塚田食堂

营业中

休息中

好耐冇去將軍澳啦，已經同以前好唔同，仲開左好多新餐廳。呢間叫塚田食堂，係日本野，類似食便當，有主食同埋唔同嘅配菜，又包埋任食沙律同野飲，overall都算抵食。餐牌都好多野可以揀，多數都係原條烤魚定食。我叫左呢份燒鰤魚定食配燒雞，份量又幾多喎！條魚燒得幾香口，醬汁唔會過濃，岩岩好。雞肉相對魚就冇咁濃，但都幾滑幾好食。成份野食咁上係幾吸引嘅。咁樣食都會開心D～隔離嘅配菜同湯都唔錯，日本定食嚟講係做得幾有心機，有甜有酸的配菜，食魚食到有D膩可以食下配菜中和下。

最近東港城開左間新嘅餐廳係同塚田農場同系列嘅塚田食堂🤓分別在於依度係食定食🍱 而塚田農場就係食火鍋🍲-呢度嘅午餐超抵食 只要點$58起嘅食品 就會送免費送沙律吧同飲品吧！😋餐廳採用qr code落單夠晒方便衛生-自助沙律吧有沙律菜🥗、青瓜絲🥒、洋蔥絲🧅、車厘茄🍅、西蘭花🥦、栗米🌽同埋大豆牙菜旁邊有提供麻醬同柚子醋作為醬汁至於飲品吧除左有普通嘅咖啡☕️同唔同種類嘅茶包🍵之外仲有多種果汁同埋特色飲品當中我就最鍾意甘筍蘋果美人水同菠蘿青瓜美人水而且仲有成櫃罐裝同紙包飲品🧃添！呢度亦都有芝士蛋糕同藍莓蛋糕🍰 一口size好方便食-#炸豬扒定食 ($98)呢個定食好豐富有齊前菜漬物、海帶湯同薯仔沙律而主菜炸豬扒嘅火候啱啱好😋脆得黎又唔油膩 配埋豬扒汁同芥末真係好夾-#豚肉味噌湯帶池魚定食 ($78)呢個係鋪頭嘅推薦菜色豚肉味噌湯超大碗而且又足料湯底用左三種類型同獨家嘅酒糟煮成 而且用左大量蔬菜 帶出鮮甜味定食仲附上溫泉蛋同一件炸池魚炸池魚真係好推薦 完全唔腥 而且冇骨啖啖肉 真係好有驚喜🥰-📍塚田食堂 (將軍澳)將軍澳坑口重華路8號東港城1樓181號舖

好少可去將軍澳，原來東港城都好多美食的呀！今日同朋友來試這家塚田食堂，都是走日式精緻食物路線，不過不是打邊爐，而是日式定食，即有湯、有數款小食、主食及自助飲品及沙律～同塚田農場一樣，塚田食堂都有自助沙律吧同飲品吧，一樣是好新鮮同款式多多～推介水果茶喔！同朋友點了兩份定食，一份是刺身定食，另一份是燒金目鯛定食。首先定食份量真是好多，一人來講是絕對夠飽。其次是食物質素，刺身新鮮，特別是帶子！不過個人覺得燒金目鯛定食更好吃，是整條燒魚，魚皮都燒得好香好脆口，魚肉是滑身的，好吃喔。而燒魚定食另有一份炆豚肉，是大大份的豚肉呀，肉質好軟好吃喔！

突然之間好想食日本嘢搵緊邊度有定食呢俾我知道原來東港城有一間日本定食嘅餐廳叫做塚田食堂，入去試一次先1）豚肉味噌湯池魚定食煲湯好多材料，亦都好鮮味，裏面亦都有好多豚肉亦都好林好新鮮又有湯飲，好送飯另外仲有炸池魚，魚都好大塊㗎，裏面都好嫩滑，仲有兩個前菜好豐富好飽啊！2）天婦羅定食天婦羅有好多餸，炸粉亦都剛剛好唔會太多粉，炸得好鬆脆，有兩條大蝦，好夠飽3）蛋包飯池魚定食但包飯嘅汁有啲似燒汁又有啲似咖喱好開胃，啲蛋亦都好滑，池魚都大份好好味4）生薑炒豬丼呢個飯就好似平時嘅豚肉生薑燒，但係佢嘅豬肉就比較薄身，好容易入口亦都唔會好un另外忘記一提中午每一個定食都會包左一個沙律吧同埋飲品任飲，仲有小蛋糕免費提供真係好抵食，值得推介呀！

