堅信號上海生煎皇 (新達廣場)

营业中

休息中

位置方便火車站一出就到新達廣場,座位方面我就係坐卡位都幾舒適安靜秘製豬扒$72豬扒預先切件，賣相吸引,好鬆軟,味道都幾入味韮菜餃(跟餐)咬落多汁有濃郁韭菜味灌湯小籠包+$14肉質鮮嫩配搭上湯，湯汁豐富鮮美,香濃而不油膩。粒粒飽滿、皮薄餡靚不易穿，啖啖滋味。(追加小食只可選一款,建議加灌湯小籠包,真係幾好食)酸辣湯+$12材料豐富，酸度與辣味調教合適,酸辣開胃,食主菜前飲返碗增添食慾凍檸茶+$5堅信號上海生煎皇地址 :大埔南運路9號新達廣場1樓38-40號舖電話號碼:27272688營業時間:星期一至日11:00 - 21:30記得比個LIKE同分享 有咩想同我地分享就DM我地啦~#濠愛美食 #hkfood #Hkfoodblog #Food #food blog #hkfoodie  #foodie #foodiehk #852foodie #hkkol #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物  #堅信號上海生煎皇 #堅信號 #秘製豬扒 #灌湯小籠包 #酸辣湯 #韮菜餃

秘製豬排配菜飯$64 (冇加一)  ✨：6/10  突然想食菜飯 (豬排只是配角🤣)即嗌即整 要等一陣珍珠米 唔正宗不過好食😂 不過再多啲菜就好 檯面有豆瓣醬 忍唔住加咗幾羹撈飯豬排係甜甜地 似叉燒味 易咬但係唔會好軟不過平日set嘅價錢抵食好多 分數主要因為性價比而扣😢 如果有套餐 可以8分🙈遲啲要再嚟試生煎包:\ 題外話 我食嘅時候比較少人 啲職員都有同顧客傾計 問下啱唔啱食 🙈雖然唔係同我傾 我都覺得成個用餐體驗好咗🤣

堅信號初開業時，有不少人排隊候位光顧。熱潮過後，候位的人沒那麼多，這晚就和妹來晚飯。2人枱的座位不算寬闊，桌面僅僅夠放到食物。秘製豬扒擔擔麵，辣度恰好，花生醬香氣不夠香濃惹味，拉麵的麵質不會太軟身。秘製豬扒甜甜的幾惹味，口感軟稔，甚至軟稔得有點太過，沒什麼咬口。接近$70一碗擔擔麵，不太抵食。堅信號生煎包(2隻)，生煎包的底部煎得夠香脆，外層不會太油膩。生煎包內裡肉汁豐沛，惟肉餡不算特別鮮味，味道尚可。綜觀是次用餐，食物味道普通，難怪熱潮那麼快就退去。

見open rice 影既食物相幾靚就試吓。點知高級裝修 餐廳收費 快餐食物質素同服務先講食物自稱必食no. 1生煎包…個皮厚又實 一食就知係雪藏貨工場來到先煎熱個包底唔只脆…仲硬生生添再來主食既餸生蔥牛肉 肉老到一個點汁浸哂所有餸材椒鹽魚先勁炸完硬得來冇味 魚肉同椒鹽完全分開味道唯一入得口係碗麵🍜彈牙。再講坐位逼到一個點 仲要一句繁忙時間就食食下突然插版係兩張2人枱中間 我哋枱面啲野拎都拎唔切…！係咁繁忙一開始就間好2人枱 冬天著埋大褸逼到咁就唔會考慮入來同場加映服務員唔聲唔聲靜雞雞偷走你枱面碟「唔該」都講唔切佢就飄走了枱面啲野夾埋約$175蚊早知豪食大x樂邊爐仲開心一句講晒員工冇培訓 食物冇水準 試完冇下次

再去大埔嘅堅信號原來佢哋都有Join the GULU 可以透過手機程式去拎飛 排隊我去到先知唯有咁飛排隊啦🐰 喺等待嘅期間即刻下載咗手機應用程式 等下次可以搭住車排隊拎飛❤️ 見到臨近歲晚佢哋已經換咗新年嘅菜式， 但是眼見最抵食嘅 都係四川擔擔麵套餐，因為仲可以以優惠價加 招牌嘅 生煎包兩隻， 仲有前菜嘅紅油抄手， 配跟餐嘅無糖茉香綠茶， 可以降辣✨Ps 小小feedback 係餐廳係轉左自助點餐先，但桌上QRcode 我掃左好多次都read 唔到，最後要店員俾我寫紙🤔

唔好食，外婆紅燒肉跟我梁九記買的急凍包味道一樣，，除了生煎包和澹澹面外，其他唔好食，最搞笑係連最基本的紙巾都唔俾，撞正食野時無帶紙巾，生煎包的汁水噴到我手機度，狼狽到

