環境都ok啦，不過我覺得叫外賣會更好d。…查看更多