今天陪媽媽到東港城購物，之後請佢去塚田食堂吃午餐。塚田食堂提供很多款實惠的定食供顧客選擇。我們選了一份炸池魚定食和一份燒血鯛定食，兩份都配南蠻炸雞定食。這些定食包享用沙律吧，飲品吧和甜品。沙律吧選擇多，有我們愛吃的小蕃茄，沙律菜，粟米，西蘭花，蘿蔔絲，荳芽等。沙律新鮮甜美，正。飲品選擇也很豐富，有凍飲，咖啡，茶，汽水等，任君選擇。我們最愛的宇治綠茶和玄米茶都有供應。定食的質量都令人滿意。炸池魚三大塊好好味，魚肉鬆化，沒有骨容易食，加埋點魚的沙律醬更好味。燒血鯛大大條開了邊方便食，血鯛魚肉較實和有質感，慢慢品嘗，愈食愈好味。南蠻炸雞如炸得更香脆會更好味。飯有飯味和咬口，麵豉湯和薯仔沙律不錯。飯後吃兩件迷你芝士餅，為美味的一餐劃上完美句號。兩個人消費共$240元左右，好抵食。店環境好服務佳，難怪全店滿座。

今日請咗假陪男朋友覆診之後去食午餐，我地決定食飽啲。午市只要惠顧任何定食或丼飯就可以任食沙律、蛋糕、任飲，好抵食。主菜我地揀左豚肉味噌湯定食配燒花魚同蓮藕免治雞肉。豚肉味噌湯定食配燒花魚十分豐富，除咗有白飯，仲有漬物、薯仔沙律、溫泉蛋、炸池魚，當然唔少得豚肉味噌湯同燒花魚啦。溫泉蛋可以撈飯食，燒花魚味道唔錯。蓮藕免治雞肉丼大大碗飯，蓮藕免治雞肉有照燒汁既味道，撈飯食甜甜地甘。自助區可以任食沙律、蛋糕同多款飲品。最後一定要食埋甜品先走。

呢間新開嘅餐廳都幾抵食，午巿只可幫襯夠90蚊就可以免費享用佢地個飲品吧、甜品同沙律吧飲品吧有好多款飲品，由果汁到mocktail都有，唔想飲凍飲都有熱茶至於沙律吧都有多款蔬菜，全部都幾新鮮甜品就唔算多，得3款芝士餅～我叫左個六色刺身定食同單點左個三文魚刺身成個定食好豐富，有好多漬物～個刺身都新鮮，而且中意佢有6款刺身，好多選擇油甘魚幾有驚喜，其他都唔錯～不過整體比較薄切左d，厚d口厚會更好就算單點嘅三文魚刺身都係一樣比較薄

放工同朋友去坑口覓食，見到呢間似係同塚田農場同一集團，又主打日本野，一於入去醫下肚可能因為新開，時間較早，餐廳人客不多環境寬敞舒適，有空間感餐牌選擇超多，有選擇困難症都幾難揀大部分定食、小食都好吸引，每人最低消費要叫一個定食，所以我地一人揀左一個，每個都包左自助沙律同飲品吧由於唔太好沙律🥗，飲品都多選擇，有汽水、果汁、紙包飲品，我地貪方便衞生只拎了紙包飲品（雀巢檸檬茶、檸檬薏米水），感覺較健康 主食：四色刺身定食 $98有4款刺身，油甘魚同三文魚都新鮮，厚身，油脂分布平均配有麵豉湯、小菜蓮藕絲一碟、薯蓉、白飯一碗芝麻醬油火炙三文魚配鱈魚籽丼 $78火炙三文魚用火槍燒得恰到好處，好食😋同樣配有蓮藕絲同麵豉湯定食同丼以一人分量計好夠飽，我地仲食唔晒添，午餐諗唔到食咩可以黎試下～