嚟到上海舖當然要食上海菜飯啦！二話不說點個試下先“排骨菜飯”及“爆汁章魚小籠包”猜不到即點即出，已經全部喺廚房準備曬，品質一般生熟米飯，豬扒係凍嘅，爆汁章魚小籠包有驚喜好食，但凍的扣分。

這個京葱牛肉，大為失望，不但細碟，而且D牛肉似已弄了很久和放了很久，很乾，而配麵，碗麵很少，大食的人一定不夠吃。這個口水雞亦一般，有少許辣，雖然不太難吃，但亦不算好好味，所以没有驚喜!這個小籠包亦普普通通，環境因為新分店，裝修整潔雅緻，算是環境舒適，而服務尚可，因為在堂食原來是沒有外賣那款的套餐，所以以外賣形式買了肉燥雞扒套餐(送豆漿)，但就在堂食，這样店員都容許我們這样做，所以服務是ok的!總括來說，來過一次可以不用來試!

今晚諗住食上海姥姥，見之前係大埔墟開過但我未食過嘅堅信號係新達新開張。就諗住試吓，其實好耐之前都係網上面睇過食評話唔好食。但最後抱住試新野嘅心揀咗食堅信號。叫咗個椒鹽脆黃魚，菜飯，凍豆漿，涼菜雙拼，加配生煎包。先講店舖主打嘅生煎包，細細舊，包底煎到硬掘掘，包皮又薄又乾，似足餃子皮，肉餡有肉汁，不過不失嘅。椒鹽脆黃魚，有椒鹽味嘅！？仲有啲啲腥，肉細細舊，乾爭爭。菜飯真係好差，啲飯煲到好硬好乾，仲食到好硬嘅飯但又唔係飯焦，菜唔多之餘冇菜香味。涼菜雙拼，凍豆漿叫正常。佢QR code 落單，唯一respect 嘅係佢冇加一。通常好差我先會費時寫食評🥲

上次試左午餐份量還可。今次去有下午茶時間，就試下。只差十幾蚊但份量過少，相比午餐首先無左酸辣湯，第二個面份量細左，第三午餐有三件豬手，下午茶得兩件。只差十幾蚊估到會少成咁。不如直接叫午餐，因為午餐11-5pm 都有得叫。有得揀自己諗。豬手外皮算係諗有味，但佢係原隻豬手煮成再上碟前先切開上，所以內面重點的骨膠原根位全部無煮諗，無味，好有趙頭，只供有牙力的人試。叫之前諗下自己有無假牙先。生煎包質素正常，但食完無好味到想再食的感覺。咖啡係機出，無技術可言。一間分店唔得，我會記住個招牌，其他分店都唔會考慮。

今日午餐時段嚟到大埔新開嘅呢間店⋯見到有午市套餐都好吸引，平日下午都唔使等位就有得入～～我就點咗一個豬扒菜飯同埋小籠包😞嚟到嘅時候竟然發現菜飯入面有條頭髮🫠睇到都冇晒胃口😪最後店員幫我換咗一個飯講返啲食物⋯個人認為個豬扒太咸..小籠包都係不過不失入面都有肉汁嘅🫣不過下次就未必會再嚟呢間店啦因為衛生環境又唔係幾好😪有少少失望嘅。希望佢哋會再改善一下啦，改善下衛生環境。店員嘅態度都OK ！。。

剛從日本回來黃碼只可外賣，有點時間沒吃中菜所以試下這間新張(怕凍左快快食左唔記得影相)小籠包：冇俾醋真係好扣分，食落已經冇咁好味，皮厚左d生煎包：包底煎到好乾硬，有肉汁但冇鮮味，店名做主打令人失望擔擔面：第一次食冇花生味冇味擔擔面，個湯望落好濃原來係假象，湯同面係分隔，但個面都淋到死雞絲粉皮：竟然係落天使牌果隻芝麻沙律醬，唔係胡麻醬，食落好怪，酸酸哋，不倫不類，伏，食完都唔見雞絲係邊到孜然雞翼：又乾又柴，比較之下譚x好味好多，不叫也擺無法堂食才外賣，外賣容器大大小小每個要2蚊，叫唔叫自己考慮。總結冇樣係好味，中伏完畢，感謝閱讀

堅信號o係新達廣場開左分店，好多人🤣不過手機自助點餐都好方便👍🏻叫左午餐set 可以揀2隻小籠包前菜，但冇得揀生煎包，依個一定係佢ge 策略！！！就係因為出名生煎包，所以佢係成功ge, 因為我真係加左2隻🤣主菜叫左四川擔擔面走辣，雖然係花生醬湯，但唔會好膩，總之就仲食得落小籠包同生煎包各2隻，仲有餐飲凍豆漿～一路食大家都記住望住台面個溫馨提示，就係要小心熱小心咬開生煎包，如果唔係d熱辣辣的汁就會爆到周圍都係🤣Ps食堅信號都係堂食好，尤其是多人時，因為外賣逐個盒計，所以外賣要加好多錢🫠