和牛壽喜燒定食 • HKD$178個定食都相當豐富，有多款漬物、蔬菜、溫泉蛋同埋A4和牛漬物黎講幾鍾意呢個醬油漬黃豆，甜甜地咸咸地，撈飯好味至於個壽喜燒湯底，一上嗰時係好得意，好似啫喱咁，係餐廳用幼雞同走地雞嘅雞骨熬成雞湯，再雪凍做啫喱隨住熱力升高，個啫喱慢慢會就溶左做湯～比起一般嘅壽喜燒汁更香同濃郁，而甜度就冇減到到主角和牛，花紋分布好靚要注意個牛係壽喜燒用，所以比較薄，洽一洽轉微粉紅色就可以食架喇如果洽太耐會老晒、嘥左架～和牛好淋同好入味，點埋附送嘅溫泉蛋更加正蛋漿好香，而且令到塊牛更滑d蔬菜掉落個湯煮一陣之後，都吸晒d湯汁，好入味好好食不過有d奇怪係會比左d平時壽喜燒比較少見嘅菜（芥蘭、車喱茄）

東港城最近半年轉左好多新餐廳，好似呢間塚田食堂，行平價日本餐廳，lunch set 定食由$58起，就有定食+任食出面既自助飲品沙律吧😙.今日平日放假同屋企人試下好唔好食，我地叫左「燒金目鯛定食$138」同「燒雞定食$98」，定食會包括主食、白飯、麵豉湯、薯蓉、漬物。兩個定食都唔錯，特別中意個金目鯛魚，燒得岩岩好，唔會太乾身之餘魚既香味好突出；另外燒雞肉係用左鹽漬黎醃，好有日式style. .出面自助沙律飲品吧，選擇都算多，沙律有6-7種配菜，亦有幾種唔同醬汁，果汁類同冷熱飲品都有，比較推介果茶✌🏻另外蛋糕都有2款，質素不錯😙 以呢個幾十蚊價錢有自助吧覺得好正🥳 好有半定食既feel.

同一位置本來是日式火鍋餐廳但疫情下，火鍋店生意比一般食肆更差轉為同集團但走日式家庭餐廳路線才能維持下去可能之前是火鍋店，所以餐廳賣點也以惠顧$58以上餐點可以享用自助沙律，甜品飲品區為賣點飲品款式豐富，除了罐裝及盒裝飲品（在沙律吧下面的雪櫃）還有4款果汁和4-5款水果茶熱飲有4-5款茶包和咖啡甜品當日只有2款蛋糕沙律有6款材料+2款醬汁添加次數頻密，短短數十分鐘的一餐，已經進進出出3次添補各款食品，飲品。點了燒花魚定食，味噌湯，白飯都很正常但牛蒡漬物明顯偏少（可能我唔好彩或者平常客人浪費太多，想減少浪費）燒花魚比起常見的鯖魚肉質結實一點而且腥味較少，肉味比較濃奇怪的是兩邊中間的魚骨沒有除去，妨礙進食最大問題是定食中的薯仔沙律吃了一口即時覺得很奇怪的口感，比較散，是又乾又散，像消化餅，而且無薯味！連沙律醬的味道也沒有。忍不住跟侍應詢問是否出了問題得到結果是廚房忘了放沙律醬😑雖然更換了一碟加了沙律醬的薯仔沙律，但仍然是沒有薯味，所以最後放棄了。 總結：餐廳的服務和環境不俗尤其在反映意見後的態度和積極回應食物份量非常充足（定食唔夠還有沙律，甜品吧😂）食物味道一般，可以考慮之後試其他炸物菜式

日式木系風格的裝潢，很寛敞的地方，座椅舒適。跟朋友在這邊談天，吃午餐。餐牌主要是各款定食，主要是以日式烹調方式的豬牛雞及海魚。點完餐後，就可到外面的自助沙律吧及果汁茶任飲。沙律吧的菜式毫不欺場，顏色鮮豔多樣化又新鮮，車厘茄、西蘭花、粟米、連螺絲粉沙律等等都有。飲品除了熱茶外，還有可樂、各款健康的果汁，加入茶底或水果，蠻特別。6色刺身定食 一大盤刺身，共有6款，每款都有數片，很澎湃且看上去算是新鮮。定食套餐還有薯蓉、漬物、麵豉湯等。本 身是跟白飯，但想吃點較濕潤的，加錢轉了冷麵，來個蕎麥麵，味道清新。外面還供應一些小甜點，正方形的芝士餅及oreo餅。以這個價錢來說，午餐質素高，環境寧靜舒服，蠻划算的。

今日放左工之後同朋友去左坑口覓食，見到哩間嘅套餐好似唔錯，所以就入去試吓。餐廳環境寬敞，因為人流唔多嘅關係，所以坐到比較長嘅卡位，座位都幾舒適。餐牌上面嘅食物都會額外配沙律吧同埋任飲嘢飲，不過因為疫情嘅關係，所以我冇拎過任何沙律吧🥗既嘢食，大家自己選擇啦😅而嘢飲我哋每人就揀咗兩樣。🎈芝麻醬油火炙三文魚配鱈魚籽丼佢嘅火炙三文魚味道都唔錯，但未去到入口即溶，因為以前食過太多好味嘅火炙三文魚，所以呢個相對上比較普通，而鱈魚籽就比較鹹，我同朋友都麻麻哋。🎈四色刺身定食四色刺身係指三文魚、吞拿魚、鯛魚同三文魚籽，佢嘅刺身只可以話不過不失，味道係OK嘅，但係唔夠肥美。整體來講，呢度嘅嘢食味道都唔錯，但係稱不上非常好食，而且呢個價錢其實有更好嘅選擇，所以試一次就夠啦。

塚田農場在日本有不少分店，在香港除了本店，還開了美人鍋和塚田食堂，朋友之前也有跟我推薦過，加上有"日本"這個名詞的加持，就更想去吃吃。在坑口的塚田店面寬敞，和式環境裝橫，座位多，有大卡位，感覺舒適。食材有不少日本直送，定食款款吸引，也有很多組合，令有選擇困難症的我可以食到魚，又食到雞，完美的結合。用QR code 點餐，十分方便。午餐包自助沙律和飲品吧，以為麻麻地，原來沙律十分新鮮，選擇多多，除左比較大路的菜、車厘茄和粟米，還有雜菌沙律，蠻有驚喜。炸池魚定食配鹽麴燒雞($98)定食賣相不但精緻，而且份量剛好。炸池魚有三大塊，都幾厚身，炸得酥脆，魚肉嫩滑，好吃！鹽麴燒雞來自日本赤薩摩雞，味道幾特別，肉質軟嫩，好少餐廳有這個醃漬口味。南蠻炸雞定食配鹽麴燒雞($98)炸雞又係另人難以抗拒的美食，配他他醬吃，就是令人滿足，略嫌炸雞不夠熱，可能預先炸起吧。附薯仔煙肉沙律、酸蘿蔔、味噌湯和漬物。日本產白米飯粒粒分明，有嚼勁，配炸物吃好滿足。完整的定食，十分豐富。下次會再來試試別的定食。

公司在初七開市, 今天初五不用返工,  就帶小米在平日享受悠閒的午餐. 在坑口大商場裡, 這鋪位以前是火鍋店, 現在變做日式餐館了. 有新餐廳, 所以試下.  細看店門的餐牌, 價格合理. 註 : 總之比公司附近的餐廳更抵食!!  在卡位就座, 以手機SCAN QR CODE落單後, 先到自助區, 看看有什麼好東西.   8款SPECIAL DRINKS, 4款茶, 有COFFEE, 雪櫃也有8種包裝飲品.  自己喜歡無糖的飲品, 選了熱茶...  而小米就取來多杯甜甜的特飲囉!!!!    沙律有不同配料和DRESSING, 以及3款蛋糕.     橙色的沙律有驚喜, 南瓜蓉混有蕃薯粒粒, 軟綿綿易入口, 主要用蕃薯的甜為主導, 整體甜度不高.      炸池魚配南蠻炸雞定食   小米點的套餐, 炸池魚X3配炸雞,,, 炸炸炸全都是香口的食物.  偷來一件炸雞, 薄薄的炸皮鬆軟不太硬,  而肉質嫩滑多汁, 不會覺得熱氣呢!             豚汁味噌湯定食   RECOMMEND = 必食之選, 所以點這款招牌菜. 小米點的炸池魚配南蠻炸雞套餐是HKD 98, 而這豚汁味噌定食